འདི་ལོའི་ཕྱི་ཟླ་ ༡༠ བའི་ཟླ་མཇུག་ནས་ཟླ་ ༡༡ པའི་ཟླ་མགོ་བར་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་རྒྱ་གར་ལྷོ་ཕྱོགས་འབྲས་སྤུངས་དུ་བཀའ་ཆོས་གནང་རྒྱུ་ཡིན་འདུག
འདི་གར་གནས་ཚུལ་འབྱོར་གསལ་ལྟར་ན། ཉེ་སྔོན་རྒྱ་གར་ལྷོ་ཕྱོགས་འབྲས་སྤུངས་བློ་གསལ་གླིང་ཚ་བ་ཁང་ཚན་གྱིས་ཇི་ལྟར་གསོལ་འདེབས་ཞུས་དོན་ལྟར། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་བཀའ་བཞེས་ཟབ་མོ་ཐོབ་སྟེ། འདི་ལོའི་ཕྱི་ཟླ་ ༡༠ ཚེས་ ༢༧ ཉིན་ནས་ཕྱི་ཟླ་ ༡༡ ཚེས་ ༢ ཉིན་བར་གྱི་དུས་ཡུན་བདུན་ཕྲག་གཅིག་ལྷག་གི་རིང་བཀའ་བློན་ཁྲི་ཟུར་མཆོག་གིས། འབྲས་སྤུངས་བློ་གསལ་གླིང་ཚ་བ་ཁང་ཚན་གྱི་གཙུག་ལག་ཁང་དུ་དགེ་འདུན་པ་དང་སེར་སྐྱ་མི་མང་ལ་༼བྱང་ཆུབ་ལམ་གྱི་སྒྲོན་མེའི༽བཀའ་ཆོས་གནང་རྒྱུ་ཡིན་འདུག
གསར་འགོད་པ། དོན་གོ
ཟམ་གདོང་བླ་མ་ཁྱོད་ནི་གླེན་པ་ལོས་ཡིན།
ལྷ་རྒོད་ཀྱིས།
ཟམ་གདོང་ལགས། ཁྱེད་ནི་ཕྱི་ནང་རིག་གནས་ཀུན་ལ་
མཁྱེན་རབ་ཀྱི་གཤོག་རྩལ་རབ་ཏུ་རྒྱས་ཤིང་རྩོད་མེད་
ཡོངས་གྲགས་ཀྱི་མཁས་པའི་དབང་པོའི་མཚན་སྙན་
གྱི་བ་དན་དེ་བཞིན་འཛིན་མའི་ཁྱོན་འདིར་ལྷབ་ལྷུབ་
དུ་གཡོ་བཞིན་ཡོད་པས་འོ་ན་ཅིའི་ཕྱིར་འཛམ་གླིང་ས་
ཕྱོགས་གང་སར་ཆོས་ཚོགས་བཙུགས་ནས་དངུལ་
དངོས་ཀྱི་བང་མཛོད་བསྐྲུན་མ་ཤེས་པ་ཡིན། ད་དུང་
ཐོག་བརྩེགས་དུ་མ་ལྡན་པའི་ཁང་བཟང་དང་། སྒོར་
མོ་འབུམ་ཕྲག་གནས་པའི་རླངས་འཁོར། ལྕེ་བརྒྱ་སྤྲུལ་
ལ་མཁས་པའི་ཕྱག་མཛོད་སོགས་དཔུང་སྡེ། ཕྱོགས་
མཐར་ཀུན་ནས་ཞ་ཞ་དང་སྒུར་སྒུར་བྱེད་ཅིང་མཐོན་
པོའི་གསེར་དངུལ་གྱི་ཁྲི་ཐོག་ཏུ་དར་ཟབ་སྣ་ལྔའི་
འབོལ་གདན་འདིང་མཁན་གྱི་འཁོར་གཡོག་སོགས་
གང་ཡང་མི་འདོད་པའི་རང་གཤིས་དེས་ཁྱོད་ནི་གླེན་
པ་རང་ཡིན་པར་གསལ་སྟོན་བྱས་འདུག
རྒྱལ་སྲས་སྤྲུལ་པའི་སྐུ་ཡི་མཚན་གནས་དང་། མང་
