དེ་རིང་བོད་ཀྱི་གཞོན་ནུ་ལྷན་ཚོཊ་ཀྱི་ཚོགས་ཆེན་ཐེངས་ ༡༥ པའི་ཉིན་དང་པོར། འདི་གའི་གསར་འགོད་པས་ས་གནས་ཁག་ནས་ཕེབས་པའི་ཚོཊ་བཅར་བ་ཁག་ཅིག་ལ། ཉེ་ལམ་ཞིག་ནས་ས་གནས་གཞོན་ནུ་ཁ་ཤས་ནང་གཞོན་ནུའི་རང་བཙན་ལངས་ཕྱོགས་ལ་འགྱུར་བ་གཏོང་དགོས་མིན་གྱི་གླེང་སློང་ཞིག་ཡོང་གི་ཡོད་པའི་ཐད་བསམ་ཚུལ་དྲིས་ཡོད།
སྤིར་ས་གནས་གཞོན་ནུའི་ཚོགས་གཙོ་ཚུལ་ཁྲིམས་བློ་གྲོས་ལཊ་ཀྱིས་བརྗོད་དོན། “༧གོང་ས་མཆོག་གིས་བཀའ་སློབ་རབས་དང་རིམ་པ་ཕེབས་བཞིན་པར། སྤིར་ས་གནས་གཞོན་ལྷན་གྱི་ངོས་ནས་གུས་འདུད་ཞུ་བཞིན་ཡོད། ང་ཚོ་ས་གནས་གཞོན་ནུ་ལྟ་བུ་ཡིན་ནའང་། དབུ་མའི་ལམ་ལ་ག་དུས་ཡིན་ནའང་གུས་བརྩི་ཞུ་བཞིན་ཡོད། ཚོཊ་འདུ་འདིའི་ཐོག་ག་འདྲ་ཆཊ་རྒྱུ་ཡིན་མིན་ཞུ་ཐུབ་ཀྱི་མི་འདུག་ཀྱང་། ༧གོང་ས་མཆོག་དབུ་མའི་ལམ་ལ་ཕེབས་ཀྱི་ཡོད་སྟབས་ང་ཚོ་ཡང་མ་འོངས་པར་དབུ་མའི་ལམ་ལ་བསྐྱོད་ཐུབ་པའི་རེ་བ་ཡོད” ཅེས་བརྗོད་བྱུང་།
ཁེ་ན་ཌའི་གྲོང་ཁྱེར་ཊོ་རོན་ཊོ་ས་རྒྱུན་འབྲེལ་མཐུད་པ་སྒྲོལ་མ་མཚོ་ལཊ་ཀྱིས་བརྗོད་དོན། “ང་ཚོ་ས་རྒྱུན་དང་རྒྱུན་ལས་ཟུར་པ་ཚོ་ཚོགས་འདུ་ཚོཊ་སྐབས། ང་ཚོའི་ལྟ་བ་དེ་རང་བཙན་གཙང་མ་རང་འཇགས་གནས་དགོས་པའི་གྲོས་འཆམ་བྱུང་སོང་། རྒྱལ་ཁབ་ཅིག་གི་ནང་རང་བཙན་གཙང་མ་དང་དབུ་མའི་ལམ་བཅས་ཆབ་སྲིད་ཀྱི་ལངས་ཕྱོགས་གཉིས་དགོས་ཀྱི་ཡོད་པ་རེད། གཅིག་མ་གཏོགས་མེད་ན་དེ་ཉེན་ཁ་ཚ་བོ་རེད། ང་ཚོའི་ཁ་གཏད་དེ་ཀླ་ཀློ་ཞིག་ཡིན་སྟབས། ད་ལྟའི་བར་སུ་གང་ལའང་ཉན་འཇོག་དང་སྐྲག་གི་མེད་ལ། ཁོ་ཚོའི་དགྲ་དེ་ང་ཚོ་རང་བཙན་རྩོད་མཁན་རེད། ང་ཚོ་མེད་པ་ཆགས་ན་ཁོ་ཚོར་དེ་ལས་ལྷག་པའི་རྔན་པ་ཞིག་དགོས་ཀྱི་ཡོད་པ་མ་རེད། དེའི་ཕྱིར་བོད་རང་བཙན་ཀྱི་འཐབ་རྩོད་དེ་མུ་མཐུད་གནས་ཐུབ་ཆེད་ང་རང་འདིར་བཅར་བ་ཡིན། གལ་སྲིད་ཚོགས་ཆེན་འདིའི་ཐོག་གཞོན་ནུའི་ལངས་ཕྱོགས་དབུ་མར་བསྒྱུར་བ་ཡིན་ན། ང་ཚོ་ཊོ་རིན་ཊོ་ས་གནས་གཞོན་ནུ་སྒོ་རྒྱག་རྒྱུའི་བཀའ་མོལ་བྱུང་སོང་། གང་ཡིན་ཟེར་ན། བོད་མི་ཚང་མ་དབུ་མའི་ལམ་ཁོ་ནའི་ཐོག་ཕེབས་ན་འགྲིག་གི་ཡོད་ཚེ། ང་ཚོ་གཞོན་ནུའི་ངོས་ནས་ཟུར་དུ་དབུ་མའི་ལམ་ཟེར་ནས་ཡང་བསྐྱར་གཅིག་འཛུགས་དགོས་པའི་རྒྱུ་མཚན་མི་འདུག” ཅེས་བརྗོད་སོང་།
སྤོག་ར་ས་རྒྱུན་རྟ་མགྲིན་ཚེ་སྒྲུབ་ལཊ་ཀྱིས་བརྗོད་དོན། “ ང་ཚོས་༧གོང་ས་མཆོག་གི་བཀའ་སློབ་ཕེབས་པ་གལ་ཆེན་དོན་ཆེན་དུ་བརྩིས་ཏེ། ས་གནས་ཚོགས་མི་ཡོངས་ལ་བསམ་ཚུལ་བསྡུ་རུབ་བྱས་སྐབས། ཚོགས་མིའི་ནང་ནས་གཅིག་གཉིས་ཤིག་མ་གཏོཊ་ཚང་མས་དབུ་མའི་ལམ་ལ་རྒྱབ་སྐྱོར་གནང་གི་འདུག ང་རང་སྒེར་ངོས་ནས་ཞུས་ན། སྔོན་ཆད་ང་རང་བཙན་གཙང་མ་རྩོད་མཁན་ཞིག་ཡིན་ན་ཡང་། ༧གོང་ས་མཆོག་གིས་བཀའ་སློབ་རིམ་པ་མང་པོ་ཕེབས་ཡོང་སྐབས། འདི་ཕྱི་གཉིས་ཀྱི་སྐྱབས་གནས་༧གོང་ས་མཆོག་ལས་ལྷག་པ་ཞིག་མེད་སྟབས། ད་ལྟ་ངས་དབུ་མའི་ལམ་ལ་རྒྱབ་སྐྱོར་ཞུ་བཞིན་ཡོད་ལ། ཐེངས་འདིའི་ཚོགས་ཆེན་བརྒྱུད་༧མགོན་པོ་གང་ཉིད་ཀྱི་བཀའ་དགོངས་ཐོག་བསྐྱོད་ཐུབ་པའི་རེ་བ་དང་ཡིད་ཆེས་བྱེད་ཀྱི་ཡོད། ང་ཚོས་མུ་མཐུད་དུ་རང་བཙན་ཁོ་ན་གླེང་བསྡད་ན། བཙན་བྱོལ་དུ་ཡོད་པའི་ཚོགས་པ་ཆེ་ཤོས་བོད་ཀྱི་གཞོན་ནུ་ལྷན་ཚོགས་ལ་དོ་ཕོག་འགྲོ་བའི་ཉེན་ཁ་ཞིག་མཐོང་གི་འདུག” ཅེས་བརྗོད་སོང་།
