འབྲས་ནད་ཀྱི་འབྱུང་རྩ་དམར་ཟས་རེད།

ནེའུ་ཡོག་དུས་བབ་གསར་ཁང་གི་དཔྱད་རྩོམ། པདྨ་རྒྱལ་གྱིས་བོད་བསྒྱུར་བྱས།

འཛམ་གླིང་འཕྲོད་བསྟེན་ལྷན་ཚོགས་ (W.H.O) ནས་འབྲས་ནད་ཀྱི་འབྱུང་ཁུངས་སྐོར་གྱི་མཐའ་མའི་ཞིབ་འཇུག་སྙན་ཐོ་ཞིག་བཏོན་པའི་ནང་། ཁྲོམ་རའི་དམར་ཟས་ལ་རོལ་བ་ནི་འབྲས་ནད་ཀྱི་འབྱུང་ཁུངས་གཙོ་བོ་ཞིག་ཡིན་པ་ར་སྤྲོད་བྱུང་ཡོད་ཀྱང་། འབྲས་ནད་འདིའི་རིགས་ཀྱིས་རྒྱལ་སྤྱིའི་མི་མང་བྱིངས་ཀྱི་ཚེ་སྲོག་ལ་ཉེན་ཚབས་ཆེན་པོ་མེད་སྐོར་བརྗོད།

རྒྱལ་སྤྱིའི་འབྲས་ནད་ཞིབ་འཇུག་ཚན་པའི་ (IARC) དཔྱད་གཞི་གཞིར་བཟུང་བའི་ཐོག ཟླ་འདིའི་ཚེས་ ༢༨ ཉིན་འཛམ་གླིང་འཕྲོད་བསྟེན་ལྷན་ཚོགས་ཀྱིས་བཏོན་པའི་སྙན་ཐོ་དེའི་ནང་མུ་མཐུད། ཁྲོམ་རའི་ཕག་ཤ་དང་ཤ་རྒྱུ། རྐང་ཤ་རློན་པ་སོགས་ཚྭ་སྐམ་གཏོང་བ་དང་སྙལ་སྦྱོར་བྱེད་པ། ཡང་ན་འབྲས་ནད་སློང་བྱེད་ཀྱི་སྐྱུར་ཚྭ་སོགས་བྲོ་རྫས་སྣ་ཚོགས་སྤྱོད་པ་ལས་རྒྱུ་མའི་འབྲས་ནད་ (colon cancer) དང་ཕོ་བའི་འབྲས་ནད་ (stomach cancer) རིགས་འབྱུང་གི་ཡོད་པ་ཤེས་རྟོགས་བྱུང་བ་དང་། གལ་ཏེ་ཁྲོམ་རའི་དམར་ཟས་ལ་སྐྱུར་ཚྭ་སོགས་བྲོ་རྫས་རིགས་ཇེ་ཉུང་དུ་བཏང་བ་ཡིན་ན། རྒྱུ་མའི་འབྲས་ནད་དང་ཕོ་བའི་འབྲས་ནད་རིགས་སྔོན་འགོག་ཐུབ་ཀྱི་ཡོད་སྐོར་བཀོད་འདུག

