དེ་རིང་སྔ་དྲོར་དགུ་བཅུ་གསུམ་ལས་འགུལ་ཚོགས་པས་བོད་པའི་ཆབ་སྲིད་བཙོན་ཟུར་གྲགས་ཆེན་སྟག་སྣ་འཇིགས་མེད་བཟང་པོ་ལགས་ཀྱི་མི་ཚེའི་ལོ་རྒྱུས་དཔེ་དེབ་༼མི་ཚེའི་མྱོང་ཚོར།༽ཞེས་པ་དབུ་འབྱེད་གནང་བའི་སྟེང་། སྲིད་སྐྱོང་མཆོག་དང་བདེ་སྲུང་བཀའ་བློན་བཅས་ཀྱིས་རྒྱལ་གཅེས་དཔའ་བོ་ཁོང་ལ་ཆེ་སྟོད་ཀྱི་གཏམ་བཤད་གནང་སོང་།
དེ་རིང་སྔ་དྲོའི་ཆུ་ཚོད་ ༨།༤༥ ཐོག བོད་ཀྱི་དགུ་བཅུ་གསུམ་ལས་འགུལ་ཚོཊ་པའི་ཚོཊ་ཁང་དུ། ཆབ་སྲིད་བཙོན་ཟུར་སྟག་སྣ་འཇིཊ་མེད་བཟང་པོ་ལཊ་ཀྱི་༼ མི་ཚེའི་མྱོང་ཚོར། ༽ ཞེས་པའི་དཔེ་དེབ་དབུ་འབྱེད་ཀྱི་མཛད་སྒོ་ཞིག་ཚོཊ་སོང་། དེར་བོད་མིའི་སྒྲིག་འཛུཊ་ཀྱི་སྲིད་སྐྱོང་བློ་བཟང་སེང་གེ་མཆོག་དང་། བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག སྤྱི་འཐུས་རྒྱུན་ལས་ཀྱི་སྐུ་ཚབ། ཆབ་སྲིད་བཙོན་ཟུར་སྟག་སྣ་འཇིཊ་མེད་བཟང་པོ་ལཊ། དགུ་བཅུ་གསུམ་ལས་འགུལ་ཚོཊ་པའི་ཚོཊ་གཙོ་དང་རྒྱུན་ལས་རྣམ་པ། དེ་བཞིན། གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ་དང་གསར་འགོད་པ་བཅས་འཛོམས་འདུག
མཛད་སྒོའི་ཐོག་སྲིད་སྐྱོང་བློ་བཟང་སེང་གེ་མཆོག་གིས་དཔེ་དེབ་དབུ་འབྱེད་གནང་རྗེས། ཆབ་སྲིད་བཙོན་ཟུར་སྟག་སྣ་འཇིཊ་མེད་བཟང་པོ་ལཊ་དང་བདེ་སྲུང་བཀའ་བློན། སྤྱི་འཐུས་འཇམ་དབྱངས་བཟོད་པ་ལགས་བཅས་ནས་དཔེ་དེབ་དང་འབྲེལ་བའི་གསུང་བཤད་དང་། སྟག་སྣ་འཇིགས་མེད་བཟང་པོ་ལགས་ཀྱིས་དཔེ་དེབ་རྩོམ་སྒྲིག་པ་ལྷ་ཆབ་སྦྱིན་པ་ལགས་དང་རྣམ་གྲྭ་ཐུབ་བསྟན་ཡར་འཕེལ་གཉིས་ལ་ཐུགས་རྗེ་ལེགས་འབུལ་བཅས་གནང་སོང་བ་མ་ཟད། སྲིད་སྐྱོང་མཆོག་གིས་རྩོམ་སྒྲིག་པ་རྣམ་གཉིས་ལ་ཕྱག་འཁྱེར་གསོལ་རས་དང་འབྲེལ་གསུང་བཤད་གནང་སོང་།
སྐབས་དེར་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་གཙོ་པ་སངས་ཚེ་རིང་ལགས་ཀྱིས། བོད་ཀྱི་དགུ་བཅུ་གསུམ་ལས་འགུལ་ཚོགས་པས་ད་ལྟའི་བར་༧གོང་ས་མཆོག་གི་བཀའ་དགོངས་ལྟར་སྔ་ཕྱིར་ཆབ་དེབ་ཕྲེང་ ༢༢ ཙམ་རྩོམ་སྒྲིག་དཔར་འགྲེམ་གྱི་དམིགས་ངོ་སྤྲོད་དང་འབྲེལ། ཐེངས་འདིར་རྒྱ་ནག་གིས་བཙོན་འོག་ཏུ་བཅུག་པའི་ཁོངས་ནས་བཙོན་འཇུག་གི་དུས་ཡུན་རིང་ཤོས་དང་། ལྷོ་ཤར་ཨེ་ཤ་ཡའི་ལོ་རྒྱུས་ནང་གི་ཟིན་ཐོ་དང་པོ། འཛམ་གླིང་ལོ་རྒྱུས་སྟེང་གི་བཙོན་པའི་ལོ་ཡུན་རིང་ཤོས་ཨང་ ༣ ཡིན་པའི་རྒྱལ་ཁབ་དང་མི་རིགས་ཀྱི་ཆེད་དུ་མི་ལོ་ ༤༡ དང་། ངལ་རྩོལ་བསྒྱུར་བཀོད་ལོ་ ༥ བཅས་ཀྱི་ཁྲིམས་ཐག་བཅད་པ་ལས། བཙོན་ཁང་དུ་ལོ་ ༣༢ དང་ངལ་རྩོལ་བསྒྱུར་བཀོད་ལོ་ ༥ བཅས་ཁྱོན་ལོ་ ༣༧ སུམ་ཅུ་སོ་བདུན་རིང་རྒྱ་ནག་གི་མནར་གཅོད་འོག་སྡོད་དགོས་བྱུང་ཡང་། སྔ་ཕྱི་བར་གསུམ་དུ་མི་རིགས་ལ་འཆང་པའི་ལྷག་བསམ། ལྟ་བ་བཅས་ལ་གཡོ་བ་མེད་པའི་ཐོག་ནས་དཔའ་ངར་ཞུམ་མེད་ཀྱིས་འཐབ་རྩོད་རྒྱུན་འཁྱོངས་གནང་ཡོད་པ་དང་། ལོ་རྒྱུས་དེབ་ཕྲེང་འདི་བརྒྱུད་རང་རིགས་ཕྱི་རབས་པ་རྣམས་ལ་མི་རབས་གོང་མའི་རྒྱལ་ཞེན་དང་ལྷག་བསམ། མི་རིགས་ཀྱི་ལྟ་བ། གཞན་ཡང་རང་སྲོག་ཚད་ལ་འཛུགས་དགོས་ཀྱང་དགྲ་བོར་ནམ་ཡང་མགོ་མི་སྒུར་བ་དང་དཔའ་མི་ཞུམ་པའི་སྙིང་སྟོབས་ཀྱི་བསླབ་བྱ་བཟང་པོ་དེ་ཤ་སེང་རུས་སེང་དུ་ཐིམ་ཐུབ་པའི་རེ་བ་དང་། དྲང་བདེན་ལ་ཞེན་པའི་འཛམ་གླིང་མི་མང་ཚོས་བོད་དོན་ཐད་རྒྱ་ནག་གུང་ཁྲན་ཏང་གི་ངོ་ཚ་མེད་པའི་རྫུན་གཏམ་དང་གཡོ་ཇུས། མི་རིགས་ཆེན་པོའི་འདུ་ཤེས་ཀྱིས་དཀར་ནག་ཕྱིན་ཅི་ལོག་པའི་ཧམ་བཤད་སོགས་ཀྱི་དོན་ངོ་མ་གསལ་རྟོགས་ཐུབ་རྒྱུར་ཐུགས་ཕན་ཅུང་ཟད་གསོས་པའི་རེ་བ་ཡོད་སྐོར་སོགས་བརྗོད་སོང་།