སྒང་ཏོག་ས་རྒྱུན་ཆུང་ཆུང་ལཊ་ཀྱིས་བརྗོད་དོན། “༧གོང་ས་མཆོག་གིས་དབུ་མའི་ལམ་གྱི་ཐོག་བཀའ་སློབ་ཕེབས་ཀྱི་ཡོད་པ་རེད། མི་མང་གི་ཁྲོད་དུའང་གཞོན་ནུ་ལྷན་ཚོགས་ཀྱིས་༧མགོན་པོ་གང་ཉིད་ཀྱི་བཀའ་དགོངས་བཞིན་བསྒྲུབ་ཀྱི་མེད་པའི་གླེང་སློང་མང་པོ་ཡོང་གི་འདུག ཡིན་ནའང་། ང་ཚོས་༧མགོན་པོ་གང་ཉིད་ཀྱི་བཀའ་དང་མ་འགལ་བའི་ཐོག་ནས་ཞི་བའི་ཐབས་ལམ་ལ་བརྟེན་ནས་རང་བཙན་རྩོད་ཀྱི་ཡོད་མ་གཏོགས། གྲི་དང་རྡོ་སོགས་འཁུར་ནས་རང་བཙན་འཐབ་རྩོད་བྱེད་ཀྱི་མེད། དམངས་གཙོ་ཡིན་སྟབས་རང་བཙན་གྱི་ལམ་དུ་འགྲོ་ཆོག་གི་ཡོད་པ་རེད། བོད་གཞུང་དང་གཞུང་འབྲེལ་མ་ཡིན་པའི་ཚོགས་པ་གང་གིས་ཀྱང་ང་ཚོའི་ཆབ་སྲིད་ཀྱི་ལངས་ཕྱོགས་ལ་བསམ་བློ་ཐོངས་ཟེར་བ་ཙམ་ལས་འགྱུར་བ་གཏོང་དགོས་ལབ་ཐུབ་ཀྱི་མེད་སྟབས། ང་ཚོའི་རང་བཙན་ལངས་ཕྱོགས་ལ་འགྱུར་བ་འགྲོ་གི་མ་རེད” ཅེས་བརྗོད་སོང་།
ཨ་རི་མི་ནི་སོ་ཌཱ་ས་རྒྱུན་ཚོགས་གཙོ་བསྟན་འཛིན་འཇིགས་མེད་ལཊ་ཀྱིས་བརྗོད་དོན། ཚོགས་མི་སུ་ཞིག་ཡིན་རུང་དང་ཐོག་ནས་རང་བཙན་གྱི་ལྟ་བ་འཁུར་ནས་ཚོགས་པ་འདིའི་ནང་ཞུགས་པ་ཡིན་དུས། མ་འོངས་པར་མུ་མཐུད་དུ་རང་བཙན་ལངས་ཕྱོཊ་ཐོག་བརྟན་པོ་གནས་དགོས་པའི་བསམ་ཚུལ་བྱུང་སོང་ལ། མི་མང་དང་མཉམ་དུ་ཚོགས་འདུ་བསྡུས་སྐབས་ཀྱང་ཉུང་ཤས་ཤིག་མ་གཏོགས་མང་མོས་ཐོག་ནས་རང་བཙན་ལ་མུ་མཐུད་རྒྱབ་སྐྱོར་ཞུས་སོང་། ཡིན་ནའང་། ལས་འགུལ་སྤེལ་སྟངས་ཐོག་ལ་སྔར་ལས་གཟབ་གཟབ་དང་ཡག་པོ་གནང་དགོས་པའི་བསམ་ཚུལ་བྱུང་སོང་། མ་འོངས་པར་གཞོན་ནུའི་ལངས་ཕྱོགས་ལ་འགྱུར་བ་ཐེབས་པ་ཡིན་ན་ཡང་། ང་རང་བོད་པ་ཞིག་ཡིན་སྟབས་ཚོགས་པ་ཡོད་ན་རེད། མེད་ནའང་རེད། བོད་དོན་བདེན་མཐའ་སེལ་བར་སོ་སོའི་ངོས་ནས་གང་ཐུབ་ཐུབ་བྱེད་རྒྱུ་ཡིན” ཞེས་བརྗོད་སོང་།
སྤན་ཌ་ར་ས་རྒྱུན་ཚོགས་གཙོ་བློ་བཟང་བསྟན་པ་ལཊ་ཀྱིས་བརྗོད་དོན། “༧གོང་ས་མཆོག་གིས་རང་བཙན་ལ་དེ་ཙམ་གྱིས་དོན་འབྲས་སྨིན་གྱི་མེད་པ་དང་། དབུ་མའི་ལམ་ལ་དོན་འབྲས་གང་འཚམ་ཐོན་གྱི་ཡོད་པའི་སྐོར་ནས་བཀའ་སློབ་མང་པོ་ཕེབས་ཡོང་དུས། ང་ཚོ་གཞོན་ནུའི་ལངས་ཕྱོགས་ལ་འགྱུར་བ་འགྲོ་དང་མི་འགྲོ་གང་ཡིན་ཡང་། གཞོན་ནུའི་ལས་ཀ་བྱེད་སྟངས་ལ་འགྱུར་བ་ཞིག་ཏན་ཏན་གཏོང་དགོས་པའི་བསམ་ཚུལ་ཡོད་ལ། མི་མང་གི་ངོས་ནས་ཀྱང་རེ་བ་དེ་རང་རྒྱག་གི་འདུག