ཨ་རིའི་གྲོས་ཚོགས་གོང་མའི་ཁྲིམས་ལུགས་ཚོགས་ཆུང་གིས་འབྱུང་འགྱུར་ལོ་ ༣ གྱི་ནང་ཚུད་དུ། རྒྱ་གར་དང་བལ་ཡུལ་གཉིས་ནང་གི་བོད་མི་སྐྱབས་བཅོལ་བ་ ༥༠༠༠ ཙམ་ལ་ཨ་རིའི་ནང་གཞིས་སྤོ་ཆོག་པའི་ཐོངས་མཆན་སྤྲོད་རྒྱུའི་ཐག་གཅོད་བྱུང་ཡོད་འདུག
ཨ་རིའི་གྲོས་ཚོགས་གོང་མའི་ནང་འདས་པའི་ལོ་མང་རིང་ཕྱི་ལོགས་ནས་ཁྲིམས་འགལ་ཐོག་བསླེབས་པའི་མི་མང་པོ་ཞིག་ལ་མ་འོངས་པར་ཁྲིམས་མཐུན་གྱི་ལམ་ཁ་བཟོ་ཐབས་ཐོག་གྲོས་བསྡུར་བྱེད་སྐབས། གྲོས་ཚོགས་གོང་མའི་འཐུས་མི་བོད་དོན་རྒྱབ་སྐྱོར་བ་ལྕམ་(Dianne Feinstein) ཆོག་གིས་རྒྱ་གཞུང་གི་གདུག་རྩུབ་སྲིད་བྱུས་འོག བོད་ནང་གི་བོད་མི་ཚོས་དཀའ་སྡུག་ཚད་མེད་མྱངས་དང་མྱོང་བཞིན་ཡོད་པ་མ་ཟད། ༢༠༠༩ ནས་བཟུང་ད་བར་བོད་མི་བརྒྱ་ལྷག་ཙམ་གྱིས་རང་ལུས་མེར་བསྲེགས་བཏང་བ། བལ་ཡུལ་ནང་རྒྱ་གཞུང་གིས་གནོན་ཤུགས་སྤྲད་དེ་བོད་མི་སྐྱབས་བཅོལ་བ་རྣམས་ལ་དཀའ་ངལ་ཆེན་པོ་འཕྲད་ཡོད་པ་སོགས་ངོ་སྤྲོད་གནང་བ་བརྒྱུད། བོད་མི་སྐྱབས་བཅོལ་བ་ཨ་རིར་ལེན་རྒྱུའི་ཁྲིམས་གཞིར་རྒྱབ་སྐྱོར་ཡོང་བའི་འབོད་སྐུལ་ཞུས་ཡོད་པ་དང་། སྤྱི་མཐུན་ཚོགས་པའི་འཐུས་མི་སྐུ་ཞབས་(Chuck Grassley)ཡིས་ཀྱང་ལས་གཞི་འདི་ལམ་ལྷུངས་ཡོང་རྒྱུར་རྒྱ་གཞུང་གིས་དངོས་ཤུགས་བརྒྱུད་གསུམ་ནས་གནོན་ཤུགས་ཡོང་ངེས་ཡིན་མིན་ལ་མ་ལྟོས་པར་ང་རང་གིས་ཐག་གཅོད་འདིར་རྒྱབ་སྐྱོར་བྱེད་ཀྱི་ཡོད་ཅེས་བརྗོད་འདུག
གོང་གསལ་གནད་དོན་དེ་ད་དུང་བརྒྱུད་རིམ་མང་པོ་ཞིག་བརྒྱུད་དགོས་ཀྱི་ཡོད་པ་དང་། ཨ་རིའི་གྲོས་ཚོགས་གོང་འོག་གཉིས་ནང་རྒྱབ་སྐྱོར་ཐོབ་མིན་གྲོས་གཞི་དེར་གཞི་ནས་བགྲོ་གླེང་འགྲོ་དགོས་པ་ཞིག་ཡིན་འདུག
