མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

བོད་ལ་ལྟ་སྟངས་འདི་འདྲ་ངན་པ་འཛིན་དོན་གང་ཡིན་ནམ།

བོད་ཀྱི་དུས་བབ།
༢༠༡༥/༠༥/༢༢
Share on FacebookShare on TwitterShare on EmailShare on Whatsapp

རོ་སི་ཐང་གིས་བརྩམས། མཚོ་སྒོ་འཇམ་དབྱངས་ཀྱིས་བསྒྱུར།

ངའི་བོད་རིགས་སྤུན་ཟླ་རྣམ་པ། གསུམ་པའི་ཚེས་པ་བཅུ་ནི་ཁྱེད་ཚོ་ཙམ་མིན་པར་རྒྱ་རིགས་དང་། འགྲོ་བ་མིའི་རིགས་ཚང་མར་དམིགས་གསལ་གྱི་ཉིན་མོ་ཞིག་ཡིན། ཕྱི་ལོ་ ༡༩༤༩ ལོར་རྒྱ་ནག་དམར་ཤོག་ཚོགས་པས་དམར་པོའི་སྲིད་དབང་བཙུགས་ཏེ། བོད་ལ་དབང་བསྒྱུར་བྱས་པ་ནས་བཟུང་བོད་རིགས་མི་མང་ནི་ཁོང་ཚོའི་དབང་སྒྱུར་དང་གཉའ་གནོན་ལ་ངོ་རྒོལ་བྱེད་མཁན་ཐོག་མ་དེ་ཆགས་ཡོད་ཅིང་། ངོ་རྒོལ་གྱེན་ལངས་དེ་ནི་དུས་སྐབས་དེའི་ནང་གཞི་རྒྱ་ཆེ་བའི་ངོ་རྒོལ་གྱི་ལས་འགུལ་ཐོག་མ་དེ་ཡང་ཆགས་ཡོད། བོད་ཀྱི་དཔའ་བོ་དཔའ་མོ་རྣམས་ཀྱིས་ནོར་བུ་གླིང་ཁའི་མཐའ་བསྐོར་བ་དང་། ལྷ་སའི་གཞུང་ལམ་སྟེང་དུ་ཁྲོམ་སྐོར་བྱས་པ་དེ་ནི་ང་ཚོར་ཆེས་འཇིགས་སྣང་ཆེ་ཞིང་གདུག་རྩུབ་ཆེ་བའི་ཆབ་སྲིད་ལམ་ལུགས་ལ་ངོ་རྒོལ་གྱེན་ལངས་ཀྱི་དཔེ་མཚོན་ཞིག་ཡིན་པ་བསྟན་ཡོད། ཁྱེད་ཚོ་ནི་གསར་གཏོད་ཀྱི་བྱེད་པོ་ཞིག་ཡིན་པས་ངས་ཁྱེད་ཚོར་མིག་དཔེ་ལྟ་བཞིན་ཡོད།

ཕྱི་ལོ་ ༡༩༥༩ ནང་བོད་མི་རྣམས་ཀྱིས་རྒྱ་ནག་གི་དབར་སྒྱུར་ལ་ངོ་རྒོལ་གྱེན་ལངས་བྱེད་སྐབས་ངའི་སྤུན་ཉེ་བཅུ་གཉིས་ཚུད་པའི་རྒྱ་རིགས་མང་པོ་ཞིག་མའོ་ཙེ་ཏུང་གི་(Great Leap Forward)མདུན་མཆོངས་ཆེན་མོའི་ལས་འགུལ་དེའི་ཁྲོད་བཀྲེས་སྐོམ་ཀྱིས་འདས་གྲོངས་སུ་ཕྱིན་སོང་། གྱེན་ལངས་བྱུང་བའི་རྗེས་སུ་བོད་མི་རྣམས་བཙོན་ལ་བཅུག་ཏེ་མནར་གཅོད་དང་སྡུག་སྦྱོང་ཚད་མེད་བཏང་ཡོད་པ་མ་ཟད། མའོ་ཙེ་ཏུང་གི་(Anti-Rightistcampaign)གཡས་ལྷུང་ལས་འགུལ་ལ་ངོ་རྒོལ་བྱེད་མཁན་རྒྱ་རིགས་ཤེས་ཡོན་པ་རྣམས་ཀྱང་བཙོན་འཇུག་བྱས་ཏེ་མནར་གཅོད་བཏང་ཡོད། ལོ་ངོ་སུམ་བཅུའི་རྗེས་ཀྱི་ཕྱི་ལོ་ ༡༩༨༩ ཟླ་བ་གསུམ་པའི་ནང་བོད་མི་རྣམས་ནི་སླར་ཡང་འཇིགས་སྣང་མེད་པའི་ཐོག་ནས་རྒྱ་ནག་གཞུང་གི་ཁ་གཏད་དུ་ལངས་མཁན་ཐོག་མ་དེ་ཆགས་ཤིང་། བོད་མི་མང་པོ་ཞིག་དམར་གསོད་ཀྱང་བཏང་ཡོད། ཁོང་ཚོས་རང་དབང་དང་མང་གཙོ། རང་བཙན་སོགས་ཀྱི་ཆེད་དུ་བློས་གཏོང་ཆེན་པོ་བྱས་ཡོད། སྐབས་དེ་དུས་ང་ནི་པེ་ཅིན་དུ་མཐོ་སློབ་ཀྱི་གསར་ཞུགས་སློབ་མ་ཞིག་ཡིན་ལ། རྒྱ་རིགས་གྲོགས་པོ་ཞིག་ལྷ་སར་ལྟ་སྐོར་ལ་ཕྱིན་ཏེ་ཚུར་འཁོར་བ་དང་ཁོང་གིས་དྲག་ཆས་ཉེན་རྟོག་པས་བོད་མི་རྣམས་ལ་གདུག་རྩུབ་ཆེན་པོས་རྡུང་རྡེག་བཏང་བའི་སྐོར་དངོས་སུ་མཐོང་བ་ཞིག་ང་ཚོར་བརྗོད་བྱུང་།

ངའི་རེ་བར་གནམ་བདེ་སྒོ་མོའི་སློབ་ཕྲུག་མང་པོས་ལོ་རྒྱུས་དེ་རིགས་མང་ཙམ་ཤེས་པ་དང་། པེ་ཅིན་དང་ལྷ་སའི་སྡེབ་གསོད་ཀྱི་དོན་རྐྱེན་དེ་མ་བྱུང་སྔོན་ལ་བོད་མི་ངོ་རྒོལ་བ་རྣམས་དང་འབྲེལ་འདྲིས་ཀྱང་བྱུང་ཡོད་ན་བསམ་བྱུང་། དེའི་རྗེས་ཕྱི་ལོ་ ༡༩༨༩ ལོའི་དཔྱིད་ཀར་རྒྱ་ནག་གི་གྲོང་ཁྱེར་བརྒྱ་ཕྲག་བརྒལ་བའི་ནང་མི་མང་གིས་མང་གཙོའི་དོན་དུ་རྔམ་སྟོན་ཁྲོམ་སྐོར་བྱས་ཡོད། སྐབས་དེ་དུས་ང་ཚོས་རང་རང་སོ་སོའི་ས་ནས་ལས་འགུལ་སྤེལ་གྱི་ཡོད་ལ། ང་ཚོས་བརྡ་འཕྲིན་བརྒྱུད་ཕན་ཚུན་འབྲེལ་འདྲིས་དང་། ཐུན་མོང་གི་ཉམས་མྱོང་དང་གོ་རྟོགས་བརྗེ་རེས་བྱེད་རྒྱུར་བརྡ་འཕྲིན་བརྒྱུད་ལམ་གྱི་ཆ་རྐྱེན་མི་འདང་བར་ཁག་དཀྲི་བཏགས་ཆོག ཕྱི་ལོ་ ༢༠༡༥ ལོ་སྟེ་དྲ་རྒྱ་དང་ཁ་པར་སོགས་ཤུགས་ཆེན་དར་བའི་བརྡ་འཕྲིན་གྱི་དུས་རབས་འདིའི་ནང་། ང་ཚོས་སོ་སོ་རང་ཉིད་ཀྱི་འཇིགས་ཞུམ་དང་། ལེ་ལོ་སོགས་ལ་ཁག་དཀྲི་བྱེད་རྒྱུ་ལས་གཞན་ཆ་རྐྱེན་མི་འདང་བའི་སྐྱོན་བརྗོད་དང་ལེ་འདའ་བྱེད་རྒྱུ་གང་ཡང་ལྷག་མེད། རྒྱ་ནག་དམར་པོའི་སྲིད་གཞུང་གིས་ཐབས་ཤེས་ཡོད་ཚད་ཀྱིས་ང་ཚོ་ཁ་བྲལ་དུ་གཏོང་བའི་ཐབས་ཤེས་བྱེད་བཞིན་པ་མ་ཟད། ང་ཚོའི་བར་དཀྲོག་རྐྱེན་བཟོ་ཅི་ཐུབ་ཀྱིས་ཕན་ཚུན་འཁོན་འཛིན་དང་མ་དགའ་བ་ཡོང་བའི་སྐུལ་སློང་བྱེད་ཀྱིན་ཡོད། རྒྱ་ནག་གཞུང་གིས་རྒྱལ་ནང་དང་འཛམ་གླིང་ལ་རྗུན་གཏམ་ཁྱབ་བརྡལ་དུ་གཏོང་གི་ཡོད་པ་མ་ཟད། སྲིད་འཛིན་ཨོ་བྷོ་མ་(Obama)དང་ཁོང་གི་བཟའ་ཟླ་(Michelle Obama)མ་ཁེལ་ཨོ་བྷོ་མ་གཉིས་ཀྱིས་ཀྱང་མང་ཚོགས་ཁྲོད་ཡོངས་བསྒྲགས་ཀྱིས་བོད་དེ་རྒྱ་ནག་གི་ཆ་ཤས་ཤིག་རེད་ཅེས་མངོན་སུམ་འཛེམས་མེད་ཀྱིས་རྫུན་གཏམ་བཤད་ཡོད། དེ་ནི་ངོ་ཚ་མེད་ཅིང་ཧམ་གཤེད་ཆེ་བའི་རྫུན་གཏམ་ཞིག་མ་རེད་དམ། དེས་ང་ལ་ཁོང་ཁྲོ་དྲག་པོ་བསླངས་བྱུང་།

ང་ཕལ་ཆེར་ཕྱི་ལོ་ ༡༩༨༩ ལོའི་ཟླ་བ་ ༦ པའི་ཚེས་བཞིའི་ཉིན་གྱི་ཞོགས་པའི་གནམ་བདེ་སྒོ་མོའི་ཞི་བའི་ངོ་རྒོལ་ནང་གསོད་གྲབས་བྱས་བྱུང་། ག་རེའི་ཆེད་དུ་ཡིན་ནམ་ཞེ་ན། དེ་ནི་མང་གཙོའི་ཆེད་དུ་རེད། གལ་ཏེ་རྒྱ་རིགས་སྟོང་ཕྲག་ལྷག་མེད་ནའང་བརྒྱ་ཕྲག་ལྷག་ཙམ་ཞིག་ནི་མེ་མདའ་དང་ལྕགས་ཁྲབ་འཁོར་ལོའི་འོག་ཏུ་དམར་གསོད་གཏང་ཡོད། སྤྱིར་བཏང་རྒྱུ་མཚན་འདི་གཅིག་པུའི་ཐོག་ནས་ང་ཚོས་སོ་སོའི་འདོད་མོས་ཡོད་པའི་དབུ་ཁྲིད་ཀྱི་ཆེད་དུ་འོས་ཤོག་འཕེན་པར་འདོད། ངས་བྷ་རག་ཨོ་བྷོ་མ་ལ་འོས་ཤོག་འཕེན་པ་ནི་ཨ་རིའི་ནང་ང་ལ་ཨ་མི་རིའི་ཁའི་མི་སེར་ཆགས་པ་དང་འོས་ཤོག་འཕེན་པ་ཐེངས་དང་པོ་དེ་ཡིན། ངས་ཁོང་གིས་འགྱུར་བ་ཏོག་ཙམ་ཞིག་གཏོང་བའི་རེ་བ་བརྒྱབ་པ་ཡིན། གང་ཡིན་ཟེར་ན་ཁོང་གིས་ང་ཚོས་འགྱུར་བ་གཏོང་ཐུབ་ཀྱི་རེད་ཅེས་བརྗོད་སོང་། ཡིན་ནའང་ཁོང་གིས་འགྱུར་བ་དེ་ཙམ་བཏང་མེད་པ་མ་ཟད། ལྷག་པར་དུ་རྒྱ་ནག་ཐོག་འཛིན་པའི་སྲིད་ཇུས་ཀྱི་ཁ་ཕྱོགས་ལ་དམིགས་བསལ་གྱི་འགྱུར་བ་གང་ཡང་བཏང་མེད། དེར་བརྟེན། ཁོང་གིས་ང་ཚོ་བློ་ཕམ་སྐྱེ་རུ་བཅུག་སོང་། འདིར་ངས་མི་སེར་རྒྱལ་ཁབ་ཀྱི་ཕྱོགས་གཏོགས་ལ་རྒྱབ་སྐྱོར་བྱེད་ཀྱི་མེད་པར་ཨོ་བྷ་མ་ལ་སྐྱོན་བརྗོད་བྱེད་ཀྱིན་ཡོད། ངས་འདིར་འགྲོ་བ་མིའི་རིགས་ཀྱི་དྲང་བདེན་དང་ང་ཚོ་ཨ་རི་བ་ཞིག་ཡིན་པའི་ངོས་ནས་གཞི་རྩའི་ཐོབ་ཐང་ལ་རྒྱབ་སྐྱོར་བྱེད་བཞིན་ཡོད། ཨ་རི་ནི་མང་གཙོའི་ཁ་ཕྱོགས་སྟོན་མཁན་ཞིག་ཡིན་པ་ཆ་འཇོག་བྱེད་བཞིན་ཡོད་ཀྱང་ང་ཚོའི་རྒྱལ་ཁབ་ཀྱི་དབུ་ཁྲིད་རྣམས་ཀྱིས་ང་ཚོའི་ངོ་ཚབ་བྱེད་ཐུབ་ཀྱི་མེད། ཁོང་ཚོས་འགྱུར་བ་ཆེན་པོ་ཞིག་གཏོང་འདོད་མེད་པ་དེ་ནི་རྒྱ་ནག་དང་མཉམ་དུ་དངུལ་བཟོ་འདོད་ཡོད་པས་རེད། རྒྱུ་མཚན་དེའི་རྐྱེན་པས་ཁོང་ཚོས་རྒྱ་ནག་གི་ཆེད་དུ་རྫུན་གཏམ་ཁྱབ་བརྡལ་དུ་བཏང་སྟེ་རྒྱ་ནག་དང་མཉམ་དུ་(Nazi)ནཱ་ཛི་ཧིཌ་ལར་སྐབས་ཀྱི་ཆབ་སྲིད་ཀྱི་ལམ་ལུགས་ལྟ་བུ་ཞིག་ཏུ་བསྐྲུན་གྱི་ཡོད།

སྲིད་འཛིན་ཞི་ཅིན་ཕིན་གྱི་འོག་ཏུ་ཡོད་པའི་རྒྱ་ནག་གཞུང་གིས་དངུལ་བེད་སྤྱད་དེ་ཚད་ལས་བརྒལ་བའི་འཇིགས་སྣང་བསྐུལ་བ་དང་། མི་མང་དང་མཉམ་དུ་འཚེ་བ་དང་དཀྲོག་གཏམ་ཁྱབ་སྤེལ་བྱས་ཏེ་འགྲོ་བ་མིའི་རིགས་ཀྱི་ཁོར་ཡུག་བཙོག་པ་བཟོ་བཞིན་ཡོད། འདི་ནི་ཧ་ཅང་གི་ཉེན་ཁ་ཆེ་བའི་ཁ་ཕྱོགས་ཤིག་རེད། སྲིད་གཞུང་གི་མགོ་འཁྲིད་དེ་དག་བཀག་སྡོམ་བྱེད་རྒྱུ་ནི་ང་ཚོ་ལ་རགས་ལས་ཡོད། ང་ཚོ་ཨ་མི་རི་ཁ་བ་རྣམས་ཀྱིས་ཀྱང་ཁོང་ཚོས་བྱས་པ་དེ་ཡང་དག་ཅིག་མ་ཡིན་པ་ཤོད་དགོས། ད་ཆ་ཧོང་ཀོང་མི་གིས་མདུན་སྐྱོད་ཀྱི་རྒྱ་ནག་གཞུང་གི་གདུག་རྩུབ་སྲིད་བྱུས་ལ་སླར་ཡང་ངོ་རྒོལ་བྱེད་ཀྱི་ཡོད། ལོ་ལྔ་བཅུའི་གོང་ལ་པེ་ཅིན་སྲིད་གཞུང་གིས་གྲོས་མཐུན་དོན་ཚན་བཅུ་བདུན་རྩིས་མེད་བཏང་བ་བཞིན་རྒྱལ་ཁབ་གཅིག་ལ་ལམ་ལུགས་གཉིས་ཟེར་བའི་ལུགས་སྲོལ་དེ་ཡང་རྩིས་མེད་དུ་བཏང་ཡོད། རྒྱ་རིགས་གསར་འགོད་པ་གྲགས་ཅན་སུའུ་ཞའོ་ཁང་(SuXiaokang)གིས་ཉེ་དུས་རྩོམ་ཡིག་ཅིག་སྤེལ་བའི་ནང་རྒྱ་ནག་དམར་ཤོག་ཚོགས་པས་བོད་དང་ཤར་ཏུར་ཀི་སི་ཐན་གཉིས་ལ་ལམ་ལྷོང་བྱུང་བའི་ཁོང་ཚོའི་ཆབ་སྲིད་ལམ་ལུགས་དེ་ད་ཆ་ཧོང་ཀོང་ལ་སྤེལ་ཏེ་རིམས་པས་ཧོ་ཀོང་ཡང་བཟའ་བཞིན་འདུག་ཅེས་བཀོད་ཡོད།

པེ་ཅིན་གྱིས་མི་གསོད་ཁྲག་སྦྱོར་བྱས་ཏེ་སྲིད་དབང་སྒེར་འཛིན་གྱི་ལམ་ལུགས་རྒྱ་བསྐྱེད་གང་འདྲ་ཞིག་བྱས་སོང་། འདི་ནི་ཞེད་སྣང་ཚ་པོ་ཞིག་ཡིན་པ་མ་ཟད་ཧ་ཅང་གདུག་རྩུབ་ཆེ་བའི་དབང་ཆ་རྒྱ་སྐྱེད་བྱས་པ་ཞིག་ཏུ་ངོས་ལེན་བྱེད་བཞིན་ཡོད། རྒྱ་ནག་གི་དཔོན་རིགས་དེ་དག་གིས་རིན་བབ་མཐོ་བའི་འཛམ་གླིང་གི་ཚོང་རྟགས་གྲགས་ཅན་གྱི་རྒྱུ་ནོར་རྣམས་ལྐོག་ས་རུལ་སྲུངས་ཀྱིས་ཧམ་འཕྲོག་བྱས་ཏེ་ཁོང་ཚོའི་ནང་མི་དང་། མཐུན་ཕྱོགས་མི་སྣ། ཟུར་བརྟེན་མ་སོགས་ལ་སྤྲད་དེ་ཧ་ཅང་གི་རྒྱས་སྤྲོད་བྱེད་ཀྱི་ཡོད་པ་ང་ཚོས་མཐོང་ཐོས་ཡོང་གི་ཡོད། ཁོང་ཚོའི་བུ་མོ་དེ་དག་ཡང་ཨ་རིའི་བྱང་ཤར་ཁུལ་གྱི་མཐོ་སློབ་ཆེ་ཁག་ཏུ་ཡོད་ལ། ཁོང་ཚོས་ང་ཚོའི་སྙིང་དང་སེམས་ལ་ཚོད་འཛིན་བྱས་ཏེ་མང་གཙོའི་འགྲོ་ལུགས་ཡོངས་རྫོགས་བཙོག་པ་བཟོ་བཞིན་ཡོད། སྲིད་འཛིན་ཨོ་བྷ་མས་རྒྱ་ནག་གི་སྲིད་འཛིན་ཞི་ཅིན་ཕིན་གྱི་ཁ་གཏད་དུ་ལངས་འདོད་མེད་ཀྱང་ང་ཚོས་ཁོང་གི་སྤྱོད་ཚུལ་ལྟ་བུ་རྒྱལ་ཁབ་གཞན་གྱི་དབུ་ཁྲིད་རྣམས་ཀྱང་རྒྱ་ནག་གཞུང་གི་མངོན་འདོད་སྐོང་བའི་སྤྱོད་ངན་འདི་ལྟ་བུ་བྱེད་དུ་འཇུག་མི་ཉན་པ་ཞིག་རེད།