ཡིན་ནའང་། ང་ཚོར་ཆབ་སྲིད་ཀྱི་ལམ་ཀ་གཉིས་དགོས་པ་རེད་དྲན་གྱི་ཡོད། ཁྱིམ་ཚང་གཅིག་ལ་ཆ་བཞག་ནའང་། པ་ལགས་ཀྱི་འཆར་གཞི་དང་ཨ་མ་ལགས་ཀྱི་འཆར་གཞི་བཅས་ཡོད་དགོས་པ་ལྟར། རྒྱལ་ཁབ་ཅིག་ལ་ངེས་པར་དུ་ཆབ་སྲིད་ཀྱི་ལངས་ཕྱོགས་མ་འདྲ་བ་དགོས་པ་རེད་ཅེས་ངས་རྒྱུན་དུ་བཤད་ཀྱི་ཡོད། འོན་ཀྱང་། མང་ཆེ་བ་ཞིག་གིས་གཞོན་ནུའི་ལངས་ཕྱོགས་བསྒྱུར་དགོས་ཀྱི་ཡོད། མ་བསྒྱུར་ན་གཞོན་ནུའི་ནང་དུ་འདུག་རྒྱུ་མིན་ཟེར་མཁན་མང་པོ་འདུག་སྟབས། ཚོགས་ཆེན་འདི་བརྒྱུད་དེ་ལངས་ཕྱོགས་ལ་འགྱུར་བ་གཏོང་མིན་གང་ཡིན་ཡང་ལས་ཀ་བྱེད་ཕྱོགས་ལ་འགྱུར་བ་ཆེན་པོ་ཞིག་གཏོང་ཐུབ་པའི་རེ་བ་བྱེད་ཀྱི་ཡོད” ཅེས་བརྗོད་སོང་།
ར་ཅི་པུར་ས་རྒྱུན་ཚོགས་གཙོ་ལཊ་ཀྱིས་བརྗོད་དོན། “ང་ཚོས་ནམ་རྒྱུན་ལམ་དབུ་མ་དང་རང་བཙན་བར་དུ་རྩོད་པ་མེད་པར་ཚང་མ་མཉམ་རུབ་ཀྱི་ཐོག་ནས་ལས་འགུལ་སྤེལ་གྱི་ཡོད་པ་རེད། གཙོ་བོ་༧རྒྱལ་བ་རིན་པོ་ཆེ་མཆོག་གི་བཀའ་བརྩིས་ཏེ་ལས་འགུལ་ཞི་བའི་ཐོག་ནས་སྤེལ་གྱི་ཡོད་པ་རེད། ལམ་དབུ་མ་དང་རང་བཙན་གང་ཡིན་རུང་འགྲོ་ས་གཅིག་པ་རེད། ས་གནས་མི་མང་གི་ཁྲོད་དུ་རང་བཙན་ལངས་ཕྱོགས་ལ་དམིགས་བསལ་གྱིས་མ་དགའ་བའི་བསམ་ཚུལ་དེ་འདྲ་ཡོང་གི་མི་འདུག་ལ། མ་འོངས་པར་གཞོན་ནུའི་ལངས་ཕྱོགས་ལ་འགྱུར་བ་གཏོང་རྒྱུ་དེ་ཕལ་ཆེར་ཁག་པོ་རེད” ཅེས་བརྗོད་སོང་།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ངའི་བསམ་ཚུལ་ཡང་བསྐྱར་སྤེལ་གྱི་ཡིན། ད་རེས་དུས་བབ་རྩོམ་སྒྲིག་པ་ལྷན་རྒྱས་ནས་མང་གཅོ་དང་རང་དབང་གི་ངོར་བལྟས་ནས་བསམ་ཚུལ་མི་འགོག་པའི་རེ་བ་ཡོད།
༡ བོད་ཀྱི་གཞོན་ནུ་ནས་དབུ་མའི་གཞོན་ནུ་ཆགས་མིན་ནི་ལངས་ཕྱོགས་ལ་འགྱུར་བ་གཏོང་མིན་ལས་གསལ་ཡོད།
༢ གཞོན་ལྷན་གྱིས་ལངས་ཕྱོགས་ལ་འགྱུར་བ་བཏང་ཉིན་ཁྱོན་ཡོངས་ནས་བྲོས་བྱོལ་བ་དག་གི་ནུས་པ་ཉམས་ཚར་ཡོད།
༣ གནས་སྟངས་འདིར་རེ་བ་རྒྱག་མཁན་དང་ལག་བསྟར་བྱེད་མཁན་ཁྲོད་རྒྱ་ནག་སྲིད་གཞུང་ལས་གཞན་སུ་ཡོད་དམ།
༤ རྒྱ་གར་མང་གཙོའི་ཡུལ་དུ་བོད་མིར་ཚོར་ད་དུང་སྨྲ་བརྗོད་རང་དབང་ཆ་ཚང་ཞིག་མེད་དོན་ཅི་ཡིན་ནམ། གནད་དོན་འདི་རྒྱ་གར་ཁྲིམས་སྟེང་ནས་ཇི་ལྟར་ཐག་གཅོད་བྱེད་དགོས་སམ།
བོད་ཀྱི་གཞོན་ནུ་ལྷན་ཚོགས་ཀྱི་ལང་ཕྱོགས་ལ་ཅིས་ཕྱིར་འགྱུར་བ་གཏོང་དགོས་སམ། བོད་ཀྱི་གཞོན་ནུ་ལྷན་ཚོགས་ཀྱིས་༸རྒྱལ་བའི་དགོངས་པ་ག་དུས་དཀྲུགས་པ་རེད། ལས་འགུལ་དང་བྱ་སྤྱོད་ཅི་ཞིག་གིས། གནའ་ནས་ད་བར་ཕྲུ་གུས་འཇའ་སྣེ་དེད་པ་བཞིན་ང་ཚོར་ནམ་ཡང་ཆབ་སྲིད་ཀྱི་ལང་ཕྱོགས་བརྟན་པོ་ཞིག་མེད་པ་འདི་འདྲ་གང་ཡིན་ནམ། ང་ཚོས་ཁ་ནས་སྲིད་ཕྱོགས་ཀྱི་སྐད་ཆ་འཆད་ཀྱང་ཡོད་ཚད་ཀྱི་མཇུག་དད་པ་དང་དམ་ཚིག་ཅིག་གིས་བསྡུ་དགོས་པ་འདི་གང་ཡིན་ནམ། ང་ཚོའི་སྤྱི་ཚོགས་ནང་གི་ཆབ་སྲིད་ཀྱི་ལྟ་སྒྲུབ་ཞིག་སྐྱོང་དགོས་ན་རྒྱལ་བའི་དམ་ཚིག་དང་བླ་ལྷའི་བཀའ་དབང་དེ་ཨང་དང་པོ་ཅིས་ཕྱིར་འཛིན་དགོས་སམ། འདི་ལྟ་བུའི་ལྟ་སྒྲུབ་དེ་ལ་ཡང་དག་པའི་མང་གཙོ་དང་ཆབ་སྲིད་ཀྱི་ལྟ་སྒྲུབ་ཟེར་རམ་ཡང་ན་ཆོས་ཉམས་ལེན་གྱི་ལྟ་སྒྲུབ་ཟེར།
