སང་ཉིན་འཇར་མན་གྱི་གྲོང་ཁྱེར་ཧམ་གྷར་ནང་རྒྱ་བོད་ཚོགས་ཆེན་ཞིག་ཚོགས་འཆར་ཡོད་པའི་སྟེང་༧གོང་ས་མཆོག་དང་སྲིད་སྐྱོང་ཕྱི་དྲིལ་བཀའ་བློན་བཅས་ནས་གསུང་བཤད་གནང་འཆར་ཡོད་འདུག
དེ་རིང་ནས་བཟུང་འཇར་མན་གྱི་གྲོང་ཁྱེར་ཧམ་བྷར་(HAMBURG)ནང་ ‘ཐུན་མོང་གི་གཞི་རྟེན་འཚོལ་བ’ ཞེས་པའི་རྒྱ་བོད་ཚོགས་འདུ་ཞིག་དབུ་འཛུགས་འབྱོར་ཐོ་འགོད་བཞིན་ཡོད་པ་དང་། ཚོགས་འདི་དེར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག དེ་བཞིན་ཐེ་ཝན་དོན་གཅོད་ཟླ་བ་ཚེ་རིང་དང་ཕྱི་རྒྱལ་སྐུ་ཚབ་དོན་གཅོད་ཁག་གི་རྒྱ་རིགས་འབྲེལ་མཐུད་པ་སོགས་མཉམ་ཞུགས་གནང་རྒྱུ་ཡིན་པ་དང་། དེ་བཞིན། རྒྱ་རིགས་མཁས་དབང་དང་ལས་འགུལ་བ། རྩོམ་པ་པོ། ཨ་རི་དང་ཡུ་རོབ། ཨེ་ཤི་ཡ། ཨོ་སི་ཊོ་ལི་ཡ་བཅས་ནས་རྒྱ་ནག་རིག་པའི་མཁས་པ་བཅས་མཉམ་ཞུགས་གནང་རྒྱུ་ཡིན་འདུག
ཉིན་འདི་འགར་༧གོང་ས་མཆོག་གིས་འཇར་མན་ནང་མཛད་འཕྲིན་སྐྱོང་གི་ཡོད་པ་ལྟར་སང་ཉིན་ཚེས་ ༢༧ ཉིན་རྒྱ་བོད་ཚོགས་ཆེན་སྟེང་ཕེབས་ཏེ་གསུང་བཤད་གནང་འཆར་ཡོད་འདུག
![Wang made a research tour in Tibet from July 19 to 22. [Xinhua/Liu Bin]](https://tibettimes.net/wp-content/uploads/2026/07/1784796471071092378-360x180.jpg)
ཚོགས་འདུ་གལ་ཆེན་པོ་ཞིག་རེད། ད་དུང་ཡུ་གར་རང་བཙན་འཐབ་རྩོད་པ་དང་ལྷོ་སོག་པོའི་རང་དབང་འཐབ་རྩོད་པ་སོགས་ཀྱང་ཚོགས་ཆེན་འདིའི་ནང་ཉམས་ཞུགས་ཀྱི་གོ་སྐབས་སྤྲད་ན་ཡག་པོ་འདུག་བསམ་སོང་།