 ངས་བོད་རིགས་སྤུན་ཟླ་ཡོངས་ལ་ཕུལ་བའི་ཞུ་ཡིག་དང་། འདིར་བཤད་པའི་སྐད་ཆ་དེ་དག་གིས་ང་ཚོ་གནོད་འཚེ་ཕོག་མཁན་ཚང་མ་མཐུན་སྒྲིལ་གྱིས་ནུས་པ་མཉམ་དུ་སྤུངས་ཏེ་རྒྱ་ནག་གི་ཆབ་སྲིད་ལམ་ལུགས་ལ་ངོ་རྒོལ་བྱེད་དགོས་པའི་འབོད་སྐུལ་བྱེད་བཞིན་ཡོད། ང་ཚོ་ཚང་མ་འཐབ་རྩོད་པ་ཞིག་བྱེད་ཆོག་གི་རེད། ང་ཁེར་རྐྱང་འཐབ་རྩོད་པ་ཞིག་མིན། རྒྱ་རིགས་གསར་འགོད་པ་གྲགས་ཅན་སུའུ་ཞའོ་ཁང་(SuXiaokang)གིས་བོད་མི་དང་། རྒྱ་རིགས། ཡུ་གུར་བ། ཧོང་ཀོང་པ། ཐེ་ཝན་པ། སོག་པོ་བཅས་མཉམ་རུབ་ཀྱིས་གདོང་ལེན་བྱེད་དགོས་པའི་ཛ་དྲག་འབོད་བསྐུལ་བྱས་ཡོད། ང་ཚོ་མི་རེ་ངོ་རེ་ཕྱིར་ཐོན་ཏེ་མཐུན་སྒྲིལ་གྱི་ངོ་བོར་ག་དུས་གཅིག་ཏུ་འགྱུར་བ་དང་། ང་ཚོས་ལས་ཁུངས་ཀྱི་རྣམ་པའི་ཐོག་ནས་མཐུན་སྒྲིལ་གྱི་ཕྱོགས་སུ་ལས་དོན་ཅི་ཞིག་ཡིན་ཡང་བསྒྲུབ་ཆོག་གི་རེད། དེ་ཡིས་ང་ཚོ་སྟོབས་ཤུགས་ཅན་ཞིག་ཏུ་འགྱུར་ཐུབ་ཀྱི་རེད། ང་ཚོས་གང་ཞིག་ཡིན་ཡང་འགྱུར་ལྡོག་ཡོང་བ་བཟོ་ཐུབ། ང་ཚོ་ལ་འགྱུར་ལྡོག་དེ་འདྲ་ཡོང་བ་ལ་དངུལ་ཁང་ཆེ་ཁག་དང་། ཚོང་རིགས་མི་སྣ། ཆབ་སྲིད་མི་སྣ་བཅས་ཀྱིས་བཤད་པ་ལ་མི་ལྟོས་པར་ང་ཚོ་ལ་ཅི་ཞིག་དགོས་པ་ང་ཚོས་སྒྲུབ་ཐུབ། དེང་སང་ཨ་རིའི་སྤྱི་ཚོགས་འདི་ནི་བརྩེ་སེམས་ལས་ལྡོག་ཏེ་འཇིགས་སྣང་གི་སྤྱི་ཚོགས་ཤིག་ཆགས་ཡོད་ལ་མི་ཚང་མས་རྒྱ་ནག་གི་གྱོན་གོས་མེད་པའི་གོང་མ་དང་། ཤོག་བུའི་སྟག ཤོག་བུའི་འབྲུག་དེ་དག་གཡོ་སྒྱུའམ་རྫུས་མ་ཞིག་ཡིན་པ་ཤེས་བཞིན་དུ་ཁས་ལེན་བྱེད་རྒྱུར་འཇིགས་སྣང་ཡོང་གི་ཡོད། ད་དུང་ཡང་ཨ་རི་བ་རྣམས་རྒྱ་ནག་གི་སྟོབས་ཆེན་མིང་གྲགས་ལ་འཇིགས་སྣང་ཡོང་གི་ཡོད་པ་མ་ཟད། ཁོང་ཚོ་རང་ཉིད་ཀྱི་ཚོང་དང་། རྒྱ་ནག་ལ་གུང་སེང་དུ་འགྲོ་རྒྱུའི་མཐོང་མཆན་རག་ཐབས་ལ་དམིགས་ཏེ་དེ་དག་ཁྲོམ་བསྒྲགས་བྱེད་ཀྱི་མེད། རྒྱ་ནག་གིས་འཛམ་གླིང་ལ་མགོ་སྐོར་དང་། གཡོ་བྱུས་ཀྱི་ཐབས་ཤེས་ལ་བརྟེན་ནས་རྒྱ་ནག་འདི་བཞིན་སྟོབས་ཆེན་རྒྱལ་ཁབ་ཅིག་ཡིན་པ་འཛམ་གླིང་ཡིད་ཆེས་སུ་འཇུག་གི་ཡོད། འདི་ནི་འཛམ་གླིང་ཡོངས་རྫོགས་དབང་དུ་བསྡུས་པ་ལྟ་བུ་ཞིག་རེད། སྟབས་མི་ལེགས་པ་ཞིག་ལ་རྒྱ་ནག་གཞུང་གིས་བཙན་དབང་གི་འཛམ་གླིང་ཡིད་ཆེས་སུ་འཇུག་གི་ཡོད།

 བོད་ཀྱི་བདག་པོ་བོད་མི་ཡིན། བོད་ནི་ནམ་ཡང་རྒྱ་ནག་གི་ཆ་ཤས་ཤིག་མིན། རྒྱ་ནག་གི་བདག་པོ་རྒྱ་མི་རིགས་ཡིན། ཀྲུང་ཧྭ་མི་མང་སྤྱི་མཐུན་རྒྱལ་ཁབ་འདི་ནི་མི་མང་ལ་དབང་བ་ཞིག་རེད། ཧོང་ཀོང་གི་བདག་པོ་ཧོང་ཀོང་བ་ཡིན། ཐཱེ་ཝན་ནི་རང་བཙན་གྱི་རྒྱལ་ཁབ་ཅིག་རེད། ཡུ་གུར་དང་ལྷོ་སོག་པོ་ཁོང་ཚོར་ཡང་རང་བཙན་འཐོབ་འོས་པ་ཞིག་རེད། རྒྱ་ནག་གི་སྲིད་བློན་ལི་ཁེ་ཆིང་(Li keqiang)གིས་ཟླ་བ་ ༣ པའི་ཚེས་ ༤ ཉིན་རྒྱ་ནག་མི་མང་འཐུས་མི་ཚོགས་ཆེན་ལོ་འཁོར་ཚོགས་འདུའི་ཐོག་བཤད་པའི་གཏམ་བཤད་ནང་རྒྱ་ནག་གིས་ཐཱེ་ཝན་གྱི་རང་བཙན་ལས་འགུལ་ལ་ག་དུས་ཡིན་ཡང་ངོ་རྒོལ་བྱེད་ཀྱི་ཡོད་ཅེས་བརྗོད་ཡོད། ཁོས་འདི་འདྲ་བརྗོད་དགོས་དོན་ཅི་ཡིན་ནམ། གང་ཡིན་ཟེར་ན་ཐཱེ་ཝན་ནི་ཕྱི་ལོ་ ༡༩༤༩ ནས་བཟུང་རང་བཙན་རྒྱལ་ཁབ་ཅིག་ཡིན་པ་ཁོས་གསལ་པོ་ཤེས་ཀྱི་ཡོད་པས་ཡིན། ཁོང་ཐཱེ་ཝན་གྱི་རང་བཙན་ལ་ཞེད་པ་ཡིན་ནམ། ཡང་ན་ཀྲུང་ཧྭ་མི་མང་སྤྱི་མཐུན་རྒྱལ་ཁབ་འདི་ཐཱེ་ཝན་མི་མང་གི་བྱ་སྤྱོད་ཀྱི་མིག་དཔེ་ལ་ཞེད་པ་ཡིན་ནམ།

ཕྱི་ཟླ་ ༣ པའི་མགོ་སྟོད་ནང་ཧོང་ཀོང་གི་སློབ་གྲྭ་ཆེ་མོས་སྣེ་འཁྲིད་དེས་ཧོང་ཀོང་མི་མང་ཐཱེ་ཝན་གྱི་རང་བཙན་ལ་རྒྱབ་སྐྱོར་བྱེད་མཁན་གསུམ་པ་ཞིག་ཆགས་ཡོད་པ་གསལ་སྟོན་བྱས་ཡོད། དེ་ནི་ཕྱི་ལོ་ ༡༩༩༤ ལོ་ནས་བཟུང་ཁ་གྲངས་མང་ཤོས་ཤིག་ཆགས་པ་ཧོང་ཀོང་མི་མང་གི་བརྒྱ་ཆ་ ༣༦ གིས་མོས་མཐུན་བྱས་ཡོད། འདས་པའི་ཟླ་བ་ཁ་ཤས་ནང་ཧོང་ཀོང་གི་མི་མང་ཇེ་མང་ནས་ཇེ་མང་གིས་རང་བཙན་ཆེད་དུ་བགྲོ་གླེང་དང་། བསམ་ཚུལ་ཁྱབ་སྤེལ་བྱས་པ་མ་ཟད་གཞུང་ལུགས་དང་དངོས་ཐོག་གི་ཐབས་ལམ་དང་མཐུན་པའི་སྒོ་ནས་རང་བཙན་གྱི་ཆེད་དུ་ལས་ཀ་བྱེད་བཞིན་ཡོད། འདི་ནི་ཆར་གདུགས་གསར་བརྗེ་(UmbrellaRevolution)ལས་བྱུང་བའི་མེ་སྟག་གི་འཕེལ་ཕྱོགས་གསར་པ་ཞིག་རེད། སློབ་ཕྲུག་གཙོ་བོར་གྱུར་བའི་ངོ་རྒོལ་བ་མང་པོས་པེ་ཅིན་གྱིས་དོན་ངོ་མའི་ཡོངས་ཁྱབ་ཀྱི་འོས་བསྡུའི་ཐོབ་ཐང་ཞིག་སྤྲོད་ཀྱི་རེད་དམ་སྙམ་པའི་དོགས་གནད་ཡོང་གི་ཡོད། ཉེན་རྟོག་པས་རྡུང་རྡེག་བཏང་བ་དང་། མིག་ཆུའི་དུག་རླངས། མིག་ཚ་བྱེད་ཀྱི་རྫས་གཏོར་བ་འདི་ཡིས་མི་མང་པོ་ཞིག་རྨོངས་གཉིད་ལས་བསད་པ་མ་ཟད་རྨི་ལམ་དང་ལོ་འགའ་ཤས་སྔོན་ལ་ཡང་འཁོར་མི་ཐུབ་པའི་ཐབས་ལམ་མང་པོ་ཞིག་དྲན་དུ་བཅུག་ཡོད།

