དམངས་གཙོ་མི་དགོས་པའི་རང་སྐྱོང་ཞིག་མིན།

ཧ་ཧ་ཧ་ཧ་ཧ་་་དེས་ན་ད་ཨ་ཀྲད་ཐེད་པོ་དེ་གོན་གི་རྒྱུགས་ལོ། དོན་ངོ་མ་ད་ཁས་ལེན་ཤོར་སོང་ང། ཧ་ཧ་ཧཧ་་་་

བཙན་བྱོལ་བོད་ཀྱི་རང་སྐྱོང་ཞྭ་དང་འདྲ། རྒྱ་ནག་འོག་གི་རང་སྐྱོང་ལྷམ་དང་འདྲ།
མ་འོངས་བོད་ཀྱི་རང་སྐྱོང་ཞྭ་འདྲ་དགོས། འདི་ལ་མིང་དོན་མཚུངས་པའི་རང་སྐྱོང་ཟེར།

དམངས་གཙོ་ཡིན་ན་དབུ་ལམ་མ་ཡིན་ཡང། དབུ་མའི་ལམ་ན་དམངས་གཙོའི་ལམ་ཡང་ཡོད།
སྐད་ཡིག་ཆོས་ལུགས་རིག་གཞུང་ཁོར་ཡུག་བཅས། རང་དབང་སྲུང་སྐྱོབ་ཐུབ་དང་མི་ཐུབ་གནད། མཐའ་རུ་གཏུགས་ན་དམངས་ག༷ཙོ་ཉིད་ལ་ཐུག
དམངས་གཙོ་ཾམེད་པའི་རང་སྐྱོང་དེང་གི་བོད། དམངས་གཙོ་ཡོད་པའི་རང་སྐྱོང་བཙན་བྱོལ་བོད། འདི་གཉིས་ཁྱད་པར་གསལ་བོ་རྟོགས་གྱུར་ན། མིང་དོན་མཚུངས་པའི་རང་སྐྱོང་གོ་བར་ནུས།

དབུ་མའི་ལམ་གྱི་དགོངས་དོན་གཙོ་བོ་བོད་རྒྱ་གཉིས་ཀྱི་གནད་དོན་དེ་གཉིས་ཕན་ཐོག་ནས་སེལ་ཐབས་དེ་རེད་མ་གཏོགས་དེའི་ནང་མང་གཙོ་དགོས་མི་དགོས་དེ་གཙོ་འདོན་གང་ཡང་གནང་མེད། དེ་གཅིག་ཡིན། དེང་སང་མང་གཙོ་དང་དབུ་མའི་ལམ་གཉིས་གཞི་གཅིག་ལ་བཞག་ནས་འགྲེལ་ལོག་སྐྱོན་ན་འགྲིག་ཨ་ཡོང་།

བཙན་པོའི་བུ་མིང་ཅན། དབུ་མའི་ལམ་གྱི་རང་སྐྱོང་གི་ཚད་གཞིའི་ཆ་ནས་ཅུང་ཟད་མར་བབས་ཡོད་པ་སུས་ཀྱང་ཤེས། ངས་ཁྱོད་ལ་འདྲི། འོ་ན་དུས་ནམ་ཞིག་ནས་དབུ་མའི་ལམ་ལ་དམངས་ག༷ཙོ་མི་དགོས་པ་ཞིག་ཆགས་པ་རེད། སུས་ཐག་བཅད་པ་རེད།
སྐབས་དོན་རང་སྐྱོང་གི་བསམ་འཆར་མིག་མདུན་ན་ཡོད་ཡོད་པ་འདིའི་ཚད་གཞི་ལ་བསམ་བློ་ཡག་པོ་ཞིག་གཏོང་རོགས། སློབ་སྦྱོང་བྱོས། ང་ཚོར་ནང་གི་རང་སྐྱོང་དབང་ཚད་གཙང་མ་དགོས་པ་གསལ་བོར་བསྟན་ཡོད་པ་རེད། དེ་དེ་བཞིན་ནོ། ལགས་སོ་ཟེར་ནས་འགྲོ་གི་ཡོད་པ་མ་རེད། ང་ཚོར་ནང་གི་དབང་ཚད་གཙང་མ་བྱུང་ན་ད་དུང་ཡང་དམངས་ག༷ཙོའི་ལམ་ལུགས་ལག་བསྟར་བྱེད་རྒྱུ་མིན་ནམ། བྱེད་མི་ཆོག་དོན་ཅི་རེད།
ཁྱོད་ཚོས་དབུ་མའི་ལམ་གྱི་རང་སྐྱོང་གི་བསམ་འཆར་འདིར་མཐོང་ཆུང་བྱེད་རྒྱུ་ཐལ་དྲགས་འདུག་ག ཧཧཧཧཧཧདེ་འདྲ་ལས་སླ་བོ་ཞིག་མ་རེད་དོ།

རེད་རེད་་ཉི་མ་མ་ཆོད་པར་འདིར་དུས་ཚོད་སྟོང་ཟད་གཏོང་གིན་ཡོད། ཧཧཧཧཧཧ

ངས་དེང་རང་སང་རང་སྐྱོང་བསམ་འཆར་སྐོར་གླེང་གིན་ཡོད། དེ་སྔོན་ཞིག་གི་ལུང་གང་ཡང་དྲངས་མེད་ལགས། རང་སྐྱོང་བསམ་འཆར་གྱི་དོན་ཚན་དྲུག་པ་འདིར་སློབ་སྦྱོང་གནང་རོགས། དེ་ནས་དགག་ལན་ཡོད་མེད་ལྟོས།

དྲུག་པ། རང་སྐྱོང་གི་ངོ་བོ་དང་སྒྲིམ་གཞི།

རང་སྐྱོང་མིང་དོན་མཚུངས་པ་བྱུང་མིན་གོང་གསལ་རང་སྐྱོང་བྱེད་སའི་གནད་དོན་འདི་དག་ཐད་བོད་མིའི་རང་སྐྱོང་དང་རང་སྲིད་རང་སྐྱོང་བྱེད་རྒྱུའི་ཚད་གཞི་དང་བྱེད་ཐབས་ག་འདྲ་ཞིག་སྤྱད་མིན་ལ་རག་ལུས་ཀྱི་ཡོད། དེར་བརྟེན་བསམ་ཞིབ་བྱེད་དགོས་པ་ནི་བོད་མི་རིགས་ཀྱི་དམིགས་བསལ་གནས་སྟངས་དང་གཞི་རྩའི་དགོས་མཁོར་འཚམས་པའི་རང་སྐྱོང་གི་ཁྲིམས་ལུགས་བཟོ་རྒྱུ་དང་ལག་བསྟར་བྱེད་ཕྱོགས་ཇི་འགབ་རེད།

