དེ་རིང་ཕྱི་དྲོར་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཛ་དྲག་ཚོགས་ཆེན་ཐོག་རྒྱུན་ལས་ ༡༡ གསར་འདེམས་བྱས་སོང་།
ཟླ་འདིའི་ཕྱི་ཚེས་ ༢༤ ནས་ཉིན་གཉིས་རིང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་ཁང་དུ། ཚོགས་པའི་སྐབས་དྲུག་པའི་ཛ་དྲག་ཚོགས་ཆེན་སྐོང་ཚོགས་གནང་ཡོད་པ་དང་། ཐེངས་འདིའི་ཚོགས་ཆེན་ཐོག དྷ་ས་གཙོ་བོར་གྱུར་བའི་རྒྱ་བལ་འབྲུག་གསུམ་ནས་ཚོགས་མི་ ༡༠༠ ལྷག་འདུ་འཛོམས་བྱུང་ཡོད་པ་དང་། དེ་རིང་ཕྱི་ཚེས་ ༢༥ ཉིན་གྱི་ཉིན་རྒྱབ་ཏུ། བོད་ཀྱི་གཞོན་ནུ་ལྷན་ཚོགས་དང་བུད་མེད་ལྷན་ཚོགས། བོད་རང་བཙན་སློབ་ཕྲུག་ཚོགས་པ། རྒྱལ་ཡོངས་དམངས་གཙོ་ཚོགས་པ་བཅས་ཀྱི་ཚོགས་གཙོ་རྣམ་པ་ཆེད་དུ་གདན་འདྲེན་བྱས་ཏེ། ལས་འགུལ་ཚོགས་པའི་སྐབས་དྲུག་པའི་དྲུང་ཆེ་སོགས་རྒྱུན་ལས་ ༡༡ ཨོ་སི་ཊོ་ལི་ཡར་གཞིས་སྤོར་གྱི་རྒྱན་ཁོངས་ཚུད་པར་ཁ་གསབ་ཀྱི་རྒྱུན་ལས་གསར་པ་འོས་འདེམས་བྱས་སོང་།
གསར་དུ་འདེམས་པའི་རྒྱུན་ལས་ ༡༡ ལས་དང་པོ་རྒྱལ་ཐང་སྤྲུལ་སྐུ། གཉིས་པ། རྡོ་རྗེ་ཚེ་རིང་། གསུམ་པ། ཟླ་བ་བཀྲ་ཤིས། བཞི་པ། ཀླུ་མཁར་བྱམས། ལྔ་པ། པ་སངས་དབང་རྒྱལ། དྲུག་པ། སངས་རྒྱས། བདུན་པ། བློ་བཟང་བསྟན་འཛིན། བརྒྱད་པ། བློ་བཟང་ཉི་མ། དགུ་པ། འཆི་མེད་རྡོ་རྗེ། བཅུ་པ། བཀྲ་ཤིས་རྒྱལ་པོ། བཅུ་གཅིག ངག་དབང་ཁྲི་རལ་བཅས་ཡིན་པ་དང་། ནང་ཁུལ་ནས་རྒྱུན་ལས་ཀྱི་ལས་འགན་གཏན་འབེབས་བྱ་རྒྱུ་ཡིན་འདུག
གོང་གི་གངས་སྲས་མིང་ཅན་དེས་སྤེལ་བའི་སྐད་ཆ་དེར་ང་ལ་མི་འཐད་ཅང་མེད་མོད་རྗེས་ཕྱོགས་མིང་དེའི་འོག་ནས་རྩོམ་ཡིག་འབྲི་ན་མིང་གི་མགོ་མཇུག་ལ་ཚིག་ཅིག་མ་བསྣན་ན་ཁྱེད་ཀྱི་རིག་རྩལ་ལས་ཐོན་པའི་ཕུལ་བྱུང་གི་རྩོམ་ཡིག་དག་གི་དགེ་ཁ་ང་ལ་འཁོར་ཞིང་ངའི་རྩོམ་ཉོག་རེ་ཟུང་གི་མི་ཁ་ཁྱེད་ལ་མི་འཁོར་བའི་ངེས་པ་མེད་པས་ཐུགས་མཉམ་ཞིག་བཞག་སྟེ་མིང་དེ་ལ་སྣོན་འཕྲི་ཞིག་བྱས་ན་ལེགས་པར་སྙམ།