ཧོང་ཀོང་ནང་ལ་ག་རེ་བྱུང་བ་འདི་ཡིས་ཐཱེ་ཝན་ཐོག་ལ་ད་ལྟ་ནས་ཐད་ཀར་ཤུགས་རྐྱེན་ཐེབས་ཡོད། ཕྱི་ཟླ་བཅུ་གཅིག་པའི་ནང་པེ་ཅིན་གྱི་མཐུན་ཕྱོགས་གོ་མིན་ཏང་ཚོགས་པ་(Kuomin tang)ས་གནས་ཀྱི་འོས་ཤོག་ལས་མང་གཙོ་ཚོགས་པས་ཕམ་ཉེས་སུ་བཏང་བ་དང་སྤྱི་ཟླ་བཅུ་གཉིས་པའི་ཟླ་དཀྱིལ་ནང་ང་ཐཱེ་ཝན་གྱི་རྒྱལ་ས་ཐའེ་པེ་ལ་(Taipei)ལྟ་སྐོར་དུ་བསྐྱོད་སྐབས་འདི་གའི་ཡུལ་མི་རྣམས་ཀྱིས་མང་གཙོ་ཚོགས་པས་ཐཱེ་ཝན་མི་མང་གིས་གལ་སྲིད་གོ་མིན་ཏང་ཚོགས་པ་ལ་འོས་ཤོག་ཕང་ཚེ་ཐཱེ་ཝན་འདི་བཞིན་མ་འོངས་པར་ཧོང་ཀོང་ལྟ་བུར་འགྱུར་གྱི་རེད་ཅེས་པའི་འབོད་ཚིག་ལས་གོ་མིན་ཏང་ཕམ་ཉེས་སུ་བཏང་བའི་སྐོར་ང་ལ་བཤད་བྱུང་། དེང་སང་གི་ཧོང་ཀོང་དེ་གློ་བུར་ཉམས་རྒུད་དུ་ཕྱིན་ཏེ་བོད་ལྟ་བུར་འགྱུར་བཞིན་ཡོད། ལོ་སྔོན་མའི་ཟླ་བ་བཅུ་གཉིས་པའི་ཆར་གདུགས་གསར་བརྗེའི་སྐབས་ངས་བོད་ཀྱི་རྒྱལ་དར་བསྒྲེངས་བ་དང་འཕྲལ་དུ་དེ་གའི་ཡུལ་མི་རྣམས་ཀྱིས་རྒྱལ་དར་དེ་བོད་ཀྱི་ཡིན་པ་ཤེས་ཏེ་ང་ཚོ་བོད་ལྟར་འགྱུར་འདོད་མེད་ཅེས་ང་ལ་བརྗོད་བྱུང་།

རྒྱ་ནག་གཞུང་འདི་གདུག་རྩུབ་ཆེ་བའི་དབང་གིས་མི་མང་ཇེ་མང་ནས་ཇེ་མང་གཞུང་དང་མཉམ་དུ་གྲོས་མོལ་བྱེད་རྒྱུའི་བསམ་བློ་དོར་དགོས་པའམ་ཡང་ན་རྒྱལ་སྤྱིའི་ཆབ་སྲིད་སྤྱོད་ཚུལ་ལ་བཅོས་སྒྱུར་ཡོང་རྒྱུར་རེ་སྒུག་བྱེད་བཞིན་ཡོད། ང་ཚོ་གནམ་བདེ་སྒོ་མོའི་སློབ་ཕྲུག་རྣམས་ཀྱིས་ལོ་ངོ་ཉི་ཤུ་རྩ་དྲུག་གོང་ནས་སློབ་གསོ་དེ་ཁག་པོ་ཞིག་ཡིན་པ་ཤེས་རྟོགས་བྱུང་ཡོད། ཟླ་བ་གཉིས་ཙམ་རིང་ང་ཚོས་ཟས་བཅད་ངོ་རྒོལ་དང་། གོམ་བགྲོད། མི་མང་འདུ་འཛོམས་བྱས་ཀྱང་གཞུང་དང་མཉམ་དུ་གྲོས་བསྡུར་ག་རེ་བྱེད་རྒྱུ་ཡོད་ཅེས་འདྲི་རྒྱུའི་ཚབ་ཏུ་ང་ཚོར་སྡེབ་གསོད་བཏང་ཡོད། རྒྱུ་མཚན་དེའི་ཕྱིར་གྲོས་མོལ་ཟེར་བ་ནམ་ཡང་ཡོང་ཐབས་མེད་པ་ཞིག་རེད། ཧོང་ཀོང་གི་སློབ་ཕྲུག་རྣམས་ཀྱིས་ཟླ་བ་གཉིས་ལྷག་རིང་སྲང་ལམ་སྟེང་དུ་སྒར་རྒྱབ་སྟེ་ཟས་བཅད་ངོ་རྒོལ་བྱས་པར་བརྟེན་ཉེན་རྟོག་པས་ཁྲིམས་མེད་ལུགས་མེད་ཀྱིས་ཉེས་རྡུང་ཚབ་ཆེན་བཏང་ཡོད། ཁོང་ཚོ་མང་ཆེ་བ་མཐོ་སློབ་ཀྱི་སློབ་ཕྲུག་གཞོན་ནུ་ཤ་སྟག་ཡིན་ལ་རེ་འགའ་ང་ཚོ་གནམ་བདེ་སྒོ་མོའི་སློབ་ཕྲུག་ལས་ཀྱང་ཆུང་བ་འདུག

ཧོང་ཀོང་གི་ངོ་རྒོལ་བ་རྣམས་ཀྱིས་ཉེན་རྟོག་པས་བཙལ་སྐུལ་གྱི་ངོ་རྒོལ་བྱེད་སའི་ས་ཆ་འདི་ལས་ཕྱིར་མ་བཏོན་གྱི་བར་དུ་ད་དུང་ཡང་ཁོང་ཚོས་པེ་ཅིན་གྱིས་དོན་ངོ་མའི་ཡོངས་ཁྱབ་ཀྱི་འོས་བསྡུའི་ཐོབ་ཐང་ཞིག་སྤྲོད་པའི་ཁས་ལེན་དེ་མཐའ་འཁྱོལ་ཡོང་རྒྱུར་རེ་བ་བྱས་ཏེ་བསྡད་ཡོད། ཡིན་ཡང་སློབ་ཕྲུག་གི་མགོ་ཁྲིད་དེ་དག་གཞུང་འབྲེལ་གྱི་དཔོན་རིགས་དང་མཉམ་དུ་པེ་ཅིན་ལ་གྲོས་མོལ་བྱེད་དུ་འགྲོ་རྒྱུའི་འཆར་གཞི་ཡོད་ཀྱང་ཐ་ན་ཁོང་ཚོ་གནམ་གྲུའི་ནང་དུའང་འཛུལ་དུ་བཅུག་མེད། ཧོང་ཀོང་གི་ཉེན་རྟོག་པས་ང་ཚོ་ཆར་གདུགས་གསར་བརྗེ་ལས་ཕྱིར་ཕུད་བྱས་ཏེ་ངོ་རྒོལ་བྱེད་སའི་ས་ཆ་གཙང་མ་བཟོ་ཐུབ་ཀྱང་། ཁོང་ཚོས་ང་ཚོའི་སྙིང་སྟོབས་ནམ་ཡང་གཅོག་ཐུབ་ཀྱི་མ་རེད་ཅེས་ངོ་རྒོལ་བ་མང་ཆེ་བས་ང་ལ་བཤད་བྱུང་།