ཕྱི་ལོ་ ༡༩༤༦ ཡས་མས་ནས་རྒྱ་གཞུང་གིས་ངན་སེམས་བསྐྱངས་པ་དེའི་མཇུག་འབྲས་ང་ཚོར་ཡང་དག་པའི་ཆབ་སྲིད་ཀྱི་ལྟ་སྒྲུབ་སྲ་བརྟན་ཞིག་མེད་སྟབས་མཐར་ ༡༩༥༩ ནང་བོད་ས་ཡོངས་རྫོགས་རྒྱ་འོག་ཏུ་ཤོར་བ་མ་ཡིན་ནམ། ༸རྒྱལ་བའི་དགོངས་གཞི་སྒྲུབ་རྒྱུ་ཨང་དང་པོ་དེ་བོད་མི་མི་རེའི་ངོ་ནས་བོད་དོན་འཐབ་རྩོད་བྱེད་རྒྱུ་དེ་མིན་པར་ཚོགས་པས་ཚོགས་པ་རྩ་གཏོར་གཏོང་རེས་ཀྱིས་བོད་མའི་ནང་འཁུལ་འགལ་ཟླ་བཟོ་རྒྱུ་འདི་དག་ཡིན་ནམ། གལ་སྲིད་བོད་ཀྱི་གཞོན་ནུ་ལྷན་ཚོགས་དེ་སྒོ་རྒྱག་སྟེ་ཚོགས་མི་ཡོད་ཚད་དབུ་ལམ་དུ་ཤར་སྐྱོད་བྱ་ནུས་ཚེ། དེའི་མཇུག་འབྲས་རྒྱ་ནག་གཞུང་གིས་ད་གྲོས་མོལ་བྱེད་ཀྱི་ཡིན་ད་ཟེར་སྲིད་དམ། ཀྲུང་ཧྭ་མི་མང་སྤྱི་འཐུས་རྒྱལ་ཁབ་ཟེར་བའི་མི་མང་དུང་ཕྱུར་བཅུ་གསུམ་ཙམ་གྱི་བདག་པོ་འདི་ཡང་དག་པའི་མང་གཙོའི་ལམ་ཞིག་མ་ཆགས་པའི་གོང་དུ་ང་ཚོར་དབུ་ལམ་ལ་བསྟེན་ནས་བོད་ཀྱི་དཀའ་བརྙོག་སེལ་ཐུབ་པའི་གདེངས་ཚོད་ཡོད་དམ། གལ་སྲིད་ཡོད་ན་ད་ལྟའི་དམར་པོའི་གཞུང་འཛིན་པ་ཚོའི་བསམ་བློར་འགྱུར་བ་འགྲོ་དགོས་སྟབས་དེ་ག་དུས་འགྲོ་རྒྱུ་རེད། གང་འདྲ་ཞིག་བྱ་ནས། མང་གཙོ་མ་ཡིན་པའི་རྒྱུ་རྐྱེན་གང་ཞིག་ལ་བརྟེན་ནས་འགྱུར་བ་འགྲོའམ།
ལོ་རྒྱུས་རང་བཞིན་ལྡན་པའི་བོད་རང་བཙན་གྱི་འཐབ་རྩོད་དེར་བོད་པ་ཁོ་ན་ཙམ་མིན་པར་འཛམ་གླིང་ཡུལ་གྲུ་ཀུན་ཏུ་རྒྱལ་ཁབ་གཞན་དག་གི་མི་མང་འབུམ་ཕྲག་དུ་མས་དུས་ནས་དུས་སུ་སྲང་ལམ་དུ་ཐོན་ཏེ་སོ་སོའི་རང་སྐད་ཐོག་ཏུ་བོད་རང་བཙན་ཡིན། བོད་ནང་དུ་འགྲོ་བ་མི་ཡི་ཐོབ་ཐང་དགོས་ཟེར་བ་ལས་གཞན་པའི་འབོད་ཚིག་ཞིག་མི་སྒྲོག་པ་འདི་ཅི་ཡིན་ནམ། ཁོ་ཚོས་བོད་པས་ལྟ་སྒྲུབ་གཞན་ཞིག་རྩོད་ཀྱིན་ཡོད་པ་མི་ཤེས་པ་ཡིན་ནམ། མི་མང་དེ་དག་ལ་ལོ་ངོ་ལྔ་བཅུ་དང་དྲུག་ཅུའི་རིང་གཞོན་ནུས་རྒྱུད་བསྐུལ་བྱས་པ་ཡིན་ནམ་ཡང་ན་ལོ་རྒྱུས་རང་བཞིན་ལྡན་པའི་བོད་རང་བཙན་གྱི་འཐབ་རྩོད་དེར་ཁོ་ཚོས་རང་ངོས་ནས་རྒྱབ་སྐྱོར་བྱེད་པ་ཡིན། ང་ཚོས་ནམ་ཡང་ཕྱི་ཡི་རྒྱལ་ཁབ་ཁག་ནས་རོགས་རམ་བཙལ་དང་འཚོལ་བཞིན་པ་དང་། ཁོ་ཚོས་ཀྱང་ཆས་སྲིད་དང་དཔལ་འབྱོར་གང་ཅིའི་ཐད་ནས་རོགས་རམ་སྤྲད་དང་སྤྲོད་བཞིན་པ་ཁག་ལས། ལྷག་དོན་ཆབ་སྲིད་ཀྱི་རྒྱབ་སྐྱོར་འདི་དག་དབུ་མའི་ལམ་ཁོ་ནར་བསྟེན་ནས་བྱུང་བ་ཡིན་ནམ་ཡང་ན་འཐབ་རྩོད་དེ་གཉིས་ཀའི་ཐོག་ནས་བྱུང་བ་ཞིག་རེད། ཡང་ན་ཁོ་ཚོར་བོད་དོན་ལ་འཛིན་པའི་ལྟ་སྒྲུབ་ཅི་ཡང་མེད་ཁར་ནམ་ཡང་འཐོབ་རྒྱུ་མེད་པའི་གང་ཚོད་དུ་རྒྱ་གཞུང་ལ་ངོ་རྒོལ་དང་སྐད་འབོད་བྱེད་ཀྱིན་པ་ཡིན་ནམ།
