མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྲིད་སྐྱོང་འོས་མི་གཉིས་བསྡུར་བ།

བོད་ཀྱི་དུས་བབ།
༢༠༡༦/༠༢/༢༠
Share on FacebookShare on TwitterShare on EmailShare on Whatsapp

བློ་གྲོས་རབ་བརྟན།

 

༡༽ མི་གཞི།

 

བློ་བཟང་སེང་གེ༽ ཁོང་གི་མི་གཞི་ག་འདྲ་ཡིན་མིན་ཁོང་གི་གཏམ་བཤད་དང་ཕྱག་ལས་གནང་སྟངས་ལ་བལྟས་ན། མི་གཞི་བརྟན་པོ་དང་ཁྲེལ་ཡོད་ཀྱི་མི་ཞིག་མ་རེད་ལ། དྲང་བདེན་དང་དངོས་ཡོད། ནོར་འཁྲུལ་ཁས་ལེན་པའི་གོམས་གཤིས་བཟང་བོ་ཞིག་ཧ་ལམ་ལོ་ལྔའི་རིང་བོད་མི་ཚོས་མཐོང་ཐུབ་མེད། དེའི་རྐྱེན་གྱིས་གནད་དོན་བྱུང་བ་དག་ཕྱི་གསལ་ནང་གསལ་ཡིད་ཆེས་འཕེར་བ་ཞིག་སྣ་གཅིག་ཀྱང་བཟོ་ཐུབ་མེད། དེ་ནི་ཁོའི་མི་གཞི་འམ་གཤིས་ཀ་ལ་འབྲེལ་བ་དམ་པོ་ཡོད།

 

སྤེན་པ་ཚེ་རིང་།༽ འོས་བསྡུའི་ལས་རིམ་ཁྲོད་ནས་ཁོང་གི་གཏམ་བཤད་དང་རྣམ་པ་མངོན་སྟངས་ནི། མི་གཞི་བརྟན་པོ་དང་གཉོམ་ཆུང་བག་ཡོད་ཀྱི་མི་ཞིག་ཡིན་པར་མ་ཟད། བདེན་པ་དང་དངོས་ཡོད་གོང་དུ་བཀུར་ཞིང་། ཧམ་སེམས་མེད་པའི་མི་དཀྱུས་མ་ཞིག་རེད་ལ། ཁ་སང་དགྲ་ཡིན་ནའང་དེ་རིང་གཉེན་དུ་བསྒྱུར་བར་བརྩོན་ཐུབ་མཁན་གྱི་མགོ་ཁྲིད་ཅིག་གི་རྣམ་པ་སྟོན།

 

༢༽ ཤེས་ཡོན།

 

བློ་སེང་།༽ ཨ་རིའི་ཧྭ་ཝར་སྒྲི་སློབ་ཆེན་ནས་ཐོན་པའི་ཁྲིམས་ལུགས་རིག་པའི་འབུམ་རམས་པ་ཞིག་རེད། ཧྭ་ཝར་སྒྲི་སློབ་ཆེན་དུ་སློབ་དཔོན་ཆེན་མོ་ཞིག་གི་ཡིག་ཆ་མཁོ་སྒྲུབ་ཀྱི་ལས་ཀ་བྱས་པ་རེད་ལ། བོད་མི་རང་གི་སྐད་ཡིག་དང་རིག་གཞུང་ཐད་ནས་ཀླད་གོར་མིན་ཙམ་རེད། ཧྭ་ཝར་སྒྲི་སློབ་ཆེན་གྱི་འབུམ་རམས་པའི་ལག་འཁྱེར་ཡོད་པའི་སྲིད་སྐྱོང་ཐོག་མ་རེད་ལ། བོད་ཀྱི་སྐད་ཡིག་དང་རིག་གཞུང་ལ་ཤེས་ཚད་སྐྱོ་ཤོས་ཀྱི་སྲིད་སྐྱོང་ཐོག་མ་དེ་ཡང་རེད།

 

སྤེན་ཚེ།༽ རྒྱ་གར་མ་རྡི་ར་སི་སློབ་ཆེན་ནས་ཚོང་ལས་རིག་པའི་ཐད་ནས་སློབ་ཆེན་པ་ཞིག་རེད། དེ་བཞིན་བོད་ཀྱི་སྐད་ཡིག་དང་རིག་གནས་ལ་གོ་རྟོགས་མི་དམན་ཙམ་དང་། བོད་གཞིས་བྱེས་གཉིས་ཀྱིས་གཙོས་ཕྱི་ནང་གི་གནད་དོན་ཁག་ལ་རྒྱུས་མངའ་ཡོད་ཐོག བོད་དབྱིན་གཉིས་ལ་རང་རྐྱ་འཕེར་བའི་ཅུང་སྣ་འཛོམས་ཀྱི་མི་སྣ་ཞིག་རེད།