ལོ་སྔོན་མའི་ཟླ་བ་བཅུ་གཉིས་པའི་ནང་ཧོང་ཀོང་གི་ཉེན་རྟོག་པས་ངོ་རྒོལ་བྱེད་སའི་ས་ཆ་ཆེ་ཤོས་དེ་དག་གཙང་མ་བཟོས་ཏེ་ཆར་གདུགས་གསར་བརྗེ་ཡོངས་སུ་འཇུག་བསྒྲིལ་བྱས་ཀྱང་ངོ་རྒོལ་བའམ་མི་མང་ལ་ཞི་བའི་ཚོགས་པ་དེ་དག་གིས་སེམས་འགུལ་ཐེབས་སུ་བཅུག་སྟེ་གསར་བརྗེ་མུ་མཐུད་ནས་གནས་སུ་བཅུག་ཡོད། མི་མང་དེ་དག་ནི་བསམ་བློ་ཡར་ཐོན་ཅན་གྱི་ཆེད་ལས་པ་དང་། ཁྲིམས་རྩོད་པ་གྲགས་ཅན། དངུལ་ཁང་དོ་དམ་པ། གསར་འགོད་པ་བཅས་ལས་གྲུབ་པ་ཞིག་ཡིན། སྤྱི་ཁྱབ་ལས་ཁུངས་དང་ཁྲིམས་བཟོ་ལྷན་ཁང་གི་གཞུང་ལམ་གཡས་གཡོན་མི་མང་ཕོན་ཆེན་པོས་བདག་བཟུང་བྱས་ཏེ་བསྡད་ཡོད། ཁོང་ཚོ་གུར་ནང་དུ་གནས་སྡོད་བྱས་ཏེ་དུས་ཡུན་རིང་པོ་སྡོད་རྒྱུའི་འཆར་གཞི་ཡོད་པ་རེད། ལོ་ན་དགུ་བཅུ་ལ་སོན་པའི་ངོ་རྒོལ་བ་ཆེ་ཤོས་མིང་འདོགས་ཝང་(Wong)ཡིན་པ་ཁོང་གིས་དཔྱིད་གསར་དུས་ཆེན་ཡང་གུར་གི་ནང་དུ་བཏང་ཡོད།

དམར་ཤོག་གི་དཔུང་དམག་རྒྱ་ནག་ནང་དུ་འབྱོར་བའི་རྗེས་སུ་ཝང་ཁོང་(wong)བྲོས་བྱོལ་དུ་ཕྱིན་ཡོད། གང་ཡིན་ཟེར་ན་ཁོང་གིས་རང་དབང་གི་རིན་ཐང་གསལ་པོ་ཤེས་པས་རེད། ཁོང་ཚོ་ལ་ངེས་པར་དུ་ང་ཚོའི་རྒྱབ་སྐྱོར་དགོས་ཀྱི་ཡོད། ངོ་དེབ་བམ་སྤྱི་ཚོགས་ཀྱི་བརྒྱུད་ལམ་གཞན་བརྒྱུད་ནས་ཁོང་ཚོར་འཕྲིན་ཐུང་གཏོང་རོགས་ཞུ། ཐུགས་རྗེས་གཟིགས། ཧོ་ཀོང་གི་གནམ་ཐང་ལ་འགྲོ་རྒྱུའི་ཐོངས་མཆན་རག་རྒྱུ་དེ་ནི་ཧ་ཅང་གི་ལས་སླ་པོ་ཞིག་ཡིན་པ་དང་། གལ་སྲིད་གནམ་ཐང་ནས་གྲོང་ཁྱེར་ལ་འགྲོ་ཐུབ་ཚེ་ཁོང་ཚོར་འཚམས་འདྲི་བྱས་པ་དང་ཁོང་ཚོས་སྐུ་ཉིད་མཇལ་བ་དང་དགའ་ཚོར་བྱེད་ཀྱི་རེད། ཧོང་ཀོང་གི་མཁས་དབང་དང་རླུང་འཕྲིན་རྒྱང་སྲིང་བྱེད་མཁན་ཞི་བའི་ཚོགས་པ་སྣེ་ཁྲིད་པས་ཉེ་ཆར་ངའི་ངོ་དེབ་ཐོག་ཡོངས་གྲགས་ཀྱིས་རོ་སི་ལགས་ཁྱེད་ག་དུས་ཕྱིར་ལོག་ཡོང་གི་ཡིན་ནམ་ཞེས་བྲིས་འདུག་པ་དང་། ངས་ལོ་འདིའི་ནང་ཡོང་གི་ཡིན་ཞེས་ལན་འདེབས་བྱས་པ་ཡིན། ཁོང་གིས་ཁྱེད་ག་དུས་ཕྱིར་ལོག་ཡོང་བ་དང་བོད་ཀྱི་ཆེད་དུ་ཅི་ཞིག་ཡིན་ཡང་བྱེད་རོགས་གནང་ཞེས་བྲིས་འདུག

ཧོང་ཀོང་དང་དབྱིན་ཇི་མཉམ་འབྲེལ་གྱིས་གསལ་བསྒྲགས་བྱས་པའི་གཞི་རྩའི་ཁྲིམས་ལུགས་ལ་དོ་སྣང་ཞིག་བྱས་ན། དེ་དག་ནི་ཤོག་བུ་གཅིག་པུའི་སྟེང་དུ་འཁོད་པའི་ཁྲིམས་ཙམ་ཞིག་རེད་ལ་རྒྱ་ནག་གི་རྩ་ཁྲིམས་ཡང་དེ་བཞིན་རེད། རྒྱ་ནག་གི་རྩ་ཁྲིམས་དོན་ཚན་ ༣༣ པའི་ནང་ཁྲིམས་ཀྱི་མདུན་དུ་ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་ཆབ་འབངས་ཚང་མ་འདྲ་མཉམ་ཡིན་པ་འཁོད་ཡོད་ལ། དོན་ཚན་ ༣༤ ནང་ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་ཆབ་འབངས་ཚང་མ་ལོ་ན་བཅོ་བརྒྱད་སོན་པ་དང་འོས་བསྡུར་ལངས་ཏེ་འོས་འཕེན་ཆོག་ལ། དོན་ཚན་ ༣༥ ནང་ཆབ་འབངས་ཚང་མར་སྨྲ་བརྗོད་རང་དབང་དང་། གསར་འགོད་རང་དབང་། འདུ་འཛོམས་རང་དབང་། ཚོགས་པ་འཛུག་ཆོག་པའི་རང་དབང་། ཁྲོམ་སྐོར་བྱེད་ཆོག་པའི་རང་དབང་ཡོད་པ་བཅས་འཁོད་ཡོད། དོན་ཚན་ ༣༦ ནང་དུ་ཆབ་འབངས་ཚང་མར་ཆོས་ལུགས་ལ་དད་པ་བྱེད་ཆོག་པའི་རང་དབང་ཡོད་པ་གསལ་ཡོད། གལ་སྲིད་རྒྱ་ནག་གཞུང་གིས་བོད་འདི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་ཆ་ཤས་ཤིག་ཡིན་པ་ནན་བརྗོད་བྱེད་ཀྱི་ཡོད་ན་ད་དུང་ཡང་བོད་ལ་ལྟ་སྟངས་ངན་པ་འདི་འདྲ་འཛིན་དགོས་དོན་ཅི་ཡིན་ནམ། བོད་མི་རྣམས་རྒྱ་ནག་ལ་འགྲོ་རྒྱུའི་ཐོངས་མཆན་དང་། བོད་ནང་ལ་འཛུལ་རྒྱུའི་ལག་ཁྱེར་རག་རྒྱུ་ཁག་པོ་འདི་འདྲ་ཅིའི་ཕྱིར་ཡིན་ནམ། ད་དུང་ཡང་བོད་མི་རྣམས་ལ་ཐོངས་མཆན་དགོས་དོན་ཅི་ཡིན་ནམ། རྒྱ་ནག་གཞུང་གིས་རྩ་ཁྲིམས་དེ་དག་ལ་ཆ་འཇོག་མི་བྱེད་པའམ་བརྩི་མེད་ག་ཚོད་གཏོང་གི་ཡོད་པ་ང་ཚོས་ཤེས་རྟོགས་ཐུབ་ཡོད།

