དེ་རིང་སྔ་དྲོར་བོད་མི་མང་སྤྱི་འཐུས་གྲོས་ཚོགས་ནང་ཆེས་མཐོའི་ཁྲིམས་ཞིབ་ཁང་གི་སྔོན་རྩིས་དང་འབྲེལ་ཏེ་ལྐོག་ཟ་རུལ་སུངས་སྐོར་གྱི་གླེང་སློང་ཞིག་དང་འབྲེལ་ཏེ་སྤྱི་འཐུས་ཚོགས་གཙོས་དགོངས་པ་ཞུས་སོང་།
སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དགུ་བའི་ལས་ཉིན་བཞིའི་པའི་སྔ་དྲོ་སྟེ། ད་ལྟ་རྒྱ་གར་གྱི་ཆུ་ཚོད་ ༡༢།༢༠ པའི་སྟེང་གྲོས་ཚོགས་ནང་། བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་སྔོན་རྩིས་གཏན་འབེབས་གནང་བཞིན་པའི་ལས་རིམ་འགྲོ་བཞིན་པའི་སྐབས། གྲོས་ཚོགས་ཀྱི་ལས་ཉིན་གཉིས་པར་བཀའ་བརྒྱུད་སྤྱི་འཐུས་བསྟན་པ་ཡར་འཕེལ་ལགས་ཀྱིས་སྤྱི་རྒྱུ་སྒེར་བདག་བྱེད་མཁན། ལྐོག་ཟ་རུལ་སུངས་བྱེད་མཁན། མི་གསོད་ཁྲག་སྤྱོར་བྱེད་མཁན་སོགས་བོད་པའི་སྤྱི་ཚོགས་ནང་དུ་ཡོད་པ་མ་ཟད། སྤྱི་འཐུས་གྲོས་ཚོགས་ནང་དུའང་ཡོད་པ་རེད་ཟེར་བའི་བཀའ་མོལ་ཞིག་དང་འབྲེལ་ཏེ། དེ་རིང་བསྐྱར་དུ་སྤྱི་འཐུས་ཁག་ཅིག་གིས་གནད་དོན་དེ་གླེང་སློང་གནང་བ་དང་། སྤྱི་འཐུས་བསྟན་པ་ཡར་འཕེལ་ནས་ཀྱང་བསྐྱར་དུ་གླེང་བར་བརྟེན་ཏེ། སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གསལ་བཤད་ཅིག་གནང་བ་དང་འབྲེལ་ཏེ་ཚོགས་གཙོའི་ལས་གནས་ནས་དགོངས་པ་ཞུས་ཡིན་ཞེས་གསུངས་ཏེ་ཚོགས་འདུ་དུས་མིན་དུ་གྲོལ་སོང་།
དྲྭ་གྲོགས་བློ་འཕེལ་ལགས་ཁམས་བཟང་།
ཆོས་བརྒྱུད་ཁག་གི་དབུ་ཁྲིད་དང་ཆོས་བརྒྱུད་ཀྱི་སྤྱི་འཐུས་དབར་རྟེན་དང་བརྟེན་པའི་འབྲེལ་བ་ཞིག་ཡོད། རྒྱུ་མཚན་དེ་འདྲ་ལ་བརྟེན་ནས་བློ་བསྐྱེད་ཀྱི་ནུས་པས་སྟོང་ཞིང་ཀླད་མེད་རེ་ཤས་ནས། རྟེན་ཆོས་བརྒྱུད་ཀྱི་དབུ་ཁྲིད་དེ་ཉམས་དམས་སུ་གཏོང་བར་བརྟེན་པ་ཆོས་བརྒྱུད་དེའི་དགེ་འདུན་པ་དང་དད་ལྡན་གྱི་རྗེས་འཇུག་རྣམས་ལ་རང་བཞིན་གྱིས་འཁང་ར་བྱེད་ཅིང་། ད་དུང་ཆོས་བརྒྱུད་དེའི་བླ་མ་དང་སེར་མོ་བ་རྣམ་པས་དོ་ཁུར་མ་བྱས་ནས་རང་འཚམ་གྱིས་འོས་ཤོག་བླུག་ནས་བསྐོས་སྐོར་སྣ་ཚོགས་བཤད་ནས་ཕྱོགས་མཚམས་ཀུན་ཏུ་བཀྲམ། རྒྱུ་མཚན་དེར་བརྟེན་ཆོས་སྲིད་ཀྱི་རྣམ་དཔྱོད་དབེན་ཞིང་འུར་འདྲོགས་ཅན་གྱི་ང་ཚོ་བོད་པ་རྣམས་ཀྱི་རྒྱུད་ལ་དོགས་པའི་སྐྱེད་ཆེན་པོ་ཞིག་སྦྱིན་ཏེ་གནས་སྐབས་བོད་མི་ནང་ཁུལ་ཁ་བྲལ་དང་། མཐར་ཐུག་ངན་སོང་དུ་བསམ་བཞིན་དུ་བཅུག་དང་འཇུག་བཞིན་པའོ།
རྒྱ་ལོའི་བྱས་ཉེས་བཤད་ན་བཀའ་འགྱུར་ཆུང་ཆུང་ཞིག་ཡོང་བར་དོགས་ནས་གནས་སྐབས་ཁྱེད་ལ་མི་ཞུ། ཡིན་ནའང་མ་འོངས་པར་གཞིས་བྱེས་བོད་མི་ཡོངས་ནས་མཁྱེན་དགོས་རྒྱུར་གལ་ཆེན་ཡིན་པས་འབྲི་ཡང་སྲིད།
ཆུ་སྒང་གི་བརྙན་འཕྲིན་ནང་ཐོག་མར་ཆིངས་ཡིག་མ་བཞག་སྒང་ནས་༧སྐྱབས་མགོན་རིན་པོ་ཆེར་སྙན་སེང་ཞུས་ནའང་ཚ་ལོང་དང་གྲང་ལོང་མེད་པར་ལམ་སང་བཀའ་བཀྱོན་ཕེབས་ནས་གནས་དབྱུང་བཏང་བྱུང་བའི་སྐོར་བཤད་འདུག་པས་དེ་ལྟར་ཡིན་ན་བསམ་བློ་གཏོང་ཡུལ་ཞིག་ཆགས་མི་འདུག་གམ།
ཐུགས་རྗེ་ཆེ་གྲོགས་པོ་ལགས། བོད་རྒྱལ་ལོ།
དྲྭ་སྨྱུག་གི་གྲོགས་པོ་འབྲོང་བུ་སོག་ཚ་ལགས་འཚམས་འདྲི་ཞུ། དང་པོ། ཆོས་བརྒྱུད་ཁག་གི་མཛད་གཙོ་རྣམ་པའི་མཛད་རྗེས། ཆོས་བརྒྱུད་ཀྱི་སྤྱི་འཐུས་ཀྱི་བྱས་རྗེས་སུ་བརྩིས་ན་འགྲིག་གམ། དེ་ལས་གཞན་ཆོས་བརྒྱུད་ཀྱི་སྤྱི་འཐུས་ཀྱི་བྱས་རྗེས་བགྲང་རྒྱུ་ཟད་དམ།
གཉིས་པ། ཁྱོད་ཀྱིས་རྒྱ་ལོའི་སྐོར་ལ་ཞིབ་འཇུག་གང་མཚམ་གནང་ཡོད་པ་འདྲ། འོན་ཀྱང་ཉིད་ཀྱི་རྩོམ་ཡིག་ལ་གཞིག་ན་གཟུར་གནས་ཀྱི་ཞིབ་འཇུག་པ་ཞིག་མ་མཐོང་། ངའི་དེའི་སྐོར་ཤེས་ཀྱི་མེད་ལགས།
གསུམ་པ། གློག་བརྙན་སྒྲིག་སྦྱོར་གནང་མཁན་སུ་རེད་བསམ་བློ་གཏོང་གལ། ཡང་དེ་དག་གི་ཇི་མཛད་ལེགས་མཐོང་ལས་དྲང་བདེན་གྱི་ཞིབ་འཇུག་སྐུ་ཉིད་ཀྱི་བློ་ཡུལ་ལས་འདས།
བཞི་པ། བློ་དཀར་གཞུང་དྲང་ལ་དཔའ་དར་དང་བླ་བཙོང་ལ་རྣ་རྟགས་གལ་ཆེ།
ཐལ་ཆ་ཆེ་བའི་ཚིག་འགའ་ཤོར་བས་གྲོགས་པོ་ལགས་ལ་དགོངས་དག་ཞུ།