 

༣༽ ཉམས་མྱོང་།

 

བློ་སེང་།༽ 2011 ལོར་ཉམས་མྱོང་གཏན་ནས་མེད་པའི་མི་ཞིག   བོད་ཀྱི་ཆབ་སྲིད་དང་འཛིན་སྐྱོང་གི་གོ་གནས་མཐོ་ཤོས་ལ་འཛེགས། དེ་ནས་དེ་རིང་བར་དུ་གཙོ་ཆེར་ཉམས་མྱོང་གིས་མ་འདང་བས། ཁྲིམས་དང་སྒྲིག་གཞི་ནས་གཤམ་འོག་གི་ལས་བྱེད་བསྐོ་འཇོག་བར་ཆ་སྙོམས་པོ་ཞིག་དང་། གལ་ཆེན་དོན་ཆེན་གྱི་ལས་དོན་གཅིག་ཀྱང་སྲ་ཐག་ཐག་ཅིག་བྱས་པ་ཡོད་དམ། རེད་དེ། ད་དུང་ཡིན་ནའང་སྲིད་སྐྱོང་གི་ཁྲི་འདི་སློད་ཀྱི་མེད་ཅིང་། ཁོ་ལ་དེ་སྔར་ཉམས་མྱོང་མེད་པས་ལས་ཀ་ཡག་པོ་བྱེད་མ་ཐུབ་ཀྱང་། ད་ལྟ་ལོ་ལྔ་ཙམ་རིང་ཉམས་མྱོང་བསགས་ཡོད་པས། སྔར་ལས་ཡག་ཅིག་བྱེད་ཐུབ་ལབ་ན། བདེན་པའི་ཆ་ངེས་ཅན་ཡོད་ཀྱང་། བློ་སེང་གིས་དེ་ལྟར་ཡེ་ནས་མི་བཤད་པར་ཚང་མ་ཡག་ཐག་ཆོད་དང་། འགྲིག་ཐག་ཆོད་ཡོད་ཅེས་ཤོད་ཀྱིན་འདུག

 

སྤེན་ཚེ།༽ མི་ལོ་ལྔ་བཅུ་ཙམ་གྱི་ནང་ལོ་ངོ་ཉི་ཤུའི་རིང་ཉམས་མྱོང་བསགས་ཡོད། ཉམས་མྱོང་དེ་དག་བོད་པའི་སྤྱི་ཚོགས་དང་ཁ་མ་བྲལ་བའི་ཉམས་མྱོང་ཤ་སྟག་རེད། ཁོང་གིས་དངོས་སུ་ལས་ཀ་བྱས་པའི་ཉམས་མྱོང་དེས། སྲིད་སྐྱོང་བྱེད་ཐུབ་པའི་གདེང་ཚོད་བསྐྲུན་ཡོད་ཅིང་། ག་ཚོད་ཀྱིས་ཉམས་མྱོང་མང་བ་བསགས་ན། དེའི་ཚོད་ཀྱིས་ནོར་འཁྲུལ་ཉུང་བ་དང་། ལས་དོན་ཁག་ཚགས་ཚུད་པོ་དང་སྤྱི་སྙོམས་ཡོང་གི་ཡོད།

 

༤༽ ཆབ་སྲིད།

 

བློ་སེང་།༽ དབུ་མའི་ལམ་གྱི་སྲིད་ཇུས་བརྒྱུད་དེ་བོད་རྒྱ་འབྲེལ་མོལ་ལ་ཅི་ཡང་བྱེད་ཐུབ་མེད། ཐ་ན་དབུ་མའི་ལམ་གྱི་སྲིད་ཇུས་དེ་ད་ལྟའི་ཆར་སྲིད་ཇུས་ཡག་ཤོས་ཡིན་ཟེར་བ་ཙམ་ལས། ཡག་ཤོས་ཡིན་ཚུལ་གྱི་འགྲེལ་བཤད་ཡང་དག་ཅིག་ད་བར་མཐོང་རྒྱུ་མེད་ཅིང་། བོད་རྒྱ་འབྲེལ་མོལ་དེ་ཡང་ཁོང་གི་པང་ཁ་ན་གཉིད་ལ་ཤོར་བ་མ་ཟད། འབྲེལ་མོལ་སྐུ་ཚབ་ཙམ་ཡང་གསར་བསྐོ་བྱེད་ཐུབ་མེད། ལོ་ལྔ་ཙམ་རིང་བོད་རྒྱ་འབྲེལ་མོལ་ཚོགས་འདུ་ཐེངས་ཁ་ཤས་ཚོགས་སོང་ལ། ཚོགས་ཞུགས་མི་སྣ་སྣོན་འཕྲི་དང་མི་འབོར་མང་དུ་བཏང་བ་ཙམ་རེད།