དེའི་རྗེས་ཆབ་སྲིད་བཙོན་ཟུར་སྟག་སྣ་འཇིཊ་མེད་བཟང་པོ་ལཊ་ཀྱིས། ཁོང་གི་ལོ་རྒྱུས་དེབ་ཕྲེང་འདི་རྩོམ་འབྲི་གནང་དགོས་དོན་ནི། ༧གོང་ས་མཆོག་གིས་སུམ་ཅུའི་དུས་དྲན་ཐེངས་ ༢༨ ཐོག་བསྩལ་བའི་བཀའ་སློབ་ནང་། དེ་སྔ་སོ་སོ་རང་ཉིད་ཐོག་ལ་གནས་ཚུལ་མང་པོ་ཞིག་བྱུང་བའི་མཐོང་ཐོས་མྱོང་གསུམ་ཡིག་ཐོག་ཏུ་འགོད་དགོས། དེ་ལྟར་མ་བྱས་ན་དཀའ་སྡུག་མང་པོ་མྱངས་པའི་རྒན་པ་ཚོ་རྫོགས་འགྲོ་བཞིན་འདུག མ་འོངས་པའི་དུས་སྐབས་ཤིག་ལ་གནས་ཚུལ་ཞིབ་ཚགས་ཤོད་རྒྱུ་མེད་པ་ཆགས་རྒྱུའི་ཉེན་ཁ་འདུག དེར་བརྟེན་སྔོན་བྱུང་ལོ་རྒྱུས་རྒྱབ་མདུན་གང་ཡིན་ཡང་། ཡིག་ཐོག་ལ་བཀོད་དགོས་ཞེས་གསུངས་བའི་བཀའ་སློབ་དང་། ༢༠༠༢ ལོར་ཨ་རིར་བསླེབས་སྐབས་བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག་གིས་ཡིག་ཐོག་ནས་ལོ་རྒྱུས་ཞིབ་ཚགས་ཤིག་འབྲི་དགོས་པའི་སྐུལ་མ་གནང་བ། བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་སྔ་ཕྱི་ཐེངས་གཉིས་ལ་ལོ་རྒྱུས་འབྲི་དགོས་པའི་སྐུལ་མ་གནང་བ་བཅས་ལ་བརྟེན་ཏེ་ལོ་རྒྱུས་དེབ་ཕྲེང་འདི་ཉིད་གྲུབ་པ་ཡིན་སྐོར་གསུངས་སོང་།
སྤྱི་འཐུས་འཇམ་དབྱངས་བཟོད་པ་ལགས་ཀྱིས། ད་ལྟའི་བར་བོད་ཀྱི་དགུ་བཅུ་གསུམ་ལས་འགུལ་ཚོགས་པ་དང་བོད་ཀྱི་དཔེ་མཛོད་ཁང་ངག་རྒྱུན་སྡེ་ཚན། ཨ་མྱེས་རྨ་ཆེན་བོད་ཀྱི་རིག་གཞུང་གཅེས་སྐྱོང་ཁང་། བོད་པའི་གསར་ཁང་ཁག་བཅས་ཀྱིས་བོད་པའི་དཔའ་བོ་དཔའ་མོ་དང་ཆབ་སྲིད་བཙོན་ཟུར་གྱི་དེབ་མང་པོ་ཞིག་བསྒྲིགས་ཡོད་པ་དེ་དག་ཧ་ཅང་གལ་ཆེན་རྩ་ཆེན་ཡིན་པ་དང་། ང་ཚོས་འདས་པའི་དཔའ་བོ་དཔའ་མོ་རྣམས་ཀྱི་ལོ་རྒྱུས་ཀློག་སྟེ་མི་རབས་རྒན་པ་ཚོས་དཀའ་ལས་བརྒྱབ་པ་དེར་རྗེས་སུ་ཡི་རངས་ཞུ་རྒྱུ་དང་། ཁོང་ཚོའི་བཀའ་དྲིན་ཡང་ཡང་བསམ་པར་ཕན་ཐོགས་ཆེན་པོ་འདུག་སྟབས་གཞོན་སྐྱེས་ཚོས་ཀློག་རྒྱུ་གལ་ཆེན་ཡིན་སྐོར་སོགས་བརྗོད་སོང་།
བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག་གིས། སྟག་སྣ་འཇིཊ་མེད་བཟང་པོ་ལཊ་ཀྱི་སྐུ་ཚེའི་སྙིང་བོ་དང་དགུང་ལོ་དར་མ་དེ་བཙོན་དུང་ནང་བཞུགས་དགོས་པའི་གནས་ཚུལ་བྱུང་ཡང་། ཁོང་གིས་སྔ་རྗེས་བར་གསུམ་དུ་ལ་འགྱུར་བ་མེད་པའི་སྙིང་སྟོབས་བཅངས་ཏེ། བོད་རྒྱལ་ཁབ་དང་མི་རིགས། བོད་བསྟན་པ་ཆབ་སྲིད་ལ་ལྷག་བསམ་རྣམ་དག་དང་རྒྱལ་ཞེན་གྱི་དཔེ་མཚོན་གསོན་པོ་ཞིག་བཞག་ཐུབ་ཡོད་པ་དང་། མི་ཚེ་བཟང་མཐར་འཁྱོལ་བའི་དོན་གྱི་རྒྱལ་གཅེས་དཔའ་བོ་ཞིག་ཆགས་ཡོད་སྐོར་གསུངས་སོང་། ཁོང་གིས་། “ ང་རང་རྒྱུན་རིང་པོ་གཤིབ་མེད་ཀྱང་། འཇིཊ་བཟང་ལཊ་ཀྱི་ཐུཊ་གཤིས་དེ་ཧ་ཅང་ཉམས་ཆུང་དང་། དཔེ་མཚོན་ཆུང་ཆུང་ཞིག་ཞུས་ན། བཙོན་ཁང་ནང་ལོ་མང་པོ་བཞུཊ་ཀྱང་། རྒྱལ་སྤྱིའི་སྤྱི་ཚོཊ་ཀྱི་ཐབས་ལམ་འོག་སྨན་སྦྱོར་དང་སྦྲཊ་ཕྱི་ཕྱོཊ་སུ་ཡོང་བའི་གོ་སྐབས་རག་སྐབས་བློ་རྩ་བརྟན་པོས་དང་ལེན་མ་བྱས་པ་དེ་དག་ནི་མི་ཚེའི་ལོ་རྒྱུས་ནང་ཧ་ཅང་ཡ་མཚན་ཆེན་པོ་ཡིན་པ། མི་རིཊ་དང་རྒྱལ་ཁབ་ཀྱི་དོན་དུ་སྒེར་གྱི་ཁེ་ཕན་བློས་བཏང་ཡང་མཐའ་མར་ཕེབས་རྒྱུའི་གོ་སྐབས་བྱུང་བ། དེབ་འདིའི་ནང་ཞིབ་ཚཊ་པོ་བྱས་ཏེ་གནས་ཚུལ་མང་པོ་ཞིག་བཀོད་གནང་ཡོད་ཀྱི་མ་རེད་བསམ་གྱི་འདུག