གུས་ཤིང་བརྩེ་བའི་དྲྭ་གྲོགས་བློ་འཕེལ་ལགས། ཁྱེད་ཀྱིས་ལྗགས་ལན་དང་སྦྲགས་བཀའ་འདྲི་ཁག་ཅིག་གནང་བར་བཀའ་དྲིན་ཆེ། དང་པོ་ཆོས་བརྒྱུད་སྤྱི་འཐུས་མེད་ན་བཟང་ཕྱོགས་ཀྱི་རྣམ་པ་ཞིག་སྟོན་གནང་འདུག་པར། ༡༩༥༩ ནས་ད་བར་བོད་ཕྱི་ནང་གཉིས་གཙོས་ཡུལ་ལུང་འདྲ་མིན་མང་པོ་ནས་བོད་མིར་གདུང་སེམས་མཉམ་བསྐྱེད་དང་རྣོ་ངར་ལྡན་པའི་ཚོར་བ་དྲག་པོ་སྟོན་པ་འདི་༧སྐྱབས་མགོན་རིན་པོ་ཆེས་དབུས་ཆོས་བརྒྱུད་ཁག་གི་མཛད་གཙོ་རྣམ་པས་ཐུགས་ཁུར་མཉམ་བཞེས་གནང་བའི་ཉེར་ལེན་ཁོ་ནས་བྱུང་བ་ཞིག་ཡིན། རྒྱུ་མཚན་དེའི་ཕྱིར་ན་ཆོས་བརྒྱུད་ཁག་གི་སྤྱི་འཐུས་དེ་བོད་མི་ཆིག་སྒྲིལ་གྱི་ནུས་པ་གཙོ་བོ་འདོན་མཁན་ཞིག་ཡིན་ཞེས་བརྗོད་ན་མ་འགྲིགས་པ་མེད།
དོན་ཚན་གཉིས་པའི་འགྲེལ་བཤད་བསྡུས་ཙམ་ཞུས་ན། ༡༩༦༠ ནས་འགོ་འཛུགས་ཀྱིས་རྒྱ་ལོ་དོན་གྲུབ་ལགས་ནས་ཐོག་མར་ཁམས་རིགས་ཀྱི་འགོ་དམངས་ཁག་ཅིག་ལ་འབྲེལ་བ་དམ་ཟབ་ཀྱིས་བོད་ནས་གསར་དུ་འབྱོར་བའི་སྐུ་དྲག་རེ་ཤས་ལ་སྒེར་གྱི་འཁོན་འཛིན་གྱིས་ཕལ་ཆེར་སྲོག་དང་བསྡོ་བའི་ལས་འགུལ་སྤེལ་བར་སྐུ་དྲག་དེ་རྣམས་ཐེ་ཝན་དང་ཨ་རིས་གཙོས་ཕྱི་རྒྱལ་ཡུལ་གྲུ་ཁག་ཏུ་བྲོས་བྱོལ་ལ་འགྲོ་དགོས་པ་བྱུང་ཡོད། ངས་བཤད་པར་མ་བདེན་ན་སྐབས་དེའི་དུས་ཀྱི་མི་རྣམས་ལ་བཀའ་འདྲི་གནང་ན་ཁྱེད་ཀྱི་ཐུགས་དོགས་སེལ་ཐུབ།
ཆུ་བཞི་སྒང་དྲུག་གིས་ཁྲིམས་འགལ་གྱི་མཆིང་ཡིག་བཞག་པའི་ལོ་རྒྱུས་ཁྱེད་ཀྱིས་གསུང་འདུག་པ་དེ་སྐབས་དེ་དང་འབྲེལ་བའི་གནས་ཡོད་རྣམས་ཀྱིས་བྲིས་པའི་ལོ་རྒྱུས་དང་། གློག་བརྙན་ཁག་ནང་གསལ་པོ་འདུག་པས་དེར་གཟིགས་ན་ནམ་མཁའ་གཡའ་དག་ཏུ་འགྱུར་རྒྱུ་གདོན་མི་ཟ།
དོན་ཚན་གསུམ་པ་ཁྱོད་ཀྱིས་ཉེས་ཅན་དུ་བགྲང་བ་དེ་བོད་ཕྱི་ནང་གཉིས་སུ་གནས་རིམ་དང་པོའི་ནང་ཡོད་པ་ཟུར་བསྟན་ལེབ་མཐོང་རེད་གསུང་འདུག་པར། ཁྱེད་ཀྱིས་གསུངས་པ་དེ་གཏན་གཏན་རེད་ཡིན་ནའང་དེ་ནི་སྤྱང་ཀི་ལ་ཚེ་ཐར་དང་། རྐུན་པ་དཔའ་དར་ཞེས་པའི་དཔེ་ལྟར་སོང་བ་ལས་གཞན་གང་ཡང་མིན།
གྲོགས་པོ་ཁྱེད་ཀྱི་བོད་ཡིག་ཡག་པོ་ཞིག་བྲིས་གནང་འདུག་པར་ཡིད་སྤྲོ་བརྟས།