གངས་ཀྱིས་བཤད་པ་བས་སྐྱུག་གཏམ་རེད། རྒོད་ཀྱང་མི་ལེགས། ཨོ་གླིང་རྒྱན་ཁུངས་སུ་འཛུལ་ཆོག་པ་དང། དེ དག་གི་ནང་མི་རྣམས་གཞན་ལོ་བཅོ་བརྒྱད་ཡན་ཚང་མ་མཉམ་ཞུགས་ཆོག་པ་བྱེད་དགོས། ཡིན་ན་ཡང་བཅོ་བརྒྱད་ཡན་པ་སུ་ཡིན་ཀྱང་རང་ལ་རྒྱན་བབ་ཚེ། རང ཉིད ལས ནང མི་དང། ཁོའི་ཕ་མར་རྒྱན་བབ་ཚེ་ཁོ་རང་མི་ཚུད་པ་བྱེད་དགོས་སོ།།
ང་ལ་བསམ་ཚུལ་ཞིག་ཡོད།གཞི་ཆགས་དང་གསར་འབྱོར་དབྱེ་བ་དང་རྩོད་པ་བྱེད་ཀྱི་མེད།བོད་མི་ཤ་ཁྲག་ཅིག་པ་རེད།འོན་ཀྱང།གཞི་ཆགས་རྣམས་ལ་སྡོད་ཁང་དང་ས་ཞིང་བ་ཁྱུ་སོགས་།ཡིན་ན་གསར་འབྱོར་བ་དག་ལ་གང་ཡང་མེད་།སོང་ཙམ།དཀའ་ངལ་མང་དག་ཞིག་གསར་འབྱོར་དག་ལ་འཕྲད་ཀྱི་ཡོད།རྒྱ་ཆ་བརྒྱ་ནང་ལ་རྒྱ་ཆ༧༠ཙམ་གསར་འབྱོར་ལ་གོ་སྐབས་དང་རྒྱ་ཆ༣༠ཐམ་པ་གཞི་ཆགས་ཁག་ལ་གནང་ན་འོས་བབས་མཚམས་བ་ཞིག་མི་འདུག་གམ།ཡིན་ན་སྔོན་མ་བཞིན་མི་ག་གེ་མོ་ཡི་སྐད་ཆ་ལ་གཟིགས་ནས་བཀག་སྡོམ་མ་གནང་རོགས་གནང།བོད་པ་ཕྱི་རྒྱལ་ལ་སླེབས་ན་འཚོ་བ་གང་ཅི་ཐད་བརྟན་པོ་ཆགས་འགྲོ་གི་ཡོད་སྟབས་།བོད་པའི་རང་དབང་རྩོད་ལེན་་ཐོག་ལ་ཤུགས་རྐྱེན་ཐད་ཐུབ་ཀྱི་རེད་དྲན་གྱི་འདུག
བཙན་བྱོལ་ནང་མགྲོན་ཁང་དང་ཟ་ཁང་ཡོད་མཁན་ཚོ་དཔལ་འབྱོར་གྱི་རྐང་ཚུགས་ཡོད་པས་འགྲོ་མི་དགོས། གནད་དོན་དེ་ཚོར་ནང་སྲིད་ཀྱིས་ཞིབ་འཇུག་ལེགས་པོ་གནང་དགོས། ལས་དོན་འདིས་བོད་མི་ཉམ་ཐག་ཚོ་སྐྱོབ་པ་དང་བྱེས་ཀྱི་བོད་མིའི་དཔལ་འབྱོར་དོ་མཉམ་འབྱུང་བ་ཞིག་ལ་དམིགས་པ་དང་། དེ་ཡང་མཐར་གཏུགས་ན་རྩ་དོན་ལ་གཞི་རྐང་འཛུགས་ས་ཞིག་ལ་དམིགས་པར་ཤོག
ཡང་སྲིད་སྐྱོང་གིས་འདིའང་ཁོང་གི་བྱས་རྗེས་ཡིན་གསུངས་མདོག་ཁ་པོ་རེད་ཝ། ཧཧཧ ཡིན་ནའང། ད་ཐེངས་ཁོང་གིས་ཁ་སྔོན་དུ་མ་གྲགས་པ་འདི་ཨ་རིའི་གཞུང་གི་ཐབས་མཆོག་ཅིག་བེད་སྤྱོད་བཏང་འདུག
