དེ་རིང་སྔ་དྲོར་བླ་བྲང་ཨ་མཆོག་ཞིང་གི་རྒྱ་གཞུང་ཉེན་རྟོག་ཁང་གི་སྒོ་འདུན་དུ་བོད་མི་སངས་རྒྱས་མཁར་ཞུ་བ་ཞིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གནང་སྟེ་སྐུ་གྲོངས་ཡོད་འདུག
ད་ལྟ་རང་གནས་ཚུལ་འབྱོར་གསལ་ལྟར་ན། དེ་རིང་སྔ་དྲོའི་བོད་ནང་གི་ཆུ་ཚོད་ ༩ པ་ཙམ་ལ། ཀན་ལྷོ་ཁུལ་བླ་བྲང་བསང་ཆུ་རྫོང་ཨ་མཆོག་ཁྱུང་རུ་ཐང་ཡུལ་ཚོ་ནས་ཡིན་པའི་ཕ་དབང་ལོ་དང་། མ་གཡུ་སྒྲོན་གཉིས་ཀྱི་བུ་སངས་རྒྱས་མཁར་ལགས་ཀྱིས། ཨ་མཆོག་ཞང་ཉེན་རྟོག་ལས་ཁུངས་སྒོ་འགྲམ་དུ་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག
ཁོང་གིས་རང་ལུས་མེར་བསྲེགས་བཏང་རྗེས་རྒྱ་གཞུང་ཉེན་རྟོག་པ་འབྱོར་ཏེ་ཁོང་གི་ཕུང་བོ་བཙན་འཕྲོག་བྱས་ཡོད་པ་དང་། ས་གནས་མང་ཚོགས་ཚོས་ཉེན་རྟོག་པས་ཁོང་གི་ཕུང་བོ་བསང་ཆུ་རྫོང་དུ་འཁྱེར་ཡོད་པའི་ཚོད་དཔག་བྱེད་བཞིན་ཡོད་འདུག དེ་མིན་གནས་ཚུལ་གཞན་ད་སྔ་རག་ཐུབ་མ་སོང་ཡང་། སངས་རྒྱས་མཁར་ལགས་ད་ལྟ་རང་ལོ་ ༣༤ ཡིན་པ་དང་བྱིས་པ་བུ་མོ་གཉིས་ཡོད་འདུག
རང་ལུས་མེར་སྲེག་མ་གཏོང་།
གཞན་ལུས་གནོད་པ་མ་བསྐྱལ།
རང་ཉིད་འཚོ་བཞུགས་ཐོག་ནས།
གཞན་གྱི་དབང་ལས་རྒྱལ་དགོས།
བོད་པས་བོད་མིའི་སྲོག་སྐྱོབས་དགོས།
བོད་པས་རྒྱ་མིར་གནོད་མ་བསྐྱལ།
རང་ས་རང་གིས་བཟུང་བའི་ཐོག
རང་ཐག་རང་གཅོད་ལ་བརྩོན་དགོས།
ད་ངོ་མ་ཡིད་སྐྱོ་བ་ཞིག་རེད། སྐྱེ་བ་ནས་ཚེ་རབས་ཀུན་ཏུ་བླ་མ་སྤྱན་རས་གཟིགས་ཀྱི་རྗེས་སུ་འཛིན་པར་སྨོན།
ཨ་ཁ་ཁ་གང་དྲག སྐྱེ་བ་ནས་ཚེ་རབས་ཀུན་དུ་བླ་མ་སྤྱན་རས་གཟིགས་ཀྱིས་རྗེས་སུ་འཛིན་པར་སྨོན། དེ་མིན་ཐབས་ཤེས་གང་ཡང་མི་ནུས།