མིང་དོན་མཚུངས་པའི་རང་སྐྱོང་ལག་བསྟར་བྱེད་པའི་ནང་བོད་མིར་སོ་སོའི་དགོས་མཁོ་དང་ཁྱད་ཆོས་དང་འཚམས་པའི་ས་གནས་གཞུང་དང་། གཞུང་གི་སྒྲིག་འཛུགས་ཁག དེ་བཞིན་ལམ་ལུགས་བཅས་བཟོ་རྒྱུའི་ཐོབ་ཐང་ཡང་ཚུད་ཡོད། རང་སྐྱོང་ས་གནས་ཀྱི་མི་དམངས་འཐུས་མི་ཚོགས་ཆེན་ལ་ས་གནས་ནང་ཁུལ་གྱི་གནད་དོན་ཚང་མའི་༼ རང་སྐྱོང་གི་གནད་དོན་གོང་དུ་གསལ་བ་རྣམས་ལ་གོ ༽ཐོག་ཁྲིམས་བཟོ་རྒྱུའི་དབང་ཆ་དང་། རང་སྐྱོང་གཞུང་གི་ལས་ཁུངས་ལག་བསྟར་དབང་ཆ་དང་རང་དབང་གི་སྒོ་ནས་ཐག་གཅོག་བྱེད་རྒྱུའི་དབང་ཆ་ཡོད་དགོས་པ་ཡིན། དབུས་གཞུང་རྒྱལ་ཁབ་རིམ་པའི་ཐག་གཅོད་བྱེད་མཁན་ཁོངས་ངོ་ཚབ་ཡོད་པ་དང་དོན་སྙིང་ལྡན་པའི་ཆ་ཤས་བླང་རྒྱུ་ཡང་རང་སྐྱོང་ནང་ཚུད་ཡོད། རང་སྐྱོང་ཚགས་ཚུད་པོ་ཡོང་བར་གྲོས་བསྡུར་བྱེད་རྒྱུའི་ཐབས་ལམ་ཕན་ནུས་ཅན་དང་། ཕན་ཚུན་འབྲེལ་ལམ་ཉེ་བོའམ་ཐུན་མོང་གི་ཁེ་ཕན་དང་འབྲེལ་བའི་གནད་དོན་ཁག་དབུས་དང་ས་གནས་ཀྱི་གཞུང་གཉིས་ཟུང་འབྲེལ་གྱི་ཐོག་ནས་ཐག་གཅོད་བྱེད་རྒྱུའི་ཐབས་ལམ་ཡོད་དགོས།

མིང་དོན་མཚུངས་པའི་རང་སྐྱོང་ཆ་རྐྱེན་གལ་ཆེ་ཤོས་གཅིག་གི་རྩ་ཁྲིམས་དང་ཁྲིམས་ཡིག་གཞན་ནས་རང་སྐྱོང་ས་གནས་ལ་སྤྲད་པའི་དབང་ཆ་དང་ལས་འགན་རྣམས་ཕྱོགས་གཅིག་རྐྱང་པའི་ངོས་ནས་རྩིས་མེད་དམ་བཟོ་བཅོས་མི་ཆོག་པའི་འགན་ལེན་བྱེད་རྒྱུ་རེད། དེའི་གོ་དོན་ནི་དབུས་དང་རང་སྐྱོང་ས་གནས་ཀྱི་གཞུང་སུ་ཡིན་རུང་ཕྱོགས་གཞན་གྱི་བཀའ་འཁྲོལ་མེད་པར་ཕྱོགས་གཅིག་རྐྱང་བའི་ངོས་ནས་རང་སྐྱོང་གི་གཞི་རྩའི་ཆ་རྐྱེན་ཁག་ལ་འགྱུར་བཅོས་གཏང་མི་ཆོག་པ་རེད།

བོད་དང་བོད་མིའི་གནས་སྟངས་དང་དགོས་མཁོར་འཚམས་པའི་མིང་དོན་མཚུངས་པའི་རང་སྐྱོང་གི་ཁྱབ་ཚད་དང་ཁྱད་ཆོས་རྣམས་རྩ་ཁྲིམས་དོན་ཚན་བརྒྱ་དང་བཅུ་དྲུག་ ༼ མི་རིགས་ས་གནས་རང་སྐྱོང་བཅའ་ཁྲིམས་དོན་ཚན་བཅུ་དགུའི་ནང་གསལ་ཡོད། ༽ ནང་གསལ་བའི་ཆ་རྐྱེན་གཞིར་བཟུང་རང་སྐྱོང་བྱེད་ཕྱོགས་ཀྱི་སྲོལ་ཡིག་ནང་འགྲེལ་བརྗོད་ཞིབ་ཕྲ་བཀོད་དགོས། ཡང་ན་གལ་སྲིད་འོས་འཚམས་བྱུང་ན་དེའི་ཆེད་ཟུར་དུ་ཁྲིམས་ཡིག་གཏན་འབེབས་བྱེད་ཆོག རྩ་ཁྲིམས་དོན་ཚན་སུམ་ཅུ་སོ་གཅིག་ཐེ་བའི་རྩ་ཁྲིམས་ནང་རྒྱལ་ཁབ་ཀྱི་སྤྱི་ཚོགས་དང་། དཔལ་འབྱོར། ཆབ་སྲིད་ལམ་ལུགས་ལ་བརྩི་བཀུར་བྱེད་པའི་སྒོ་ནས་བོད་ལྟ་བུ་དམིགས་བསལ་གནས་བབ་ཡོད་མཁན་ལ་དམིགས་བསལ་གནས་བབ་དང་འཚམས་པའི་གུ་བཤངས་བྱེད་རྒྱུའི་ཆ་རྐྱེན་གསལ་ཡོད།

