ཟླ་འདིའི་ཕྱི་ཚེས་ ༡༥ ནས་དུས་ཡུན་ཟླ་གཅིག་རིང་རྒྱ་གར་ལྷོ་ཕྱོཊ་འབྲས་སྤུངས་སྒོ་མང་གྲྭ་ཚང་དུ་སློབ་ཕྲུག་ཚོར་བོད་ཀྱི་རིག་གནས་སྐོར་གྱི་ཟུར་སྦྱོང་འཛིན་གྲྭ་ཐེངས་ ༡༨ པ་ཚོགས་བཞིན་ཡོད་འདུག
ཕྱི་ལོ་ ༡༩༩༦ ལོ་ནས་བཟུང་རྒྱ་གར་ལྷོ་ཕྱོཊ་འབྲས་སྤུངས་སྒོ་མང་གྲྭ་ཚང་ནང་བའི་རིག་གཞུང་ཚོཊ་པ་དང་སློབ་གྲྭ་ཐུན་མོང་གིས་གོ་སྒྲིག་འོག ལོ་ལྟར་དབུས་བོད་སློབ་འཛིན་ཚོཊ་ཀྱི་སློབ་གྲྭའི་དབྱར་ཁའི་གུང་གསེང་དང་སྟབས་བསྟུན་ཟླ་བ་གཅིག་རིང་ས་གནས་སློབ་ཕྲུག་ཚོར་བོད་ཀྱི་བརྡ་སྤྲོད་སོགས་ཀྱི་ཟུར་སྦྱོང་འཛིན་གྲྭ་ཞིག་ཚོགས་བཞིན་ཡོད་པ་ལྟར། ཟླ་འདིའི་ཕྱི་ཚེས་ ༡༥ ཉིན་ཐེངས་ ༡༨ པའི་རིག་གཞུང་ཟུར་སྦྱོང་འཛིན་གྲྭ་མགོ་འཛུཊ་གནང་ཡོད་འདུག
ཟླ་འདིའི་ཕྱི་ཚེས་ ༡༥ ནས་ཕྱི་ཟླ་ ༦ པའི་ཚེས་ ༡༥ བར་ཚོགས་འཆར་ཡོད་པའི་ཟླ་གཅིག་རིང་གི་ཟུར་སྦྱོང་འཛིན་གྲྭ་དེར། མོན་གྷོ་གཏན་ཉིན་སློབ་གྲྭ་དང་དེའི་ཡན་ལག་ཁག་གཉིས་བཅས་ཀྱི་འཛིན་རིམ་དང་པོ་ནས་འཛིན་རིམ་དགུ་བའི་བར་གྱི་སློབ་ཕྲུག་ ༢༣༠ ལྷག་མཉམ་ཞུགས་བྱས་ཡོད་པ་དང་། དུས་ཡུན་ཟླ་གཅིག་རིང་སྒོ་མང་གྲྭ་ཚང་རང་དུ་སློབ་གཉེར་གནང་བཞིན་པའི་དགེ་བཤེས་དང་སློབ་གཉེར་བ། དངས་བླངས་དགེ་རྒན་བཅས་མི་ ༡༡ ལྷག་གིས་བོད་ཀྱི་བརྡ་སྤྲོད་སུམ་རྟགས་དག་གསུམ་དང་། རྒྱལ་རབས། ཆོས་འབྱུང་། རིག་ལམ། ནང་ཆོས་ངོ་སྤྲོད། ཡིག་གཟུགས། སྦྱོར་ཀློག རྒྱུན་སྤྱོད་ཐ་སྙད་བཅས་སློབ་ཁྲིད་བྱ་རྒྱུ་ཡིན་འདུག་ལ། རེས་གཟའ་ལྷག་པ་ནམ་ཡིན་ལ་སློབ་ཕྲུག་ཚོས་བོད་རང་གི་ཐུན་མོང་མ་ཡིན་པའི་ཕྱུ་བ་གྱོན་པ་དང་། དགེ་སློབ་ཡོངས་ཀྱི་བོད་སྐད་གཙང་མ་བཤད་རྒྱུ། ༸གོང་ས་མཆོག་སྐུ་ཚེ་བརྟན་ཆེད་ཞབས་རིམ་དུ་བདེན་ཚིག་སྨོན་ལམ་འདོན་རྒྱུ་དང་། རེས་གཟའ་ཉི་མ་ནམ་ཡིན་གྱི་ཚོགས་ཐུན་མཐའ་མར་རང་ཡུལ་དྲན་གསོ་དང་བོད་ཀྱི་རི་ཆུ་ལུང་གསུམ་ལ་བག་ཆགས་འཇོག་ཆེད། ཡུལ་ལུང་དང་འབྲེལ་བའི་ལྟད་མོ་སྟོན་རྒྱུ་བཅས་ལས་རིམ་ཁག་གོ་སྒྲིག་བྱས་ཡོད་འདུག
