འབར་གས་ཀྱིས་མི་ ༤༤ རྨས།

རྒྱ་ནག་ཀང་ཤའི་ཀུའུ་ལིན་གྲོང་ཁྱེར་ལིན་ཁྲན་རྫོང་གི་སློབ་གྲྭ་ཞིག་གི་སྒོ་འགྲམ་དུ་འབར་གས་དོན་རྐྱེན་བྱུང་སྟེ་མི་ ༢ རྐྱེན་འདས་དང་མི་ ༤༤ ལ་རྨས་སྐྱོན་ཕོག་ཡོད་འདུག

ཁ་སང་ཞོགས་པའི་རྒྱ་ནག་གི་ཆུ་ཚོད་ ༧ དང་སྐར་མ་ ༡༠ ཙམ་ལ། རྒྱ་ནག་ལྷོ་ཕྱོགས་ཀང་ཤའི་རང་སྐྱོང་ཁུལ་ཀུའུ་ལིན་གྲོང་ཁྱེར་ལིན་ཁྲན་རྫོང་པཱ་ལི་སྲང་ལམ་གྱི་སློབ་གྲྭའི་སྒོ་ཆེན་འགྲམ་དུ། རྐང་གསུམ་འཁོར་ལོ་ཞིོག་ལ་འབར་གས་དོན་རྐྱེན་བྱུང་སྟེ། ཉེ་འགྲམ་གྱི་ཟ་ཁང་དང་ཚོང་ཁང་གི་སྒེའུ་ཁུང་། སྦག་སྦག་སོགས་ལ་འབར་གས་གནོད་སྐྱོན་བཟོས་ཡོད་པ་མ་ཟད། ཉུང་མཐར་མི་ ༢ རྐྱེན་འདས་དང་སློབ་མ་ ༢༢ ཚུད་པའི་མི་ ༤༤ ལ་རྨས་སྐྱོན་ཕོག་སྟེ་སྨན་ཁང་དུ་བསྐྱལ་ཡོད་ཅིང་། ད་ལྟའི་ཆར་ཉེན་རྟོག་པས་ཡུལ་དངོས་སུ་བཀག་སྡོམ་ནན་མོ་བྱས་ཏེ། དོན་རྐྱེན་དེར་ཞིབ་བཤེར་བྱེད་བཞིན་ཡོད་འདུག

ཡུལ་དངོས་ཀྱི་འགྲུལ་བ་ཞིག་གིས། དོན་རྐྱེན་དེ་རང་ཤི་བརྒྱབ་པ་ལས་བྱུང་བའི་འགད་རྫས་གས་གཏོར་གྱི་དོན་རྐྱེན་ཞིག་ཡིན་པ་གསལ་བོ་ཤེས་ཐུབ་ལ། གས་གཏོར་སྨི་ ༤༠ ནས་ ༥༠ ཙམ་ལ་ཁྱབ་ཡོད་སྟབས་མི་དང་རྒྱུ་དངོས་ལ་གནོད་སྐྱོན་ཆེན་པོ་ཐེབས་ཡོད་པ་མ་ཟད། ཡུལ་དངོས་ནས་མི་ ༣ རྐྱེན་འདས་སུ་གྱུར་བ་དང་། སློབ་མ་མང་པོར་རྨས་སྐྱོན་ཕོག་འདུག ཡིན་ནའང་དོན་རྐྱེན་བྱུང་མ་ཐག་ཉེན་རྟོག་པས་དམ་དྲག་ཆེན་པོ་བྱེད་ཀྱིན་ཡོད་སྟབས་མི་ཤི་བའི་གྲངས་འབོར་གསལ་བོ་ཤེས་ཀྱི་མི་འདུག”ཅེས་བརྗོད་འདུག  

སློབ་གྲྭ་དེ་ལིན་ཁྲན་རྫོང་སློབ་གསོ་ཁང་གིས་ཐད་ཀར་དོ་དམ་བྱས་ཡོད་ཅིང་། ད་ལྟའི་ཆར་སློབ་ཆུང་ནས་དམའ་འབྲིང་བར་གྱི་སློབ་མ་ ༣༡༠༠ ལྷག་དང་དགེ་ལས་ ༡༤༠ ཙམ་ཡོད་ལ། སློབ་མ་མང་ཆེ་བ་ས་གནས་ཡུལ་མི་དང་ས་གནས་གཞན་ནས་ཡོང་བའི་ལས་བཟོ་བའི་བྱིས་པ་ཡིན་པ་དང་། དོན་རྐྱེན་བྱུང་རྗེས་སློབ་གྲྭ་ཡོངས་ཀྱི་སློབ་ཁྲིད་གནས་སྐབས་རིང་མཚམས་འཇོག་བྱེད་དགོས་བྱུང་ཡོད་འདུག