འབྲོང་བུ་སོག་ཚ་ལགས། ཆོས་རྒྱུད་ཁག་གི་སྤྱི་འཐུས་ཀྱི་བཟང་ཕྱོགས་ཀྱི་བྱས་འབྲས་སྣ་གཅིག་སྟོན་དང་ཁོང་ཚོ་གྲོས་ཚོགས་སུ་མེད་ན་བོད་སྤྱི་ལ་ཕྱོགས་གང་ནས་གྱོང་གུད་འདུག་ཡང་གཅིག་ཤོད་དང་།
ཡང་ཁྱོད་ཀྱིས་ཉེས་ཅན་དུ་བགྲང་བ་དེ་དག་བོད་སྤྱི་ནང་གཉིས་སུ་བྱས་རྗེས་ཅན་གྱི་གནས་རིམ་དང་པོར་སླེབས་ཡོད་པ་ཟུར་བལྟས་ལེབ་མཐོང་ཡིན་མོད། ཁྱོད་ཀྱི་མིག་ལམ་དུ་ཁྱེད་རང་མ་གཏོགས་སེར་པོ་སྣང་བ་སུའི་སྐྱོན་ཡིན་པ་ཡང་ལེབ་མཐོང་རེད།
ཡང་ཁྱེད་ལ་ཐུགས་དྲན་གསོ་ཡ་ལ། རང་རློམ་ཅན་འགའ་རེས་ཐེ་ཝན་བོད་སོག་ལས་ཁུངས་སུ་ཆང་ཡིག་བཞག་པ་དྲན་གྱི་འདུག་གམ། དེ་བྱས་རྗེས་ཡིན་ནམ། བྱས་ཉེས་ཡིན། ཡང་ན་ཉིད་ཀྱི་མཆན་བུའི་ནང་འགོད་རྒྱུ་བརྗེད་པ་ཡིན་ནམ།
སྤྱི་འཐུས་ཚོགས་གཙོར་མི་གསོད་ཁྲག་སྦྱོར་བྱེད་མཁན་གྱི་བསྙོན་འཛུགས་བྱས་འདུག དེ་ནི་སྤྱི་འཐུས་མང་ཆེ་བར་བསྙོན་འཛུགས་བྱས་པ་དང་ཁྱད་མེད། གང་ཡིན་ཟེར་ན། སྤྱི་འཐུས་ཚོགས་གཙོར་འོས་འདེམས་གནང་མཁན་གྲོས་ཚོགས་ར་བའི་ནང་གི་སྤྱི་འཐུས་མང་ཆེ་བ་ཡིན། སོང་ཙང་། གནས་ཚུལ་འདི་གསལ་ཐག་མ་ཆོད་པར་འགྲོ་ལུགས་བྱས་ན། སྤྱི་འཐུས་སྤེན་པ་ཚེ་རིང་མཆོག་ཚོགས་གཙོར་འོས་འདེམས་མཁན་གྲོས་ཚོགས་ར་བ་ནང་གི་སྤྱི་འཐུས་ཚང་མ་ལ་འགན་ཁུར་ཡོད། སོང་ཙང་། གནད་དོན་འདི་ཉིད་ཁྲུན་ཐག་མ་ཆོད་པར་བཟང་སྤྱོད་ཀྱི་ལམ་ནས་ཟེར་ན་འདྲ། འགན་འཁྱེར་བའི་བྱ་སྤྱོད་ཟེར་ན་འདྲ། གང་ལྟར་གྲོས་ཚོགས་ར་བ་ནང་གྲོས་ཚོགས་འཐུས་མི་དེ་དག་མཉམ་ཞུགས་བྱེད་སྟངས་མེད་པ་ཞིག་ཆགས་ཡོད།
ངའི་དྲྭ་གྲོགས་བློ་འཕེལ་ལགས། སྙོགས་གྲ་རྩག་ཙིག་བཟོ་མཁན་ཆོས་ལུགས་སྤྱི་འཐུས་ཡིན་སྲིད། ཡིན་ནའང་སྙོགས་གྲ་ཆེན་པོ་བཟོ་མཁན་ནི་གཅིག་སྦྲིལ་ཚོགས་པ་དང་། ལྷ་སྲས་རྒྱ་ལོ་དོན་གྲུབ་མཆོག་ལགས་རེད། དཔེར་ན་སྐུ་དྲག་དང་འབྲེལ་བའི་གནས་ཚུལ། གློ་ཆུ་བཞི་སྒང་དྲུག་གི་གནད་དོན། གཅིག་སྦྲིལ་ཚོགས་པའི་བྱས་ཉེས། འཇོན་རྒྱུ་མེད་པའི་ཏིང་ཞའུ་ཕིང་དང་སྐད་ཆ་བཤད་ནས་གྲུབ་འབྲས་མ་མཐོན་པ་མ་ཟད། ད་དུང་ཡང་མགོ་ལས་རྨ་ཁ་ཆེ་བ་བཟོས་བཞག་པ་འདི་ལ་བལྟོས་དང་། བཤད་ཤེས་ན་དྲང་པོ་བཤོད། དེ་མིན་ན་སྐྱིད་པོ་སྡོད།
