འཕགས་མོ་བསམ་འགྲུབ་སྐུ་གྲོངས་འདུག

ཉེ་ལམ་རྩེ་ཁོག་རྫོང་རྡོ་དཀར་མོ་ཞང་དུ་རང་ལུས་མེར་བསྲེཊ་གནང་མཁན་འཕགས་མོ་བསམ་འགྲུབ་ལགས་སྐུ་གྲོངས་འདུག

ཟླ་འདིའི་ཚེས་ ༥ ཉིན་གྱི་བོད་ནང་གི་དགོང་དྲོའི་ཆུ་ཚོད་ ༩།༣༠ ཡས་མས་སུ། རྨ་ལྷོ་ཁུལ་རྩེ་ཁོག་རྫོང་རྡོ་དཀར་མོ་ཞང་གི་ཉེ་འཁྲིས་བན་ཆེན་ཉིན་སློབ་གྲྭ་གཉིས་པའི་འདབས་སུ། མགོན་ཤུལ་སྒར་བའི་རང་ལོ་ ༢༧ ཡིན་པའི་གཞོན་སྐྱེས་འཕགས་མོ་བསམ་འགྲུབ་ལགས་ཀྱིས། རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་གནང་ཡོད་པ་དང་། ཕྱིས་སུ་དམག་མིས་ཁོང་གི་སྐུ་ཕུང་བཙན་འཁྱེར་བྱས་ཡོད་ཀྱང་། གནས་ཚུལ་བྱུང་སྟེ་ཅང་མ་འགོར་བར་སྐུ་གྲོངས་ཡོད་འདུག

ངྷ་སར་གནས་སྡོད་བསྟན་འཛིན་ལགས་ཀྱིས་གསར་ལམ་དུ་གནས་ཚུལ་ངོ་སྤྲོད་གནང་བ་ལྟར་ན། ཕྱི་ཚེས་ ༥ ཉིན་འཕཊ་མོ་བསམ་འགྲུབ་ལགས་ཀྱིས་རང་ལུས་མེར་བསྲེཊ་གནང་རྗེས། དམག་མི་དང་ཉེན་རྟོག་པ་འབྱོར་ཏེ་སྐུ་ཕུང་བཙན་འཁྱེར་བྱས་ཡོད་འདུག་ལ། ཚེས་ ༦ ཉིན་གྱི་མཚན་མོར་ས་གནས་ཉེན་རྟོག་པས་ཁོང་གི་སྐུ་ཕུང་ཟི་ལིང་གྲོང་ཁྱེར་གྱི་སྨན་ཁང་ཞིག་ཏུ་འཁྱེར་ཏེ་བརྟག་དཔྱད་བྱས་རྗེས། ཐད་ཀར་ཕུང་པོ་བསྲེཊ་ས་ཞིག་ཏུ་འཁྱེར་ཏེ་མེར་བསྲེཊ་བཏང་ཡོད་འདུག

སྐབས་དེ་དག་ཏུ་རྒྱ་གཞུང་ཉེན་རྟོག་པས་འཕགས་མོ་བསམ་འགྲུབ་ལགས་ཀྱི་ནང་མིར་རིན་གོང་ཆེ་ཆུང་ག་ཚོད་ཡིན་པའི་ཕུང་པོ་བསྲེཊ་སར་འཁྲིད་དགོས་མིན་གྱི་སྐད་ཆ་དྲིས་པ་ཡོད་པ་ཙམ་ལས། ཉེ་འབྲེལ་ཚོར་འདོད་མོས་ཡོད་མེད་ལ་མ་ལྟོས་པར་བཙན་དབང་གིས་སྐུ་ཕུང་མེར་བསྲེཊ་བཏང་ཡོད་པ་མ་ཟད། ནང་མིས་ཕྱིར་རང་ཁྱིམ་དུ་གདན་འདྲེན་ཞུ་བཞིན་པའི་རུས་ཐལ་དང་འདས་པོའི་མཛུབ་དཀྲིས་སོགས་ཀྱང་བཙན་འཕྲོག་བྱས་ཏེ་རྨ་ཆུའི་ནང་གཏོར་ཡོད་འདུག

གསར་འགོད་པ། དོན་གོ