གནས་ཚུལ་འབྱོར་གསལ་ལ། དེ་རིང་ཕྱི་དྲོའི་བོད་ནང་གི་ཆུ་ཚོད་ ༥།༢༠ ཙམ་ལ་དཀར་མཛེས་ཁུལ་རྟའུ་རྫོང་ཐོག་ཏུ་བཙུན་མ་ཞིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་ཡོད་འདུག གནས་ཚུལ་དེ་བྱུང་མ་ཐག་ཁོང་མོ་དར་རྩེ་མདོའི་སྨན་ཁང་ཞིག་ཏུ་འཁྱེར་ཡོད་ཀྱང་འདས་གསོན་གནས་ཚུལ་ཤེས་རྟོགས་ཐུབ་མི་འདུག དེའི་རྗེས་སུ་གནས་ཚུལ་གང་འདྲ་བྱུང་ཡོད་མེད་ད་སྔ་གསལ་ཁ་བྱུང་མེད་པ་མ་ཟད། བཙུན་མ་དེའི་མིང་དང་སྐྱེས་ཡུལ་སོགས་ཀྱང་ད་སྔ་ཤེས་རྟོགས་ཐུབ་མི་འདུག
ཉིན་འདི་འགར་ཁམས་རྟའུ་ཉ་མཚོ་དགོན་པར་སྐབས་ལྔ་པའི་མདོ་ཁམས་འཇང་དགུན་ཆོས་ཆེན་མོ་འཚོགས་བཞིན་ཡོད་པ་དང་། དེར་མདོ་དབུས་ཁམས་གསུམ་ཆོས་ལུགས་རིས་མེད་ཀྱི་དགེ་འདུན་པ་ ༣༠༠༠ ལྷག་ཕེབས་ཡོད་ཅིང་། དེ་རིང་ཉིན་གཉིས་པའི་འཇང་དགུན་ཆོས་ཐོག་གསེར་རྟ་བླ་རུང་སྒར་གྱི་མཁན་པོ་ཚུལ་ཁྲིམས་བློ་གྲོས་མཆོག་གིས་སེར་སྐྱ་མི་མང་ལ་བླང་དོར་བཀའ་སློབ་གནང་ཡོད་འདུག
བྱས་ན་བྱེད་རྒྱུ་མེད་པ་མ་རེད།
བཙན་བྱོལ་བ་དཔལ་འབྱོར་གྱི་རྗེས་སུ་སོང་ནས་གཞན་ལ་སྣང་མེད་དུ་གཏོང་གི་འདུག
ཚེ་འདི་ཕྱི་གང་ལ། སྤྱི་སྒེར་སུ་ལའང་། དངོས་ཤུགས་བརྒྱུད་གསུམ་ནས་ཕན་ནུས་ངེས་ཤེས་མེད་བཞིན་ཤ་རུས་ཁྲག་རྒྱུན་གཅིག་པའི་སྤུན་སྲིང་རྣམས་ཀྱིས་རང་ལྕེབས་མཛད་པ་འདི་དེང་དུས་བལྟ་ཀློག་བྱེད་ཚེར་སྙིང་གཏིང་ནས་ཚ་ཤར་རྒྱུག་གི་འདུག འཛམ་གླིང་འདི་ཅི་འདྲའི་འོན་པ་དང་། ཅི་འདྲའི་ལོང་པ་ཡིན་པ་ཤེས་བཞིན་ད་དུང་རང་སྲེག་མུ་འཐུད་གནང་བཞིན་པ་འདི་ནི། ལྷག་བསམ་རྣམ་དག་ཡོད་པ་ཕྱིར་མངོན་ནའང་། གྲོགས་ཤེས་ཡོན་གྱིས་རྗེས་ཟིན་མེད་པར་གསལ་པོ་བསྟན་གྱི་འདུག དེར་བརྟེན་ད་ནས་བཟུང་། རང་རིགས་སྤུན་ཟླ་ཡོངས་ལ་ཞུ་རྒྱུར། ད་ནས་འདི་འདྲའི་རིགས་དེ་བཟོད་སྒོམ་གང་ཐུབ་ཀྱིས་ཅིས་ཀྱང་མི་ཡོང་པའི་ཐབས་ཤིག་གནང་ན་ལེགས་པར་མངོན། འདི་ན་ང་སྒེར་བ་རིགས་ཞེན་ལྷག་བསམ་བཅོས་མིན་ཡོད་ཁུལ་བྱེད་མཁན་ཞིག་གི་སྙིང་གཏིང་ནས་ཐོན་པའི་སྒེར་བའི་བསམ་ཚུལ་ཞིག་ཡིན་པས་དེར་ལུགས་དགོངས་དཀྱིལ་དུ་རོལ་དུ་གསོལ།
༄༅། །སྟག་ཚང་རིག་རྒོད་ནས་གསུངས་པ་འདྲ་བོ་འདུག ད་གང་དྲག བཙན་བྱོལ་བ་ལཡང་ཐུགས་ཁག་ཞེ་དྲག་མིན་འདུག སྤྱིར་བོད་སྐད་ཀྱི་ཚིག་ནང་བྲོས་ཞེ་ན། ཁ་ལྟད་མ་བཅག་པར་བྲོས་རྒྱུ་དང་བྲོས་མཁན་མང་ཆེ་བ་ནི་དཔའ་དང་བློ་ཁོག་མེད་མཁན་དང་རྩ་འདར་བ་ཡིན་ཀྱང་། ཡང་འགའ་ཤས་སྤྱང་གྲུང་དོད་པོ་ཚོ་བྲོས་མཁན་སོང་ཙང་བཙན་བྱོལ་བ་ལ་ཡང་ཐུགས་ཁག་མིན་འདུག་ཅེས་ཞུ་འདོད་བྱུང་། ཨ་ཏ་སྐུ་རྩེ་ཞུས་དགོང་པ་མ་རྒླ།
ད་ཡང་བཙན་བྱོལ་ནང་ནས་མར་མེའི་ཁྲོམ་སྐོར་ཞིག་བྱེད་ངེས་རེད་།
དེ་ནས་ཡང་འཇམ་ཐིང་ངེར་ཆུའི་ནང་ལ་རྡོ་བླུགས་པ་དང་གཅིག་པ་རེད།