རྩ་ཁྲིམས་ལེའུ་གསུམ་པིའ་ས་བཅད་དྲུག་པའི་ནང་མི་རིགས་ས་གནས་རང་སྐྱོང་ལ་རང་སྐྱོང་གི་གཞུང་དང་། ཁྲིམས་བཟོའི་དབང་ཆ་ཡོད་པའི་ངོས་འཛིན་བྱེད་ཡོད། དེར་བརྟེན་རྩ་ཁྲིམས་དོན་ཚན་བརྒྱ་དང་བཅུ་དྲུག་ནང་༼ མི་རིགས་ས་གནས་རང་སྐྱོང་བཅའ་ཁྲིམས་དོན་ཚན་བཅུ་དགུ་པའི་ནང་གསལ་ཡོད། ༽ ས་གནས་དེ་གའི་མི་རིགས་ཀྱི་ཆབ་སྲིད་དང་དཔལ་འབྱོར། རིག་གནས་བཅས་ཀྱི་ཁྲིམས་ཡིག་ཀྱི་ཁྱད་ཆོས་ལ་གཞིགས་ཏེ་རང་སྐྱོང་སྲོལ་ཡིག་གཏན་འབེབས་བྱེད་རྒྱུའི་དབང་ཆའི་སྐོར་འཁོད་ཡོད། དེ་མཚུངས་རྩ་ཁྲིམས་ནང་གནད་དོན་མང་པོའི་ཐོག་འཛིན་སྐྱོང་རང་སྐྱོང་བྱེད་རྒྱུའི་དབང་ཆ་་དང་། ༼ རྩ་ཁྲིམས་དོན་ཚན་བརྒྱ་དང་བཅུ་བདུན་ནས་བརྒྱ་དང་ཉི་ཤུ་བར། ༽ དེ་བཞིན་རང་སྐྱོང་ལས་ཁུངས་ཀྱི་ས་གནས་ཀྱི་དགོས་མཁོ་དང་འཚམས་པར་དབུས་གཞུང་དང་རྒྱལ་ཁབ་ཀྱི་ལས་ཁུངས་གོང་མའི་ཁྲིམས་སྲོལ་དང་སྲིད་བྱུས་རྣམས་ས་གནས་སོ་སོའི་གནས་ཚུལ་དངོས་ལ་གཞིགས་ནས་གུ་བཤངས་ལག་བསྟར་ཆོག་པའི་ངོས་འཛིན་བྱས་ཡོད། ༼ རྩ་ཁྲིམས་དོན་ཚན་བརྒྱ་དང་བཅོ་ལྔ། ༽

གོང་འཁོད་ཁྲིམས་ཀྱི་ཆ་རྐྱེན་འདི་དག་གིས་རང་སྐྱོང་ལས་ཁུངས་ཀྱི་ཐག་གཅོད་བྱེད་རྒྱའི་དབང་ཚད་ལ་འགོག་རྐྱེན་ངེས་ཅན་བཟོ་རྒྱུ་དང་། རྩ་ཁྲིམས་ནང་རང་སྐྱོང་ལས་ཁུངས་ལ་ས་གནས་ཀྱི་དགོས་མཁོ་དང་འཚམས་པའི་ཁྲིམས་བཟོ་རྒྱུ་དང་། སྲིད་བྱུས་ཐག་གཅོད་བྱེད་རྒྱུའི་ལྟ་གྲུབ་ངོས་འཛིན་བྱས་ཡོད་པ་མ་ཟད་། དེ་དག་དབུས་གཞུང་ཐེ་བས་ལས་ཁུངས་གཞན་གྱི་གཏན་འབེབས་དང་མི་མཐུན་པའང་ཡོང་ཆོག་ཚུལ་གསལ་ཡོད། ང་ཚོས་གསལ་འདོན་བྱས་པ་ལྟར་བོད་མིའི་དགོས་མཁོ་རྣམས་རྩ་ཁྲིམས་སུ་གསལ་བའི་རང་སྐྱོང་གི་ལྟ་གྲུབ་དང་གུ་ཡངས་པོའི་སྒོ་ནས་མཐུན་གྱི་ཡོད་ཀྱང་། ལག་ལེན་དངོས་ཀྱི་ཐོག་ལྟ་གྲུབ་དེ་དག་དོན་འཁྱོལ་ཡོང་བར་ད་ལྟའི་ཆར་དཀའ་ངལ་སྣ་ཚོགས་ཀྱི་དབང་གིས་འགོག་རྐྱེན་ནམ། ནུས་མེད་བཟོས་ཀྱི་ཡོད།

མིང་དོན་མཚུངས་པའི་རང་སྐྱོང་བྱེད་པར་དཔེར་ན་དབང་ཆ་ཆ་བགོས་དང་། དེ་བཞིན་དབུས་དང་རང་སྐྱོང་ས་གནས་གཞུང་གཉིས་བར་གནད་དོན་བྱེད་བྲག་པའི་ཐོག་སོ་སོའི་ལས་འགན་ཆ་བགོས་གསལ་པོ་དགོས་ཀྱི་ཡོད། ད་ལྟའི་ཆར་དེ་འདྲའི་གསལ་ཁ་མེད་པ་མ་ཟད་། རང་སྐྱོང་ས་གནས་ཀྱི་ཁྲིམས་བཟོའི་དབང་ཚད་གཏན་མ་འཁེལ་བ་དང་འགོག་རྐྱེན་ཚབས་ཆེ་ཡོད་མུས་རེད། དེར་བརྟེན་ཕྱོགས་གཅིག་ནས་རྩ་ཁྲིམས་ནང་རང་སྐྱོང་ས་གནས་ལ་ཁྲིམས་དོན་མང་པོའི་ཐོག་ཁྲིམས་བཟོ་རྒྱུའི་དམིགས་བསལ་དགོས་མཁོ་ངོས་འཛིན་བྱས་ཡོད་ཀྱང་། དེ་དག་རྩ་ཁྲིམས་དོན་ཚན་བརྒྱ་དང་བཅུ་དྲུག་གཞིར་བཟུང་དབུས་གཞུང་གི་ལས་ཁུངས་མཐོ་ཤོས་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ནས་བཀའ་འཁྲོལ་འཐོབ་དགོས་ཀྱི་ཡོད་སྟབས་རང་སྐྱོང་གི་ལྟ་གྲུབ་འདི་དག་ལག་བསྟར་བྱེད་པར་འགོག་རྐྱེན་བཟོས་ཀྱི་ཡོད་། དངོས་སུ་དེ་འདྲའི་བཀའ་འཁྲོལ་དགོས་པར་འཁོད་པ་དེ་རང་སྐྱོང་ས་གནས་ཀྱི་མི་དམངས་འཐུས་མི་ཚོགས་ཆེན་ཁོ་ན་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ཞིང་ཆེན་སོ་སོའི་མི་དམངས་འཐུས་མི་ཚོགས་ཆེན་དཀྱུས་མ་ཁག་༼ རང་སྐྱོང་མ་ཡིན་པ་ལ། ༽ དེ་འདྲའི་བཀའ་འཁྲོལ་དགོས་ཀྱི་མེད་པ་མ་ཟད་། གཏན་འབེབས་བྱས་པའི་སྲོལ་ཡིག་རྣམས་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ལ་ཐོ་འགོད་ཆེད་སྙན་གསན་ཙམ་ལས་ཞུ་དགོས་ཀྱི་མེད། ༼ རྩ་ཁྲིམས་དོན་ཚན་བརྒྱ་ཐམ་པ། ༽