 

དབུ་མའི་སྲིད་ཇུས་དེས་རབ་བྱུང་ན། རྒྱ་ནག་གཞུང་དང་དེ་མ་བྱུང་ན་རྒྱ་མི་རིགས་ལ་བསྙོབ་དགོས་པ་དེ་སྲིད་ཇུས་དེའི་དགོངས་དོན་རེད། དེའི་ཆེད་དུ་དོན་གཅོད་ཁང་འགའ་རུ་རྒྱ་རིགས་འབྲེལ་མཐུད་པ་བསྐོས་ཡོད། འོན་ཏེ་བློ་སེང་གི་རིང་ལ་ཨ་རིའི་དོན་ཁང་གི་རྒྱ་རིགས་འབྲེལ་མཐུད་པ་ཀུན་དགའ་བཀྲ་ཤིས་རྡ་སར་བླངས་ཀྱང་། དེའི་ཚབ་ལ་མི་སྣ་བསྐོས་མེད་ལ། ལོ་མང་རིང་ཉམས་མྱོང་བསགས་ཤིང་། བོད་ཕྱི་ནང་གི་གནས་སྟངས་ལ་གོ་རྟོགས་ཡོད་པ། ཀུན་དགའ་བཀྲ་ཤིས་དགོས་སར་མ་བཞག་པའི་ཐད་ནས་དོགས་པ་མང་པོ་བསླངས་ཡོད།

 

སྤེན་ཚེ།༽ དབུ་མའི་ལམ་གྱི་སྲིད་ཇུས་ལག་བསྟར་དང་། བོད་རྒྱ་འབྲེལ་མོལ་ཐད་ཁོང་གིས་ག་ཚོད་ཅིག་འཇོན་གྱི་ཡོད་མེད་ད་ལྟའི་ཆར་བཤད་ཐུབ་པ་ཞིག་མ་རེད་དེ། ཁོང་ནི་དབུ་མའི་ལམ་གྱི་སྲིད་ཇུས་ལ་ཡིད་ཆེས་ངེས་རྙེད་ཀྱི་མི་ཞིག་རེད་ལ། བོད་རྒྱ་འབྲེལ་མོལ་ཐད་འཆར་སྣང་ཡོད་མཁན་ཞིག་ཀྱང་རེད། ཁོང་གིས་” རྒྱ་གཞུང་ལ་སྤྲད་པའི་རང་སྐྱོང་ཐད་ཀྱི་ཡིག་ཆ་ལ་ཡ་ལན་མེད་དུས། ཡིག་ཆ་གཉིས་པ་ཞིག་ལ་བསམ་བློ་གཏོང་དགོས་པ་དང་། འབྲེལ་མོལ་སྐུ་ཚབ་ངེས་པར་དུ་བསྐོ་དགོས་ལ་ཁོང་གིས་དེའི་ཆེད་དུ་ལས་ཀ་བྱེད་དགོས་ཀྱི་འདུག   བོད་རྒྱ་འབྲེལ་མོལ་ཚོགས་འདུའི་འཐུས་མིའི་ཁོངས་སུ་ངེས་པར་དུ། བོད་ནས་གསར་དུ་ཕེབས་པའི་རྒྱ་ཡིག་ཤེས་མཁན་འཇུག་དགོས་འདུག” ཅེས་བཤད་སོང་།

 

ཁོང་ལ་སྲིད་སྐྱོང་ཐོབ་སོང་ན། ཁོང་གིས་བོད་རྒྱ་ཞི་མོལ་ཐད་ལས་ཀ་འདི་དང་འདི་བྱས་པ་ཡིན། གྲུབ་འབྲས་འདི་དང་འདི་བྱུང་སོང་། འདི་དང་འདི་བྱུང་མ་སོང་ཞེས། མི་མང་ལ་བརྡ་ལན་གསལ་བོ་ཞིག་ཏན་ཏན་སྤྲོད་ངེས་རེད་ལ། ཅི་ཡིན་འདི་ཡིན་མེད་པར་སྤམ་པོར་བྱས་ནས་འཇོག་གི་མ་རེད་འདོད།

 

༥༽ འཛིན་སྐྱོང་།

 

བློ་སེང་།༽ ཧ་ལམ་ལོ་ལྔའི་རིང་བོད་མིའི་སྒྲིག་འཛུགས་ཀྱི་འཛིན་སྐྱོང་གི་འགན་དེ་བློ་སེང་གིས་བླངས། བཀའ་ཤག་གི་ཆབ་སྲིད་དྲུང་ཆེ་མེད་པར་བཟོས་ཏེ། ཁྲིམས་དང་སྒྲིག་གཞི་གང་ནའང་གསལ་ཁ་མེད་པའི་གྲོས་སྟོན་པ་ཟེར་བ་བསྐོ་འཇོག་བྱས་ཡོད། འཛིན་སྐྱོང་བཀའ་ཤག་གི་འཛིན་སྐྱོང་སྤྱི་སྙོམས་ཤིག་དང་སྒྲིག་གཞི་དང་མཐུན་པ་ཞིག་མ་བྱུང་སྟབས། ལས་བྱེད་རྒན་པ་བརྒྱ་མ་ཟིན་ཙམ་གྱིས་ཞུ་གཏུག་གི་སྙན་ཞུ་ཕུལ་ཡོད།

