རྒྱ་གཞུང་གིས་ས་བྱི་ཞི་རྒོལ་ཆེན་མོའི་སྐབས་འཛིན་བཟུང་བྱས་པའི་རྫ་དབོན་པོ་དགོན་པའི་བསྟན་བདག་བླ་མ་དང་། གཞན་དཀར་མཛེས་དགོན་པའི་གྲྭ་པ་གཉིས་བཅས་སྔ་ཕྱིར་ཀློད་གྲོལ་བཏང་ཡོད་འདུག
གྲྭ་བྱམས་པ་ཡོན་ཏན་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། རྒྱ་ནག་གཞུང་གིས་ ༢༠༠༨ ལོའི་ཟླ་ ༣ པའི་ཚེས་ ༡༥ ཉིན་རྒྱལ་ཁབ་ཀྱི་གསང་བ་ཕྱིར་བསྒྲཊ་བྱས་པའི་ཉེས་མིང་འོག ཁམས་དཀར་མཛེས་ཁུལ་སེར་ཤུལ་རྫོང་རྫ་དབོན་པོ་དགའ་ལྡན་བཤད་སྒྲུབ་དར་རྒྱས་གླིང་གི་བསྟན་བདག་ཨ་དྲིལ་བློ་བཟང་བསྟན་འཛིན་མཆོག་ལྷ་སར་འཛིན་བཟུང་བྱས་ཏེ། ལོ་གཅིག་རིང་སྟོད་ལུང་བཙོན་ཁང་དུ་བཙོན་འཇུག་བྱས་ཡོད་ཅིང་། ༢༠༠༩ ལོའི་ཟླ་ ༡༢ བའི་ཚེས་ ༡༥ ཉིན་ཁོང་གི་དངོས་སློབ་རྒྱ་རིཊ་ཁག་ཅིག་གིས་རིན་པོ་ཆེ་སྐུ་ན་བགྲེས་པོ་ཡིན་པ་དང་སྐུ་གཟུཊ་བདེ་ཐང་མིན་པའི་རེ་སྐུལ་སྙན་ཞུ་ཕུལ་ཡོད་ཀྱང་། རྒྱ་གཞུང་གིས་དེ་དག་ལ་བརྡ་ལན་ཅི་ཡང་མ་སྤྲད་པར་ ༢༠༡༢ ལོའི་ཟླ་ ༢ པའི་ནང་ཁོང་ལ་ལོ་ ༥ དུས་བཀག་བཙོན་འཇུག་གི་ཁྲིམས་ཐག་བཅད་དེ་ད་ལྟའི་བར་ལྷ་སའི་ཆུ་ཤུལ་བཙོན་ཁང་དུ་བཙོན་འཇུག་བྱས་ཡོད་པ་ལྟར། ཟླ་འདིའི་ཕྱི་ཚེས་ ༡༥ ཉིན་ཀློད་གྲོལ་བཏང་སྟེ་ཕྱིར་རང་དགོན་དུ་ཞབས་སོར་བདེ་བར་འཁོད་ཡོད་འདུག
ཨ་དྲིལ་བློ་བཟང་ཚུལ་ཁྲིམས་བསྟན་འཛིན་མཆོག་ནི། ༡༩༤༤ ལོར་ཡབ་བློ་བཟང་དངོས་གྲུབ་དང་ཡུམ་ལྷ་རྡོ་གཉིས་ཀྱི་སྲས་སུ་འཁྲུངས་བ་དང་། སྐུ་གཞོན་པའི་དུས་སུ་ལབ་རྩེ་མོ་འཇམ་དབྱངས་བློ་གྲོས་རིན་ཆེན་གྱིས་ཨ་དྲིལ་བླ་མ་སྟག་རྒྱལ་གྱི་ཡང་སྲིད་དུ་ངོས་འཛིན་བྱས་རྗེས་དབོན་པོ་དགོན་འབངས་ཡོངས་ལ་ཆོས་སྲིད་ཀྱི་མཛད་པ་རྒྱ་ཆེར་བསྐྱངས། ༡༩༥༩ ལོ་ནས་བཟུང་བླ་གྲྭ་སྤྱི་མཚུངས་ལྟར་ཁྲིམས་ཁང་དུ་བཟོད་པར་དཀའ་བའི་ནད་གཅོད་མྱངས་པ་དང་། ༡༩༩༠ ལོར་དགོན་པའི་བསྟན་བདག་སྤྱོད་སྤྲུལ་ཐུབ་བསྟན་འབྱུང་གནས་བློ་བཟང་རབ་ཡངས་དགོངས་པ་གཞན་དོན་དུ་གཤེགས་རྗེས་བསྟན་བདག་གི་ཐུགས་འགན་བཞེས་ཏེ། ༢༠༠༥ ལོར་གསར་འཛུཊ་བྱས་པའི་དབོན་པོ་དགོན་རྨང་གཞི་རིག་གནས་སློབ་གྲྭའི་འཛིན་ཁང་གི་དཀའ་ངལ་ལ་གཟིགས་ཏེ་རང་ཉིད་ཀྱི་གཟིམ་ཤག་སློབ་གྲྭར་གནང་བ་སོཊ་ས་གནས་དགོན་གྲོང་གཉིས་ལ་ཕན་པའི་ཕྱག་ལས་རབས་དང་རིམ་པ་བསྒྲུབས་ཡོད་འདུག
གཞན། རྒྱ་ནག་གཞུང་གིས་༢༠༠༨ ལོའི་ཕྱི་ཟླ ༥ པར་ཁམས་དཀར་མཛེས་ཁུལ་དུ་བོད་མི་སྐྱ་སེར་གཉིས་ཀྱིས་རྒྱ་ནག་གཞུང་ལ་ཞི་བའི་ངོ་རྒོལ་སྐབས་འཛིན་བཟུང་བྱས་པ་དང་། དཀར་མཛེས་བོད་རིགས་རང་སྐྱོང་ཁུལ་འབྲིང་རིམ་མི་མང་ཁྲིམས་ཁང་གིས་ལོ་ ༥ རེའི་དུས་བཀག་བཙོན་འཇུག་ཁྲིམས་ཐག་བཅད་པའི་དཀར་མཛེས་དགོན་པའི་གྲྭ་བློ་བཟང་བསྟན་པ་ལཊ་དང་བློ་བཟང་ཆོས་ལྡན་གཉིས། ཟླ་འདིའི་ཕྱི་ཚེས་ ༡༢ ཉིན་དུས་བཀག་བཙོན་འཇུག་གི་དུས་ཡུན་རྫོགས་ཏེ་ཀློད་གྲོལ་ཐོབ་ཡོད་འདུག