སྤྱི་མཐུས་བསྟན་པ་ཡར་འཕེལ་མཆོག་ནས་དངོས་ཡོད་གནས་ཚུལ་ཁུངས་སྐྱེལ་ཡིན་གཅིག་གནང་རོགས་ཞུ་བཞིན་ཡོད།
འདི་དག་ཆབ་སྲིད་པ་ཚོའི་གར་སྟེགས་ཐོག་འཁྲབ་སྟོན་ཞིག་རེད། འཁྲབ་སྟོན་འདི་མ་འོངས་སྐབས་རྗེས་མའི་བཙན་བྱོལ་བོད་མིའི་སྒྲིག་འཛུགས་དེ་དབུ་རང་གཉིས་སུས་བསྐྱང་རྒྱུར་འགྲན་རྩོད་ཀྱི་སྔོན་བརྡ་ཡིན་པ་འདྲ། གལ་སྲིད་སྤྱི་འཐུས་སྤེན་པ་ཚེ་རིང་བཀའ་ཁྲིའི་འོས་འཐོབ་ཚེ་དབུ་མའི་ལམ་རང་འཇག་ཟེར་ནའང་འདྲ། ཁོང་༧སྐྱབས་མགོན་རིན་པོ་ཆེའི་དགོངས་པར་ཤར་སྐྱོད་གནང་མཁན་ཞིག་ཡིན་ས་ཡོད།
དངོས་ནས་བྱས་ན་སྐད་ཆ་འདི་ཚོ་གླེང་བའི་དུས་མ་རེད། ད་ལྟ་༸གོང་ས་མཆོག་གི་སྐུ་དབང་མི་མང་ལ་རྩིས་སྤྲད་རྗེས་སྒྲིག་འཛུགས་འདི་སྲ་བརྟན་གནས་རྒྱུར་བསམ་བློ་གཏོང་དགོས་པ་དེ་ཡིན། བོད་ནང་གི་རང་སྲོག་མེ་འབུལ་ཐུབ་པའི་དཔའ་བོ་དང་དཔའ་མོ་ཚོ། ཁྱེད་ཚོས་སུ་ཞིག་ལ་རེ་བཞིན་ཡོད། སྙིང་རྗེ། དངོས་ནས་ཁྱེད་ཚོར་སྙིང་རྗེ།་་་་་་་་་་་
གྲོས་ཚོགས་ནང་གི་སྐད་ཆ་ཁྲིམས་ཁང་ལ་འགྲོ་མ་ཆོག་པ་ག་དུས་བཟོས་པ་རེད། འོན་ཀྱང་སྐྱོན་འཛུགས་དང་ཉེས་མེད་ཡིན་ན་གྲོས་ཚོགས་ནང་གསལ་བཤད་མ་བྱས་པར་བློ་ཁོག་ཡོད་ལ་ཕྱི་ལ་ཤོག་ཟེར་དོན་གང་ཡིན་ནམ་་ཨ་མའི་བུ་སྐད་ཆ་ལ་བདེན་དཔངས་ཡོད་ན་ད་བཏོན་དགོས་རེད་་་དངོས་ནས་ཡག་པོ་གཙང་མ་བཟོ་དགོས་རེད་ད་་་རེ་བ་ཡོད་་་
སྤྱིར་བཏང་གོང་འོག་སུ་ཞིག་ལ་སྐྱོན་བརྗོད་དང་ཐེར་འདོན་བྱས་ཀྱང་མི་ཆོག་པ་མེད་པ་རེད། ཡིན་ནའང་། ཕྱོགས་རེས་འཐེན་འཁྱེར་གྱི་དུག་མཚོན་སྣ་ཚོགས་འཁུར་ཡོང་སྟེ་གྲོས་ཚོགས་ནང་ནས་རྫིག་ཉམས་སྟོན་པ་དང་དཔའ་རྟགས་ངོམ་པའི་ལྐུགས་ལ་དེ་མཐོང་བ་ཙམ་གྱིས་ངོ་གནོང་བ་ཞིག་རེད། དཔའ་བོ་ཡིན་ན་གྲོས་ཚོགས་ར་བའི་རྐུབ་སྟེགས་སོབ་སོབ་དེའི་སྟེང་ནས་སྟོན་དགོས་པ་མ་རེད། ང་ཚོའི་སྤུན་ཟླ་ཁྲི་སྟོང་མང་པོ་རྒྱ་དམར་པོའི་བཙོན་གནོན་དང་བཙོན་འཇུག་འོག་ན་མནར་གཅོད་མྱོང་དང་མྱོང་བཞིན་པ་ཡིན་ཙང། ང་ཚོས་ཀྱང་ཁ་ཆེའི་དཔའ་རྒོད་ཚོ་ནང་བཞིན་དཔའ་ངོམ་ན་ཕྱི་དྲགས་མེད་ན་སྔ་ཁྱོན་ནས་དྲགས་མི་འདུག