རྒྱལ་སྤྱིའི་འབྲས་ནད་ཞིབ་འཇུག་ཚན་པས་ཕག་ཤ་དང་གླང་ཤ་མདོག་དམར་པོ་ཆགས་ཡོད་པའི་རིགས་ལས་རྒྱུ་ཆེན་རྒྱུ་ཆུང་གི་འབྲས་ནད་དང་། སྐྱེས་འཕེལ་མ་ལག་གི་རྨེན་བུ་དང་གཤེར་རྨེན་གྱི་འབྲས་ནད་རིགས་འབྱུང་གི་ཡོད་པར་ཚོད་དཔག་བྱས་ཏེ། ཁོ་ཚོས་ཧ་ལམ་བདུན་ཕྲག་གཅིག་མ་ཟིན་ཙམ་ནང་ཁྲོམ་རའི་དམར་ཟས་རིགས་ལས་འབྲས་ནད་སྣ་ཚོགས་འབྱུང་གི་ཡོད་པ་དང་། སྒོས་སུ་ཐ་མག་ལས་ཚབས་ཆེ་བའི་འབྲས་ནད་འབྱུང་གི་ཡོད་པ་དངོས་ར་གསལ་འཕྲོད་བྱུང་ཡོད་ཀྱང་། སི་ཊན་ཧྥོར་ཌི་གཙུག་ལག་སློབ་ཆེན་ (Stanford University) གྱི་ནད་རིགས་སྔོན་འགོག་ཚན་པའི་འགན་འཛིན་སྐུ་ཞབས་རྗོན་ཨོན་ནེ་ཌེ་སི་ (John Ioannidis) ལགས་ཀྱིས། ངས་བསམ་ན། ང་ཚོས་མི་མང་ལ་དམར་ཟས་རིགས་རྩ་བ་ནས་བཟའ་མི་འོས་པའི་ཞེད་སྣང་སྐུལ་མི་རིགས་པར་འདོད། ཅེས་བརྗོད་པ་རེད།

རྒྱལ་སྤྱིའི་འབྲས་ནད་ཞིབ་འཇུག་ཚན་པའི་སྡོམ་རྩིས་ལྟར་ན། འཛམ་གླིང་སྒང་ལོ་གཅིག་ནང་རྡོ་ཐའི་གནོད་སྐྱོན་ལས་མི་ས་ཡ་ ༡ ལྷག་གི་ཚེ་སྲོག་འཆོར་གྱི་ཡོད་པ་དང་། ཆང་རག་གི་གནོན་འཚེ་ལས་མི་འབུམ་ ༦༠༠ ལྷག དེ་བཞིན་ཞགས་ཚིལ་མང་བའི་ཤ་རིགས་ལས་མི་ཁྲི་ ༣༤ ཡས་མས་ཤིག་རྐྱེན་འདས་སུ་འགྲོ་བཞིན་ཡོད་འདུག

ཐེངས་འདིའི་འབྲས་ནད་ཀྱི་འབྱུང་ཁུངས་སྐོར་གྱི་མཐའ་མའི་ཞིབ་འཇུག་སྙན་ཐོ་དེ་ནི། རྒྱལ་སྤྱིའི་འབྲས་ནད་ཞིབ་འཇུག་ཚན་པའི་རེ་སྐུལ་ལྟར། འཛམ་གླིང་འཕྲོད་བསྟེན་ལྷན་ཚོགས་ནས་འཛམ་གླིང་རྒྱལ་ཁབ་ ༡༠ ཡི་ཚན་རིག་པ་ ༢༢ མཉམ་འབྲེལ་གྱིས་འབྲས་ནད་ཅན་གྱི་སློབ་ཕྲུག་ ༨༠༠ ལྷག་ལ་བརྟག་དཔྱད་ཞིབ་འཇུག་བྱས་པའི་མཐའ་འབྲས་ཤིག་ཡིན་པ་རེད། འོན་ཀྱང་ཚན་རིག་ལྷན་ཚོགས་འདིས་རྒྱལ་སྤྱིའི་ནད་རིགས་སྔོན་འགོག་གི་ཆེད་ལས་མཁས་པ་མང་པོའི་དགོངས་ཚུལ་མི་འདྲ་བ་སྣ་ཚོགས་གཞིར་བཟུང་བའི་ཐོག འབྲས་ནད་ཀྱི་འབྱུང་རྐྱེན་དང་སྔོན་འགོག་གི་བྱེད་ཐབས་གསར་བ་གང་ཡང་རྙེད་མེད།