 

དེ་བཞིན་རྒྱ་གར་གྱི་འཛིན་སྐྱོང་འོག་ཡོད་པའི་བོད་སློབ་དག་ཤེས་རིག་ཁྱབ་ཁོངས་སུ་ཟླ་བསྒྲིལ་གཏོང་བའི་ལས་གཞི་མགོ་བརྩམས་ཟིན་ནའང་། ཁྲིམས་དང་སྒྲིག་གཞིའི་འོག་ནས་ལེན་མ་ཐུབ་པར་དེ་མུར་ལྷག་པར་མ་ཟད། རྒྱ་གར་དགེ་རྒན་སྐོར་ཞིག་གིས་ཁྲིམས་གཏུག་ཀྱང་བྱས་ཡོད།

 

དེ་བཞིན་ཤེས་ཡོད་སྲིད་ཇུས་ལག་བསྟར་ཡང་དག་ཅིག་མ་བྱས་པས། གྲོས་ཚོགས་ནས་ཞིབ་འཇུག་ཚོགས་ཆུང་བཙུགས་ཏེ། ཞིབ་འཇུག་སྙན་ཐོ་གྲོས་ཚོགས་སུ་ཕུལ་བའི་ནང་འཐུས་ཤོར་ཕྱིན་ཡོད་པ་གསལ་ཡོད། ད་དུང་མང་་་་་

 

སྤེན་ཚེ།༽ ལོ་ངོ་ཉི་ཤུའི་རིང་གི་ཉམས་མྱོང་ཡོད་ཅེས་ཤོད་བསྡད་པ་དེ་གཙོ་བོ་འཛིན་སྐྱོང་གི་ཉམས་མྱོང་རེད། བོད་ཀྱི་སྲིད་ཇུས་དང་གྲོས་ཚོགས་ཉམས་ཞིབ་ཁང་ནས་སྤྱི་འཐུས། དེ་ནས་ཚོགས་གཙོའི་འགན་བཞེས་པ་དག་རེད། གྲོས་ཚོགས་ཀྱི་ལས་རིམ་དང་སྔོན་རྩིས་གཏན་འབེབས། ཁྲིམས་དང་སྒྲིག་གཞི་བསྐྱར་བཅོས་སོགས་ཀྱིས་མཚོན། ལས་དོན་ཁག་དུས་ལྟར་ལམ་ལྷོང་བྱུང་ཞིང་། ཁོང་ལ་འཛིན་སྐྱོང་གི་རྩ་བའི་གནད་འགག་སྟེ། ཁྲིམས་དང་སྒྲིག་གཞི་གཙོ་བོར་འཛིན་དགོས་པ་ལས། གང་ཟག་གི་དབང་ཤུགས་འོག་འགྲོ་མི་ཉན་པ་དེ་ངོས་འཛིན་གསལ་བོ་ཐོབ་འདུག

 

ད་འོ་ན། ཁོང་ཚོགས་གཙོ་ཡིན་པའི་སྐབས་ལ་གྲོས་ཚོགས་སུ་དཀའ་ངལ་འགའ་འཕྲད་སོང་ཟེར་ན། དེ་ནི་ཆེད་དུ་དཀྲུག་ཐབས་དང་ཚོགས་གཙོ་ནག་པོ་བཟོ་ཐབས་ཀྱི་གཡོ་སྒྱུ་ཞིག་ལས། འཛིན་སྐྱོང་དང་སྟངས་འཛིན་གྱི་གནད་དོན་ཞིག་མ་རེད།

 

༦༽ ལྷག་བསམ།

 

བློ་སེང་།༽ བློ་སེང་ལ་བོད་སྤྱི་ལ་ལས་ཀ་བྱེད་པའི་གོ་སྐབས་ཐོབ། སྤྱི་བའི་སྒྲིག་འཛུགས་དང་བོད་མི་མང་གལ་ཆེན་བརྩིས་སོང་ངམ། ཡང་ན། རང་དང་རང་གི་ཕྱོགས་གཏོགས་གལ་ཆེན་བརྩིས་སོང་ངམ།

 