དེ་འདྲ་ཡིན་ཙང་གྲོས་ཚོགས་ར་བའི་ནང་སྐད་ཆ་རྫིག་པོ་བཤད་མཁན་གྱི་འཐུས་མི་ཚོས་དཔའ་ངོམ་ས་དེ་མ་ནོར་བ་གནང་རོགས། མིག་ཅེར་ཞིང་མོར་རྩིག་བསྡམས་ནས་འདར་སིག་སིག་གིས་ངར་ས་དེ་མ་ནོར་བ་གནང་རོགས། བོད་བསྟན་སྲིད་ཆེད་ལུས་སྲོག་བློས་བཏང་བའི་སྤུན་ཟླ་ཁྲི་སྟོང་གི་ཞལ་ཆེམས་དང་རེ་འབོད་ལ་ཐུགས་བསམ་རེ་བཞེས་ནས་ཁྲིམས་བཟོ་མཁན་ཞིག་གི་མིང་འཁུར་ཏེ་ཁྲིམས་ལ་མགོ་རྨོངས་ཤིག་ཁྲིམས་ལ་རྡོག་རོལ་མ་གཏོང་རོགས། སྤྱི་བའི་སྡིངས་ཆ་ཞིག་གི་སྒང་ནས་མི་སྒེར་གྱི་ཁེ་ཕན་ཁོ་ན་རྩོད་ལེན་ཆེད་བོད་འདི་ཁྲག་དཀྲིག་པ་ནང་བཞིན་མ་དཀྲིག་རོགས་གནང་སྐུ་མཁྱེན་་་་་་་་་་་་་་་་། ཁྲིམས་ཀྱི་འགྲོ་སྟངས་མི་ཤཻས་ལ་ཁྲིམས་བཟོ་བའི་ནུས་པའང་མེད་ན་དགོངས་པ་ཞུས་དང་། རྐུབ་སྟེགས་སྒང་ལ་འདུག་མཁན་མང་དྲགས་པ་རེད། སྐུ་མཁྱེན་་་་་་་་ ཚང་མ་དཀྲིག་མ་ཡོང་རོགས་གནང་།
bangchen.net/དྲ་བྱང་འདི་ལ་གཟིགས་རོགས།
དྲ་གྲོགས་རེ་གཟུང་ལོ་རྗེས་མའི་བཀའ་སྤྱི་གཉིས་འོས་ཤོག་སྐོར་འབྲེལ་བ་ཡོད་སྟངས་བཤད་ནས་འབྲེལ་ལོག་བརྒྱབ་པ་དེ་ནི། ཕྱོགས་ཞེན་ཆེ་བའི་སྐད་ཅོག་ཙམ་ལས་གནས་ལུགས་དང་རྒྱུ་མཚན་གང་ཡང་མ་མཐོང་།
ཆབ་སྲིད་ལྟ་གྲུབ་དང་འཐབ་རྩོད་ཐབས་ལམ་བརྩད་ནས་གྲོས་ཚོགས་སྒོ་རྒྱག་དགོས་བྱུང་ཡང་། དེ་ངོ་གནོང་དགོས་པའི་གནད་དོན་ཞིག་མ་རེད། ཡིན་ནའང་། མི་སྒེར་བར་གྱི་འཁོན་སེམས་དང་གནད་དོན་བརྩད་དེ་གྲོས་ཚོགས་མཚམས་ཆད་པ་དང་། སྒོ་རྒྱག་མ་ཐུབ་པ་སོགས་བྱུང་བཞིན་པ་འདི་རིགས་ནི། ཡིད་སྐྱོའི་གནས་སྟངས་རང་རེད། ད་ནི་བོད་རིགས་མི་དམངས་རང་ངོས་ནས་བསམ་བློ་བཏང་དང་རིག་པ་སྒྲིམ་ནས། སོ་སོས་བདམས་པའི་གྲོས་ཚོགས་འདིར་བདག་ཡག་པོ་རྒྱག་དགོས་ཀྱི་འདུག སྤྱིར་ཆོས་རྒྱུད་སྤྱི་འཐུས་ཟེར་བ་ཞིག་དགོས་དོན་མི་འདུག