གལ་སྲིད་ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་འོག་བོད་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་ཡིག་ཆ་དང་དེའི་མཆན་འགྲེལ་སོགས་ལྟར་ན། བོད་ལ་དེ་འདྲའི་རང་སྐྱོང་དེ་རག་པ་ནས་བཟུང་བོད་མི་སྤྱི་བོ་གནམ་སྟན་ཡོངས་རྫོགས་ཀྱིས་དམར་པོའི་ལྟ་སྒྲུབ་དང་ཏང་ལ་ཡིད་ཆེས། ཏང་གླུ་ལེན་བཞིན་མེས་རྒྱལ་སྲུང་སྐྱོབ། དེ་སྔོན་རྒྱ་གཞུང་གིས་བོད་མི་ས་ཡ་གཅིག་ཙམ་བསད་པ་དང་། ད་དུང་ཡང་གསོད་དང་འཛིན་བཞིན་པ་རྣམས་ལ་ཁོངས་འགྲས་དང་ཞེ་སེམས་གང་ཡང་མེད་ཟེར་དགོས་སམ། ཡང་ན་སྐབས་དེ་དུས་ཆོལ་ཁ་གསུམ་ལ་རྒྱ་གཞུང་གིས་དམིགས་བསལ་མང་གཙོའི་ལྟ་སྒྲུབ་ཞིག་སྐྱོང་དུ་འཇུག་པར་མ་ཚད། ང་ཚོས་ཀྱང་སྐབས་དེར་གངས་ཅན་པའི་དཔའ་བོ་དཔའ་མོ་དང་མེས་པོ་ཚོར་དུས་ནས་དུས་སུ་རྗེས་དྲན་ཞུ་རུ་འཇུག་རྒྱུ་ཡིན།
དུས་རབས་ཉེར་གཅིག་པའི་མང་གཙོ་དང་རང་དབང་གི་ས་སྒང་ཆེན་པོ་འདིའི་སྟེང་དུ་གློ་བུར་དུ་མི་བུ་ས་ཡ་དྲུག་ཙམ་སོ་སོའི་ཕ་མ་དང་མེས་པོ། གཉེན་ཉེ་དང་སྤུན་གྲོགས་བསད་པའི་དགྲ་བོ་ལག་དམར་དེའི་ཚེ་གཡོག་ཏུ་འགྱུར་ཚེ། སྐབས་དེར་ང་ཚོ་དང་འདྲ་བའི་རང་དབང་དང་མང་གཙོ་ལ་དགའ་བའི་འཛམ་གླིང་སྐྱེ་བོ་ཀུན་ལ་ཚོར་བ་ཇི་འདྲ་ཞིག་སྐྱེ་སྲིད།
རང་བཙན་གྱི་ལྟ་སྒྲུབ་རྩོད་ཟེར་དུས་མཚོན་ཆ་དང་དྲག་སྤྱོད་མ་གཏོགས་གཞན་པའི་ཐབས་ལམ་ཞིག་མེད་དམ། ལོ་རྒྱུས་རང་བཞིན་ལྡན་པའི་རང་བཙན་གྱི་འཐབ་རྩོད་དེ་རྒྱལ་སྤྱིའི་ཁྲིམས་ལུགས་དང་ཁྲིམས་ཁང་། དེ་བཞིན་འགྲོ་བ་མི་ཡི་ཐོབ་ཐང་ཚོགས་སྡེ་ཁག་ལ་ཞུ་བཏུག་གིས་རྒྱལ་སྤྱིའི་ཁྲིམས་ལུགས་ལྟར་དངོས་ཟོག་དངོས་བདག་རང་ལ་ཕྱིར་དག་སྤྲོད་ཐུབ་པའི་རང་བཙན་གྱི་འཐབ་རྩོད་ཅིག་བྱ་རྒྱུ་མེད་དམ།
གང་ལྟར་རྨོངས་པ་ང་ལ་མཚོན་ན་དྲི་བ་འདི་དག་ལ་ལན་དགོས་པ་ཤ་སྟག་རེད་འདུག
༧གོང་ས་མཆོག་གིས་གཞོན་ནུ་ལྷན་ཚོགས་ཀྱི་ལངས་ཕྱོགས་ལ་འགྱུར་བ་གཏོང་དགོས་པའི་བཀའ་སློབ་གནང་མེད་་་་་གཞོན་ནུ་དང་འབྲེལ་བ་ཡོད་མེད་ཅི་རིགས་ཤིག་གིས་རང་བཙན་གྱི་ལྟ་བ་ཁ་ལ་ཁྱེར་ལ་༸གོང་ས་མཆོག་དང་ཁོང་གི་དགོངས་དོན་ལ་སྙོན་འཛུགས་དང་་་སྐྱོན་བརྗོད་་་ཟུར་ཟ་བཅས་བྱས་ཡོད་་་གནས་ཚུལ་དེ་དག་གི་ཐད་ལ་༸གོང་ས་མཆོག་གིས་གསལ་བཤད་རེ་གནང་བ་གཞིར་བཟུང་ནས་གཞོན་ལྷན་གྱི་ལངས་ཕྱོགས་ལ་འགྱུར་དགོས་ལུགས་བཤད་པ་ནི་གོ་རྟོགས་དང་རང་ཚུགས་མེད་པའི་རྟགས་རེད།
གནད་དོན་དེའི་འགན་ནི་འགན་མི་ཁུར་བའི་སྐད་ཆ་བཤད་མཁན་དག་ལ་ཡོད་ཅིང་་་གཞོན་ལྷན་གྱིས་རྗེས་འདེད་གཏོང་དགོས་པའང་དེ་དག་ཡིན་པ་ཤེས་དགོས།
ཁྱེད་ཚོས་རང་ཉིད་ཀྱི་ལས་འགན་ལེགས་པོ་མ་བསྒྲུབ་པའམ་་བསྒྲུབ་མ་ཤེས་པའི་རང་ངོས་ཀྱི་ནོར་འཁྲུལ་ལ་དག་སེལ་དང་དག་བཅོས་བྱེད་མ་ཐུབ་པར་་་ཡང་བསྐྱར་༸གོང་ས་མཆོག་ལ་ཁ་གཡར་ལག་བཤུ་བྱ་མི་འོས།
མ་གཞིན་ནས་གཞོན་ལྷན་ལ་ནང་ཁུལ་གྱི་ཁ་འཐབ་དང་་་་རང་ཁོངས་ཀྱི་མི་སྣའི་བྱ་སྤྱོད་ཙམ་ལ་ཡང་སྟངས་འཛིན་བྱེད་པའི་ནུས་པ་མེད་པ་རེད་དམ།
གསར་འགོད་པ་ཐུགས་རྗེ་ཆེ། དུས་ཐོག་ཆར་པ་ལྟ་བུའི་དྲི་བ་གནད་ཐོག་ཏུ་འཁེལ་བ་བཏང་འདུག ད་དུང་ཉི་མ་རེ་རེ་བཞིན་ཚོགས་བཅར་བ་ཚོར་བསམ་ཚུལ་ལེན་ཐུབ་པ་ཡིན་ན་ཧ་ཅང་ཡག་པོ་འདུག ཐུགས་རྗེ་ཆེ།
