རྟའུ་རྫོང་ཐོག་ཏུ་རང་ལུས་མེར་བསྲེཊ།

ཚེ་འདི་ཕྱི་གང་ལ། སྤྱི་སྒེར་སུ་ལའང་། དངོས་ཤུགས་བརྒྱུད་གསུམ་ནས་ཕན་ནུས་ངེས་ཤེས་མེད་བཞིན་ཤ་རུས་ཁྲག་རྒྱུན་གཅིག་པའི་སྤུན་སྲིང་རྣམས་ཀྱིས་རང་ལྕེབས་མཛད་པ་འདི་དེང་དུས་བལྟ་ཀློག་བྱེད་ཚེར་སྙིང་གཏིང་ནས་ཚ་ཤར་རྒྱུག་གི་འདུག འཛམ་གླིང་འདི་ཅི་འདྲའི་འོན་པ་དང་། ཅི་འདྲའི་ལོང་པ་ཡིན་པ་ཤེས་བཞིན་ད་དུང་རང་སྲེག་མུ་འཐུད་གནང་བཞིན་པ་འདི་ནི། ལྷག་བསམ་རྣམ་དག་ཡོད་པ་ཕྱིར་མངོན་ནའང་། གྲོགས་ཤེས་ཡོན་གྱིས་རྗེས་ཟིན་མེད་པར་གསལ་པོ་བསྟན་གྱི་འདུག དེར་བརྟེན་ད་ནས་བཟུང་། རང་རིགས་སྤུན་ཟླ་ཡོངས་ལ་ཞུ་རྒྱུར། ད་ནས་འདི་འདྲའི་རིགས་དེ་བཟོད་སྒོམ་གང་ཐུབ་ཀྱིས་ཅིས་ཀྱང་མི་ཡོང་པའི་ཐབས་ཤིག་གནང་ན་ལེགས་པར་མངོན། འདི་ན་ང་སྒེར་བ་རིགས་ཞེན་ལྷག་བསམ་བཅོས་མིན་ཡོད་ཁུལ་བྱེད་མཁན་ཞིག་གི་སྙིང་གཏིང་ནས་ཐོན་པའི་སྒེར་བའི་བསམ་ཚུལ་ཞིག་ཡིན་པས་དེར་ལུགས་དགོངས་དཀྱིལ་དུ་རོལ་དུ་གསོལ།

ད་ཡང་བཙན་བྱོལ་ནང་ནས་མར་མེའི་ཁྲོམ་སྐོར་ཞིག་བྱེད་ངེས་རེད་།
དེ་ནས་ཡང་འཇམ་ཐིང་ངེར་ཆུའི་ནང་ལ་རྡོ་བླུགས་པ་དང་གཅིག་པ་རེད།