རང་སྐྱོང་དངོས་སུ་ལག་བསྟར་བྱེད་ཕྱོགས་ཀྱང་རྩ་ཁྲིམས་དོན་ཚན་བརྒྱ་དང་བཅོ་ལྔ་གཞིར་བཟུང་ཁྲིམས་དང་སྲོལ་ཡིག་མང་དག་ཅི་ལ་བསྟུན་དགོས་པ་བཟོས་ཡོད། ཁྲིམས་ཁ་ཤས་རང་སྐྱོང་ས་གནས་ཀྱི་རང་སྐྱོང་ལ་འགོག་རྐྱེན་ཚབས་ཆེན་བཟོས་ཀྱི་ཡོད་པ་དང་། ཁ་ཤས་ནི་ཕན་ཚུན་མི་མཐུན་པ་ཡང་ཡང་གི་ཡོད། དེར་བརྟེན་རང་སྐྱོང་གི་ཚད་གཞི་ངོ་མ་དེ་གང་ཡིན་མིན་གསལ་པོ་མེད་པ་དང་གཏན་མ་འཁེལ་བ་ཆགས་ཡོད། གང་ཡིན་ཟེར་ན་རྒྱལ་ཁབ་ཀྱི་ལས་ཁུངས་གོང་མས་ཁྲིམས་དང་སྲོལ་ཡིག་གཏན་ལ་ཕབ་པ་དང་། ཐ་ན་སྲིད་བྱུས་འགྱུར་བ་བཏང་བ་སོགས་ཕྱོགས་གཅིང་རྐྱང་པའི་ངོས་ནས་འགྱུར་བ་བཏང་གི་ཡོད། དབུས་དང་ས་གནས་གཞུང་བར་རང་སྐྱོང་གི་ཚད་གཞི་དང་ལག་བསྟར་བྱེད་ཕྱོགས་སྐོར་མི་མཐུན་པ་བྱུང་ན་དེ་དག་ཐག་གཅོད་བྱེད་ཐབས་སམ་གྲོས་བསྡུར་བྱེད་རྒྱུའི་བརྒྱུད་ལམ་འདེང་ངེས་མེད། དོན་དངོས་ཐོག་གཏན་འབེབས་གསལ་བོ་མེད་པ་དེས་ས་གནས་ཀྱི་དབང་འཛིན་པ་ཚོས་ལས་དོན་འགན་འཁུར་བླང་རྒྱུར་འགོག་རྐྱེན་དང་། ད་ལྟའི་ཆར་བོད་མིའི་མིང་དོན་མཚུངས་པའི་རང་སྐྱོང་ལག་བསྟར་བྱེད་པར་འགོག་རྐྱེན་བཟོས་ཀྱི་ཡོད།
ད་ལྟའི་གནས་སྐབས་སུ་ང་ཚོས་གནད་དོན་འདི་དག་སྐོར་དང་མིང་དོན་མཚུངས་པའི་རང་སྐྱོང་ལག་བསྟར་བྱེད་པར་ད་ཡོད་བོད་མིའི་དཀའ་ངལ་རྣམས་ཞིབ་ཕྲའི་སྒོ་ནས་འགྲེལ་བརྗོད་བྱེད་འདོད་མེད་ཀྱང་། མ་འོངས་པར་གྲོས་མོལ་སྐབས་འོས་འཚམས་ཀྱི་སྒོ་ནས་ཐག་གཅོད་ཡོང་ཆེད་དཔེ་མཚོན་གྱི་ཚུལ་དུ་འདི་དག་ཞུས་པ་ཡིན། ང་ཚོས་མུ་མཐུད་རྩ་ཁྲིམས་དང་འབྲེལ་ཡོད་ཁྲིམས་ཡིག་ཁག་སློབ་སྦྱོང་བྱེད་རྒྱུ་དང་། དུས་ཚོས་འོས་འཚམས་ཐོག་ང་ཚོས་གང་ཤེས་པ་ལྟར་ཞིབ་འཇུག་བྱས་འབྲས་རྣམས་མཁོ་འདོན་བྱེད་རྒྱུ་ཡིན

“ང་ཚོས་དམངས་གཙོ་ལག་ལེན་བསྟར་གྱི་ཡོད་ལ། དེ་ང་ཚོའི་མངོན་འདོད་ཀྱང་རེད། ཡིན་ནའང་དེ་དགོས་ཀྱི་ཡོད་ཟེར་གྱི་མེད་ཅེས་ལབ་དགོས་པའི་རྒྱུ་མཚན་གང་ཡིན་ཟེར་ན། ཡིག་ཆའི་ནང་༼བོད་རིགས་ཡོངས་ལ་མིང་དོན་མཚུངས་བའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ། གསར་འགོད་པའི་མཆན།༽དམངས་གཙོ་དགོས་ཀྱི་ཡོད་ཅེས་བཀོད་ཡོད་པ་མ་རེད།”ཅེས་པ་སོགས་སྐྱོང་མཆོག་གིས་གྲོས་ཚོགས་ནང་ལ་གསུངས།

“ཡིག་ཆ་སྤྲད་པའི་སྐབས་ལ་ཡོངས་བསྒྲགས་བྱས་པ་རེད། དེ་དུས་བསམ་ཚུལ་བཤད་དགོས་པ་ཞིག་ལས། ད་ལྟ་སྲིད་སྐྱོང་བློ་བཟང་སེང་གེ་མཆོག་གིས་བཤད་པ་ཙམ་གྱིས་གནས་ཚུལ་དེ་གླེང་དགོས་པ་ཞིག་ཆགས་ཀྱི་མེད། ཡིན་ནའང་། ད་ལྟ་ཚོགས་གཙོ་སྒེར་གྱི་བསམ་ཚུལ་ག་རེ་ཡིན་འདྲི་ཡི་ཡོད་པ་རེད། གང་ལྟར་ད་ལྟའི་བོད་ནང་གི་གནས་སྟངས་འདི་འདྲ་ཞིག་གི་འོག ང་ཚོ་བོད་ལ་ལོག་སྟེ་སོ་སོའི་ཆོས་དང་རིག་གཞུང་། སྐད་ཡིག་བཅས་སྲུང་སྐྱོབ་བྱེད་རྒྱུ་གཙོ་བོར་འཛིན་པའི་བསམ་བློ་འཁུར་དགོས་སྟབས། བོད་ནང་ལོག་པ་ཡིན་ན་ལམ་སང་ང་ཚོར་དམངས་གཙོ་དགོས་ཡོད། རྒྱ་ནག་གི་སྤྱི་ཚོགས་རིང་ལུགས་ཀྱི་ལམ་ལུགས་ངོས་ལེན་བྱེད་ཐུབ་ཀྱི་མི་འདུག་ཅེས་ལབ་པ་ཡིན་ན། རྒྱ་ནག་མཉམ་དུ་སྐད་ཆ་བཤད་སའི་ལམ་ཀ་ཞིག་འགག་འགྲོ་གི་ཡོད་པ་རེད། སྤྱིར་བཏང་བོད་རྒྱ་འབྲེལ་མོལ་གྱི་སྲིད་བྱུས་འཛིན་སྟངས་དེ་ཐད་ཀར་གྲོས་ཚོགས་དང་འབྲེལ་བ་ཆགས་མེད། འཛིན་སྐྱོང་བཀའ་ཤག་གི་ངོས་ནས་དབུ་མའི་ལམ་གྱི་ཐོག་ནས་དེར་སྲིད་བྱུས་འཛིན་གྱི་ཡོད་པ་རེད། ད་ལྟའི་འཛིན་སྐྱོང་བཀའ་ཤག་གིས་ཀྱང་བཀའ་ཤག་སྐབས་སྔོན་མས་དབུ་མའི་ལམ་གྱི་ཡིག་ཆ་ཕུལ་བ་དེའི་འགྲེལ་བརྗོད་ནང་དུ་བཀོད་པ་བསྐྱར་ལེན་གནང་བ་རེད་མ་གཏོགས་གསར་བ་བཟོས་པ་གང་ཡང་ཆགས་ཀྱི་ཡོད་པ་མ་རེད།” ཅེས་པ་སོགས་ཚོགས་གཙོས་མང་གཙོའི་བགྲོ་གླེང་སྐབས་མི་མང་ནང་ལ་གསུངས།