པོས་བཀུར་བའི་བཀའ་ཡི་བློན་ཆེན་སོགས་ཀྱི་གོ་
གནས་ཇི་ཙམ་ཕུལ་རུང་འཚོ་གནས་ལ་ཉེ་བར་མཁོ་
བའི་དངུལ་དངོས་ཡང་དཀོན་ཙམ་ལས་མེད་པའི་
འབྱོར་མེད་ཀྱི་གནས་བབས་ཐོག་ཏུ་ཨུ་ཚུགས་བྱས་
ཏེ་འཚོ་བར་རོལ་བཞིན་པ་འདི་ལ་བསམ་ཚེ་ངོ་མ་
ཁྱོད་ནི་གླེན་པ་མིན་ན་གང་ཡིན།
ཆུང་གཞོན་ནུའི་དུས་ནས་དམ་པའི་ཆོས་སྒོར་ཞུགས་
ཀྱང་དུས་ཀྱི་རླུང་ནག་འཚུབ་མའི་ཁྲོད་དུ་བསྟན་སྲིད་
མི་རིགས་དང་བཅས་པ་ཆགས་འཇིགས་ཀྱི་གནས་སུ་
ལྷུང་བའི་དུས༧སྐྱབས་མགོན་བཅུ་བཞི་པས། ད་ནི་
ང་ཚོ་བླ་མ་སྤྲུལ་པའི་སྐུ་དང་སེར་མོ་བ་ཚོ་ཡིན་ནའང་།
སྔོན་སྐལ་བ་བཟང་པོའི་དུས་ལྟར་བསླབ་པ་ཐོས་
བསམ་དང་། སྤང་བ་བསམ་གཏན་ཁོ་ནར་གནང་ནས་
དུས་ཚོད་ཆོད་ཁག་པོ་ཡིན་པས་ང་ཚོ་ཚང་མའི་ནུས་
ཤུགས་གཅིག་ཏུ་སྤུངས་པའི་དུས་ལ་སླེབས་ཟིན་པ་
རེད་ཅེས་བཀའ་གནང་ཐེངས་ཅིག་ལ་དེ་དག་གི་ཁྲོད་
ནས་རང་དོན་ཡོད་ཚད་དོར་ཏེ་ཆབ་སྲིད་ཀྱི་ཁོར་ཡུག་
ནང་དུ་ཁྱོད་གཅིག་པུར་མདུན་མཆོང་བྱས། དུས་དེ་
ནས་བཟུང་སྟེ་༧གོང་ས་སྐྱབས་མགོན་ཆེན་པོའི་
བཀའ་དགོངས་ཆ་ཤས་ཙམ་ལའང་མཐུར་ཤོར་མེད་
པར་དབུ་ལོ་དཀར་པོར་མ་གྱུར་བར་དུ་ཤར་བསྐྱོད་
གནང་སྟངས་འདི་ལ་བསམ་ཚེ་ངོ་མ་ཁྱོད་ནི་གླེན་པ་
མིན་ན་གང་ཡིན།
ཆོལ་ཁ་དང་ཆོས་ལུགས་ཀྱི་ཕྱོགས་རིས་ལ་དགའ་བའི་
སྐྱེ་བོ་ཚོས་འདོད་པ་དང་མ་མཐུན་ནའང་དྲང་བདེན་
ཁོ་ན་ལ་ཤི་འཐམ་རོ་འཐམ་གི་ངང་ནས་ཨུ་ཚུགས་
དང་། ཐ་ན་སྤྱི་པའི་རྩ་དོན་གྱི་ལྷད་དུ་རང་གི་ཚེ་སྲོག་
གི་རིན་ཐང་ལའང་ཇི་སྙམ་པར་དོལ་རྒྱལ་ཚོགས་པའི་
མིག་སྔར་རུ་བདེན་དོན་དཔང་པོར་བཞག་སྟེ་དེང་
སྐབས་བཙན་བྱོལ་བོད་མའི་སྤྱི་ཚོགས་ཀྱི་ནང་དུ་རྒྱ་
ནག་དམར་གཞུང་གིས་ཐད་ཀར་ལག་པ་འཆང་སའི་
ལམ་ཁ་བདེ་ཤོས་ནི་ཁྱེད་ཚོ་ཡིན་ཅེས་གདོང་ལ་མཛུབ་
མོ་ཀེར་ནུས་པའི་བློ་ཁོག་དེ་ཡང་གླེན་རྟགས་ལོས་