༧གོང་ས་མཆོག་གིས་ཞལ་གསལ་བོས་གསུངས་མིན་ལ་མ་ལྟོས་པར་ད་རེས་གཞོན་ནུའི་རང་བཙན་ལངས་ཕྱོགས་ལ་འགྱུར་བ་མ་བཏང་ཚེ་གཞོན་ནུའི་ཚོགས་མི་མང་པོ་ཞིག་ཕྱིར་འཐེན་བྱེད་ངེས་ཡིན་པ་མ་ཟད། བོད་གཞུང་དམངས་གཉིས་དང་རྦད་དེ་བར་ཐག་ཇེ་རིང་དུ་འགྲོ་སྲིད། མཐའ་ན་གཞོན་ནུའི་ལས་འགུལ་གང་ཞིག་སྤེན་ཡང་མི་མང་གིས་མཉམ་རུབ་བྱེད་ཁག་པོ་ཡིན།
ལངས་ཕྱོགས་ལ་འགྱུར་བ་གཏོང་མིན་འདི་ལ་རྩ་འཛིན་བྱ་ཐུབ་བམ།།
༡ གཞོན་ལྷན་ལ་”བོད་མདོ་དབུས་ཁམས་གསུམ་ལ་རང་བཙན་གཙང་མའི་གནས་བབ་ཅིག་ཕོ་ཟད་མོ་ལ་ཐུག་ཀྱང་རྩོད་ཀྱི་ཡིན་མིན་དང། ཐ་ན་བོད་མི་རིགས་རྩ་སྟོང་ལ་འགྲོ་དགོས་ཀྱང་གནས་བབ་དེ་ག་རང་རྩོད་ཀྱི་ཡིན་པའི་དམ་བཅའ་བརྟན་པོ་ཅི་ཞིག་ཡོད་དམ་མེད། ཡང་ན། བཙན་བྱོལ་དུ་མི་ལོ་ཆིག་སྟོང་ལྷག་གནས་དགོས་བྱུང་ཡང་གནས་བབ་དེ་རྩོད་ཀྱི་ཡིན་པའི་ཕྱི་གསལ་ནང་གསལ་གྱི་དམ་བཅའ་བརྟན་པོ་ཅི་ཞིག་ཡོད། དམ་བཅའ་དེ་འཇིག་རྟེན་ཡོངས་གྲགས་བཟོས་པ་བརྟེན་ནས་བོད་ས་ཆུང་ངུ་ཞིག་ལ་རང་བཙན་བྱུང་ཡང་འགྲིག་པའི་འདོད་ཚུལ་དང་གླེང་ཕྱོགས། དོགས་པ་རྣམས་གཏན་འགོག་བཟོ་ཐུབ་བམ།
༢ འཇམ་དབྱངས་ནོར་བུ་སོགས་མི་ཁ་ཤས་ཀྱི་སློབ་སྟོན་འོག་ཕྱིན་ནས། བོད་མི་རིགས་གནས་དགོས་པའི་སྙིང་དོན་”བོད་ཀྱི་སྐད་ཡིག་དང་རིག་གནས་མི་ཉམས་རྒྱུད་འཛིན་བྱ་རྒྱུ་འཐབ་རྩོད་ཀྱི་དཀྱིལ་སྙིང་དང་གཙོ་བོར་”མི་འཇོག་པའི་ད་ལྟའི་བྱེད་སྟངས་འདི་རིགས་ལ་འགྱུར་བ་གཏོང་རྒྱུའི་གསལ་བསྒྲགས་ཁ་གསལ་གཏིང་གསལ་ཞིག་བྱེད་འདོད་ཡོད་དམ་མེད།
༣ རང་བཙན་འཐབ་རྩོད་པའི་མགོ་ཁྲིད་རང་ངོས་ནས་དབུ་བརྩམས་ཏེ་བོད་ཀྱི་རིག་གནས་དཀྱིལ་སྙིང་ཡིན་པའི་མདོ་དབུས་ཁམས་གསུམ་སྐྱིད་མཉམ་སྡུག་མཉམ་གྱི་རང་བཙན་ཞིག་གི་ཆེད་ལུས་སྲོག་ལོངས་སྤྱོད། བཟའ་ཟླ་བུ་ཕྲུག ཁེ་ཕན་གཏམ་གྲགས་མཆིལ་མ་བཞིན་འདོར་དགོས་ཀྱང་འདོར་ཐུབ་པ་དང། འདོར་ཐུབ་མཁན་གྱི་གྲངས་འབོར་མང་དུ་གཏོང་བའི་ཚད་ལྡན་གྱི་སྒྲིག་འཛུགས་ཤིག་བསྐྲུན་རྒྱུའི་ནུས་པ་ཡོད་དམ་མེད།
༤ རྒྱལ་སྤྱི་དང། རྒྱ་ནག་གི་ད་ལྟའི་ཆབ་སྲིད་ཁྲོམ་རྭའི་ནང་གི་འབྲེལ་ལམ་ནས་རང་རེའི་གནས་བབ་ལ་དཔྱད་དེ། དབུ་མའི་ལམ་ལས་རང་བཙན་གྱི་ལམ་དུ་ཕྱིན་པ་ཡིན་ན། བོད་མི་རིགས་ཀྱི་མདུན་ལམ་ཐད་འགན་འཁུར་ཐུབ་ངེས་ཀྱི་གདེང་ཚོད་དང་སྤོབས་པ་གཉིས་ཀ་གསལ་བསྒྲགས་ཀྱི་ལམ་ནས་སྤེལ་ཐུབ་དང་མི་ཐུབ་བཅས་གནད་དོན་ཆེ་ཁག་བཞི་ལ་ལན་འདེབས་དངོས་གནས་ཤིག་རྙེད་དང་མི་རྙེད་ལ་དཔྱད་ཞིབ་བྱས་རྗེས།
གཞོན་ནུའི་སྒྲིག་འཛུགས་འདི་དང་འདིའི་ལངས་ཕྱོགས་མི་མཐུད་གནས་དགོས་དང་མི་དགོས་ཐག་གཅོད་བྱས་ན་བོད་སྤྱི་ལ་ཕན་ཐོག་ངེས་ཅན་ཞིག་ཡོང་གི་ཡོད་པར་ངས་ཇུས་གཏོགས་བྱེད་བཞིན་ཡོད།
ང་ཚོ་བོད་ཀྱི་གཞོན་ནུ་ཚོ། ད་ནས་ལྟ་བ་ལ་འགྱུར་བ་གཏོང་མ་གཏོགས། ཟམ་གདོང་བླ་མས་༧རྒྱལ་བ་རིན་པོ་ཆེ་ཡི་ལྕགས་བཙན་དེ་ཤར་བཅུག་ཡོང་ད། ཡིད་གཟབ་གྱིས།
དཔེར་ན། འཆར་གཞི་དེ་ཁོས་བཞག དེ་ཐོག་ལ་མ་འགྲོ་ན་༧རྒྱལ་བ་རིན་པོ་ཆེ་ཁྲིད་ཀྱི་འདུག་པ།
དྲྭ་གྲོགས་རྣམ་པས་དགོངས་ཚུལ་གསལ་པོ་རེ་གསུངས་བར་སྙིང་ནས་གུས་འདུད་ཞུ།
