དེ་རིང་བཞུཊ་སྒར་དུ་གཞུང་འབྲེལ་མ་ཡིན་པའི་ཚོཊ་པ་ཁག་ཅིག་གིས་རྒྱལ་སྤྱིའི་བོད་དོན་གདུང་སེམས་མཉམ་སྐྱེད་ཀྱི་ཉིན་མོ་སྲུང་གཙི་དང་། ༧པཎ་ཆེན་ཆུང་སྲིད་ཀློད་གྲོལ་ཆེད་མཚན་རྟགས་བསྡུ་རུབ་དང་སྐད་འབོད་ཁྲོམ་སྐོར་གནང་སོང་།
དེ་རིང་ཕྱི་ཚེས་ ༡༧ ཉིན་ངྷ་རམ་ས་ལར་དབུས་བུད་མེད་ལྷན་ཚོགས་ཀྱིས། རྒྱལ་སྤྱིའི་བོད་དོན་གདུང་སེམས་མཉམ་སྐྱེད་ཀྱི་ཉིན་མོ་སྲུང་གཙི་དང་འབྲེལ། ༸པཎ་ཆེན་ཆུང་སྲིད་རིན་པོ་ཆེ་མཆོག་འཕྲལ་དུ་གློད་གྲོལ་ཡོང་ཆེད་མི་མང་ལ་མཚན་རྟགས་བསྡུ་རུབ་ཀྱི་ལས་འགུལ་སྤེལ་སོང་ལ། ཉིན་གཅིག་རིང་མཚན་རྟགས་བསྡུ་བྱས་རྗེས་ཡི་གེ་དང་པོ་རྒྱ་ནག་དབུས་འཐབ་ཕྱོགས་གཅིག་གྱུར་ཁང་གི་མགོ་ཁྲིད་ཀྲུའུ་ཝེ་ཆོན་ (Zhu Wei qun) ལ་གཏོང་རྒྱུ་ཡིན་འདུག ཞུ་གཏུག་ཡི་གེ་དེར་ད་སྔ་རྒྱ་ནག་གཞུང་གིས། ༧པཎ་ཆེན་ཆུང་སྲིད་རིན་པོ་ཆེ་དང་ཁོང་གི་ནང་མི་བདེ་འཚམས་ཡིན་སྐོར་བརྗོད་ཀྱི་ཡོད་ཀྱང་།དེར་བདེན་དཔང་གང་ཡང་སྟོན་རྒྱུ་བྱུང་མེད་སྟབས།དོན་དངོས་ཐོག་ཆུང་སྲིད་རིན་པོ་ཆེ་གར་ཡོད་གསལ་བོ་བཟོ་དགོས་པ་དང་།རྒྱ་ནག་གི་རྩ་ཁྲིམས་ནང་རང་ལོ་ ༡༨ནས་རང་ཐག་རང་གཅོད་ཀྱི་ཐོབ་ཐང་ཡོད་པ་གསལ་ཡོད་པ་ལྟར། ད་ཆར་ཁོང་དགུང་གྲངས་ ༢༤སོན་ཡོད་སྟབས། ཁོང་ལ་རྒྱ་ནག་གི་རྩ་ཁྲིམས་དགོངས་དོན་འོག་རང་ཐག་རང་གཅོད་ཀྱི་ཐོབ་ཐང་སྤྲོད་དགོས་སྐོར་འཁོད་འདུག
ཞུ་གཏུག་ཡི་གེ་གཉིས་པ་དེ་འཛམ་གླིང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་སྡེ་ཚན་གྱི་བཙན་ཁྲིད་ལྟ་རྟོག་ཚོགས་ཆུང་ (Committee on Enforced Disappearances ) ལ་འབུལ་རྒྱུ་ཡིན་འདུག་ལ། དེའི་ནང་རྒྱ་ནག་གིས་ཆུང་སྲིད་རིན་པོ་ཆེ་དགུང་ལོ་ ༦ ལ་སོན་སྐབས་བཙན་འཁྲིད་ཀྱིས་གར་སོང་ཆ་མེད་གྱུར་ཡོད་པ་དང་། བོད་ཀྱི་ཆོས་ཕྱོགས་ཀྱི་དབུ་ཁྲིད་རླབས་ཆེན་ཁོང་ལྟ་བུ་ཞིག་རྒྱ་ནག་གིས་བཙན་ཁྲིད་བྱས་ཏེ་གར་སོང་ཅ་མེད་དུ་གྱུར་པའི་གནས་བབ་ལས། བོད་མི་དཀྱུས་མ་ཅི་ཙམ་ཞིག་བཙན་ཁྲིད་དང་གར་སོང་ཆ་མེད་དུ་གྱུར་དང་འགྱུར་བཞིན་པ་བཤད་མ་དགོས་པ་ཞིག་ཡིན་སྐོར། གནས་སྟངས་དེ་དག་ལ་གཞིགས་ཏེ་རྒྱ་ཚོཊ་བཙན་ཁྲིད་ལྟ་རྟོགས་ཚོགས་ཆུང་གིས་དམིཊ་བསལ་ཐུགས་འགན་བཞེས་ཏེ་ཁོང་གར་ཡོད་གསལ་ཁ་བཟོ་རྒྱུ་དང་། རྒྱལ་སྤྱིའི་ངོས་ནས་རྒྱ་ནག་ལ་གནོན་ཤུགས་སྤྲོད་དགོས་སྐོར་འཁོད་འདུག
ཐེངས་འདིའི་མཚན་རྟགས་བསྡུ་རུབ་དང་འབྲེལ་གསར་འགོད་བསྒྲཊ་གཏམ་ཞིག་སྤེལ་བའི་ནང་། བུད་མེད་ལྷན་ཚོགས་དབུས་ས་གཉིས་ཀྱིས་ཆུང་སྲིད་རིན་པོ་ཆེ་འཚོལ་ཞིབ་ཀྱི་ལས་དོན་དེ་ནམ་ཡང་བློས་གཏོང་རྒྱུ་མིན་སྐོར་དང་།ཆུང་སྲིད་རིན་པོ་ཆེ་ཕྱིར་ཁོང་གི་གདན་ས་གཙང་བཀྲ་ཤིས་ལྷུན་པོ་དགོན་པར་ཞབས་སོར་བདེ་བར་འཁོད་དགོས་པའི་འབོད་སྒྲ་ དུས་ནམ་ཡང་མཚམས་འཇོག་བྱ་རྒྱུ་མིན་སྐོར་བཀོད་འདུག
དེ་རིང་ཉིན་རྒྱབ་ཆུ་ཚོད་ ༢།༠༠ ཐོག་ངྷ་ས་ས་གནས་གཞོན་ནུ་དང་ས་གནས་བུད་མེད་ཐུན་མོང་གི་གོ་སྒྲིག་འོག མེག་གྷན་ཁྲོམ་གཞུང་དུ་རྒྱ་གཞུང་གིས་༸པཎ་ཆེན་ཆུང་སྲིད་མཆོག་ལོ་ ༡༨ རིང་བཙོན་འཇུག་བྱས་པའི་རྣམ་པ་མཚོན་ཆེད། དགེ་འདུན་པ་ ༡༨ གྱི་ལག་ཏུ་ཆུང་སྲིད་རིན་པོ་ཆེའི་སྐུ་པར་འཁྱེར་བ་དང་མི་ལྷན་འཛོམས་ཐོག རྒྱ་ནག་གཞུང་གིས་ཁོང་འཕྲལ་དུ་ཀློད་གྲོལ་གཏོང་རྒྱུ་དང་། རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་ལ་གནོན་ཤུཊ་སྤྲོད་ཆེད་སྐད་འབོད་ཁྲོམ་སྐོར་གྱི་ལས་འགུལ་ཞིག་སྤེལ་ཡོད།
གསར་འགོད་པ། བནྡེ་སྐྱབས།
ལས་མེད་ཚོགས་པ་ཚོས་ལས་ཀ་ལས་སྟངས་འདི་རེད། དང་པོར་རྒྱ་ནག་གིས་གཅིན་སྐྱག་ཅི་ལྟར་འདོར་གྱི་ཡོད་མེད་ཙམ་ཡང་ཤེས་ཐུབ་ན་ཡག་པོ་རེད་བསམས།།
ཧ་ཧ། ཀྲོའུ་ལས་འཁྱུར་ངལ་གསོ་གནང་ཟིན་པ་རེད། གལ་སྲིད་གཏོང་བསམ་ན། ལིན་ཅི་ཧྭ་ལ་གཏོང་དགོས་ཀྱི་རེད་ལ། ཁོང་འཐབ་ཕྱོགས་གཅིག་གྱུར་ཁང་གི་དཔོན་པོ་རེད། ཁོང་གི་སྲས་ཀྱི་འདས་མཆོད་དུ་བོད་ཀྱི་བུ་མོ་གཅིག་བསད་ཟིན་པ་དང་། གཞན་དེ་རྨས་སྐྱོན་འོག་ལྷག་ཡོད་པ་རེད། བུད་མེད་ཚོགས་པས་བོད་ཀྱི་བུད་མེད་ཚོའི་ཐོབ་ཐང་སྲུང་རྒྱུའང་གལ་ཆེན་མ་རེད་དམ།