དེ་ཡང་ཚན་རིག་ལྷན་ཚོགས་འདིས་མི་མང་གིས་འབྲས་ནད་སློང་བྱེད་ཀྱི་བཟའ་བཏུང་རིགས་གང་དག་བསྟེན་གྱི་ཡོད་པ་གཞིར་བཟུང་སྟེ་ནད་ཡམས་ལ་དཔྱད་ཞིབ་གནང་བ་ཡིན་པས། ཁོ་ཚོས་འབྲས་ནད་ཀྱི་འབྱུང་རྐྱེན་གཙོ་བོ་དེ་གང་ཡིན་པ་ངོས་འཛིན་ཐུབ་མེད་ཀྱང་། རྒྱལ་སྤྱིའི་འབྲས་ནད་ཞིབ་འཇུག་ཚན་པས་དམར་ཟས་ལས་འབྲས་ནད་འབྱུང་གི་ཡོད་པ་ནི། རྡོ་ཐ་ལས་འབྲས་ནད་འབྱུང་གི་ཡོད་པ་ལྟར་ཧ་ཅང་གསལ་བོ་ཡིན་སྐོར་བརྗོད་འདུག

ཟས་བཅུད་མེད་ཅིང་ཚྭ་ཆུ་བརྒྱབ་པའི་ཁྲོམ་རའི་གླང་ཤ་དང་ཤ་རྒྱུ་སོགས་དམར་ཟས་རིགས་ལས་འབྲས་ནད་འབྱུང་གི་ཡོད་པར་འཛེམ་དོགས་གནང་མཁན་ཚོས། ཉིན་ལྟར་དམར་ཟས་ལོངས་སུ་སྤྱད་དེ་རང་ཉིད་ཀྱི་ཚེ་སྲོག་ལ་འཇིག་ཉེན་སློང་གི་ཡོད་ཅིང་། ཐེངས་འདིའི་བརྟག་དཔྱད་ཞིབ་འཇུག་བརྒྱུད། འབྲས་ནད་ཀྱི་འབྱུང་ཁུངས་དམར་ཟས་ཡིན་པ་ཅུང་མངོན་གསལ་བྱུང་ཡོད་ནའང་། ད་དུང་དེའི་རྒྱུ་རྐྱེན་གཙོ་བོ་ངོས་འཛིན་ཐུབ་ཡོད་པ་མ་རེད།

རྒྱལ་སྤྱིའི་འབྲས་ནད་ཞིབ་འཇུག་ཚན་པའི་ཞིབ་འཇུག་གི་གྲུབ་འབྲས་དེ་ཡང་ཉེ་ལམ་ཨ་རིའི་འབྲས་ནད་སྔོན་འགོག་མཐུན་ཚོགས་དང་འཛམ་གླིང་འབྲས་ནད་ཞིབ་འཇུག་ཐེབས་རྩ་ཁང་གཉིས་ཀྱི་དཔྱད་གཞི་ལ་གཞིར་བཞག་པ་ཞིག་ཡིན་ཞིང་། ཨ་རིའི་སྤྱི་མཐུན་སྲིད་གཞུང་གི་འཕྲོད་བསྟེན་སློབ་སྟོན་ཚོགས་ཆུང་གི་ཆེད་མཁས་པ་ཞིག་གིས། མི་མང་གིས་ཟས་བཅུད་མེད་པའི་དམར་ཟས་རིགས་ལ་ལོངས་སྤྱོད་མི་རུང་ཚུལ་སློབ་སྟོན་གནང་བ་ལྟར། མཇུག་མཐར་མི་མང་ལ་དམར་ཟས་སྤོང་ཐབས་ཀྱི་བསླབ་བྱ་ལམ་སྟོན་མང་དུ་གཏོང་རྒྱུ་ནི་སྐབས་སུ་བབ་པའི་འོས་འགན་གཡོལ་དུ་མེད་པ་ཞིག་རེད།

མ་རྩོམ་འབྲེལ་ཐག http://www.nytimes.com/2015/10/28/opinion/meat-as-a-cause-of-cancer.html