ཡིན།
ཁྱེད་ནི་ཆབ་སྲིད་ཀྱི་མི་སྣ་དང་། ཆོས་ལུགས་པ་སུ་
འདྲ་ཞིག་དང་འཕྲད་རུང་མཁས་པའི་ཉམས་བརྗིད་
དང་སྒམ་ཚུགས་སོགས་ལ་འགྱུར་བ་གང་ཡང་མེད་
པར་དགོས་མཁོ་དང་མཚམས་པའི་བླང་འདོར་གྱི་
ལམ་སྟོན་ལ་ཤིན་ཏུ་མཁས། རྒྱུ་མཚན་དེའི་དབང་གིས་
འཛམ་གླིང་འདིའི་ནང་གི་མང་གཙོའི་རང་དབང་ལྡན་
པའི་ཡུལ་གྲུ་ཆེ་ཤོས་ཏེ། རྒྱ་གར་རྒྱལ་ཁབ་ཆེན་པོའི་
གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་
སྡེ་ཅུ་ཕྲག་དུ་མའི་སློབ་སྟོན་པ་དང་། ཚོགས་གཙོ་
དང་། ཚོགས་གཞོན། ཚོགས་མི་སོགས་ཀྱི་མཚན་
གནས་ཕུལ་བར་བྲེལ་བའི་ཚུལ་འདི་དག་ལ་དཔག་ན་
ཡུལ་གྱར་བོད་མི་ཙམ་དུ་མ་ཟད་བོད་གངས་ཅན་པའི་
མི་རིགས་འདིའི་ལོ་རྒྱུས་ནང་དུ་གླེན་པ་ཁྱེད་ནང་
བཞིན་ཞིག་སྔར་མ་བྱུང་ལ་ཕྱིས་སུའང་འབྱུང་ཁག་པོ་
གྱུར་འདུག
ཁྱེད་ཀྱིས་བཙན་བྱོལ་བོད་མིའི་གྲོས་ཚོགས་ཀྱི་ཚོགས་
གཙོ་དང་། མི་མང་གིས་འོས་འདེམས་ལམ་ནས་ཐེངས་
དང་པོའི་བཀའ་ཁྲིའི་འགན་བཞེས་པའི་དུས་ཡུན་དེའི་
རིང་དུ་རུལ་སུང་མཁན་དང་། སྐབས་འཚོ་བ་དག་རེ་
རེ་བཞིན་མར་གྱི་དཀྱིལ་ནས་སྤུ་བཏོན་པ་ལྟར་གཙང་
སེལ་བྱས་པའི་རྗེས་སུ་ཁྱེད་ནི་མི་བུ་དེ་ཚོའི་དགྲ་བོ་ངོ་
མ་དེ་གྱུར་ཡོད་ལ། མཐར་ད་དུང་ཡང་ཞེ་འཁོན་དེའི་
དབང་གིས་སྐབས་དང་དུས་ནམ་བྱུང་དུ་ཁྱོད་ལ་སྐྱོན་
བརྗོད་དང་བསྐུར་འདེབས་མཚམས་བཞག་མ་མྱོང་ལ་
མ་འོངས་པ་ལའང་གཏན་ནས་བཞག་མི་སྲིད། ཡིན་
ནའང་ཁྱེད་ཀྱིས་ཁོང་ཚོ་ལ་བཟང་ངན་གང་གི་ཐད་
ནས་ཡ་ལན་དང་མཁོན་འཛིན་བྱེད་ཀྱིན་མེད་པ་འདི་
ནི་བཟང་ངན་མི་ཤེས་པའི་གླེན་རྟགས་རང་ལས་མ་
འདས།
ད་དུང་ཁྱེད་ལ་སྡང་ཟུག་བྱེད་མཁན་དེ་དག་གི་ནང་
དུ་ཆོལ་ཁ་དང་ཆོས་ལུགས་ཀྱི་ཕྱོགས་ཞེན་པ་གཉིས་ཀ་
ཡོད་ལ། ཆོལ་ཁའི་ཁོང་ནས་ཁམས་པ་དང་། ཨ་མདོ་
བ་རེ་ཟུང་དང་། ཆོས་ལུགས་ཕྱོགས་ཞེན་པ་ཚོས་ནང་