སྐབས་དེའི་བཙོན་རོགས་མང་པོ་ཞིག་འདིར་ཕེབས་བཞུཊ་གནང་ཡོད་པ་རེད། དེ་ཚོས་ངེས་པར་དུ་ཁ་གསབ་གནང་དགོས་པ་དང་། དོ་བདག་རང་ཉིད་ཀྱི་ཐུགས་ཞིབ་ཀྱི་ཐོག་ནས་འགྲིག་བསྡད་པ་ཡིན་ན། སོ་སོ་རང་ཉིད་ཀྱིས་རང་ཉིད་ལ་ལྟོས་པའི་བཟོད་དགོངས་ཏེ་མ་འགྲིག་པ་ཏན་ཏན་ཡོད་ངེས་སྟབས། བཙོན་རོགས་གཞན་པ་ཚོས་རྒྱུས་ཡོད་ཀྱི་ཐོག་ནས་མ་འོངས་པར་ཁ་གསབ་གནང་ཐུབ་པ་བྱུང་བ་ཡིན་ན་ཏན་ཏན་སྐད་ཆ་ཡོང་གི་རེད་བསམ་གྱི་འདུག ” ཅེས་གསུངས་བྱུང་།
མཇུག་ཏུ་སྲིད་སྐྱོང་བློ་བཟང་སེང་གེ་མཆོག་གིས། ཁོང་ལྡི་ལི་མཐོ་སློབ་ཀྱི་སློབ་ཕྲུག་ཡིན་སྐབས་ནས་བཟུང་སྟག་སྣ་འཇིཊ་མེད་བཟང་པོ་ལགས་གྲྭ་བཞི་བཙོན་ཁང་དུ་ཡོད་པའི་ལོ་རྒྱུས་ཐོས་མྱོང་བ་དང་། ༡༩༩༢ ལོར་སུད་སི་ནས་འགྲོ་བ་མིའི་ཐོབ་ཐང་གི་སྐུ་ཚབ་མཐོ་སློབ་དུ་ཕེབས་སྐབས། ཁོང་གིས་གྲྭ་བཞི་བཙོན་ཁང་དུ་ངོ་རྒོལ་བྱས་པ་ཐོས་ཡོད་ཚུལ། རྗེས་སུ་བཙོན་ཁང་དུ་ལན་འབྱོར་ཏེ་ཨ་རིར་ཕེབས་ཆོག་གི་ཡོད་པ་དང་། བོད་ལ་ཚུར་ལོག་གི་མིན་ཞེས་ཁས་ལེན་བྱེད་དགོས་པའི་ཆ་རྐྱེན་བཏོན་སྐབས། ཁོང་གིས་ཕྱིར་བོད་ལ་ལོག་རྒྱུ་མེད་པ་ཡིན་ན། ཨ་རིར་འགྲོ་ཡི་མིན་ཞེས་གསུངས་ཡོད་པ་མ་ཟད། ཡིག་ཐོག་ནས་སོ་སོའི་ཕ་ཡུལ་བོད་ལ་ལོག་རྒྱུ་མེད་པ་ཡིན་ན། ང་ཨ་རིར་འགྲོ་རྒྱུ་མིན་ཞེས་བཀོད་ཡོད་པ་དང་། རྗེས་སུ་ཆ་རྐྱེན་གང་ཡང་མེད་པར་སྐུ་གཟུགས་དང་གནས་བབ་ཀྱི་ཐོག་ནས་ཨ་རིར་ཕེབས་ན་འགྲིག་གི་ཡོད་ཚུལ་བཤད་རྗེས། གཞི་ནས་ཕྱིས་སུ་སྐུ་གཟུགས་བརྟག་དཔྱད་གནང་ཆེད་ཕྱིར་ཕེབས་ཐུབ་པ་བྱུང་ཡོད་པ་དེས། ཁོ་རང་ང་ཚོའི་རྒྱལ་ཁབ་ལ་རྒྱལ་ཞེན་དང་། མི་རིགས་ཀྱི་ལ་རྒྱ་དང་སྙིང་སྟོབས་གང་འདྲ་ཡོད་མེད་དང་། བོད་སྤྱི་བའི་རྩ་དོན་ཆེད་རང་ཉིད་
