༄༅། ལ་དྭགས་བསོད་ནམས་གླིང་གནས་སྡོད་ཡབ་བཀྲིས་ཆོས་སྟོབས་ཕྱི་ལོ་ ༡༩༤༢ ལོ་ཕ་བཅོ་ལྔ་སྲི་གནོས་དང༌། མ་ཚེ་རིང་སྲུང་སྒྲོལ་གཉིས་ཀྱི་བུ་ལ་སྟོད་མངའ་རིས་རུ་ཐོག་རྫོང་ཁོངས་མངའ་རིས་བྱང་པ་འཁྲུངས།་ འདི་ལོ་ ༢༠༡༥ ཟླ་ ༧ ཚེས་ ༢༣ ཉིན་སྐུ་ཚེ་མ་ཟིན་པ་ཡིད་སྐྱོའི་གནས་ཚུལ་ཐོན་པ། དམ་པ་འདི་ཉིད་འཚོ་བཞུགས་སྐབས། ཕྱི་ལོ་༡༩༦༡ ལོ་ནས་བོད་དུ་དུས་འགྱུར་དབང་གི་བཙན་བྱོལ་དུ་འབྱོར། རྣམ་ཀུན་ཁོ་རང་སྤྱི་ཚོགས་ནང་ཕྱག་ལས་གནང་མཁན་མི་སྣ་ཡིན་པ་ལ་དྭགས་ས་གནས་གཞིས་ཆགས་ཐོག་མའི་སྐབས་རྫ་དམར་དཔོན་འཆི་མེད་ལགས་ཁོང་གི་ཕྱག་རོགས་གནང་མཁན་གཙོ་བོ་ཞིག་དང༌། གཞན་ཡང་ས་གནས་འཐུས་མིའི་ཚོགས་གཙོ་ལོ་མང་དང༌། རང་ཚོགས་ཚོགས་གཙོ་ལོ་མང༌། མཉམ་འབྲེལ་ཚོགས་གཙོ་བཅས་སྤྱི་ཚོགས་ཞབས་ཞུས་གནང་མཁན་གལ་ཆེ་ཞིག་གནང་ཡོད། ལྷག་པར་དུ་རང་རེས་མངའ་རིས་རྣམས་ཀྱི་བོས་ཀྱི་ཆོས་དང༌། རིགས་གཞུང་ཉམས་པ་སླར་གསོ། མི་རིགས་རྒྱུན་གནས་ཐུབ་པའི་སླད་གཞིས་བྱེས་གཉིས་ཀྱི་དབུ་ཁྲིད་འཛམ་གླིང་ཞི་བདེའི་དེད་དཔོན་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དབུ་ཁྲིད་བཟང་པོའི་འོག་རང་གཞུང་གི་མཛད་བྱུས་དང་མཐུན་པའི་ལངས་ཕྱོགས་དབུ་འོག་དཔུང་འདེགས་ཞུ་རྒྱུར། ཕྱི་ལོ་ ༡༩༨༤ ལོ་མངའ་རིས་ཀྱི་སྐྱིད་སྡུག་ཞེས་གཙུགས་མཁན་ཐུགས་འཁུར་ཆེ་བཞེས་སྐུ་ངལ་བསྐྱོན་མཁན་ཞིག་ཡིན་པ། ཕྱི་ལོ་ ༡༩༨༥ ལོ་རྒྱ་དམར་གྱི་སྲིད་བྱུས་ལ་གུ་ཡངས་ཕྲན་བུ་འགྱུར་ལྡོགས་བྱུང་པར་བརྟེན་གོང་ལོའི་ནང་རྒྱ་གར་གནས་མཆོག་རྡོ་རྗེ་གདན་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་དཔལ་དུས་འཁོར་དབང་ཆེན་བརྩལ་སྐབས་གཞི་ལུས་མངའ་རིས་པ་ཆོས་ཞུས་རྣམས་ལ་འཐུག་འཕྲད་མཐུནའགྱུར་ཞུས་པ་དང༌། སྔར་ཡོད་སྲོལ་བཟང་གི་གངས་ཏི་སི་སྐུ་མདུན་དུ་དར་ཆེན་སྐུ་བཞེངས་གནང་སྲོལ་ཡོད་པ་དེ་བཞིན་སླར་གསོ་གནང་སླད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་མཇལ་བཅར་ཞུས་སྟེ་ཁ་བཏགས་ནང་མཛོད་དང་དར་མཚོན་ལ་རབ་གནས་བྱིན་རླབས་བརྩལ་གནང་ཡོང་བའི་གསོལ་འདེབས་ཞུས་པ་བཞིན་དེ་ལྟར་༧གོང་ས་༧སྐྱབས་མགོན་ཆེན་པོ་མཆོག་ནས་ཐུགས་སྨོན་བརྩལ་གནང་བྱུང་པའི་ཐུགས་འཁུར་ཆེ་བཞེས་གནང་ཐུབ་པ་དང༌། མངའ་རིས་གཞིས་བྱེས་དབར་འབྲེལ་ལམ་གནང་མཁན་གཙོ་བོ་ཞིག་བྱུང་ཡོད།དེ་རྗེས་ ༡༩༩༣ ཟླ་ ༨ ཚེས་ ༡༣ ཉིན་མངའ་རིས་སྐྱིད་སྡུག་ནས་མིང་བསྒྱུར་གྱི་མངའ་རིས་སྤྱི་མཐུན་ཚོགས་པར་བཅའ་ཁྲིམས་དགོངས་དོན་བཞིན་འཛིན་སྐྱོང་དཔལ་ལྡན་བཀའ་ཤག་ནས་ཚོགས་པ་སྤྱི་མཚུངས་ངོ་བཞེས་གནང་པའི་སྒྲིག་འཛུགས་ཞིག་དུ་གྱུར་ཡོད་དེ་ཡང་དམ་པ་འདི་ཉིད་ནས་ཐུགས་འཁུར་འབད་བརྩོན་ཆེ་བཞེས་གནང་མཁན་གྱི་མི་སྣ་གྲས་སུ་ཡོད།གཞན་ཡང་ཁོང་ནས་མངའ་རིས་སྤྱི་མཐུན་ཚོགས་པའི་དབུས་སྤྱི་ཁྱབ་རྒྱུན་ལས་ལན་མང་དང༌། མངའ་རིས་ས་རྒྱུན་བཅས་ཕྱག་ལས་གནང་པ་དང༌། རྣམ་ཀུན་མངའ་རིས་སློན་སྟོན་པ་གལ་ཆེའི་མི་སྣ་ཞིག་ཡིན་པ་དམ་པ་འདི་ཉིད་ཀྱི་མཛད་རྗེས་ལ་ཡིད་གདུང་ཆེན་པོའི་མྱ་ངན་ཞུས་པ་དང་ཆབས་ཅིག་མངོན་མཐོའི་རྟེན་བཟང་རིམ་བརྒྱུད་བྱང་ཆེན་གཏན་བདེའི་སར་འཁོད་ཐུབ་པའི་སྨོན་འདུན་ཞུ་རྒྱུ་བཅས།
མངའ་རིས་སྤྱི་མཐུན་ཚོགས་པའི་དབུས་སྤྱི་ཁྱབ་རྒྱུན་ལས་ཁང་ནས།