ནས་བཀའ་རྙིང་གཉིས་ཤུགས་ཆེ་བ་ཡོད། དང་པོ།
རྐང་རྗེས་ལག་བསིབས་ཅན་གྱི་ཁམས་པ་ཚོས་ཁྱེད་ལ་
དགྲ་ཟླ་འཛིན་དོན་ནི་ཆུ་སྒང་གསར་རྙིང་གི་བྱ་སྤྱོད་
སྤེལ་མཁན་གཙོས་ཁམས་པའི་ཆེན་པོ་རེ་འགའ་ལ་
རྣག་ཐོག་གཙག་འཁེལ་བྱས་པ་ཉུང་ཉུང་མིན་པས་
ལོས་ཡིན། གཉིས་པ། ཆོས་ལུགས་ཕྱོགས་ཞེན་པ་ཚོས་
ཁྱོད་ལ་དགྲ་ཟླ་འཛིན་དགོས་པའི་རྒྱུ་རྐྱེན་གཙོ་བོ་ནི་
ཆོལ་ཁའི་ནད་ཡམ་དང་འབྲེལ་བ་ཤུགས་ཆེ་བས་ཡིན།
འོན་ཅང་བླུན་པོ་རེ་ཟུང་ནི་རི་བོང་ཅལ་རྗེས་སུ་རྒྱུགས་
ནས་ཁྱེད་ལ་སྡང་བ་བྱེད། ཨ་མདོ་བའི་ཕྱོགས་ཞེན་
ཅན་ཚོས་ཁྱེད་ལ་འཁོན་འཛིན་དགོས་དོན་སྲས་རྒྱ་ལོ་
དང་། ཆོལ་ཁའི་ཞེན། ཁ་ཕོར་སྒེར་དོན་དང་འབྲེལ་
བའི་གནད་དོན་སོགས་ཀྱང་མཉམ་དུ་ཚུད་ཡོད། དེ་
དག་ཚང་མ་ལ་སྤྲེལ་ལད་དང་ངོ་སྲུང་སྔར་ནས་ཞུ་མ་
ཤེས་པ་དེ་ལ་གཞིགས་ན་ངོ་མ་ཁྱེད་ནི་གླེན་པ་རང་
ཡིན་ངེས།ད་དུང་ཁྱེད་ཀྱིས་སྲིད་དབང་བཟུང་བའི་
རིང་དུ་ཆབ་སྲིད་ཀྱི་ཐད་ནས་བཤད་ན་རྒྱ་བོད་འབྲེལ་
མོལ་ཐེངས་དགུ་ཙམ་བྱས་ཡོད་ལ། དཔལ་འབྱོར་སྒེར་
བདག་ཅན་གྱི་ལམ་ལུགས་དང་། ཤེས་ཡོན་སྲིད་བྱུས་
གསར་པ་གཏན་འབེབས། སྲོལ་རྒྱུན་སོ་ནམ་ལམ་
ལུགས་དར་སྤེལ། བོད་གཞུང་བུ་ལོན་དོང་ནག་རིམ་
དགུ་ནས་མྱུར་བསྐྱབས། ཁྲིམས་འགལ་ཅན་གྱི་མ་
དངུལ་ཁྲིམས་མཐུན་ལ་བསྒྱུར་བ། བག་མེད་ལོངས་
སྤྱོད་ལ་དགའ་བའི་ལས་བྱེད་དག་ལ་རྩིས་ཞིབ་མཐུལ་
ཕྱིན་པ་གནང་བ་སོགས་གཟེངས་སུ་ཐོན་པའི་སྔར་
མེད་ལམ་ལུགས་མང་པོ་གསར་གཏོད་བྱས་པ་འདི་
དག་ལ་བསམ་གཞིགས་རེ་བྱས་ན་ངོ་མ་གླེན་པ་རེད་
འདུག
མི་ཚེ་ཕལ་ཆེར་ཆབ་སྲིད་ཀྱི་ཁོར་ཡུག་ནང་བཏང་
ནའང་། སྟོན་པ་གོ་ཏ་མའི་ལྟ་གྲུབ་དང་དམ་ཆོས་
འདུལ་བའི་བསླབ་བྱའི་གཅེས་མཚམས་ཕྲ་མོ་ཙམ་
ཡང་ཉམ་མེད་གཅེས་འཛིན་བྱས་པ་དང་། ཆབ་སྲིད་
ཀྱི་ཆ་ནས་བཤད་ནའང་དེ་སྔར་ད་བར་དུ་མཁས་བླུན་
