མཚོ་སྔོན་གཅན་ཚ་ས་ཁུལ་གྱི་བོད་པའི་སློབ་གྲྭ་ཁག་གི་སློབ་ཚན་རྒྱ་ཡིག་ཐོག་གཏན་འབེབས་བྱས་རྗེས་སློབ་ཕྲུག་མང་པོས་མཐོ་རྒྱུགས་མ་འཕྲོད་པའི་དཀའ་ངལ་འཕྲད་བཞིན་ཡོད་པ་མ་ཟད། བོད་ཡིག་དགེ་རྒན་ཚོའི་ལས་ཀའི་ཐོག་ལའང་དཀའ་ངལ་འཕྲད་མགོ་ཚུགས་ཡོད་འདུག
གསར་འགོད་པས་ཉེ་ཆར་བོད་ནས་གསར་དུ་འབྱོར་བའི་གཅན་ཚ་རྫོང་མི་རིཊ་སློབ་འབྲིང་གི་སློབ་ཟུར་ཞིག་ལ། ༢༠༡༡ ལོར་རྒྱ་གཞུང་གིས་མཚོ་སྔོན་ས་ཁུལ་གྱི་སློབ་གྲྭ་ཁག་གི་སློབ་ཚན་རྣམས་རྒྱ་ཡིག་ཐོག་འཁྲིད་སྤེལ་བྱ་དགོས་པ་ཁྱབ་བསྒྲགས་བྱས་རྗེས། བོད་པའི་སློབ་ཕྲུག་མང་པོས་ཞི་བའི་ཡར་ལངས་བྱས་སྐབས་ཀྱི་གནས་ཚུལ་དང་། ད་ལྟའི་གནས་བབ་གང་འདྲ་ཡོད་མེད་ཐད་རྒྱུས་ལོན་བྱས་པ་ལྟར་ན། དེང་སྐབས་གཅན་ཚ་རྫོང་ཐོག་ཏུ་མི་རིཊ་སློབ་འབྲིང་དང་པོ་དང་གཉིས་པ། རྒྱ་ཡིག་སློབ་འབྲིང་བཅས་གསུམ་ཡོད་ཅིང་། དེའི་ཁྲོད་མི་རིཊ་སློབ་འབྲིང་ནང་སྐྱོད་མཁན་མང་ཆེ་བ་བོད་རིཊ་ཞིང་འབྲོག་གི་ཕྲུ་གུ་དང་། བ་ཡན་དང་རྫོང་ཁག་གཞན་ནས་ཡོང་བའི་བོད་པའི་ཕྲུ་གུ ས་གནས་ཁ་ཆེའི་སློབ་ཕྲུག་སོགས་ཡིན་ཞིང་། མི་རིཊ་སློབ་འབྲིང་དེ་གཉིས་ནང་སློབ་མ་ ༣༠༠༠ དང་དགེ་རྒན་ ༡༢༠ ཡས་མས་རེ་ཡོད་པ་དང་། རྒྱའི་སློབ་འབྲིང་ནང་སློབ་ཕྲུག་ ༢༥༠༠ ཡོད་པའི་ཁྲོིད་སློབ་མ་ ༥༠༠ ཙམ་རྫོང་ཐོག་གི་བོད་རིཊ་ལས་བྱེད་པའི་ཕྲུ་གུ་ཆཊ་ཡོད་འདུག རྒྱ་ཡིག་སློབ་འབྲིང་དེའི་སྦྱང་གཞི་ཚང་མ་རྒྱ་ཡིག་ཁོ་ན་ཡིན་པར་མ་ཟད། བོད་རིཊ་སློབ་མའི་སྤུས་ཚད་དང་མི་རིཊ་ལར་ཞན་ཡང་མི་རིཊ་སློབ་འབྲིང་སློབ་མ་དང་བསྡུར་ཧ་ཅང་སྐྱོ་བོ་ཡིན་འདུག
སྔོན་མ་མི་རིཊ་སློབ་འབྲིང་གཉིས་ནང་བོད་རིཊ་སློབ་ཕྲུག་གང་མང་བསྡུ་བཞིན་ཡོད་པ་དང་། ཁ་ཆེ་སློབ་ཕྲུག་ཚོར་ཡང་བོད་ཡིག་སློབ་སྦྱོང་སྤྲོད་བཞིན་ཡོད་ཀྱང་། ༢༠༠༣ ལོར་གཅན་ཚ་རྫོང་སྲིད་གཞུང་གིས་བཙན་ཤེད་ཀྱིས་སྲིད་བྱུས་གསར་པ་གཏན་འབེབས་བྱས་ཏེ། འཛིན་རིམ་ ༧ ནས་ ༩ བར་ཁྱོན་སློབ་ཚན་ ༡༢ ཡོད་པའི་ཁྲོད། རྒྱ་ཡིག་དང་དབྱིན་ཡིག རྫས་འགྱུར། དངོས་ལུགས། ས་ཁམས། ཆབ་སྲིད་སློབ་ཚན་བཅས་རྒྱ་ཡིག་ནང་ཁྲིད་དགོས་ཤིང་། འཛིན་རིམ་ ༡༠ ནས་ ༡༢ བར་སློབ་ཚན་ ༡༤ ཡོད་པའི་ཁྲོད། བོད་ཡིག་དང་དབྱིན་ཡིག་ལས་གཞན་ཚང་མ་རྒྱ་ཡིག་ཐོག་བསླབ་དགོས་པ་བཟོས་འདུག