ངས་གོ་ཚོད་བྱས་ན་འདིའང་༸གོང་ས་སྐྱབས་མགོན་ཆེན་པོས་བཀོད་མངགས་གནང་བ་ཞིག་རེད་ཟེར།། ༸གོང་ས་མཆོག་བཀའ་དྲིན་ཆེ། ཡང་ཁ་ཤས་ཀྱིས་ཉེ་ཆར་ཟམ་གདོང་རིན་པོ་ཆེ་༸གོང་ས་མཆོག་གི་སྐུ་ཚབ་ཏུ་འཛམ་གླིང་གི་ཆོས་ཚོགས་སུ་ཞུགས་སྐབས་ཡེ་ཤུའི་བླ་ཆེན་ཁག་དང་བཀའ་མོལ་བྱུང་སྟེ། བཙན་བྱོལ་བོད་མིའི་གཞི་རིམ་ཞི་བའི་སྤྱི་ཚོགས་ལ་དཔལ་འབྱོར་དང་ཤེས་ཡོན་འཕྲོད་བསྟེན་ཐོག་རོགས་རམ་གནང་ཐུབ་ན་ཅེས་པ་དེ་ཕྱིས་སུ་འདི་ལྟར་གྱུར་བ་རེད་ཅེས་བཤད་མཁན་ཡང་འདུག གང་ལྟར་ག་རེ་ཡིན་ན་མིན་ན། ཐུགས་རྗེ་ཆེ། ད་ཐེངས་ཕར་འགྲོ་མཁན་དེ་གསར་འབྱོར་བདག་མེད་ཚོའི་ཁོངས་ནས་གཏོང་ཐུབ་ན་ཡག་པོ་མེད་འགྲོ
གསར་འབྱོར་རྙིང་འབྱོར་གང་ཡིན་ཡང་ཆོག གཙོ་ཆེར་དཀའ་ང་ཡོད་རིགས་རྣམ་འགྲོ་ཐུབ་ན་ཡག་པོ་རེད་་་་་་་
གཏམ་བཟང་ཞིག་རེད།
བཀྲ་ཤིས་བདེ་ལེགས་།
བོད་མི་སྒྲིག་འཛུགས་ཀྱི་ལས་སྣེ་བ་རྣམས་ཀྱིས་དེ་ལ་རྒྱབ་སྐྱོར་དང་ཐུགས་ཁུར་གནང་རོགས།
ད་རེས་ཨ་རིར་གཞིས་ཆགས་སུ་གནས་སྤོ་བྱེད་ཕྱོགས་ལ་བསམ་གཞིགས་ནན་མོ་བྱེད་དགོས།
ཆ་རྐྱེན། ༡༽གསར་འབྱོར་ཡིན་ན། རྒྱ་གར་ལ་འབྱོར་ནས་ཉུང་མཐར་ཡང་མི་ལོ་ཉི་ཤུ་ལྷག་ལ་གཞུང་སྒེར་གང་རུང་ནས་བོད་མི་རྩ་དོན་ཐོག་ཕྱག་ལས་གནང་ནས་སྡོད་མུས་ཡིན་པ་ཅན།
༢༽གཞིས་ཆགས་ཡིན་ན་ཁྱིམ་ཚང་དེ་ནས་མི་གཅིག་ཀྱང་ཕྱི་རྒྱལ་དུ་སོང་མེད་པ་ཅན།
གོང་གསལ་ཆ་རྐྱེན་འདི་གཉིས་ལ་དགོས་པ་རྒྱུ་མཚན་ཆེན་པོ་ཡོད་པས་ལྷག་སེམས་ཅན་ཚོས་བསམ་གཞིགས་གནང་རོགས།
