རེབ་གོང་གཉན་ཐོག་ཡུལ་ཚོའི་སྡེ་བ་གཉིས་ཀྱིས་དབྱར་རྩྭ་དགུན་འབུ་བསྐོ་བའི་ཐད་མ་འཆམ་པར་འཁྲུག་འཛིང་ཤོར་ཏེ་མི་གཉིས་ ༢ བསད་ཡོད་འདུག
ཟླ་འདིའི་ཚེས་ ༡༧ ཉིན་བོད་མདོ་སྨད་རྨ་ལྷོ་རེབ་གོང་རྫོང་གཉན་ཐོག་ཡུལ་ཚོའི་ཤ་སྦྲང་སྡེ་བ་དང་སྡེ་བ་དེའི་ཁྱིམ་མཚེས་བློན་ཆེན་སྡེ་བ་གཉིས་བར་དབྱར་རྩྭ་དགུན་འབུ་བརྐོ་སྐབས། མཁས་སྔོན་དང་འཁྱམ་མདོ་ཞེས་པའི་ས་ཐོག་ཏུ་ལག་འཛིང་ཤོར་ཏེ་ཕན་ཚུན་བར་རྨས་སྐྱོན་ཚབས་ཆེན་ཕོག་ཡོད་པ་དང་། ཁ་སང་ཕྱི་ཚེས་ ༣༠ ཉིན་སྡེ་བ་གཉིས་ཡང་བསྐྱར་འཁྲུག་འཛིང་བྱས་མཐར་ཤ་སྦྲང་སྡེ་མི་ཚོས་མེ་མདའ་བརྒྱབ་སྟེ། བློན་ཆེན་གྱི་རང་ལོ་ ༢༠ ཡས་མས་ཡིན་པའི་གཞོན་སྐྱེས་ཤིག་དང་། རང་ལོ་ ༤༠ ཡས་མས་ཡིན་པའི་རྒན་པ་ཞིག་བཅས་མི་གཉིས་བསད་ཡོད་པ་མ་ཟད། མི་ ༣ ལ་མེ་མདའ་ཕོག་ཏེ་རྨས་སྐྱོན་ཚབས་ཆེན་བཟོས་རྗེས་ཟི་ལིང་ལ་སྨན་ཁང་དུ་བསྐྱལ་ཡོད་འདུག
རེབ་གོང་ཤ་སྦྲང་དང་བློན་ཆེན་སྡེ་བ་གཉིས་དེ་སྔོན་ནས་ས་ཆའི་རྩོད་རྙོག་གི་དབང་གིས། ཕན་ཚུན་བར་འགལ་ཟླ་རབ་དང་རིམ་པ་ཡོང་གི་ཡོད་འདུག་ལ། ད་ལྟའི་བར་ས་གནས་ཀྱི་བླ་ཆེན་དང་གནད་ཡོད་མི་སྣས་གང་ཐུབ་ཀྱིས་བར་འདུམ་བྱས་ཡོད་ཀྱང་། ཉེ་བའི་དུས་ནས་དབྱར་རྩྭ་དགུན་འབུ་བརྐོ་སའི་ཆ་བརྩད་དེ་ཐོག་མར་བློན་ཆེན་སྡེ་བས་ཤ་སྦྲང་གི་བོད་མི་ཞིག་གི་མིག་ཡ་གཅིག་བཀོག་ཡོད་སྟབས། ཁ་སང་ཡང་བསྐྱར་འཁྲུག་འཛིང་ཤོར་ཏེ་ཤ་སྦྲང་སྡེ་བའི་མི་གཉིས་བསད་པ་དང་ཁག་ཅིག་ལ་རྨས་སྐྱོན་ཕོག་པའི་གནས་ཚུལ་བྱུང་ཡོད་པ་དང་། དེ་རིང་སྡེ་བ་གཉིས་བར་འཁྲུག་འཛིང་བྱེད་རྩིས་བྱེད་སྐབས་བར་འདུམ་པ་མང་པོ་ཡོང་སྟེ་བཀག་འགོག་བྱས་ཡོད་འདུག་པ་ལས། ད་ལྟའི་བར་རྒྱ་ནག་གཞུང་ཕྱོགས་ནས་གནས་ཚུལ་འདིའི་ཐད་དམིགས་བསལ་གྱི་བཀག་འགོག་སོགས་མ་བྱས་པར་ལྷག་ཡོད་འདུག
འདིའི་ཐད་ས་གནས་བོད་མི་ཞིག་གནས་ཚུལ་མཁོ་སྤྲོད་པར། ཐེངས་འདིའི་གནས་ཚུལ་འདི་ངོ་ཚ་དགོས་པའིས་གནས་ཚུལ་ཞིག་ཡིན་སྟབས། ༧གོང་ས་མཆོག་གི་ཕྱི་ནས་བཀའ་སློབ་དང་མཉམ་དུ་བསྒྲགས་ཐུབ་པ་ཡིན་ན། མ་འོངས་པར་འདིའི་རིཊ་མི་ཡོང་བའི་ཕན་ཐོཊ་ཆེ་སྐོར་དང་། ཁོང་གི་ཟུར་ཟའི་ཚུལ་དུ་རེབ་གོང་རིག་གནས་དང་ཤེས་ཡོན་གྱི་ཆ་ནས་མཚན་སྙན་ཡོད་ཀྱང་། ད་ལྟ་དཔའ་འཛངས་རྟུལ་ཕོད་ཀྱི་ཆ་ནས་ཀྱང་མཚན་སྙན་ལྡན་པ་ཞིག་འདུག་ཅེས་བརྗོད་འདུག
གསར་འགོད་པ། དོན་གོ
ཀརྨ་པ་ལྷ་ཐོག་ལ་སྐུ་ལྟམ་པ་དེ་རྒྱུ་མཚན་འདུག ལས་ངན་འདི་དག་དགྲོལ་བའི་ཕྱིར་དུ་ངེས།
ལོ་ཤས་གོང་ནས་བོད་ནང་གི་བོད་མི་ཚོའི་བསམ་བློ་འགྱུར་ཏེ་མཚོན་ཆ་བསྡུས་ཏེ་མེ་བསྲེག་བཏང་རབས་སོགས་གསར་ལམ་ཁག་ཏུ་འཚང་ཁ་བརྒྱབས་སོང་་་་དོན་དངོས་སུ་སྐེད་པའི་གྲི་གཡུགས་ནས་མེ་མདའ་རིང་ཐུང་གི་རྒྱན་ཆ་བཏགས་འདུག་པ་དེ་རིང་གཞི་ནས་མཐོང་སོང་བ་རེད། དཔའ་བོ་དཔའ་མོ་བརྒྱ་དང་བཅོ་བརྒྱད་ཀྱི་ཚེ་སྲོག་དང་རེ་བ་དོན་མེད་དུ་བཏང་བ་རེད་་་རྒྱ་འདྲེ་ཚང་དགའ་བྱེད་འདི་ནས་གཞན་ཡོད་པ་མ་རེད་་་་ལྟོས་དང་གྱོད་དོན་འདི་ལ་ཉེས་པ་ཆེན་པོ་བརྩི་གི་མ་རེད་་་་
ང ཚ་རྒྱ་ནག་གིས་བཤད་པ་ཇི་བཞིན་འགྲོ་དགོས་དོན་ཅི། འདི་ལ་གཉེན་ཐོག་གི་མིང་དྲེངས་ན་ག་ལ་འགྲི སྡེ་བ་སོ་སོའི་མིང་གིས་འཛིན་དགོས། མི་གསོད་མཁན་ཤ་བྲང་རེད།