ཀུན་དང་། ཆེན་པོ་སུ་གང་གི་ཀྱང་རྗེས་སུ་ལུས་མ་མྱོང་
བ་ཙམ་དུ་མ་ཟད་མདུན་སྐྱོད་ཀྱི་རྐང་རྗེས་འདི་ལ་
བསམ་ན་ཁྱེད་ནི་ལུགས་གཉིས་ཁ་ལོར་བསྒྱུར་བའི་
གླེན་པ་གླེན་ནག་དེ་ལོས་ཡིན།
མདོར་ན་སྤྱི་པའི་དོན་དུ་རང་དོན་ཡོངས་རྫོགས་སྣང་
མེད་དུ་དོར་བའི་བྱ་སྤྱོད་དེ་དག་ནི་བྱང་ཆུབ་སེམས་
དཔའ་ཅེས་པའི་གླེན་པ་དེ་ཚོ་དང་། རྒྱ་གར་བའི་མེས་
པོ་རུ་གྲགས་པའི་གྷན་དྷི་ཟེར་བའི་གླེན་པ་དེ་ཚོ་ལ་
དམིགས་དཔེར་འཛིན་མཁན་གྱི་གླེན་པ་ནི་དེང་གི་
དུས་འདིར་ཁྱོད་མ་གཏོགས་ངོ་མ་མཐོང་དཀོན་པོ་
གྱུར་འདུག །
ངོ་མ་ཡིན། ང་ནི་གླེན་པ་ཁྱེད་ལ་ཧ་སང་ཧོན་མཐོར་
ནས་བསྡད་ཡོད་དོ།། །།
དུས་བབ་གསར་ཁང་ལ་ཞུ་རྒྱུ། དོལ་རྒྱལ་སྐོར་མི་དམངས་ནང་གཏམ་གླེང་མང་པོ་བྱས་བཅུག་ན་ཡག་གི་རེད། གལ་ཏེ་ཁྱེད་རང་ཚོ་དོལ་རྒྱལ་དང་འབྲེལ་བ་མེད་ན། གང་ཡིན་ཞེ་ན། རིན་པོ་ཆེ་ཚང་དོལ་རྒྱལ་དང་འབྲེལ་བ་ཡོད་པར་དོགས་པ་གནང་མཁན་མང་པོ་ཡོད་རེད། བྱས་ཙང་གཙང་མ་བཟོ་དགོས་པ་གལ་ཆེན་པོ་རེད། དེ་མིན་གསུང་ཆོས་ལ་ཡོང་མཁན་ཚང་མ་སམས་བདེ་བོ་ཡོང་གི་མ་རེད། གལ་ཏེ་འབྲེལ་བ་ཡོད་པ་ཁུངས་སྐྱེད་ཐུབ་མཁན་ཡོད་ན་དེ་ཡང་དགོས་ངེས་རེད། ༧ གོང ས མཆོག ནས བཀའ་སློབ་ནན་མོ་ག་ཚོད་ཅིག་གསུང་བ་ཁྱེད་ཚོས་མཁྱེན་ཡོད་ཀྱི་རེད།
གནད་དོན་འདི་བླ་སློབ་བར་གྱི་དམ་ཚིག་དང་འབྲེལ་བ་ཡོད་པས་གལ་ཆེན་དུ་བསམ་ནས་ཞུ་བ་ཡིན།
ཁྲི་བྱང་ནང་བཞིན་ཆ་ཚང་ག་བ་བྱེད་ཐུབ། ཡིན་ན་ཡང་རིགས་ཁ་ཤས་ཅིག་ཁྲི་བྱང་ལས་ཀྱང་མཁྲེགས་འཛིན་བྱས་ནས་ད་བར་བརྟེན་བཞིན་ཡོད་པ་རེད།
ཁྲི་བྱང་རིན་པོ་ཆེའི་བཀའ་དགོངས་དང་མཐུན་པ་ཞིག་གནང་ན་འགྲིག་གི་ཨ་ཡོད་་་་་་། ཨ་་་་
བཀྲ་ཤིས་བདེ་ལེགས་ཞུ། སྐྱབས་རྗེ་ཁྲི་བྱང་རིན་པོ་ཆེ་ཡི་དགོངས་པ་ཇི་བཞིན་ཆོས་ཞུ་པ་ལྷན་རྒྱས་བརྒྱུད་སྤྲོད་ཐུབ་པར་ཡིད་ཆེས་ཆོག་པ་ཞིག་རེད།