༄༅། འཇམ་གཅེས་ལགས། །རྟ་བོ་ལ་རྒྱུགས་ཤེད་ཡོད་ན། བྱང་ཐང་སྟོང་པ་རེད། ཨ་མའི་བུ་ལ་ཡོན་ཏན་ཡོད་ན། ཨ་སྒོར་ཀྱང་ཀྱང་རེད། སྟག་ཤར་གཞོན་པར་ལག་ཆ་ཡོད་ན། །ཨ་མོ་ཀྱང་ཀྱང་རེད། ཤེས་འབྱོན་ལག་ཆ་མེད་ན། ཉལ་ས་རྒྱ་ལམ་སྟོང་པ་རེད།
ཧ་ཧ་ཧ་ཤེལ་དཀར་བློ་བཟང་གི་དཀའ་ངལ་སེལ་ཐབས་ལ་ཡིད་བསྔགས་བྱེད་པ་སྔ་དྲགས་ཁོ་བལ་ཡུལ་རྒྱ་ཡུལ་དུ་འགྱུར་རྗེས་གཞིས་ནས་བལ་པོས་ཧ་གོ་ཐུབ་ཀྱང་ད་བོད་པ་འདི་འདྲའི་མགྱོཊ་པོ་ཨ་རིར་སླེབས་ཚེ་ཨ་ནི་བལྟ་མོ་ཉུང་ཉུང་མ་གཏོགས་མཐོང་ས་མིན་འདུག།།
ཨོ་ལེ་་་་་་ད་ཡིན་ན་ཡང་གཞི་ཆགས་ཚོའི་བསྟན་པ་དར་ནི་རེད། གསར་འབྱོར་ཚོ་ལ་ཅང་ཡོད་ནི་མ་རེད། བཀའ་ཤག་གི་བཀའ་དེ་དེ་བཞིན་བརྩི་ངེས་ཡིན།
རེད་་་་བཙན་བྱོལ་བོད་མི་ཚང་མ་ཨ་རི་ལ་རྒྱུག ཨ་རིའི་མི་སེར་བཟོས། ཨ་སྒོར་མང་ཙམ་བསག ཨ་རི་རྒྱལ་ཁབ་ལ་མིའི་ཞལ་འདེབས་ཅུ་ཟེད་རེ་ཨེ་ཕོག་བལྟས་ན་ཏག་ཏག་རེད།
ཁང་པ་དང་ས་ཞིང་སོགས་ཡོད་པའི་རྙིང་འབྱོར་བོད་མི་ཚོས་རེ་བ་རྒྱག་ཆོག་པ་ལས། བརྟེན་ས་ཁེན་མེད་པའི་གསར་འབྱོར་བོད་མི་ཚོས་རྩ་བ་ཉིད་ནས་རེ་བ་རྒྱག་མི་ཆོག དེ་བཀའ་ཡིན། དེ་བཀའ་ཤག་རྙིང་པ་ནས་བཀའ་ཤག་གསར་བར་བརྒྱུད་བའི་སྲིད་བྱུས་ཡིན།
ཨ་རིའི་གྲོས་ཚོགས་གོང་མས་དངོས་ཡོད་ཀྱི་བོད་མིའི་བདེ་སྡུག་ལ་དགོངས་པ་བཞེས་པར་བསྔགས་བརྗོད་ཡོད། དེ་བཞིན་གྲོས་ཚོགས་འོག་མས་ཀྱང་མོས་མཐུན་གནང་བའི་རེ་བ་དང་ཡིད་ཆེས་ཡོད།
གལ་སྲིད་དེ་ལྟར་ལམ་ལྷོངས་བྱུང་ན་དངོས་ཡོད་དཀའ་ངལ་འཕྲད་བཞིན་པའི་བོད་མི་ཉམ་ཐག་ཚོར་དགོངས་པ་བཞེས་དགོས་པ་ལས་སྔར་བཞིན་ཕྱུག་བདག་དང་གོ་གནས་ཡོད་མཁན་རྒྱབ་རྩ་ཡོད་མཁན་རྐྱང་རྐྱང་གཏང་ན་ཡག་པོ་མེད། །
ཨ་རི་གཞིས་ཆག་ས་ཚུགས་པར་ཤོག །
ཨ་རི་ཡུལ་དུ་སྐྱེ་བ་ཤོག །
ཨ་སྒོའི་བདག་པོར་འགྱུར་བ་ཤོག །
ཨ་མོ་དགའ་རོགས་ཐོབ་པར་ཤོག །