བོད་ཀྱི་ལོ་རྒྱུས་ལ་ཕྱིར་མིག་ལྟོས་དང་། ༼ཆོས་རྒྱུད༽དང་༼ཆོལ་ཁ༽ཟེར་བའི་ཐ་སྙད་འདི་གཉིས་ཀྱིས་བོད་ལ་ཕན་རྐང་གཅིག་ཀྱང་ཐོག་མྱངས་མེད་པར། བོད་ཉམས་ཉེས་ཁ་འཐོར་དང་གཞན་འོག་ཚུད་བཅུགས་ཡོད་པ་དེ་ནམ་ལངས་ལངས་ཉི་མ་ཤར་ཤར་རེད། ད་ནི་ཆབ་སྲིད་ཀྱི་རྩེད་ཆས་འདི་རིགས་གད་སྙིགས་ཁྲོད་གཡུག་རན་རེད།
ཕྱི་ནང་གི་གོ་རྟོག་དྲི་མ་ཙམ་ཡང་མེད་པའི་གླང་རྒན་ཚོས་བྱེད་སྟངས་ནི་དགྲ་དགའ་གཉེན་སྡུག་རང་རེད།
གནས་ཚུལ་ཡག་སྡུག་གང་འདྲ་ཞིག་ཡིན་རུང་། ཚོགས་གཙོའི་ངེས་མེད་དགོངས་ཞུ་བྱེད་དགོས་པའི་རྒྱུ་མཚན་སོགས་མི་དམངས་ལ་གསལ་བཤད་བྱེད་རོགས། སྔོན་ཆད་རང་བཙན་མ་ཤོར་གོང་བོད་སྤྱི་འབངས་སྐུ་དྲག་གིས་བཙན་དབང་འོག་སྡུག་པོ་གང་མང་མྱང་ཚར་བ་ཡིན་པས། ཕྱིས་སུ་ཡང་དེ་འདྲ་མྱོང་དགོས་བྱུང་བ་རེད། ད་ལྟ་༧རྒྱལ་བའི་བཀའ་དྲིན་འོག་གནས་སྟངས་བཟང་དུ་འགྲོ་དུས་ཁྱེད་རྣམས་པས་གང་ཟབ་བྱས་ནས་ངེད་མི་དམངས་དཀྱུས་མ་ཚོ་སྡུག་ལ་མི་སྦྱར་བའི་རེ་བ་ཡོད།
གསར་འགྱུར་འདི་ཁ་གསལ་མེད་པ་དང་གསར་འགོད་པའི་མིང་མེད་པ་སོགས་སྐྱོན་གང་ཞིག་མཐོངས་སོང་། རེ་སྐུར་ཞིག་ལ། གསར་འགྱུར་འདི་སྣང་ཆུང་དུ་མི་གཏོང་བར་ཁ་གསལ་ཞིང་དོན་དངོས་ཤིག་སྐྱར་དུ་འགོད་རོགས།
སང་ཉིན་ཚོགས་གཙོའི་ཁྲོ་དངས་ན་ཡོང་གི་རེད། སེམས་ཁྲལ་མ་བྱེད།
འཇིགས་མེད་སེང་གེས་བཤད་པ་བཞིན་དངོས་གནས་སྐབས་རྗེས་མའི་སྲིད་སྐྱོང་གི་འོས་བསྡུ་དང་འབྲེལ་བ་ཡོད་ན། ད་ཡང་ཡག་རྟགས་ཤིག་མི་འདུག་ཏ།
རྒྱ་མིས་ལག་པ་བསྐྱངས་སོང་ང་། བཀའ་བརྒྱུད་སྤྱི་འཐུས་འཇུས་སོང་ང་། ཚོགས་གཙོ་ཁྲི་ལས་གཡུག་སོང་ང་། རྒྱ་དམར་གྱི་བསམ་དོན་འགྲུབ་སོང་ང་། དྲ་གྲོགས་ཚོ། གྲོས་ཚོགས་སུ་རྙོགས་གྲ་གང་བཟོས་ཆོས་རྒྱུད་ཀྱི་སྤྱི་འཐུས་ཚོ་རེད།
