༧གོང་ས་མཆོག་གིས་ལ་ཏི་ཝི་ཡར་ཆོས་ཞུ་བ་ཚོར་དོལ་རྒྱལ་གྱི་སྐོར་ལ་བཀའ་སློབ་གནང་སྟེ། སྐྱབས་རྗེ་ཕ་བོང་ཁ་དང་ཁྲི་བྱང་རིན་པོ་ཆེས་དོལ་རྒྱལ་དེ་དྲེགས་པར་བརྩིས་པ་མ་གཏོགས་འཇིག་རྟེན་ལས་འདས་པའི་ལྷར་བརྩིས་གནང་མེད་སྟབས། དྲེགས་པ་སྐྱབས་གནས་དངོས་ལ་བརྩིས་ནས་བསྟེན་ན་ནོར་འཁྲུལ་ཆགས་ཀྱི་ཡོད་སྐོར་གསུངས་ཡོད་འདུག
ཁ་སང་ཚེས་ ༧ ཉིན་༧གོང་ས་མཆོག་གིས་ལ་ཏི་ཝི་ཡའི་མཛད་འཕྲིན་ཁག་ལེགས་པར་གྲུབ་ཏེ། ནོར་སྦེལ་གཟེངས་རྟགས་ཚོགས་ཆུང་གིས་གཟེངས་རྟགས་འབུལ་བཞེས་གནང་སྟེ་ལོ་ ༢༥ འཁོར་བའི་དུས་དྲན་མཛད་སྒོར་གདན་ཞུ་གནང་བ་ལྟར་ཆིབས་བསྒྱུར་གནང་ཡོད་པར་མ་ཟད། ནོར་ཝེ་སྲིད་བློན་ཟུར་པ་ཀེ་ཇེལ་མེག་ནེ་ (Kjell Magne Bondevik) མཆོག་དང་། ནོར་ཝེ་གཟེངས་རྟགས་ཚོགས་ཆུང་གི་ཚོགས་མི་མཇལ་འཕྲད། གསར་འགོད་པ་དང་ས་གནས་བོད་མི་ཚོར་ཐུག་འཕྲད་བཅས་གནང་ཡོད་པ་དང་། དེ་རིང་རྒྱལ་ས་ཨོ་སི་ལོར་ས་གནས་མི་མང་དང་ཕྱོགས་ཡོང་དད་ལྡན་པར་བློ་སྦྱོང་ཚིག་བརྒྱད་མའི་བཀའ་ཆོས་གནང་གི་ཡོད་འདུག་ལ། སང་ཉིན་ཚེས་ ༩ ཉིན་མང་ཚོགས་ལ་ཉིན་རེའི་འཚོ་བའི་ནང་བྱམས་དང་སྙིང་རྗེ་ཁྱབ་སྤེལ་གཏོང་ཕྱོཊ་ཞེས་པའི་བརྗོད་གཞིའི་ཐོག་བཀའ་སློབ་གནང་རྒྱུ་ཡིན་འདུག
ཟླ་འདིའི་ཚེས་ ༦ ཉིན་གྱི་སྔ་དྲོ་༧གོང་ས་མཆོག་གིས་ལ་ཏི་ཝི་ཡར་ལ་ཏི་ཝི་ཡ་དང་ཨི་སི་ཊོ་ནི་ཡ། ཨུ་རུ་སུ། པོ་ལེན་ཌི། ནོར་ཝེ་བཅས་ཀྱི་གསར་འགོད་པ་ ༥༠ བརྒལ་བ་འདུ་འཛོམས་ཀྱི་གསར་འགོད་ལྷན་ཚོགས་ཐོག གསར་འགོད་པ་ཞིག་གིས་༧གོང་ས་མཆོག་ཕྱི་ཚེས་ ༧ ཉིན་ནོར་ཝེའི་རྒྱལ་ས་ཨོ་སོ་ལོར་ཆིབས་བསྒྱུར་སྐབས་རྒྱལ་ཁབ་ཀྱི་མགོ་ཁྲིད་ཚོས་མཇལ་ཁ་ཞུ་རྒྱུ་མིན་པའི་ཐད་དགོངས་ཚུལ་དྲིས་པའི་ལན་དུ། འདི་ནི་འཆར་ཅན་གྱི་གནད་དོན་ཞིག་རེད། ངོས་རང་འཛམ་གླིང་ཡུལ་གྲུ་གཞན་ཁག་དང་ད་ཐེངས་ནོར་ཝེར་ཡོང་དོན་གཙོ་བོ་ཆབ་སྲིད་དང་འབྲེལ་བ་རྩ་བ་ནས་མེད། ངོས་ཀྱིས་དུས་རྟག་ཏུ་གཙོ་བོ་འགྲོ་བ་མིའི་རིན་ཐང་དང་ཆོས་ལུགས་ཕན་ཚུན་གྱི་མཐུན་ལམ་གོང་འཕེལ་གཏོང་ཐབས་བྱེད་བཞིན་ཡོད། གྲོགས་པོ་རྙིང་པ་ཁག་གཅིག་ཐུག་འཕྲད་དང་ལྷག་པར་མི་མང་དཀྱུས་མ་རྣམས་ཐུག་འཕྲད་ཆེད་ཡོང་ཡོད། ཐེངས་འདིར་ངོས་རང་ནོར་ཝེའི་ནོ་བེལ་མཐུན་ཚོགས་ཀྱིས་འགྲོན་འབོད་གནང་བ་ཞིག་ཡིན། ངོས་རང་ས་གནས་གང་དུ་བསྐྱོད་ཀྱང་ས་གནས་དེའི་འགོ་ཁྲིད་རྣམས་ལ་ཕྱག་ལས་གནང་རྒྱུར་སྟབས་བདེ་མེད་པ་ཞིག་རྩ་བ་ནས་བཟོ་འདོད་མེད། ཅེས་སོཊ་གསུངས་འདུག
ཡང་ཉིན་དེར་ལ་ཏི་ཝི་ཡའི་ཀུབ་ས་ལ་རྒྱལ་སྤྱིའི་འགྲེམས་སྟོན་བསྟི་གནས་ཁང་དུ་དད་ལྡན་ཆོས་ཞུ་བ་རྣམས་ལ་སྐྱབས་འགྲོའི་སྐོར་ངོ་སྤྲོད་གནང་སྐབས་༸གོང་ས་མཆོག་གིས། ཆོས་ལུགས་གང་ཡིན་རུང་སོ་སོར་སྐྱབས་གནས་རེ་ཡོད། སངས་རྒྱས་པའི་ཆོས་ནང་སྐྱབས་གནས་དཀོན་མཆོག་གསུམ་གསུངས་ཡོད། དེ་ཡང་སྐྱབས་དངོས་ཆོས་དཀོན་མཆོག་རེད་མ་གཏོགས་སངས་རྒྱས་དང་དགེ་འདུན་མ་རེད། སངས་རྒྱས་དཀོན་མཆོག་སྨན་པ་དང་འདྲ་བ་དང་དགེ་འདུན་དཀོན་མཆོག་ནད་གཡོག་ལྟ་བུ་རེད། ཆོས་དཀོན་མཆོག་སྨན་དང་འདྲ་བ་རེད། དེ་ལྟ་བུ་དཀོན་མཆོག་གསུམ་ལ་སྐྱབས་སུ་འགྲོ་དགོས། སྤྱིར་བཏང་བོད་དང་ཧི་མ་ལ་ཡའི་རི་རྒྱུད་ཀྱི་སྤྱི་ཚོགས་ནང་ཡུལ་ལྷ་རེད་ཅེས་པ་མང་པོ་ཡོད། དེ་དག་ལ་ཁ་ཐུག་བསང་གསོལ་བྱས་ཏེ་འཕྲིན་ལས་བཅོལ་ན་ཁྱད་པར་གང་ཡང་མེད་པ་རེད་མ་གཏོགས། སེམས་གཏིང་ནས་དད་པ་དང་ཡིད་ཆེས་བྱས་ན་སྐྱབས་འགྲོ་ཉམས་རྒྱུའི་ཉེན་ཁ་ཡོད། གང་ལ་ཞེ་ན། དྲེགས་པ་རྣམས་རང་ཉིད་ལས་ཉོན་གྱི་གཞན་དབང་དུ་བསྡད་ཡོད། དེ་ལྟ་བུའི་འཇིག་རྟེན་པའི་ལྷ་ཞིག་གིས་སྐྱོབ་ཐུབ་ཀྱི་མ་རེད། དཀར་ཕྱོགས་སྐྱོང་བའི་དྲེགས་པ་ཡིན་རུང་དེར་སྐྱབས་གནས་བརྩིས་ན་ཡག་པོ་མེད། ཤུགས་ལྡན་སྔོན་མ་ངོས་ཀྱང་བསྟེན་པ་རེད། ཁྲི་བྱང་རིན་པོ་ཆེས་བསྟེན་གནང་གི་ཡོད། སྐྱབས་རྗེ་ཕ་བོང་ཁ་རིན་པོ་ཆེས་གཙོ་བོ་བསྟེན་གནང་ཡོད། སྐྱབས་རྗེ་ཕ་བོང་ཁ་དང་ཁྲི་བྱང་རིན་པོ་ཆེས་དེ་དྲེགས་པར་བརྩིས་པ་མ་གཏོགས་འཇིག་རྟེན་ལས་འདས་པའི་ལྷར་བརྩིས་གནང་གི་མི་འདུག དེར་བརྟེན་དྲེགས་པ་སྐྱབས་གནས་དངོས་ལ་བརྩིས་ནས་བསྟེན་ན་ནོར་འཁྲུལ་ཆགས་ཀྱི་ཡོད། ཅེས་གསུངས་འདུག
ཡང་༧གོང་ས་མཆོག་གིས། སྐྱབས་རྗེ་ཕ་བོང་ཁའི་རྣམ་ཐར་ཕྱོགས་བསྒྲིགས་གནང་མཁན་ཁོང་གི་དྲུང་ཡིག་བློ་བཟང་རྡོ་རྗེས་བྲིས་པའི་རྣམ་ཐར་བོད་ནས་དཔར་བསྐྲུན་བྱས་པའི་ནང་ཧ་ཅང་གསལ་པོ་འདུག སྐུ་མདུན་སྐུ་གོང་མས་ཕ་བོང་ཁ་རིན་པོ་ཆེར་ཤུགས་ལྡན་སྐྱབས་གནས་ལ་བརྩིས་ནས་བསྟེན་ན་སྐྱབས་འགྲོའི་བསླབ་བྱ་དང་འགལ་གྱི་རེད། ཅེས་གསུངས་འདུག ངོས་རང་ཆུང་དུས་སྐབས་བསྟེན་པ་རེད། རྗེས་སུ་མཚམས་འཇོག་བྱས་ཏེ་གཞན་ལ་དེའི་དགེ་སྐྱོན་སྐོར་འགྲེལ་བཤད་རྒྱག་རྒྱུ་ངོས་ཀྱིས་ལས་འགན་རེད། ཉན་དང་མི་ཉན་སོ་སོའི་བསམ་བློ་དང་རང་དབང་རེད། ངོས་ལ་བརྗོད་རྒྱུ་གང་ཡང་མེད། རྒྱལ་ཆེན་ཤུགས་ལྡན་བསྟེན་ན་ངོས་ཀྱི་སར་ཆོས་དང་སྡོམ་པ་ཞུ་རྒྱུ་སོགས་མ་བྱེད་རོགས། གང་ཡིན་བརྗོད་ན། དམ་ཚིག་ཉམས་རྒྱུའི་སྐྱོན་ཡོད། ༸གོང་ས་ལྔ་པའི་སྐབས་ནས་དམ་ཚིག་ཉམས་ཡོད། ༸གོང་ས་ལྔ་པས་རྒྱལ་པོ་ཤུགས་ལྡན་འདི་སྨོན་ལམ་ལོག་པའི་དམ་སྲི་འབྱུང་པོ། བསྟན་དང་འགྲོ་བ་ལ་འཚེ་བ་བྱེད་མཁན་ཞེས་གསུངས་ཡོད་སྟབས། སྐུ་མདུན་སྐུ་གོང་མས་དམ་བསྒྲགས་གནང་ཡོད། ངོས་ཀྱིས་ཚེ་སྟོད་མ་ཤེས་པར་དོལ་རྒྱལ་བསྟེན་པ་རེད། ཚེ་སྨད་ལ་ལོ་རྒྱུས་མང་པོ་ཞིག་ལ་ཉམས་ཞིབ་བྱས་ཏེ་ལྟ་སྐབས་དེར་མ་འགྲིག་པ་གཅིག་འདུག