ཕྱི་ལོ་ ༡༩༨༩ ནང་ང་གཙོས་པའི་ངོ་རྒོལ་བ་མང་པོས་རྩ་ཁྲིམས་དེ་ལ་ལེགས་བཅོས་ཡོང་རྒྱུར་འབོད་སྐུལ་བྱས་ཡོད། ང་ཚོའི་དྲང་བདེན་དང་། རང་དབང་དེ་དག་གསར་འགྱུར་དང་དེབ་ནང་དུ་ཡོད་ནའང་རྒྱ་ནག་དམར་པོའི་སྲིད་གཞུང་གིས་ལག་ལེན་ཐོག་རྩ་བ་ནས་འཁྱེར་ཐུབ་ཀྱི་མེད། རྒྱ་ནག་གཞུང་རང་ཉིད་ཀྱང་རྩ་ཁྲིམས་ཀྱི་རྗེས་སུ་མི་འབྲང་བར་གཞུང་གི་རྩ་ཁྲིམས་ཀྱི་སྒྲོམ་གཞིའི་ནང་དུ་གྲུབ་འབྲས་ཡོང་རྒྱུར་པེ་ཅིན་དང་མཉམ་དུ་གྲོས་མོལ་ཅིའི་ཕྱིར་བྱེད་དགོས་སམ། རྒྱ་ནག་གཞུང་དང་ལྟ་བ་མི་མཐུན་མཁན་ལ་དྲག་གནོན་དང་བཀག་འགོག་བྱེད་རྒྱུ་དེ་ནི་དེ་སྔ་ལས་སྡུག་ཏུ་ཕྱིན་ཡོད། སྲིད་འཛིན་ཞི་ཅིན་ཕིན་འོག་ལ་ཡོད་པའི་རྒྱ་ནག་གིས་ཡང་དག་པའི་བཅོས་སྒྱུར་གཏོང་འདོད་མེད་པ་མ་ཟད་སོ་སོའི་རྒྱལ་ཁབ་འདི་ཁྲིམས་དང་མཐུན་པའི་སྒོ་ནས་འཛིན་སྐྱོང་བྱེད་རྒྱུའི་དམ་བཅའ་བཞག་པ་རྣམས་ཀྱང་དོན་ཐོག་ཏུ་ཐུབ་ཀྱི་མེད་པར་ལམ་སེང་གཡོལ་ཐབས་བྱེད་བཞིན་ཡོད། ཅེས་རྒྱ་ནག་གི་འགྲོ་བ་མིའི་ཐོབ་ཐང་ལྟ་སྐྱོང་བྱེད་མཁན་གྱིས་འགན་འཛིན་སོ་ཕིས་རི་ཆར་ཌི་སོན་(sophie Richardson)གྱིས་བརྗོད་ཡོད་པ་མ་ཟད། ད་དུང་ཁོང་གིས་རྒྱ་ནག་འདི་འདས་པའི་ལོ་ངོ་བཅུ་ཕྲག་ཁ་ཤས་ནང་དྲག་གནོན་བྱེད་མཁན་སྡུག་ཤོས་ཤིག་ཆགས་པ་དེ་ནི་ང་ཚོའི་སྡུག་བསྔལ་ནམ་ཡང་རྫོགས་རྒྱུ་མེད་པ་འདྲ་བོ་ཞིག་ཡིན་ནམ་སྙམ་པའི་སྣང་བ་སྟེར་ཞེས་བརྗོད་ཡོད།

ཟླ་བ་ ༣ པའི་ཚེས་ ༨ རྒྱལ་སྤྱིའི་བུད་མེད་སྒེར་ལངས་ཀྱི་ཉིན་གཉིས་སྔོན་དུ་རྒྱ་ནག་གི་ཉེན་རྟོག་པས་གྲོང་ཁྱེར་མང་པོའི་མང་ཚོགས་སྐྱེལ་འདྲེན་བྱེད་སའི་ལྟེ་གནས་ཁག་ཏུ་ཆགས་སྤྱོད་ཀྱི་བརྙས་བཅོས་བྱས་པར་ཤེས་ཡོན་གྱིས་ཐོག་ནས་སྔོན་འགོག་ལས་འགུལ་མགོ་འཛུགས་བཞིན་པའི་སྐབས་སུ་བུད་མེད་ཀྱི་ཐོབ་ཐང་རྩོད་མཁན་བཅུ་འཛིན་བཟུང་བྱས་པ་མ་ཟད། གཞོན་ནུ་མ་ལྔ་ད་དུང་ཡང་བཀག་ཉར་འོག་གནས་ཡོད་པ་རེད། འཁྲུག་རྩོད་སློང་བའི་སྐྱོན་འཛུགས་དང་དཀའ་སྡུག་གིས་རྒྱུ་རྐྱེན་འོག་ཏུ་སླར་ཡང་རིག་གནས་གསར་བརྗེ་དེ་ཡོང་གི་ཡོད། འཛམ་གླིང་རྨོངས་གཉིད་ལས་བསད་ཏེ་དེ་ནི་ཧི་ཐི་ལར་སྐབས་ཀྱི་ཆབ་སྲིད་ཀྱི་ལམ་ལུགས་ཤིག་ཡིན་པ་ཤེས་རྟོགས་ཐུབ་པ་བྱེད་དགོས། ཞི་ཅིན་ཕིན་ནི་ཧི་ཐི་ལར་ལས་ཀྱང་སྡུག་པའི་མི་ཞིག་རེད། ཡིད་བརྟན་མི་རུང་བའི་རེ་སྒུག་དང་རེ་འདོད་ཀྱི་སྟོང་བསམ་འདོར་བའི་དུས་ཚོས་ཤིག་ཡིན་པ་ངས་ནན་སྐུལ་བྱེད་ཀྱི་ཡོད།