དགྲ་དགའ་གཉེན་སྡུག་ག་ལ་ཡིན། མི་དཀར་པོར་ཞྭ་མོ་ནག་པོ་གཡོག་ན་ཁག་ག་ལ་ཡོད། བོད་པའི་གཏམ་དཔེར། ནར་ནར་ལྕེ་ལ་བདག་པོ་མ་རྒྱབ་ན། རིལ་རིལ་མགོ་ལ་འོ་རྒྱལ་བཟོས་ཡོང་ངོ་ཟེར་བ་བཞིན། བཀའ་བརྒྱུད་སྤྱི་བསྟན་པ་ཡར་འཕེལ་ཟེར་བས་འགན་ཁུར་མེད་པར་གྲོས་ཚོགས་ཟང་ཟིང་བཟོས་དོན་ཅི་ཡིན་ནམ། དེང་སྐབས་སྤྱི་ཚོགས་ནང་སྐབས་གཉིས་པའི་སྲིད་སྐྱོང་སྤྱི་འཐུས་ཚོགས་གཙོ་སྤེན་ཚེ་ལགས་ལས་ལྷག་པ་མེད་སྐོར་གླེང་བཞིན་དུ་མི་དཀར་ལ་ཞྭ་ནག་གཡོག་ཏེ་ཟུར་ཟ་བྱེད་དོན་ནི་ཆབ་སྲིད་གཙོག་པ་ཞིག་འཁྲབ་ཏེ། ཁོང་སྐབས་གཉིས་པའི་སྲིད་སྐྱོང་དུ་ལངས་མི་ཐུབ་པ་བཟོ་སེམས་དེ་རེད།
༸གོང་ས་མཆོག་གི་སྐུ་དབང་ཡོངས་རྫོགས་རྩིས་སྤྲོད་ཟིན་རྗེས། བཙན་བྱོལ་སྤྱི་ཚོགས་ཁྲོད་ཀྱི་མི་རབས་གསར་བའི་ནང་ཕྱི་ལ་ངོམས་ཆོག་པ་ཞིག་ཡོད་པ་ནི། སྲིད་སྐྱོང་མཆོག་དང་སྤྱི་འཐུས་ཚོགས་གཙོ་གཉིས་རེད། དེ་རིང་སྤྱི་འཐུས་ཚོགས་གཙོས་ཚོགས་གཙོ་ནས་དགོངས་པ་ཞུས་པ་ནི་བོད་སྤྱི་པའི་གྱོང་ཆེན་པོ་ཞིག་དང་། རྒྱ་ནག་ལ་མཚོན་ན་ཡི་མགུ་བའི་བྱ་བ་ཞིག་རེད།
འདི་ནི་སྔོན་རྩིས་ཀྱི་གནད་དོན་མ་ཡིན་ལ། ཁྲིགས་སྒྲིག་གི་རྩོད་གཞི་དེ་བས་མིན།
འདི་ནི་སྐབས་རྗེས་མའི་བཀའ་སྤྱི་གཉིས་ཀྱི་འོས་བསྡུའི་ཁྲབ་སྟོན་ཐོག་མ་དེ་ཡིན་ཞིང་། འབྱུང་འགྱུར་གྱི་ལོ་གཅིག་དང་ཕྱེད་ཀའི་ནང་ང་ཚོས་ལྟད་མོ་འདི་རིགས་མང་པོ་མཐོང་ངེས།
ཚོགས་གཙོ་དགོངས་པ་ཞུ་དགོས་པའི་རྒྱུ་མཚན་གང་ཡིན་ནམ། གང་ཡིན་ནམ།???
ཡག་པོ་བྱུང་འདུག་་་
ད་ཡིན་ན་ལྟས་མོ་འདུག་དངོས་གནས་ཡིན། མུ་མཐུད་ནས་ཡིན་དཱ།
ད་ལྟ་གྲོས་ཚོགས་ནང་བཀའ་བརྒྱད་སྤྱི་འཐུས་བསྟན་པ་ཡར་འཕེལ་གྱིས་ཚོགས་གཙོར་མི་གསོད་ནག་ཉེས་བཙུགས་ཏེ། ཚོགས་གཙོ་སྤེན་པ་ཚེ་རིང་ལགས་ཚོགས་གཙོའི་ལས་སྣེ་གནས་ནས་དགོངས་པ་ཞུས་འདུག འདི་ནི་མ་རུང་ཁོག་བཅངས་ཀྱི་ས་འོག་དར་ཐགས་ཀྱི་གཡོ་ཇུས་ཤིག་རེད། གནས་ཚུལ་འདི་མཇུག་བསྡོམས་གཙང་སེལ་མ་བྱུང་བར་མདོ་སྨད་སྤྱི་འཐུས་ཡོངས་རྫོགས་གྲོས་ཚོགས་ནས་ཕྱིར་འཐེན་གནང་དགོས་པའི་འབོད་སྐུལ་ཞུ་བཞིན་ཡོད། རྒྱུ་མཚན་གནས་ཚུལ་འདི་མདོ་སྨད་ཡོངས་ལ་གཟས་ནས་རྙོག་གླེང་བཟོས་པ་ཞིག་ལ་ངེས་འཛིན་ཞུ་གི་ཡོད།
དེ་འདྲ་མ་གནངས། སྐུ་མཁྱེན། དགྲ་གཉེན་སྡུག་རང་རེད།