གསལ་བསྒྲགས།

ངས་འདི་ནས་དྲ་ལམ་བརྒྱུད་དེ་སྐད་ཆ་ཞིག་མི་བཤད་ཐབས་མེད་ཆགས་སོང་། སྤྱིར་བཏང་གི་བཙན་བྱོལ་ནང་ན་སྔོན་ཆེད་ནས་རང་མི་རིགས་ཀྱི་སྐད་ཡིག་ལ་དོ་སྣང་དང་། ཤ་ཚ་མེད་པར་དབྱིན་ཡིག་ལ་མཐོང་སྤྲད་བཞིན་པ་ཁ་གསལ་གཏིང་གསལ་རེད། དེང་སང་ཏོག་ཙམ་བོད་ཡིག་ལ་མཐོང་ཆེ་རུ་འགྲོ་བཞིན་ཡོད། དེ་ཡང་མི་རིགས་གཞན་གྱིས་མཐོང་ཆེན་དང་། སྦྱང་མཁན་མང་བའི་རྐྱེན་གྱིས་རེད། ང་ཚོ་སྐྱབས་བཅོལ་ལ་ཡོང་བའི་དགོས་དམིགས་གཙོ་བོ་ནི། རང་མི་རིགས་ཀྱི་སྐད་དང་མཐུན་པའི་ཡི་གེ་དེ་རེད། རང་མི་རིགས་ཀྱི་སྲོག་རྩ་འམ་གཞི་རྩ་དེ་བོད་ཡིག་ཡིན་དུས། དེ་ཉིད་སློབ་ཁྲིད་གནང་མཁན་ལ་གླ་ཆ་ཉུང་ཙམ་ལས། འདང་ངེས་པ་ཞིག་ད་དུང་སྤྲོད་རྒྱུ་མེད། དེའི་རྒྱུ་མཚན་ནི། ནད་ཚ་རྙིང་པ་དེ་དྲག་མེད་པའི་དོན་ཡིན། དགེ་རྒན་གདམ་དུས། གསལ་བསྒྲགས་རྫིག་ཐག་ཆོད་ཅིག་འབྲི་བཞིན་ཡོད། ༼མཐོ་སློབ་གང་རུང་ཞིག་ནས་ཨཙརྱ་དང་ཤསྟི་གང་རུང་དང་། བོད་དགེ་འོས་སྦྱོང་ཐོན་པའི་ལག་འཁྱེར།༽ཧ་ཧ་ཧ་ཧ་ཧ་ཧ། སྟོང་བསམ་རེད་སྙམ། སྔོན་ཆེད་ཡིན་ན། ལག་འཁྱེར་དེ་དག་ཡོད་མཁན་ལ་གཞི་རྩའི་སློབ་སྦྱོང་ཡང་དེ་དང་མཉམ་པ་ཞིག་ཡོད་རེད། དེང་སང་དེ་འདྲའི་ལག་འཁྱེར་རྫིག་པོ་བསྣམས་མཁན་ཕྱི་རྫིག་ནང་སྟོང་ཅན་ཧ་ཅང་གི་མང་པོ་ཡོད། ཁྱེད་ཀྱི་སློབ་གྲྭ་ལ་དགོས་ན་རག་ངེས་ཡིན། དོན་དམ་གྱི་དགེ་རྒན་ཞིག་དམིགས་བྱ་ཡིན་མིན་མ་ཤེས། གསལ་བསྒྲགས་ཀྱི་དོན་དག་ལ་གཞིག་ན་དེ་འདྲ་ཞིག་ལོས་ཡིན་སྙམ་པའི་ཚོར་བ་འཕར་མ་ཞིག་སྟེར་གྱིན་འདུག