གྲོས་བསྡུར་ཞུ་འབོད་བྱེད་རྒྱུའི་ཚབ་ཏུ་ང་ཚོའི་ཕ་ཡུལ་ཕྱིར་སློག་བྱེད་དགོས་པའི་དགོས་འདུན་ངེས་པར་དུ་འདོན་དགོས། ང་ཚོས་འགོག་རྒོལ་གྱི་ཆེད་དུ་སྒེར་གྱི་ཚོགས་པ་བཙུགས་ནས་ཁོང་ཚོ་དང་མཉམ་དུ་འཚེ་བ་མེད་པའི་ཐོག་ནས་འཐབ་རྩོད་ངེས་པར་དུ་བྱེད་དགོས། འདི་ནི་ང་ཚོར་ལོ་རྒྱུས་རང་བཞིན་ལྡན་པའི་རླབས་ཆེན་གྱི་དུས་སྐབས་ཤིག་རེད། གང་ཡིན་ཟེར་ན་རྒྱ་ནག་དམར་པོའི་སྲིད་གཞུང་གིས་ང་ཚོ་ཚང་མ་དགྲའ་བོའམ། ཡང་ན་ཕྱི་སྡོད་བོད་རིགས་རྣམས་དགྲ་བོའི་ནུས་ཤུགས་ཤིག་ཡིན་པ་མཐོང་གི་ཡོད་པ་མ་ཟད། རྒྱལ་ནང་གི་བོད་རིགས་རྣམས་འཁྲུག་རྩོད་སློང་མཁན་གྱི་ནག་ཉེས་པ་དང་དཀའ་ངལ་གྱི་རྒྱུ་རྐྱེན་ཞིག་ཡིན་པ་ཡང་མཐོང་གི་ཡོད། ཁོང་ཚོས་ང་ཚོར་དམར་ཤོག་གི་ལྟ་བ་ཁས་ལེན་བྱེད་གོས་པའི་བཙན་ཤེད་ཀྱང་བྱེད་ཀྱི་ཡོད། ཆུ་ཚོད་འགའ་ཤས་སྔོན་དུ་ངས་ཀྲུའི་ཀྲར་(Twitter)སྟེང་དུ་རྒྱ་རིགས་རྣམས་ལ་ངའི་གཏམ་བཤད་འདིའི་ནང་ཅི་ཞིག་བཤད་དགོས་མིན་དྲིས་པར་མཐོ་རིམ་སློབ་མ་ཞིག་གིས་རྒྱ་ནག་གི་ཞིང་ཆེན་མི་འདྲ་བ་དང་ས་ཁུལ་མི་འདྲ་བའི་ནང་དུ་ང་ཚོར་སྒེར་གྱི་རང་བཙན་དགོས་འདུན་ཡོད་པ་བཤད་རྒྱུ་དྲན་པ་མ་བརྗེད་རོགས་ཞེས་བཤད་བྱུང་། རྒྱ་ནག་ནས་ཡིན་པའི་མི་ཞིག་གིས་ཀྲུའི་ཀྲར་སྟེང་དུ་ཡོངས་གྲགས་ཀྱི་ཡིག་ལན་ཞིག་བཏང་བའི་ནང་ལོ་རྒྱུས་དྲན་པ་བརྗེད་མི་ཉན་པ་མ་ཟད། བོད་རིགས་གྲོགས་པོ་རྣམས་ལ་ཁྱེད་ཚོས་རང་དབང་གི་ཆེད་དུ་འཐབ་རྩོད་བྱས་པ་ང་ཚོས་ཤེས་ཀྱི་ཡོད་ཅེས་བརྗོད་རོགས་ཞེས་ཀྱང་བཤད་བྱུང་།

དེང་སང་གི་རྒྱ་རིགས་མི་མང་རྣམས་རྒྱ་ནག་གཞུང་གིས་མགོ་སྐོར་གཏོང་བདེ་པོ་རྩ་བ་ནས་མེད། ང་ཚོ་རིམ་པས་རྨོངས་གཉིད་ལས་བསད་ཀྱིན་ཡོད། འདི་ནི་མ་འོངས་པའི་རྒྱ་ནག་འདི་སུ་ལ་དབང་བ་འདི་རེད། ང་ཚོ་ཚང་མས་འཐབ་རྩོད་ག་དུས་མཉམ་དུ་བྱེད་མགོ་ཚུགས་པ་དེ་ནི་རྒྱ་ནག་དམར་པོའི་སྲིད་གཞུང་དེ་བཞིན་ཉམས་ཆག་ཏུ་འགྲོ་བའི་ཉིན་མོ་ཞིག་རེད། དེང་སང་གི་རྒྱ་ནག་འདི་ནི་ནམ་མ་ལངས་གོང་གི་དུས་སྐབས་བཞིན་མུན་ནག་ཅན་ཞིག་ཡིན། ང་ཚོས་ཞོགས་པའི་ཉི་གཞོན་གྱི་འོད་ཟེར་འཕྲོ་རྒྱུར་རེ་འདོད་ཀྱི་ངང་ནས་སྒུག་བཞིན་ཡོད། ང་ཚོ་ལག་གདང་སྦྲེལ་ཏེ་མཉམ་ལས་བྱེད་དགོས། ང་ཚོས་ཚུལ་མཐུན་གྱི་སྒོ་ནས་ཁོང་ཚོ་ལ་ཞུ་འབོད་བྱེད་རྒྱུའི་ཚབ་ཏུ་འགྲོ་བ་མིའི་གཞི་རྩའི་ཐོབ་ཐང་དང་རང་བཙན་ཕྱིར་སྤྲོད་བྱེད་དགོས་པའི་དགོས་འདུན་འདོན་དགོས། ཁོང་ཚོ་དང་མཉམ་དུ་ཚུལ་མཐུན་གྱིས་འབད་བརྩོན་ཡོང་ཐབས་མེད་པ་ཞིག་རེད། དེ་ནི་ཟང་ཟིང་དང་ཉེན་འཚབ་ཆེ་རུ་འགྲོ་གཞི་ཞིག་ཀྱང་རེད། གང་ཡིན་ཟེར་ན་ཁོང་ཚོས་ཟང་ཟིང་དང་སྐྱུགས་བྲོ་པོ་ཞིག་ཏུ་བཟོས་ཟིན་པས་རེད། བཙན་དབང་སྲིད་གཞུང་གི་འོག་ལ་བོད་རིགས་དང་། རྒྱ་རིགས། ཡུ་གུར་བ། སོག་པོ་ས་ཡ་བཅུ་ཙམ་ཚེ་སྲོག་ཤོར་ཡོད། ང་ཚོས་འཐབ་རྩོད་ཉར་བའི་ཐོག་ནས་རྒྱུན་བསྲིངས་ཀྱིས་འཐབ་རྩོད་བྱེད་དགོས། བོད་རྒྱལ་ལོ།།

བསྒྱུར་མཆན། རྩོམ་ཡིག་འདི་ནི་བོད་མིའི་རང་དབང་སྒེར་ལངས་ཐེངས་ ༥༦ པའི་ཉིན་ཨ་རིའི་མངའ་སྡེ་ཆི་ཁ་ཀོ་(Chicago)རུ་གཏམ་བཤད་བྱས་པའི་རྩོམ་ཡིག་ཅིག་ཡིན་ཞིང་། ད་ལམ་ཁོ་མོས་རྩོམ་ཡིག་འདི་བོད་སྒྱུར་བྱེད་དགོས་པའི་རེ་སྐུལ་ཞུས་པ་ལྟར་འདིར་བོད་བསྒྱུར་ཞུས་ཡོད།༄༅ མ་ཡིག་དྲ་ཚིག་ཁ་བྱང། Rose Tang speech in Chicago on Tibet Uprising Day唐路圖伯特抗暴日在芝加哥演講

འབྲེལ་ཡོད་གསར་འགྱུར།

༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༥ སྔོན་ལ།
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧
Close view of Chinese PLA combat helicopter in Tibet_January 05 2021
Mobile App

བོད་ནང་གི་ཛ་དྲག་གི་གནས་སྟངས་ལ་གཟིགས་ཞིབ་དགོས་པའི་རེ་སྐུལ་ཞུས། 

༢༠༢༥/༠༦/༢༦
Mobile App

མི་འགྱངས་བར་སྟོབས་ཆེན་རྒྱལ་ཁབ་ལྔ་ཡིས་ཚོགས་ཆེན་འཚོག་རྒྱུ་ཡིན་འདུག 

༢༠༢༥/༠༦/༢༦

མཆན། 1

  1. ཤར་མདའ། says:
    ལོ་ 10 སྔོན།

    ཞིབ་ཚག་ལྡན་པ་ཞིག་བྲིས་འདུག་མ་ཟད་བསྒྱུར་བ་པོ་ཡང་བཀྲིན་ཆེ་ཞུ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese