ཁ་སང་དགོང་མོར་རྒྱ་གཞུང་གིས་རྔ་པ་ཁུལ་ཁྱུང་མཆུ་རྫོང་ནས་གླུ་བ་དགེ་བྷེ་ལགས་བཙན་འཁྲིད་བྱས་ཏེ། ད་ཆར་གནས་ཚུལ་གང་ཡང་ཤེས་རྟོགས་མེད་པ་ཆགས་ཡོད་འདུག
བོད་ནང་ནས་གནས་ཚུལ་ཁུངས་ལྡན་འབྱོར་བ་ལྟར་ན། ཁ་སང་ཕྱི་ཚེས་ ༢༤ ཉིན་གྱི་བོད་ནང་གི་དགོང་མོའི་ཆུ་ཚོད་ ༩ ཙམ་ལ། རྔ་པ་ཁུལ་ཁྱུང་མཆུ་རྫོང་གི་བོད་རིགས་གཞོན་སྐྱེས་ཁག་ཅིག་གིས། རྡུང་ལེན་པ་དགེ་བྷེ་སོགས་བོད་ཁུལ་གྱི་གླུ་བ་གླུ་མ་གྲགས་ཅན་འགའ་གདན་འདྲེན་ཞུས་ཏེ་རིག་རྩལ་དགོང་ཚོགས་ཤིག་བསྡུས་ཡོད་པ་དང་། དགོང་ཚོགས་ཐོག་མི་མང་གིས་གླུ་བ་དགེ་བྷེ་ལགས་ལ་དགའ་བསུ་ཆེན་པོ་ཐོབ་ཡོད་འདུག འོན་ཀྱང་དགོང་ཚོགས་གྲོལ་མ་ཐག་འབར་ཁམས་ཉེན་རྟོག་པ་འབྱོར་ཏེ་དགེ་བྷེ་ལགས་འཛིན་བཟུང་བཙན་འཁྲིད་བྱས་ཏེ། ད་ལྟའི་ཆར་ཁོའི་སྐོར་གྱི་གནས་ཚུལ་གང་ཡང་ཤེས་རྟོགས་མེད་པ་ཆགས་ཡོད་འདུག
གནས་ཚུལ་མཁོ་སྤྲོད་པས་བརྗོད་པར། གླུ་བ་དགེ་བྷེ་ལགས་སུ་ནག་ཉེས་གང་ཡང་མེད་ཀྱང་། ཁོས་བོད་མི་རིགས་ཀྱི་བདེ་སྡུག་དང་སྐད་ཡིག་སྐོར་གྱི་གླུ་གཞས་ཁ་ཤས་བཏང་ཡོད་པ་དེར། རྒྱ་གཞུང་གིས་ཆབ་སྲིད་དང་འབྲེལ་བ་ཡོད་པའི་ནག་ཉེས་གཡོག་སྲིད་སྟབས་ཚང་མས་དོ་སྣང་བྱེད་དགོས་པ་ཞིག་ཡིན་པ་དང་། གླུ་བ་དགེ་བྷེ་ལགས་ཀྱིས་དེ་སྔོན་༼ང་ཡོང་གི་ཡོད༽དང་༼དྲན་པའི་གཞས་ཆུང་༽། ༼རྨ་མེད་ཀྱི་ན་ཟུག༽སོགས་བཏང་སྟབས། རྒྱ་གཞུང་གིས་ཁོང་ལ་ལྟ་རྟོག་རྗེས་འདེད་བྱས་པའི་གནས་ཚུལ་མང་པོ་བྱུང་ཡོད་འདུག
ཁོང་རང་ཉིད་ཀྱིས་སྔོན་ཚུད་ནས་ཐག་བཅད་ཚར་བ་རེད། རྒྱལ་གཅེས་པ།
གནས་ཚུལ་འདི་གང་མགྱོགས་གསར་འགྱུར་བརྒྱུད་ལམ་ནང་ཐོན་པར་ཐུགས་རྗེ་ཆེ། ངོ་དེབ་དང་སྐད་འཕྲིན་སོགས་སུ་ཁྱབ་ནས་འགྲོ་བཞིན་འདུག གནས་ཚུལ་འདི་རིགས་ཚད་ལྡན་མ་ཡིན་པའི་བརྒྱུད་ལམ་ཁག་ཏུ་ཁྱབ་པ་ཡིན་ན་བདག་པོ་མེད་པ་དང་རིན་ཐང་མེད་པ་ཆགས་འགྲོ་བ་རེད། དེ་ལ་ཚང་མས་གཟབ་གཟབ་གནང་གལ་ཆེ་པོ་འདུག