གཟའ་ཕུར་བའི་ཉིན་བོད་མདོ་སྨད་ཀན་ལྷོ་ཁུལ་ཀླུ་ཆུ་རྫོང་དུ་སློབ་གྲྭའི་དགེ་སློབ་དང་མི་མང་གིས་ཁོར་ཡུག་གཙང་བཟོའི་བྱ་འགུལ་ཞིག་སྤེལ་ཡོད་འདུག
ཟླ་འདིའི་ཕྱི་ཚེས་ ༢༧ ཉིན་བོད་མདོ་སྨད་ཀན་ལྷོ་ཁུལ་ཀླུ་ཆུ་རྫོང་དུ་མང་ཚོགས་རིག་གནས་སྒྱུ་རྩལ་དུས་ཆེན་སྐོང་ཚོགས་བྱས་ཏེ། འབྲོག་པའི་རྩྭ་ཐང་དུ་གད་སྙིགས་གང་བྱུང་གཡུག་ནས་འབག་བཙོག་བཟོས་ཡོད་སྟབས། ཀླུ་ཆུ་རྫོང་མཚོ་ཉིན་ལྟེ་བའི་སློབ་ཆུང་གི་དགེ་སློབ་ཡོངས་ཀྱིས་སྣེ་ཁྲིད་པ་དང་ ༼ཁོར་ཡུག་སྲུང་སྐྱོབ་དང་ཕ་སར་བདག་སྐྱོང་བྱོས༽ ཞེས་པའི་འཕྲེད་དར་ཁྱེར་ཏེ། ཤེལ་དམ་དང་འགྱིག་དམ། ཤོག་སྒམ། འགྱིག་ཤོག་རིགས་སོགས་བཏུས་ནས་ཁོར་ཡུག་གཙང་བཟོ་བྱས་ཡོད་འདུག
སྐབས་དེར་མང་ཚོགས་ལ་ཁོར་ཡུག་སྲུང་སྐྱོབ་ཀྱི་ཤེས་བྱ་བརྒྱུད་བསྒྲགས་བྱས་པའི་ནང་། ཁོར་ཡུག་སྲུང་སྐྱོབ་ནི་མི་རེ་རེར་འགན་འཁུར་ཡོད་པའི་ལས་འགན་གལ་ཆེན་ཞིག་ཡིན་པ་དང་། ལྷག་པར་དུ་རང་གི་ཕ་ས་ལ་ཤ་ཚ་བ་དང་བདག་པོ་རྒྱག་རྒྱུ་ནི་ཧ་ཅང་གལ་ཆེ་བའི་གནད་དོན་ཞིག་ཡིན་ལ། མཛེས་སྡུག་གི་ཕ་ས་ནི་ཕ་མེས་ཡང་མེས་དག་གིས་རིན་ཆེན་ཚེ་སྲོག་ལ་བརྗེས་བའི་ཤུལ་བཞག་གི་རྒྱུ་ནོར་ཡིན་པས། ཕ་ས་སྨུག་པོ་འདིའི་ཕྱི་ནང་གི་ཚེ་སྲོག་ལ་ཚང་མས་སྲུང་སྐྱོབ་བྱ་དགོས་ལུགས་སོགས་བཀོད་ཡོད་འདུག
ཀླུ་ཆུར་ཁོར་ཡུག་གཙང་བཟོ་ཞེས། །
རེས་གཟའ་ཕུར་བའི་ཉིན་མོ་ཡི། །
བོད་ཡུལ་མདོ་སྨད་ཀན་ལྷོ་ཁུལ། །
ཀླུ་ཆུ་རྫོང་གི་དགེ་སློབ་མི་མང་གིས། །
ཁོར་ཡུག་སྲུང་སྐྱོབ་ཕ་ས་ལ། །
བདག་སྐྱོང་བྱོས་ཞེས་ལས་འགུལ་བརྩམས། །
ད་ནི་བོད་རིགས་རེ་བ་རེམས་ལ་དགའ། །