ཁོང་གཉིས་ཀྱི་དགོངས་པ་བཞེས་སྟངས་ལ། ང་ཚོས་དམངས་གཙོ་རྩོད་མི་དགོས་པ་དང་མི་འོས་པ་དེ་གཅིག་ནས་རང་སྐྱོང་བསམ་འཆར་གྱི་དགོངས་དོན་མིན་པ། གཉིས་ནས་ཞི་མོལ་ལ་འགོག་རྐྱེན་ཡོང་དོགས་གཉིས་རེད།
ལྷག་པར་ཚོགས་གཙོས་ཚོགས་གཏམ་འདྲ་བོ་བཏང་འདུག ཤེས་ཡོན་ཅན་ཚོས་དོ་སྣང་མ་བྱས་པའི་སྐྱོན་རེད། སྔོན་མ་ནས་འདྲོགས་མི་ལངས་པར་ད་ལྟ་གཞི་ནས་ལངས་དགོས་པ་ཅི་རེད། འདྲ་བོ་གསུང་འདུག་ག
ངས་བལྟས་ན་དབུ་ཁྲིད་རྣམ་པས་རང་སྐྱོང་བསམ་འཆར་ལ་སློབ་སྦྱོང་གཏིང་ཟབ་གནང་མི་འདུག དེ་སྔོན་རང་སྐྱོན་བསམ་འཆར་འབུལ་སྐབས་ང་གྲོས་ཚོགས་ནང་ན་ཡོད། བཀའ་ཁྲིས་རང་སྐྱོང་བསམ་འཆར་ནང་ན་དམང་སགཙོའི་དགོས་འདུན་མེད་པ་ཞིག་གསུངས་པ་ངས་དྲན་གྱི་མི་འདུག ངས་ཡིག་དེ་ནན་ཏན་བཀླགས་ནས་དེའི་ནང་ལ་ཚད་མཐོ་བའི་ཆ་རྐྱེན་འགའ་ཡོད་པ་གསལ་རྟོགས་བྱུང། ཚད་མཐོ་བོ་ཡོད་པས་རྒྱ་གཞུང་ནས་ཕྱེད་རང་བཙན་འདྲ་བོ་འདུག་ལབ་གི་ཡོད་པ་རེད།
ཁྱེད་རང་ཚོས་རང་སྐྱོང་བསམ་འཆར་གྱི་དོན་དྲུག་པ་དེ་ཡག་པོ་ཞིག་ཀློགས། དེ་ནས་ཧ་གོ་གི་རེད།

ཤེས་ལྡན་དག་གིས་རྩོད་ཀྱི་ཡིན་ན་འཇམ་ནོར་གྱི་༼ཆོལ་ཁ་གསུམ་གཅིག་ཏུ་སྒྲིལ་བའི་བོད་རང་བཙན་གྱི་གནད་དོན་༽ཟེར་བའི་རྩོམ་ཡིག་དེ་ལ་རྩོད་དང་། ནང་དོན་ཁས་བླངས་མིན་ལ་མ་བལྟོས་པར་དངོས་གནས་རྩོམ་ཡིག་ཁུངས་ལུང་དྲངས་ཡོད་པ། སྒྲུབ་བྱེད་བཏང་ཡོད་པ་དེ་འདྲ་རེད་འདུག

བོད་རིགས་ཡོངས་ལ་མི་དོན་མཚུངས་པའི་རང་སྐྱོང་ནི་བོད་རིགས་ཡོངས་ལ་རང་ཉིད་ཀྱི་ཆོས་རིག་ཐོབ་ཐང་དང་། ཚད་མཐོའི་འཛིན་སྐྱོང་གནས་བབ་རག་ཐབས་དེ་རེད་མ་གཏོགས་མང་གཙོ་གཙོ་དོན་དུ་བཞག་ནས་གསུངས་པ་ནི་གཏན་ནས་ཡིན་ཐོག་ཁ་པོ་མ་རེད། ཆབ་བྲག་གིས་དམར་པོའི་འོག་ནས་བོད་རིགས་ཡོངས་ལ་མང་གཙོ་དགོས་པ་ནི་དབུ་མའི་ལམ་གྱི་སྙིང་དོན་ཞིག་ཏུ་འཇོག་པ་ནི་མགོ་རྨོངས་པའི་སྐད་ཆ་རེད། དེ་ལྟར་ཡིན་ན། དམར་པོའི་སྲིད་དབང་འོག་ཏུ་དེའི་དབང་ཆའི་ཁྱབ་ཁོངས་འགར་མང་གཙོ་སྤྲོད་པའི་ལུགས་སྲོལ་ནི་ཡོད་མི་སྲིད། གལ་སྲིད་ཡོད་ད་ན་དེ་ནི་ཆབ་བྲག་གི་སྲིད་སྐྱོང་སྟངས་དེ་རེད། ལར་ནས། ཆབ་བྲག་ལ་ཆབ་སྲིད་ཀྱི་གོ་རྟོགས་མེད་པ་དེ་སྔོན་ཁང་གསར་རྡོ་རྗེ་གཉིས་བརྩོད་སྐབས་གསལ་པོར་རྟོགས་སོང་། དེར་བརྟེན། རང་ཉིད་ཀྱིས་མི་འཇོན་པའི་དོན་ཞིག་ལ་ཨུ་ཚུགས་རྒྱབ་ནས་ལོག་འགྲེལ་བྱས་ན། དགེ་ལས་སྐྱོན་ཆེ་བས་སྨྲ་བ་ཉུང་ན་མཛེས་སམ།