ད་ལྟའི་དུས་འདིར་བོད་དོན་བདེན་མཐའ་སེལ་མ་ཐུབ་པའི་འགག་ས་དེ་རང་བཙན་གྱི་ལྟ་གྲུབ་འཁྱེར་བའི་རྒྱུ་མཚན་གྱིས་འགག་མེད་པས། ཅིའི་ཕྱིར་རང་བཙན་གྱི་ལྟ་གྲུབ་དེ་འགྱུར་བ་གཏོང་དགོས་སོང་བ་རེད། དེ་ནི་སྐབས་དོན་བོར་བའི་ལས་ཀ་ཞིག་ལས། ད་ལྟའི་དུས་སུ་གནང་དགོས་པའི་ཕྱག་ལས་ཞིག་ལ་ནས་མ་རེད་འདོད། ལ་ནས་ས་གནས་ཁ་ཤས་ཀྱི་འཐུས་མི་དེ་དག་གིས་བཤད་ལུགས་ལྟར་བྱས་ན་ཁོ་ཚོས་ལྟ་གྲུབ་འགྱུར་བ་གཏོང་དགོས་པའི་རྒྱུ་མཚན་ནི་༧སྐྱབས་མགོན་རིན་པོ་ཆེས་ཡང་ཡང་བཀའ་གནང་བའི་རྒྱུ་མཚན་གྱིས་འགྱུར་བ་གཏོང་དགོས་ཟེར། དེ་ནི་ཆབ་སྲིད་མ་ཤེས་པའི་མིའི་སྐད་ཆ་བཤད་སྟངས་ཞིག་ལས་དོན་དངོས་ཐོག་ལངས་ཕྱོགས་དེ་དང་དེས་བོད་མི་རིགས་ལ་ཕན་དང་མི་ཕན་གྱི་སྐད་ཆ་ཞིག་རྩ་བ་ནས་རེད་མི་འདུག། དེ་འདྲ་ཡིན་དུས་གནད་དོན་འདི་འདྲའི་སྐབས་སྐབས་འཚོ་བ་དག་གིས་གོ་སྐབས་དམ་འཛིན་བྱེད་ངེས་པས། དབུ་རང་སོགས་ལངས་ཕྱོགས་གང་ཞིག་འཛིན་མཁན་གྱི་བོད་མི་ཡིན་རུང་གཟབ་གཟབ་བྱེད་དགོས་པ་དང། ལྷག་པར་ཧོབ་རྒྱུག་གཏན་ནས་བྱེད་མི་རུང་ཞེས་སྙིང་ནས་ཞུ། །
བོད་ཀྱི་གཞོན་ནུ་ལྷན་ཚོགས་དེ་སྔར་བཞིན་རང་བཙན་ལམ་ནས་སྐྱོད་དགོས་དམངས་གཙོ་རྒྱབ་ཁབ་དག་ལ་གཞུང་དང་ཁ་གཏད་ཚོགས་པ་དགོས་པ་ནང་བཞིན་ང་ཚོ་ལ་ཡང་གཞུང་དང་ཁ་གཏད་ཚོགས་པ་ལོས་དགོས། གཞུང་གིས་དབུ་ལམ་ནས་རྩོད་གཞུང་འབྲེལ་མ་ཡིན་པས་རང་བཙན་ནས་རྩོད་ན་གཅིག་གིས་གཅིག་ལ་ཕན་པ་ལས་གཅིག་གིས་གཅིག་ལ་གནོད་ཀྱི་མ་རེད་གང་ཡིན་ཟེར་ན་དམངས་གཙོ་ཚད་ལྡན་གྱི་རྒྱལ་ཁབ་དག་ལ་མ་གནོད་ན་ང་ཚོ་ལ་མི་གནོད་པ་ཨ་ཅང་ཅང་ཡིན། མ་གཞི་འཐབ་རྩོད་དང་ལས་ཀ་གང་བྱས་ནའང་རྒྱུན་འཁྱོངས་ཐུབ་དགོས་པ་དེ་གལ་ཆེ་སྙམ་ཉིན་གཅིག་དབུ་མའི་ལམ་ལ་རྒྱུགས་ཉིན་གཅིག་རང་བཙན་ལམ་ལ་སོང་ན་མཐའ་འགྲོ་ཡ་ཁ་ཙམ་རེད་སྙམ། དབུ་ལམ་དང་རང་བཙན་གཉིས་ཀས་མཐའ་ཐུག་གི་འབྲས་བུ་ནི་སུས་འགྲུབ་མེད་གནས་སྐབས་ནི་གཉིས་ཀ་ལ་རྩོད་ཡ་འདྲ་ནི་གཉིས་ཀ་ལ་ཡོད་རེད་འདོད།
ཕྲན་རང་ཉིད་ཀྱི་ངོས་ནས་བྱས་ན་རང་བཙན་ལྟ་གྲུབ་ཀྱི་ཐོག་ནས་ཐབས་ཤེས་སྣ་མང་གིས་བོད་མི་རིགས་ཀྱི་བདེན་དོན་རྩོད་ཅིང་མཐའ་མ་དུས་སྐབས་དང་བསྟུན་ནས་རྒྱ་བོད་གྲོས་མཐུན་ཐོགས་ནས་བོད་ཀྱི་དཀའ་རྙོག་བསེལ་དགོས་པ་འདོད་མཁན་ཞིག་ཡིན་པའི་ཆ་ནས། ཆབ་སྲིད་ལྟ་གྲུབ་མཐུན་མིན་བར་གོ་སྐབས་ནམ་ཡོད་ལ་ཕན་ཚུན་སྐྱོན་བརྗོད་དང་ཟུར་ཟ་མི་བྱེད་པར། ལས་འགུལ་གང་ཞིག་སྤེལ་རུང་བོད་མི་རིགས་ཀྱི་བདེན་དོན་ཡིན་པ་ཤེས་པར་བྱས་ནས་སོ་སོའི་ལྟ་གྲུབ་སོ་སོ་རེད་དེ་ཕན་ཚུན་གུས་བཀུར་དང་མཐུན་འབྲེལ་རྡོག་རྩ་གཅིག་སྒྲིལ་བྱེད་རྒྱུ་གལ་ཆེ། དེ་མིན་ཕྱོགས་གཅིག་ནས་སྐྱོན་བརྗོད་བྱས་ན་ཕྱོགས་ནས་དེ་ལ་ལན་ཞིག་ཡོང་རྒྱུ་ཡིན་པ་ཆོས་ཉིད་རེད། ཕྱོགས་གཅིག་ནས་གུས་བཀུར་དང་བརྩེ་བ་ཡོད་ན་གཞན་དེས་ཀྱང་དེ་བཞིན་ཡོང་རྒྱུ་སྨྲོས་མེད་རེད། མདོར་ན་ཕན་ཚུན་མཐོ་དམན་ཚང་མའི་མཐུན་འབྲེལ་ལ་ཁ་ཡོད་ལག་ཡོད་ཀྱི་འབད་ཐབས་གནང་གལ་ཆེ།