རང་གི་གྲོགས་པོ་སྐལ་རྡོར་ཨ་རིའི་དོན་གཅོད་ལ་བསྐོ་བར་ག་ཚོད་འཁྲབ་སོང་། ང་ཕོད་འཇིགས་མེད་གནས་དབྱུང་དང་དེའི་ཚབ་ལ་བློ་བཟང་སྙན་གྲགས་འཇོག་རྩིས་ཡིན་ཡང་། ལམ་ལྷོང་མ་བྱུང་བས་བཀྲས་མཐོང་བསྐོ་དགོས་བྱུང་། སྟབས་འགྲིག་པ་ཞིག་ལ། བློ་བཟང་སྙན་གྲགས་དོན་གཅོད་ནས་བོད་ཀྱི་ཐེབས་རྩའི་འགན་འཛིན་ལ་བསྐོས་ཏེ། དོན་གཅོད་ལ་མཐའ་མ་ཁོང་གི་གྲོགས་པོ་སྐལ་རྡོར་བསྐོས།

 

ཡང་གཅིག་བཤད་ན། ཆུ་སྒང་གསར་རྙིང་འགྲིག་འཇགས་ལ། འཇུ་ཆེན་ལས་ལས་ཀ་ཡག་པོ་བྱེད་ཐུབ་པའི་གོ་སྐབས་ཡོད་ཀྱང་སྣང་མེད་དུ་བཞག་པར་མ་ཟད། དུས་དབང་ཕྱིར་འགྱངས་ཀྱི་ལབ་གླེང་དང་འབྲེལ་ཏེ་ཆུ་སྒང་གསར་རྙིང་གི་གདོང་རིས་ཀྱང་ཇེ་གསལ་ལ་བཏང་།

 

སྤེན་ཚེ།༽ ལོ་མང་རིང་བོད་པའི་སྤྱི་ཚོགས་རང་ལ་བསྡད་དེ་མི་སྣ་མཐོ་དམན་མང་པོའི་མཉམ་དུ་ལས་ཀ་བྱས་ཡོད་ཅིང་། མི་སུ་ཞིག་ལའང་སྤེན་ཚེས་ཕྱོགས་རིས་བྱས་པ་ཞིག་དང་། རྒྱ་ཆེ་ས་བཞག་སྟེ་ཆུང་ས་རང་དང་རང་གི་ཕྱོགས་གཏོགས་ལ་ཁེ་བཟང་བསྐྲུན་པ། སྤྱི་དོན་གྱི་རྒྱབ་ནས་རང་དོན་སྒྲུབ་པ། ཆོལ་ཁ་དང་ཆོས་ལུགས་ཀྱི་ཞེན་ཁོག་བྱས་ཏེ་སྤྱི་ཚོགས་ཀྱི་མཐུན་སྒྲིལ་གཏོར་བ་ལྟ་བུ་གཅིག་ཀྱང་བཤད་རྒྱུ་མེད། ད་དུང་འདས་ལོའི་སྐུའི་གྱ་སྟོན་གྱི་མདོ་སྨད་དགྱེས་འཛོམས་ཉིན་མ་འོངས་པར་དགུང་གྲངས་དགུ་བཅུ་ཕེབས་པའི་དགུ་སྟོན་ལ་བསམ་བློ་གཏོང་དགོས་པ་དང་། དེ་དུས་བོད་ཆོལ་ཁ་གསུམ་པོས་མཉམ་དུ་སྲུང་བརྩི་བྱེད་ཐུབ་ན་གཟི་བརྗིད་ཆེ་བ་ཡོད་སྐོར་བཤད་སོང་།

 

༧༽ ལངས་ཕྱོགས།

 

བློ་སེང་།༽  བོད་མིའི་སྒྲིག་འཛུགས་ཀྱི་སྲིད་ཇུས་དབུ་མའི་ལམ་རེད་ལ། དེ་ལག་བསྟར་བྱེད་པར་བོད་མི་མང་དང་གྲོས་ཚོགས་ནས་གཏན་ལ་ཕབ་པ་ཡིན་དུས། རྒྱབ་ལྗོངས་མཐུག་པོ་དང་བཙན་པོ་ག་ཚོད་ཡོད་ནའང་དེའི་ནུས་པ་དག་ཉམས་ཞན་དུ་བཏང་སོང་། དབུ་མའི་ལམ་གྱི་སྲིད་ཇུས་ལ་རྒོལ་མཁན་ཚོར་བརྡ་ལན་གསལ་བོ་གང་ཡང་སྤྲོད་ཐུབ་མེད་ཅིང་། ཁོང་ལ་དབུ་མའི་ལམ་གྱི་སྲིད་ཇུས་ལ་ངོས་འཛིན་གསལ་བོ་ཞིག་དང་། ལངས་ཕྱོགས་བརྟན་པོ་ཞིག་མེད་པའི་གོ་བ་རང་བཞིན་གྱིས་སྤྲོད་ཀྱིན་ཡོད།