བློས་བཏང་སྟེ། ལྷག་བསམ་རྣམ་དག་གིས་རྩ་དོན་རང་གི་ཆེད་དུ་སྐུ་ངལ་བསྐྱོན་ཡོད་མེད་བཅས་དཔའ་ བོ་དཔའ་མོའི་ནང་ནས་མིག་དཔེ་འཇོག་དགོས་པ་ཞིག་དང་། དམིགས་བསལ་ཕྱི་ནང་གཉིས་སུ་ཡོད་པའི་ན་གཞོན་ཚོས་ཁོང་གི་ལོ་རྒྱུས་གཏིང་ཟབ་པོའི་ཐོག་ནས་རྟོག་དགོས་པ་ཧ་ཅང་གལ་ཆེན་ཡིན་ཚུལ་གསུངས་སོང་།
སྟག་སྣ་འཇིགས་མེད་བཟང་པོ་ལགས་ཀྱི་དེབ་འདིར་ཁྱོན་ལེ་ཚན་ ༦ དང་ཤོག་ངོས་ ༢༢༥ ཡོད་པ་དང་། ལེ་ཚན་དང་པོར། ཁོང་ཐོག་མར་བཙོན་ཁང་ནས་ཨ་རིར་སླེབས་ཚུལ་དང་། ཨ་རིར་སླེབས་པའི་བརྒྱུད་རིམ། ལེ་ཚན་གཉིས་པ། ཨ་རིར་འབྱོར་རྗེས་ཀྱི་སྐོར། ལེ་ཚན་གསུམ་པ། ལྷ་སའི་སློབ་ཆུང་དང་པོའི་ནང་དགེ་རྒན་བྱས་པའི་སྐོར། ལེ་ཚན་བཞི་བ། བཙོན་དུ་ཚུད་པའི་སྐོར། ལེ་ཚན་ལྔ་བ། འཁྲུངས་ཡུལ་དང་ཕ་མའི་སྐོར། ལེ་ཚན་དྲུག་པ། བཙན་བྱོལ་བོད་མིའི་སྒྲིག་འཛུགས་དང་རང་ཉིད་ཀྱི་ལྟ་ཚུལ་སྐོར་བཅས་སོགས་བཀོད་འདུག་ལ། ད་དུང་ཁོང་གི་ལོ་རྒྱུས་རང་བཞིན་གྱི་སྐུ་པར་ཁག་ཅིག་དང་། ཁྲིམས་གཅོད་དཔང་ཡིག དེ་མིན་གྱི་ཡིག་ཆ་ཁག་ཅིག་བཅས་བཀོད་འདུག
བཀུར་འོས་ཆབ་སྲིད་བཙོན་ཟུར་གྲགས་ཅན་སྟག་སྣ་འཇིགས་མེད་བཟང་པོ་མཆོག་ལ་གུས་འདུད་ལན་བརྒྱར་ཞུ་བ་དང་འབྲེལ། སྙིང་སྟོབས་ལ་དུས་དང་མཐུན་པའི་སློབ་སྦྱོང་བྱེད་ཨེ་ཐུབ་ཀྱང་ལྟ་རྒྱུ་ཡིན།
དེ་བཞིན། སྲིད་སྐྱོང་སོགས་ཆེན་པོ་རྣམས་ཀྱིས་དཔའ་བོའི་བྱུང་རབས་དེབ་ཐེར་དུ་འཇོག་པའི་གལ་གནད་ཐད། དབུ་ཁྲིད་ཅིག་ཡིན་པའི་ངོས་ནས་གཏམ་བཤད་ཚད་ལྡན་མ་འདྲ་བ་གནང་ཐུབ་མི་འདུག་ཀྱང། ས་ཆའི་ཚོད་ཀྱི་དྭགས་ཡིན་པར་སོང་ཁྱེད་ཚོའང་བཀའ་དྲིན་ཆེ་ཞུ།
ཞོར་དུ། རྩོམ་སྒྲིག་པ་ཆབ་སྲིད་བཙོན་ཟུར་ལྷ་ཆབ་སྦྱིན་པ། ཆབ་སྲིད་བཙོན་ཟུར་པ་སངས་ཚེ་རིང། ཆབ་སྲིད་བཙོན་ཟུར་དམེ་བུ་དཀོན་རྒྱམ་སོགས་དགུ་བཅུ་གསུམ་ནང་གི་ཆབ་སྲིད་བཙོན་ཟུར་ཚང་མ་ལའང་བཀའ་དྲིན་ཆེ་ཞུས་པ་ཡིན།