གཞོན་ལྷན་རང་ངོས་ནས་རང་བཙན་ལངས་ཕྱོཊ་ལ་འགྱུར་བ་ངེས་པར་དུ་གཏོང་དགོས་རེད་དོ། །
ཆེས་བཀུར་བར་འོས་པའི་དུས་བབ་གསར་ཁང་གི་ད་རེའི་གཞོན་ལྷན་ཚོགས་ཆེན་གྱི་གོ་སྐབས་དང་བསྟུན་ནས་ས་གནས་ཁག་གི་ཚོགས་གཙོ་སོགས་འབྲེལ་ཡོད་ཁག་གཅིག་ལ་དགོངས་ཚུལ་བཀའ་འདྲི་ཞུས་འདུག་པར་ཐུགས་རྗེ་ཆེ། ད་དུང་ས་གནས་གཞན་དང་གཞན་གྱི་ཚོགས་མི་དང་འབྲེལ་ཡོད་རྣམས་ལ་མུ་མཐུད་ནས་བསམ་ཚུལ་བཅར་འདྲི་གནང་ཐུབ་ཐབས་འབད་བརྩོན་གནང་རོགས།
ཡ་ཡ་ད་ངས་ཡང་རང་ཉིད་ཀྱི་བསམ་ཚུལ་ཐུང་ཐུང་ཞིག་ཞུ་རྒྱུ་ཡིན། རང་ཉིད་ཡིན་ན་སྔོན་མ་ནས་རང་བཙན་རྩོད་མཁན་ཞིག་ཡིན་ལ། ད་དུང་ཡང་དེ་ལ་འགྱུར་བ་གང་ཡང་མེད། འོན་ཀྱང་ངས་ལམ་དབུ་མ་ལ་ངོ་རྒོལ་བྱེད་གི་མེད། ང་ཚོ་ལ་འདི་གཉིས་ངེས་པར་ཅན་དུ་དགོས། འདི་གཉིས་གཅིག་ལས་གཅིག་གནད་འགག་ཆེ། ད་དུང་གཞོན་ལྷན་ཚོགས་གཙོ་གཙོས་པའི་ཚོགས་མི་ཡོངས་ལ་ཞུ་རྒྱུ་ཞིག་ཡོད་པ་ནི། ཁྱེད་རང་ཚོའི་མི་མཐུད་ནས་རང་བཙན་རྩོད་དགོས་པ་དང་། རྩོད་སྟངས་དེ་ཡང་སྔོན་མ་ལས་འགྱུར་བ་གཏོང་ན་ཡག་པོ་མེད་འགྲོ་སྙམ། རྒྱུ་མཚན་ནི། ང་ཚོའི་གཙོ་བོ་གཞན་གྱིས་དོ་སྣང་བྱེད་མཁན་ཞིག་བཟོ་དགོས་དུས། རྩོད་སྟངས་དེ་ཡང་རྣམ་པ་འགྲོ་མིན་ཀྱི་ཐོག་ནས་རྩོད་ན་ཡག་པོ་ཡོད་རྒྱུ་རེད། ང་ཚོ་བོད་ནི་སྔོན་མ་ནས་རང་བཙན་གཙང་མའི་རྒྱལ་ཁབ་ཞིག་ཡིན་སྟབས་དེ་ལ། སུས་ཀྱང་བསྒྱུར་མི་ཐུབ། དེས་ན་ང་ཚོའི་ཡབ་མེས་ཚོའི་བཞག་པའི་རང་དབང་དེ་ལ་རྩོད་ལེན་བྱེད་དགོས། ང་ཚོ་བོད་ལ་རང་བཙན་མེད་ཚེ། ནམ་ཡང་བོད་ལ་རང་དབང་དང་ཞི་བདེ་ཞིག་ཡོང་མི་ཐུབ།
ཡིན་ན་ཡང་། ང་ཚོའི་ཞི་བདེའི་ལམ་ལ་འགྲོ་རྒྱུ་གལ་ཆེ། འདི་ནི་རྒྱལ་བའི་བཀའ་དགོངས་ཡིན་ལ། དེང་དུས་ཀྱི་ལག་ཆ་ཞིག་ཀྱང་ཡིན། མ་ཚད་འདི་ནི་བདེ་སྐྱིད་ཀྱི་གཞི་མ་ཡིན། བོད་རྒྱལ་ལོ། བོད་རང་བཙན།།།།།།།།།།།།།།།།།།།།།
ད་རེས་གཞོན་ནུའི་རང་བཙན་ལ་འགྱུར་བ་འགྲོ་ཐུབ་གི་མ་རེད། དེ་སྔོན་ནས་འགྱུར་བ་འགྲོ་གཞིའི་ལམ་ཁ་གཏན་འགོག་བྱས་ཚར་ཡོད་པ་རེད་ཟེར་བ་ཞིག་གོ་སོང་། དབུས་གཞོན་ནུའི་ཐབས་བརྒྱ་ཇུས་སྟོང་གིས་ས་གནས་ཁག་ནས་དབུ་མའི་ལམ་ལ་འགྱུར་བ་གཏོང་དགོས་ཀྱི་འདུག་ཟེར་མཁན་དག་ཐེངས་འདིའི་ཚོགས་བཅར་བའི་ནང་སླེབས་མ་ཐུབ་པ་བཟོས་ཡོད་པ་རེད་ཟེར། ད་གང་ལྟར་ང་ལ་བསམ་ཚུལ་གཞན་གང་ཡང་མེད། སྐབས་བཅུ་གསུམ་བཅུ་བཞི་བའི་དབུས་རྒྱུན་ལས་དག་གི་བཤད་སྤྱོད་ཐལ་ཆ་ཅན་དེ་དག་ད་རེས་ཚོགས་ཐོག་ནས་ཐེར་འདོན་འགག་རྒྱག་ཡག་ཐག་ཆོད་བྱས་ཏེ་ཁོང་ཅག་ལ་ནོར་འཁྲུལ་ངོས་ལེན་ཐོག་༧གོང་ས་མཆོག་དང་བོད་གཞུང་། བོད་ཀྱི་གཞོན་ནུའི་ཚོགས་པ་དང་། ས་གནས་ཚོགས་མི་རྣམ་པར་དགོངས་སེལ་ཞུ་འཇུག་དགོས་པ་རེད། ལྷག་པར་དུ་ཚོགས་གཞོན་དོན་གྲུབ་ལྷ་དར་གྱི་སྒེར་སྤྱོད་དང་ཧོལ་རྒྱུག་ཐོད་རྒལ་གྱི་བཤད་སྤྱོད་དག་རེ་རེ་བཞིན་ཕྱིར་འདོན་དགོས་པ་རེད།