 

སྤེན་ཚེ།༽ གནད་དོན་ཆེ་ཆུང་གང་ཡིན་ཡང་སྤེན་ཚེ་ནི་ལངས་ཕྱོགས་ཡོད་མཁན་ཞིག་རེད་ལ། རང་གི་ལངས་ཕྱོགས་དེ་སྤྱི་ཚོགས་ཁྲོད་གསལ་བོ་བཟོ་མཁན་ཞིག་ཀྱང་རེད། དབུ་མའི་ལམ་གྱི་སྲིད་ཇུས་ལ་ངོས་འཛིན་ཐོབ་ཅིང་། སྲིད་ཇུས་དེ་ལག་བསྟར་ལ་ལངས་ཕྱོགས་བརྟན་པོ་ཡོད་པའི་མི་སྣ་གཙོ་གྲས་ཤིག་རེད།

 

༨༽ ༧གོང་ས་མཆོག

 

བློ་སེང་།༽ ང་ཚོས་མཐོང་བཞིན་པ་ནི་བློ་སེང་ནི་༧གོང་ས་མཆོག་བེད་སྤྱོད་བྱེད་མཁན་ཞིག་ཡིན་པ་དེ་རེད། འོས་བསྡུ་ལ་ཁ་ཐག་ཇེ་ཉེར་སོང་བ་དང་བསྟུན་ཁོང་གིས་༧གོང་ས་མཆོག་བེད་སྤྱོད་བྱེད་པ་ཇེ་མང་དུ་ཕྱིན་སོང་། ཐ་ན་༧གོང་ས་མཆོག་ཚེ་འདི་ཕྱི་གཉིས་ཀྱི་བླ་མ་ཡིན་ཞེས་ཀྱང་བཤད་སོང་མོད། ང་ཚོ་ལ་དགོས་པ་དེ་མ་རེད། ༧གོང་ས་མཆོག་གི་སྐུའི་སྲུང་སྐྱོབ་དང་། གུས་བརྩི། བཀའ་སློབ་ལམ་སྟོན་དག་ཁ་ཞེ་གཉིས་མེད་ཀྱིས་ལག་བསྟར་བྱེད་དགོས་པ་དེ་རེད།

 

སྤེན་ཚེ།༽  ཁོང་ནི་༧གོང་ས་མཆོག་རང་གི་ཁེ་ཕན་ཆེད་བེད་སྤྱོད་གཏོང་མཁན་ཞིག་མ་རེད་ལ། ༧གོང་ས་མཆོག་བོད་མིར་ག་ཚོད་ཀྱིས་དྲིན་ཅན་ཡིན་པ་ཤེས་ཏེ་བླ་མེད་ཀྱི་གུས་བཀུར་ཞུ་མཁན་ཞིག་དང་། མགོན་པོ་གང་གི་ཐུགས་དགོངས་འགྲུབ་པར་སེམས་པ་རྣམ་དག་གིས་གཞོགས་འདེགས་གང་ཐུབ་བྱེད་མཁན་ཞིག་རེད།

 

༩༽ འགན་འཁྲི་དང་གདོང་ལེན།

 

བློ་སེང་།༽ འདས་པའི་ལོ་འགའི་ནང་བློ་སེང་ལ་གདོང་ལེན་བྱེད་དགོས་པ་མང་པོ་བྱུང་སོང་མོད། གཅིག་ཀྱང་སྲ་ཐག་ཐག་ཅིག་གདོང་ལེན་བྱེད་ཐུབ་མ་སོང་། དོལ་ཚོགས་ཀྱིས་༧གོང་ས་མཆོག་ལ་ངོ་རྒོལ་ཙམ་ལས་བརྒལ་ཏེ་སྐུ་ཕྱྭ་ལའང་ཉེན་ཁ་བསླེབས་ཀྱང་། དེ་ལ་ཡ་ལན་སྣ་གཅིག་ཀྱང་བྱས་མེད། དེའི་རྐྱེན་གྱིས་ད་ཆ་དོལ་ཚོགས་ཀྱིས་བློ་སེང་ལ་བསྟོད་པ་བྱེད་བཞིན་མི་འདུག་གམ།

 

གཞན་ཡང་གཞོན་ཚོགས་ལ་དཀའ་ངལ་ག་ཚོད་འཕྲད་ཀྱང་། གཞུང་འབྲེལ་མ་ཡིན་པའི་ཚོགས་པ་རེད་མདོག་མདོག་གིས་ཁུ་སིམ་མེར་བསྡད་དེ། གཞོན་ཚོགས་བོད་མིའི་སྤྱི་ཚོགས་ཀྱི་གྲུབ་ཆ་ཞིག་ཡིན་པའང་ཡིད་ལ་འཁོར་གྱི་མེད།

 

དེ་བཞིན་ཁོང་སྒེར་གྱི་ཁང་རིན་ཐད་ནས་ཕྱི་མི་ཞིག་གིས་བཙན་བྱོལ་བོད་མིའི་སྲིད་སྐྱོང་དོགས་གནས་སུ་དེད་ཀྱང་ཁ་གྲགས་མ་སོང་། འདི་ནི་མི་སྒེར་ཁོ་ནའི་གནད་དོན་ཞིག་མ་རེད། བཙན་བྱོལ་བོད་མིའི་སྲིད་སྐྱོང་གི་ཀུན་སྤྱོད་ཐད་ཀྱི་གནད་དོན་ཞིག་རེད། དེར་བརྡ་ལན་ཅི་ཡང་བྱེད་མ་ཐུབ་པའམ་མ་བྱས་པ་དེས། མི་སྒེར་ཞིག་གི་གནད་དོན་ལས་བརྒལ་ཏེ་བོད་པ་སྤྱིའི་མཚན་སྙན་ལ་དོ་ཕོག་བཏང་བར་མ་ཟད། རྒྱལ་སྤྱིའི་བོད་དོན་རྒྱབ་སྐྱོར་དང་བོད་དོན་ལའང་ཤུགས་རྐྱེན་ཐེབས་ཡོད།

 

སྤེན་ཚེ།༽ གྲོས་ཚོགས་ཚོགས་གཙོ་བྱས་པའི་རིང་ལ་གྲོས་ཚོགས་ལས་རིམ་རེད། སྤྱི་འཐུས་ཁག་ཕྱི་རྒྱལ་ཡུལ་གྲུ་ཁག་ལ་སྐོར་བསྐྱོད། ལྷག་ཏུ་རྒྱ་གར་གྱི་མངའ་སྡེ་ཁག་ལ་བསྐྱོད་དེ་གནད་ཡོད་དག་ལ་བོད་དོན་གསལ་བཤད་སོགས་དེ་སྔར་ཚོགས་གཙོ་སུའི་རིང་ལའང་མ་བྱས་པ་སྐོར་ཞིག་བྱས་སོང་། དེ་ནི་བོད་ནང་གི་གནས་སྟངས་ཛ་དྲག་གིས་དེད་ཡོང་དུས། རང་གིས་བསྙོབས་ས་ནས་འགན་འཁྲི་ཡོད་པའི་ལས་ཀ་བྱས་པ་རེད།

 

གཞན་གྲོས་ཚོགས་ར་བ་ནས་མི་གསོད་མཁན་གྱི་ཉེས་འཛུགས་ཐད། གདེང་ཚོད་ཡོད་པའི་སྒོ་ནས་གལ་ཏེ་ཁུངས་སྐྱེལ་ར་སྤྲོད་བྱེད་ཐུབ་ཀྱིན་ཡོད་ན། གྲོས་ཚོགས་ར་བའི་ཕྱི་ལོགས་ནས་གསུང་དང་། ཁྲིམས་ཐོག་ག་བ་འགྲོ་དགོས་ན་གྲ་སྒྲིག་ཡིན་ཞེས་བཤད་སོང་། སུ་གང་གིས་ཁྲིམས་ཐོག་ལ་བསྐྱལ་རྒྱུ་ཕར་ཟད། རྙོག་གླེང་སློང་མཁན་ཁོ་རང་ཡང་ཁུ་སིམ་མེར་བསྡད་སོང་།

 

དེ་མིན་སྤྱི་ཚོགས་ཀྱི་གནད་དོན་མང་པོར་འགན་འཁྲི་ཡོད་པའི་གཏམ་བཤད་གནང་སོང་། གཞོན་ཚོགས་ཀྱི་དཀའ་ངལ་རེད། ལམ་དབུ་མ་དང་རང་བཙན་པ་གཉིས་ནས་གསུམ་དུས་སྲུང་བརྩི་ལྟ་བུར་གདོང་ཐུག་རྒྱག་མི་དགོས་པའི་ཐབས་ལམ་གསལ་སྟོན་གནང་བ་དེ་འདྲ་ད་ལྟའི་འཛིན་སྐྱོང་གིས་རྩ་བ་ནས་གནང་མ་སོང་།

 

༡༠༽ མང་གཙོ།

 