ཤུགས་ལྡན་བསྟེན་མཁན་ཚོ་རླུང་ལངས་ནས་ངོས་ལ་ངོ་རྒོལ་ཤུགས་ཆེར་བྱེད་བཞིན་ཡོད། ད་ལྟ་ངོས་ཀྱིས་གོ་ཐོས་བྱས་ན་ནོར་ཝེར་ཤུགས་ལྡན་ངོ་རྒོལ་བྱེད་མཁན་ཚོ་གྲ་སྒྲིག་ཨང་གསར་བྱས་ཏེ་ངོས་རང་ལ་སྒུག་ནས་བསྡད་ཡོད་པ་གོ་བྱུང་། ཉེ་སྔོན་ཨ་རིར་ཤུགས་ལྡན་ངོ་རྒོལ་བྱེད་མཁན་ཚོས་སྐད་ཞེ་དྲག་བརྒྱབ་པ་རེད། ཁོང་ཚོས་དངོས་ཡོད་གནས་ཚུལ་སྐོར་ཤེས་རྟོགས་གང་ཡང་མེད། སྙིང་རྗེ། ངོས་ཀྱིས་ཁོང་ཚོར་ཡ་ང་སྙིང་རྗེ་སྐྱེས་བྱུང་། མ་ཤེས་པ་རྨོངས་དབང་གིས་གཞན་གྱི་དབང་འོག་ཕྱིན། དངོས་ཡོད་གནས་ཚུལ་གང་ཡིན་མ་ཤེས་པར་བརྟེན་ནས་རེད། ཅེས་སོགས་གསུངས་ཡོད་འདུག
གསར་འགོད་པ། དོན་གོ
་་་་་་་ ངོས་ཀྱིས་ཚེ་སྟོད་མ་ཤེས་པར་དོལ་རྒྱལ་བསྟན་པ་རེད། ཚེ་སྨད་ལ་ལོ་རྒྱུས་མང་པོ་ཞིག་ལ་ཉམས་ཞིབ་བྱས་ཏེ་ལྟ་སྐབས་དེར་མ་འགྲིག་པ་གཅིག་འདུག ཤུགས་ལྡན་སྟོན་མཁན་ཚོ་ཧ་ཅང་རླུང་ལངས་ནས་ངོས་ལ་ངོ་རྒོལ་ཤུགས་ཆེར་བྱེད་བཞིན་ཡོད། ད་ལྟ་ངོས་ཀྱིས་གོ་ཐོས་བྱས་ན་ནོར་ཝེར་ཤུགས་ལྡན་ངོ་རྒོལ་བྱེད་མཁན་ཚོ་གྲ་སྒྲིག་ཨང་གསར་བྱས་ཏེ་ངོས་རང་ལ་སྒུག་ནས་བསྡད་ཡོད་པ་གོ་བྱུང་།
ཉེ་སྔོན་ཨ་རིར་ཤུགས་ལྡན་ངོ་རྒོལ་བྱེད་མཁན་ཚོས་སྐད་ཞེ་དྲག་བརྒྱབ་པ་རེད། ཁོང་ཚོས་དངོས་ཡོད་གནས་ཚུལ་སྐོར་ཤེས་རྟོགས་གང་ཡང་མེད། སྙིང་རྗེ། ངོས་ཀྱིས་ཁོང་ཚོར་ཡ་ང་སྙིང་རྗེ་སྐྱེས་བྱུང་། མ་ཤེས་པ་རྨོངས་དབང་གིས་གཞན་གྱི་དབང་འོག་ཕྱིན། དངོས་ཡོད་གནས་ཚུལ་གང་ཡིན་མ་ཤེས་པར་བརྟེན་ནས་རེད། ཅེས་སོགས་གསུངས་་་་་་་་་་
༧གོང་ས་མཆོག་གིས།
་་་་་ ལ་ཏི་ཝི་ཡར་ཆོས་ཞུ་བ་ཚོར་དོལ་རྒྱལ་གྱི་སྐོར་ལ་བཀའ་སློབ་གནང་སྟེ། སྐྱབས་རྗེ་ཕ་བོང་ཁ་དང་ཁྲི་བྱང་རིན་པོ་ཆེས་དོལ་རྒྱལ་དེ་དྲེགས་པར་བརྩིས་པ་མ་གཏོགས་འཇིག་རྟེན་ལས་འདས་པའི་ལྷར་བརྩིས་གནང་མེད་སྟབས། དྲེགས་པ་སྐྱབས་གནས་དངོས་ལ་བརྩིས་ནས་བསྟེན་ན་ནོར་འཁྲུལ་ཆགས་ཀྱི་ཡོད་སྐོར་གསུངས་ཡོད་འདུག ་་་་་