དམའ་འབྲིང་སློབ་གྲྭའི་ནང་བོད་ཡིག་གཙོར་བཟུང་བྱས་པའི་སློབ་ཕྲུག་ཚོ་མཐོ་འབྲིང་དུ་བསླེབས་སྐབས། སློབ་ཚན་མང་ཆེ་བ་རྒྱ་ཡིག་ནང་འཁྲིད་ཀྱི་ཡོད་སྟབས་ནང་དོན་མགོ་མ་འཚོས་པ་དང་། དབྱིན་ཡིག་སློབ་ཚན་གཙོ་བོའི་གྲས་སུ་བཞག་སྟེ་མཐོ་རྒྱུཊ་ནང་སྐར་མ་ ༦༠ ལོན་དགོས་པ་བཅས་ཀྱིས། ད་ཆར་སྐད་ཡིག་གསུམ་ལ་ཚད་ལྡན་དང་། ལྷག་པར་དུ་རྒྱ་ཡིག་ཡག་པོ་ཡོད་པའི་སློབ་ཕྲུག་ཉུང་ཤས་ཤིག་མ་གཏོཊ་མཐོ་རྒྱུགས་འཕྲོད་ཀྱི་མེད་པ་དང་། འགའ་ཞིག་སློབ་གྲྭ་ཁུངས་མ་འཁྱོལ་བར་ཟི་ལིང་དང་ཆབ་ཆའི་སྒེར་གཉེར་ལག་ཤེས་སློབ་གྲྭ་དང་། བོད་སྨན་ཆེད་སྦྱོང་སློབ་གྲྭ་སོགས་སུ་སྐྱོད་བཞིན་ཡོད་འདུག
ཡང་ཁོང་གིས་གཅན་ཚའི་སློབ་གྲྭ་ཁག་ཏུ་བཟང་ཕྱོཊ་གནས་ཚུལ་ཞིག་ཡོད་པ་ནི། དེ་སྔ་ཡིན་ན་གཅན་ཚ་ས་ཁུལ་དུ་གཞི་རིམ་འཛིན་གྲྭ་དང་པོ་ནས་བཟུང་སློབ་ཕྲུག་ཚོས་གཞུང་ལ་སློབ་ཡོན་སྤྲོད་དགོས་པར་མ་ཟད། སློབ་ཡོན་དེའང་ལོ་རེ་བཞིན་འཕར་བཞིན་ཡོད་ཅིང་། དེང་སྐབས་སློབ་ཆུང་འཛིན་རིམ་དང་པོ་ནས་དགུ་བའི་བར་སོ་སོའི་ལྟོ་དོད་ཙམ་ལས་སློབ་ཡོན་སྤྲོད་མི་དགོས་པའི་ཐོག སློབ་གྲྭའི་འཛུཊ་སྐྲུན་དང་སློབ་མའི་མཁོ་ཆས་སྔོན་མ་དང་བསྡུར་ན་ཡར་རྒྱས་ཕྱིན་ཡོད་ཀྱང་། མཐོ་འབྲིང་འཛི་རིམ་དང་པོ་ནས་སློབ་མའི་སློབ་ཡོན་དང་སྐད་ཡིག་སྲིད་བྱུས་ལ་འགྱུར་བ་བཏང་སྟེ། སྐབས་རེར་སློབ་ཕྲུག་རེས་དཔེ་དེབ་དང་འབྲི་དེབ། ཁང་གླ། གློག་རིན། ཆུ་རིན། འགན་ལེན། འཕྲོད་བསྟེན་སོཊ་ཀྱི་ཆེད་སློབ་ཡོན་རྒྱ་སྒོར་ ༡༠༠༠ ཡས་མས་སྤྲོད་དགོས་ཤིང་། མཐོ་སློབ་ཏུ་སྐྱོད་སྐབས་ལོ་རེར་རྒྱ་སྒོར་ཁྲི་བརྒལ་བ་སྤྲོད་དགོས་སྟབས། འབྲེལ་བ་ཡག་པོ་ཡོད་མཁན་ཚོར་སློབ་ཡོན་བུན་གཏོང་རག་གི་ཡོད་ཀྱང་། འབྱོར་འཁོས་ཞན་པའི་རིགས་ལ་སློབ་ཡོན་དུས་ཐོག་སྤྲོད་མ་ཐུབ་པའི་དཀའ་ངལ་འཕྲད་ཀྱི་ཡོད་འདུག
མཇུག་ཏུ་ཁོང་གིས་ ༢༠༡༡ ལོར་གཅན་ཚ་མི་རིཊ་སློབ་འབྲིང་གི་སློབ་ཕྲུག་ཚོས་བོད་སྐད་ཡིག་རང་དབང་ཐོག་རྒྱ་གཞུང་ལ་ངོ་རྒོལ་བྱས་པའི་ཐད། སྐབས་དེར་གཅན་ཚ་རྫོང་སྲིད་གཞུང་དང་རིག་གནས་སྡེ་ཚན་གཉིས་ཀྱིས་སྔ་རྗེས་སུ། མི་རིཊ་སློབ་འབྲིང་གི་བོད་ཡིག་བསླབ་གཞི་ཡོངས་རྫོཊ་དང་སློབ་ཆུང་བསླབ་གཞི་རྣམས་རྒྱ་ཡིག་ཏུ་བསྒྱུར་རྒྱུ་ཡིན་པའི་ཡིག་ཆ་འགྲེམས་སྤེལ་བྱས་སྟབས། མི་རིཊ་སློབ་འབྲིང་གཉིས་པའི་སློབ་ཕྲུག་ཚོས་རྫོང་སྲིད་གཞུང་གི་སྒོ་ཁར་སྐད་ཡིག་རང་དབང་ཐོག་ངོ་རྒོལ་སྐད་འབོད་བྱས་ཡོད་ཅིང་། སྐབས་དེར་མི་རིཊ་སློབ་འབྲིང་དང་པོའི་སློབ་ཕྲུག་ཚོས་རྒྱབ་ལངས་བྱེད་སྐབས། སློབ་གྲྭའི་དགེ་རྒན་དང་ལས་བྱེད་ཚོས་སློབ་གྲྭའི་སྒོ་ཆེན་བརྒྱབ་སྟེ་ཕྱི་ལོཊ་སུ་འགྲོ་བཅུག་མེད་སྟབས་གནས་ཚུལ་ཆེན་པོ་ལྷག་མ་སོང་ཡང་། སློབ་ཕྲུག་མང་པོ་ཞིག་ངུས་ཏེ་སློབ་ཚན་རྣམས་རྒྱ་ཡིག་ཏུ་བསྒྱུར་རྒྱུ་ཡིན་ན་སློབ་གྲྭ་འགྲོ་རྒྱུ་མིན་ཞེས་སྐད་འབོད་བརྒྱབ་སོང་ཟེར།
གསར་འགོད་པས་ཁོང་རྒྱ་གར་དུ་ཡོང་དོན་གཙོ་བོ་ཅི་ཡིན་སྐོར་དྲིས་པར། “ང་རང་བོད་ནས་འཛིན་རིམ་བཅུ་གཉིས་མཐར་ཕྱིན་པ་ཡིན། རྒྱ་ཡིག་ཡག་པོ་མེད་སྟབས་མཐོ་རྒྱུཊ་ནང་ཚུད་མ་སོང་། གལ་སྲིད་མཐོ་རྒྱུཊ་ནང་ཚུད་ཀྱང་སློབ་ཆེན་མཐར་ཕྱིན་ན་ལས་ཀ་རག་གི་མ་རེད། མ་གཞི། དེང་སང་དམའ་འབྲིང་ནས་མཐོ་འབྲིང་དུ་ཡིག་རྒྱུཊ་འཕྲོད་རྒྱུ་དེ་སློབ་གྲྭ་ཆེན་མོར་ཡིག་རྒྱུཊ་འཕྲོད་རྒྱུ་ལས་ཀྱང་དཀའ་མོ་རེད། དཔེར་ན། གཅན་ཚ་མི་རིཊ་སློབ་འབྲིང་གཉིས་ཀྱི་ནང་དམའ་འབྲིང་གསུམ་པའི་འཛིན་གྲྭ་ ༡༤ ཡོད་པའི་ནང་མཐོ་འབྲིང་དང་པོར་འགྲོ་སྐབས་འཛིན་གྲྭ་ ༡༠ མ་གཏོཊ་ལེན་གྱི་མེད་སྟབས། འཛིན་གྲྭ་ལྷག་མ་ ༤ ཡི་སློབ་མ་ ༢༠༠ འགྲོ་ས་མེད་པ་ཆཊ་ཀྱི་ཡོད། ང་རང་གིས་དབྱིན་ཡིག་སྔོན་མ་ནས་ཅུང་ཙམ་ཤེས་ཀྱི་ཡོད། ད་ཐེངས་ཆེད་དུ་རྒྱ་གར་ལ་དབྱིན་ཡིག་སྦྱང་དུ་ཡོང་བ་ཡིན། དབྱིན་ཡིག་ཡག་པོ་ཞིག་སྦྱངས་རྗེས་ཕྱིར་བོད་དུ་ལོག་རྒྱུ་ཡིན ”ཞེས་བརྗོད་བྱུང་།