མང་གཙོ་རྩོད་ཀྱི་མེད་གསུངས་པ་དེ་རྒྱ་ནག་གི་རྩ་ཁྲིམས་འོག་གི་མི་རིགས་རང་སྐྱོང་བཅའ་ཁྲིམས་ལ་གཞི་བཞག་པ་ཏན་ཏན་རེད། རྒྱ་ནག་གིས་བརྗོད་བཞིན་པ་ལྟར་ནུབ་ཕྱོགས་རང་མོས་རང་ལུགས་ཀྱི་མང་གཙོ་དེ་ཁོང་ཚོའི་མི་རིགས་རང་སྐྱོང་བཅའ་ཁྲིམས་ཀྱིས་ཁས་ལེན་གྱི་མེད་པ་རེད། བྱས་ཙང་བོད་རྒྱ་འབྲེལ་མོལ་དེ་མི་རིགས་བཅའ་ཁྲིམས་རང་སྐྱོང་ལ་གཏུགས་པ་ལས་རྒྱལ་ཁབ་གཅིག་ལ་ལམ་ལུགས་གཉིས་ཟེར་བ་དེ་རེ་བ་བརྒྱབ་ན་དོན་དང་མཐུན་པ་མ་ཟད། མང་གཙོ་ཡང་ཡོད་ཡོད་པ་རེད།

དང་པོ་དམར་གཞུང་གི་ཐོབ་ཐང་དེ་རྩོད། དེ་ནས་རྒྱ་ནག་རྒྱལ་ཡོངས་མང་གཙོའི་ཞོར་ལ་རང་མི་རིགས་ཀྱི་མང་གཙོའི་ཐོབ་ཐང་དེ་རྩོད་པ་ཡིན་ན། གོ་རིམ་མ་འཆོལ་བ་རེད་སྙམ། དེ་མིན་དམིགས་བེན་གང་དུ་ཡང་མི་འཁྱོལ་བར་ལུས་སྲིད་པ་མ་རེད་དམ།

བོད་རང་བཙན་དང་། མང་གཙོ་མི་དགོས་ནས། མ་རྩོད་པ་མིན་པར། རྩོད་ན་ཕན་ལས་གནོད་ཆེ་བར། དགོངས་ནས་མ་རྩོད་པ་རེད་དོ།། །།

‘དམངས་གཙོ་མེད་ན་ཅི་ཡང་མེད། དམངས་གཙོ་ཡོད་ན་ཅི་ཡང་འཐོབ།’
ང་རང་ཆབ་སྲིད་རིག་པ་ཆེད་སྦྱོང་བྱེད་མཁན་དང་སྲིད་དོན་གྱི་བྱ་བ་སྒྲུབ་མྱོང་མཁན་ཞིག་ཀྱང་མིན་ལ་ཆབ་སྲིད་ཀྱི་གོ་རྟོགས་མཐོ་བ་ཞིག་ཀྱང་ག་ལ་ཡིན། ཡིན་ན་ཡང་ང་རང་༸གོང་ས་མཆོག་གི་བཀའ་སློབ་ཅི་ཕེབས་ལ་སློབ་སྦྱོང་གང་ཐུབ་བྱེད་མཁན་ཞིག་ཡིན། ལྷག་པར་གྲོས་ཚོགས་ཀྱི་འཐུས་མི་ཞིག་བྱས་པས་དམངས་གཙོ་དང་དབུ་མའི་ལམ་གྱི་སྲིད་བྱུས་སྐོར་ལ་དམིགས་བསལ་དོ་སྣང་དང་བསམ་བློ་བཏང་མྱོང། ༢༠༠༦་ལོར་ང་སྐབས་བཅུ་བཞི་བའི་སྤྱི་འཐུས་སུ་སླེབས་པའི་ཚོགས་དུས་དང་པོར་༸གོང་ས་མཆོག་གིས་གྲོས་ཚོགས་ལ་བསྩལ་བའི་གསུང་འཕྲིན་དེའི་ནང་སྤྱི་འཐུས་རྣམ་པས་དམངས་གཙོ་ཡར་རྒྱས་གཏོང་བཏང་ནས་མ་འོངས་བོད་ལ་དམངས་གཙོའི་ལེགས་སྐྱེས་འབུལ་དགོས་པའི་ལམ་སྟོན་གནང་བ་དེ་དུས་དེ་ནས་བཟུང་ངའི་སེམས་ལ་གསལ་བོར་ངེས་ཡོད། དེ་བས་༢༠༡༡ལོར་བཅའ་ཁྲིམས་བསྐྱར་བཅོས་ཆེན་པོ་གནང་དགོས་པའི་གསུང་འཕྲིན་ཕེབས་སྐབས་ཀྱང་བཀའ་དགོངས་ལེགས་པར་འགྲུབ་སླད་གྲོས་ཚོགས་ནང་ལ་ནུས་པ་གང་ཐུབ་བཏོན་པ་ཡིན། དབུ་མའི་ལམ་གྱི་བོད་རང་སྐྱོང་གི་ཚད་གཞི་ཅི་ཙམ་ཞིག་ཡིན་པ་དང་དེ་ཐོབ་ན་ཁེ་ཕན་གང་དག་ཡོད་མེད་གསལ་བོ་ཤེས་བཞིན་དུ་མ་རྟོགས་ལོག་རྟོག་གི་རིགས་ལ་གསལ་བཤད་བྱེད་ཀྱིན་ཡོད། འདི་ང་དབུ་མའི་ལམ་མི་མང་ལས་འགུལ་ཁང་གི་ལས་འགུལ་བ་ཞིག་ཡིན་པའི་འོས་འགན་ཡང་ཡིན།

ངས་མང་གཙོ་ཚོགས་པའི་བགྲོ་གླེང་དེའི་བར་ནས་ཤོར་སོང་བས་མཆན་དེ་བྲིས་པ་ཡིན། ཆབ་རྩོམ་ཡང་དེ་ལས་བྱུང་བ་འདྲ། ཚོགས་གཙོས་གསལ་བོར་བཟོས་ཟིན་འདུག ངས་དེ་ལས་བརྐུས་པ་འདྲ་བོ་ཆགས་འདུག དོན་ལ་སྲིད་སྐྱོང་མཆོག་གིས་གསུང་སྟངས་ཏོག་ཙམ་མ་འགྲིག་པ་རེད་འདུག ངའི་ངོ་ནས་འདིའི་ཐད་ནས་བློ་སེང་ལ་བསམ་ཤེས་གནང་རོགས་ཞུ རྗེས་ཕྱོགས་ཁོས་གང་གཟབ་བྱེད་ངེས་རེད།