རེད་ཡ་་་ སྔར་ལོའི་ཚོགས་ཆེན་ཐོག་ང་རྒྱུན་ལས་ཙམ་མ་ཟད། ཚོགས་གཙོར་ལངས་རོགས་ཟེར་གྱིན་ཡོད་སྟབས་ངས་དགོངས་པ་ཞུས་པ་ཡིན་ལ། དེ་དུས་ངས་ཚོགས་པའི་ལངས་ཕྱོགས་རང་བཙན་ལ་མ་འགྱུར་ན་ང་ལངས་གི་མིན་ལབ་པ་ཡིན།
ད་ཐེངས་ཛ་དྲག་ཚོགས་ཆེན་ཐོག་རྒྱུན་ལས་ཁ་གསབ་ཙམ་ལས། ཚོགས་གཙོ་གཞོན་རང་འཇགས་རེད། འོན་ཀྱང་། ཚོགས་ཐོག་ནས་ངས་དགོངས་པ་ཞུས་པ་དང་། གལ་སྲིད་ང་འདེམས་པ་ཡིན་ནའང་དབུས་གཏན་འཇགས་རྒྱུན་ལས་ཀྱི་ལས་དོན་ལྕོག་གི་མེད་པ་ཚོགས་ཐོག་རང་ནས་གསལ་བོ་དག་པོ་བརྗོད་ཡོད་མོད། ཚོགས་མི་རྣམས་ཀྱིས་ཨུ་ཚུགས་མཐར་བསྐྱེལ་ངང་འདེམས་འདུག ད་ངས་ག་རེད་བྱེད་དགོས་སམ།
གཉིས་ནས་རང་བཙན་དང་དབུ་མའི་སྐོར་དེ་ཡིན་ན། མ་གཞི་དགུ་བཅུ་གསུམ་ཀྱི་ཚོགས་མི་ཙམ་མ་ཟད། རྒྱུན་ལས་ནང་དུའང་རང་བཙན་གྱི་ལྟ་བ་འཁྱེར་མཁན་ཡོད་ཡོད་པ་རེད། སོང་ཙང་ང་རྒྱུན་ལས་དཀྱིས་མ་ཞིག་ཡར་སླེབས་པ་ཙམ་ཀྱིས་ཚོགས་པའི་ལངས་ཕྱོགས་རང་བཙན་ལ་འགྱུར་སོང་མ་རེད་ལ། ང་རང་སྒེར་གྱི་ལྟ་བ་དབུ་མར་འགྱུར་སོང་བ་དེ་བས་ཀྱང་མ་རེད། འདི་རྣམ་པ་ཚོར་གསལ་བཤད་ཙམ་ཡིན་་་་
༄༅། །ན་གཞོན་ཤེས་ཡོན་ཅན་ཀླུ་མཁར་རྒྱུན་ལས་བཞུགས་པ་ཧ་ཅང་། ཡག་པོ་བྱུང་ཁོང་ནི་མི་ཆེན་མི་ཆུང་གང་གི་ངོ་མ་བལྟ་མཁན་སོ་སོའི་ལྟ་བ་ལམ་ཕྱོགས་མི་གཤིས་དྲང་པོ་གནས་མཁན་ཞིག་རེད། རྒྱུན་ལས་གཞན་ཚོར་ལམ་སྟོན་ཡག་པོ་གནང་བའི་རེ་བ་ཡོད།
ད་རེས་སླར་ཡང་ཀླུ་མཁར་བྱམས་རྒྱུན་ལས་ནང་བསྡད་འདུག སྔར་ལོའི་ཕྱི་ཟླ་དགུ་བའི་ནང་རྒྱུན་ལས་འཕོ་འགྱུར་འགྲོ་སྐབས། རྒྱུན་ལས་ཀྱི་འོས་མིའི་ཁོངས་ནས་ཁོ་རང་གིས་དགོངས་པ་ཞུས་པ་རེད། ད་དུང་ཚོགས་མི་ཚོའི་ནང་དུ་ཁ་ཕོ་འདི་འདྲ་བཤད་ཡོད་རེད། དགུ་བཅུ་གསུམ་གྱི་ལངས་ཕྱོགས་རང་བཙན་ལ་འགྱུར་བ་མ་ཐེབས་བར་དུ་ང་ལ་ཚོགས་པའི་ནང་ལས་ཀ་བྱེད་འདོད་མི་འདུག་གསུངས་ཡོད་པ་རེད།