སུ་དག་དབུ་མའི་ལམ་ལ་འཁྱོག་བརྗོད་དང། གང་དག་དབུ་མའི་ལམ་ལ་མགོ་འཁོར་བ།
དེ་ཀུན་བདག་གིས་འདུལ་ནུས་མ་ཡིན་ཡང། རང་གི་འོས་འགན་དང་དུ་ལེན་ལ་སྤྲོ
གོང་གསལ་རྩོམ་ཡིག་ལ་ཁ་སྣོན་ཅུང་དང་བཅས་པའི་མ་རྩོམ་བདག་གི་དྲ་ཐག་འདིར་ཡོད།
http://www.chapdaklhamokyab.fr/%E0%BD%91-%E0%BD%A2-%E0%BD%84/%E0%BD%A2%E0%BD%84-%E0%BD%A2-%E0%BD%98-%E0%BD%82%E0%BD%A6%E0%BD%A2-%E0%BD%A4-%E0%BD%A6-%E0%BD%81%E0%BD%82/

སྐུ་ཞབས་ཆབ་བྲག་དང་མི་རེ་འགས་གླེན་ནག་སྣོག་ཅན་ཚོར་ལན་བསྐྱོན་ནས་དཀའ་ལས་ཁག་འདུག ཧཧཧཧཧ

དཔའ་ཆེན་འབོད་པའི་བུ་གུ་ཆུང་ཆུང་ལགས། ཁྱེད་ཀྱིས་ ”དེས་( དེའི་)ནང་༼ད་ལྟའི་བོད་རང་སྐྱོང་ལྗོངས་ལས་ལྷག་པའི་ཆ་རྐྱེན་༽ཞེས་པ་ཞིག་ཡོད་མ་རེད། ” ཟེར། འོ་ན་བོད་རིགས་ཡོངས་ལ་ཟེར་དགོས་དོན་ཅི་རེད། བསམ་འཆར་གྱི་ནང་དོན་ཕར་ཞོག མིང་ཙམ་གྱི་གོ་བ་ལེན་ཐུབ་ཀྱི་མེད་བཞིན་དུ་ག་རེ་ལབ་རྩིས་ཡོད་དམ།། ཧཧཧཧཧ

མདོར་བསྡུས་ན་བརྩོད་མི་དགོས་པ་ཞིག་བརྩད་ནས་སྡད་འདུག ང་ཚོས་བརྩོད་རྒྱུ་དེ་་་ཚད་མཐོའི་རང་སྲིད་རང་སྐྱོང་ལས་མང་གཙོ་མ་རེད་ཅེས་པ་ལས། མང་གཙོ་མི་དགོས་ཤེས་པ་ག་ལ་ཡིན། གང་ཞེ་ན། ང་ཚོས་བཤད་པའི་རང་སྐྱོང་རེག་ན། འགྲོ་ལུགས་མང་གཙོ་ལས་མེད་པ་ནམ་ལང་ཉི་ཤར་རེད།

གད་མོ་ཤོར་ཡ་རང་རེད། ༼བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར།༽ ༼བསམ་འཆར།༽ ༼བསམ་འཆར།༽ ༼བསམ་འཆར།༽ ༼བསམ་འཆར།༽ འདི་༼རྩ་འཛིན་༽མ་རེད་དཱ།

དཔལ་ལྡན་ཚོགས་གཙོ་མཆོག་དང་། སྲིད་སྐྱོང་རྣམ་པ་གཉིས་ཀྱིས་མང་གཙོ་རྩོད་གནང་གི་ཡོད་མ་རེད་གསུངས་པ་དེ་བདེན་པ་རེད། བསམ་འཆར་ལྟར་ནའང་དེ་རྩོད་གནང་གི་ཡོད་མ་རེད། ༸གོང་ས་མཆོག་གི་དགོངས་པ་ལྟར་ནའང་དེ་རྩོད་གནང་གི་ཡོད་མ་རེད། གང་རྩོད་ཀྱི་ཡོད་རེད་ཟེར་ན་༼རང་གི་མི་རིགས་རང་གི་འདོད་བློ་དང་མཐུན་པའི་ཡར་རྒྱས་གཏོང་ཐུབ་པ་ཞིག་༽རྩོད་གནང་གི་ཡོད་རེད།

དེ་ནས་གཞན་ཞིག་ནི། རྩ་ཁྲིམས་ཀྱི་སྒྲོམ་གཞིའི་འོག་ནས་གསུངས་ཡོད་པ་རེད་པ། དེ་ཡིན་དུས་སྒྲོམ་གཞི་ནི་མ་ཁེ་སིའི་མི་རིགས་རང་ཐག་རང་གཅོད་ཀྱི་ལྟ་བའི་སྒྲོམ་གཞིར་འབྲེལ་ཡོད་རེད། ཧ་བ་གྱིས།

རྒན་ཆབ་བྲག་ལགས། གོང་ས་མཆོག་གིས་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིས་འོག་ནས་ང་ཚོར་མིང་དོན་མཚུངས་པའི་རང་སྐྱོང་ཞིག་རྩོད་ཀྱི་ཡོད་ཅེས་ཐེང་མང་གསུང་ཡོད། རྒྱ་ནག་གི་རྩ་ཁྲིམས་ནང་དམངས་གཙོ་ཞེས་པའི་མིང་ཚིག་ཙམ་ཡོད་ཀྱང་དེ་ནི་ང་ཚོར་དགོས་པའི་དམངས་གཙོ་དེ་མིན་པ། རྒྱ་གཞུང་གི་དཔོན་རིགས་ཚོས་ང་ཚོར་དམངས་གཙོ་ཡོད། འོན་ཀྱང་ནུབ་ཕྱོགས་པའི་དམངས་གཙོ་དེ་ང་ཚོར་འཚམས་པོ་མེད་པས་མི་དགོས་ཤེས་བཤད་བཞིན་པ་འདི་ནས་རྟོགས་ཐུབ། དེས་ན་གོང་ས་མཆོག་གིས་འདས་པའི་དུས་སུ་བོད་པའི་སྤྱི་ཚོགས་འདི་དམངས་གཙོའི་ལམ་སྲོལ་ཅན་ཞིག་ལ་བསྒྱུར་རྒྱུའི་ཕྱག་ལས་གནང་བ་དེ་རྒྱུ་མཚན་དུ་བྱས་ནས། གོང་ས་མཆོག་གིས་དམངས་གཙོའི་ལམ་སྲོལ་ཅན་གྱི་རང་སྐྱོང་ཞིག་རྩོད་ཀྱི་ཡོད་པ་སྒྲུབ་མི་ཐུབ། གཉིས་ནས་ཟམ་གདོང་རིན་པོ་ཆེས་ཀྱང་གོང་ལྟར་ཡང་ནས་བསྐྱར་དུ་རྒྱ་ནག་གི་རྩ་ཁྲིམས་སྒྲོམ་གཞིའི་འོག་མིང་དོན་མཚུངས་པའི་རང་སྐྱོང་རྩོད་ཀྱི་ཡོད་པ་གསུང་ཡོད་པས། གོང་ལྟར་རྒྱ་ནག་གི་རྩ་ཁྲིམས་ནང་གསལ་བའི་དམངས་གཙོ་ཙམ་ཞིག་གསུང་གི་ཡོད་ན་ལས། དམངས་གཙོ་མཚན་ཉིད་པ་ཞིག་རྩོད་ཀྱི་མེད་པ་གསལ་པོ་མ་རེད་དམ། གཞན་ཡང་དབུ་མའི་ལམ་ནི་རང་སྐྱོང་སྒྲུབ་བྱེད་ཀྱི་ཐབས་ལམ་དང་། རང་སྲིད་རང་སྐྱོང་ནི་དེའི་སྒྲུབ་བྱ་ཡིན་པས། དབུ་མའི་ལམ་དེ་མཐའ་གཉིས་ལ་མ་ལྷུང་པའི་དམངས་གཙོ་ཅན་ཞིག་ཡིན་པའི་རྒྱུ་མཚན་གྱིས་རང་སྲིད་རང་སྐྱོང་དེ་ཡང་དམངས་གཙོ་ཅན་ཞིག་ཡིན་པ་སྒྲུབ་མི་ཐུབ། 

མང་གཙོ་དགོས་ཞེས་དངོས་སུ་ལབ་མི་འདུག་ཅེས་བཤད་མ་ཤེས་པ་འམ་བཤད་ནོར་ཐེབ་ནས་མི་དགོས་གསུང་བ་རེད།

ང་ལ་རྩམ་པ་སྣུམ་པོ་ཞིག་དགོས་ཞེས་བ་དེ་རྩམ་པའི་ནང་དུ་མར་ཆེན་པོ་ཞིག་དགོས་ཞེས་བའི་དོན་རེད།

རྒན་ལགས་ལ་ལས་ཀ་མེད་པ་རང་རེད། འདི་ཚོ་ལན་འདེབས་བྱེད་དགོས་པ་མ་རེད། སྲིད་སྐྱོང་དང་ཚོགས་གཙོ་གཉིས་ཀའི་༼ བསམ་འཆར་༽གྱི་དགོངས་དོན་དང་དེའི་འཆད་ཕྱོགས་མ་ཤེས་པས། མང་གཙོ་ཞེས་པའི་ཡིག་འབྲུ་འདི་འབུར་དོད་ཅིག་མེད་ན་མང་གཙོ་རྩོད་ཀྱི་ཡོད་པ་མ་རེད་དགོངས་ཡོད་ཀྱི་རེད། མང་གཙོ་ཟེར་བ་གསལ་བཏོན་གྱིས་བསམ་འཆར་ནང་གསལ་དགོས་པའི་རྒྱུ་མཚན་ཅི་རེད། དེའི་ཚིག་དེ་མེད་ན་མང་གཙོ་མེད་པའི་རྒྱུ་མཚན་དུ་འགྲོ་འམ། འོ་ན་༼ བསམ་འཆར་༽གྱི་འབྲུ་དོན་དང་འདུན་མར་བཞག་པའི་གྲོས་གཞི་ཁག་གིས་བོད་མིའི་མངོན་འདོད་སྐོང་ཐུབ་ཀྱི་མེད་དམ། སྔོན་སྤྱི་འཐུས་ཀརྨ་ཡེ་ཤེས་ལགས་ནས་གྲོས་ཚོགས་ནང་བཅའ་ཁྲིམས་དང་སྦྲེལ་ནས་མང་གཙོ་ཟེར་བའི་ཚིག་གཅིག་མི་འདུག་ཅེས་༼ བསམ་འཆར་༽་ལ་ཀླན་ཀ་བཙལ་བ་རེད། དེ་འབྲེལ་གསལ་བཤད་གནད་འདྲོངས་ཐོན་པ་གནང་བས་འཇལ་ཡལ་བ་ལྟར་ཕྱིན་ཡོད་ཀྱང། དེང་སང་ཨིན་བོད་རྩོན་འབྲི་པ་མང་པོས་སྲིད་སྐྱོང་གི་ཤེས་ཚད་ལ་གཞིགས་ཏེ་གཟས་ནས་འཁྱོག་འདྲི་དང་སྐད་ཆ་བཟོ་བ། དཀྲུགས་དཀྲུགས་གཏོང་རྩིས་བྱེད་ཀྱི་ཡོད་པ་དེ་གསལ་བོ་རེད། བོད་མི་ཚོ་བོད་མིའི་མངོན་འདོད་དང་མཐུན་པའི་རང་དབང་གི་གནས་བབ་ཅིག་བྱུང་ན་འགྲིག་པ་འདི་རྩ་དོན་རེད་ལ། འཐབ་རྩོད་ཀྱི་ནུས་པ་དང་ཆིག་སྒྲིལ་གྱི་འབྱུང་ཁུངས་ཀྱང་རེད་འདུག་པ་ལས། བློ་མིག་མ་རྒྱས་པའི་ཁྲོད་དོགས་པ་ཐེ་ཚོམ་སྟེར་བ་འདི་རིགས་ཀྱི་གཏམ་འཆལ་ལ་བདག་པོ་རྩ་བ་ནས་རྒྱག་དགོས་པ་མ་རེད་ལ། སྲིད་སྐྱོང་དང་ཚོགས་གཙོ་རྣམ་གཉིས་ནས་ཀྱང་ལར་ནས་འདིའི་སྐོར་ལ་གཏམ་བཤད་གནང་དུས། ༼ བསམ་འཆར་༽གྱི་མདུན་རྒྱབ་ཆ་ཚང་རྟོགས་པ་དང་༸གོང་ས་མཆོག་གི་དགོངས་གཞི་ཤེས་པའི་སྟེང་ནས་ཚིག་འགྲོས་ཚུན་ཆད་ནོར་མེད་གནང་རྒྱུ་གལ་ཆེན་རེད་བསམས། དེ་བཞིན་ང་ཚོའི་བཙན་བྱོལ་ནང་གི་རང་བཙན་ངྷ་རམ་ས་ལ་ནས་བཙན་བྱོལ་སྒྲིག་འཛུགས་དང་༸རྒྱལ་བ་རིན་པོ་ཆེར་རྩོད་མཁན་ཚོའི་གཏམ་ལ་བདག་པོ་རྒྱབ་ན་དོན་མེད་རང་རེད་ལ། དེ་ཚོའི་བརྒྱུད་ལམ་སྤྱི་འཐུས་བང་ཚུལ་སོགས་ཁ་ཤས་ཡོད་པ་དེ་ཚོར་ལན་འདེབས་བྱས་ཚེ་དེ་བས་ཀྱང་དོན་མེད་དོན་སྟོང་རང་རེད་དོ།།