བློ་སེང་།༽ འོས་བསྡུའི་ཁྲོད་དུ་ཁྲིམས་དང་སྒྲིག་གཞི་ཡོད་བཞིན་དུ། ༧གོང་ས་མཆོག་རང་ལ་འོས་ཐོབ་ཆེད་གང་འདོད་དུ་བེད་སྤྱོད་གཏོང་བཞིན་པ། བོད་མིའི་སྒྲིག་འཛུགས་ཀྱི་ནུས་པ་དང་བརྒྱུད་ལམ་ཁག་རང་ཉིད་ཁྱབ་སྒྲོག་ཆེད་སྤྱད་པ། འོས་བསྡུའི་ཁ་ཐུག་ལ་ལས་རིམ་ཆེད་དུ་བསྒྲིགས་ཏེ་བརྒྱུད་ལམ་ཁག་ཏུ་མངོན་ཐབས་བྱས་པ། ཨ་རིའི་དོན་གཅོད་སྐལ་རྡོར་གྱིས་བློ་སེང་གི་འོས་བསྡུའི་ཐད་སྒྲིག་འགལ་བྱས་རྐྱེན། དབུས་འོས་བསྡུ་ལས་ཁང་ནས་ཉེན་བརྡ་སྤྲད་པ། མང་ཚོགས་ལ་གནད་དོན་མང་པོ་བརྡར་ཤ་གཅོད་ཕྱིར། བགྲོ་གླེང་ངེས་པར་དུ་དགོས་ཀྱི་ཡོད་ཀྱང་དེར་གཡོལ་གང་ཐུབ་བྱེད་བཞིན་པ། ཁ་གཏད་འོས་མི་ཧམ་པ་ཁོ་ནས་ནག་པོ་བཟོ་ཐབས་བྱེད་པ། ད་དུང་བློ་སེང་གི་རྒྱབ་སྐྱོར་བ་ཚོས་ལས་ཀ་ག་འདྲ་བྱེད་ཀྱིན་འདུག   མདོར་ན་བློ་སེང་ལ་འོས་ཐོབ་སོང་ན་དེའི་ཆེད་དུ་ཅི་ཞིག་བྱེད་དགོས་ནའང་བྱེད་རྐྱང་རེད།

 

སྤེན་ཚེ།༽ ཐེངས་འདིའི་འོས་བསྡུའི་ཁྲོད་དུ་སྤེན་ཚེས་ཁྲིམས་སྒྲིག་དང་འགལ་བའི་ལས་དོན་གང་ཡང་ད་བར་བྱུང་མེད། འོན་ཀྱང་༧གོང་ས་མཆོག་ལ་ཁ་གཏོང་མཁན་མཉམ་དུ་བགྲོ་གླེང་བྱེད་ཀྱི་མིན་ཞེས་བཤད་པ་རེད། དེ་འདྲའི་ལངས་ཕྱོགས་འཛིན་ཆོག་པའི་ཐོབ་ཐང་ཆ་ཚང་ཡོད་ཀྱང་། མང་གཙོའི་ལམ་ལུགས་ནང་མི་མང་ལ་འགན་ཁུར་ཏེ་བགྲོ་གླེང་བྱེད་དགོས་པ་དེ་གལ་ཆེན་རེད། དེར་བལྟས་ན་ཐག་གཅོད་དེ་ནི་ཅུང་མ་འཚམ་པ་དང་ཞན་ཆ་ཞིག་རེད་འདོད།

 

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

༢༠༢༥/༠༥/༢༣
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

༢༠༢༥/༠༥/༢༣
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

༢༠༢༥/༠༥/༢༣
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 11

  1. རྔ་བ་བློ་བརྟན says:
    ལོ་ 9 སྔོན།

    དགོངས་ཚུལ་གསུང་མཁན་ཡོངས་ལ་ཐུགས་རྗེ་ཆེ་ཞུ། མི་སྒེར་པ་ཞིག་གི་ཤེས་ཚོད་དཔག་་ཚོད་ཀྱི་སྐད་ཆ་ཙམ་རེད་ལ། སྤྱི་བ་ལ་འགན་ཕྲན་བུ་བླངས་པའི་ཁུལ་ཀྱང་ལོས་ཡིན། གང་ལྟར་དགོས་པའི་དུས་སུ་བསམ་ཚུལ་དྲང་བོར་བཤད་རྒྱུ་གལ་ཆེན་རེད་བསམས་ཏེ། རྩོམ་འདི་ཡོངས་ཁྱབ་སྤེལ་བ་ལས་གཞན་དགའ་མིན་གྱི་གནད་དོན་སེམས་ལ་ཉར་ཏེ་བྲིས་པ་ཞིག་མིན་པ་ཡིད་ལ་འཇགས་པར་ཞུ།

    Reply
  2. dorba says:
    ལོ་ 9 སྔོན།

    ང་ཚོས་སྲིད་སྐྱོང་འདི་རེད། ཨ་ཧ་ཧ
    ཕྱི་ལོ་༢༠༡༦ ཟླ་༢ ཚེས་༢༩ ཉིན་གཞིས་སྡོད་ཁམས་ཉག་རོང་རྫོང་ཨརྱ་གླིང་དགོན་པའི་གྲྭ་སྐལ་བཟང་དབང་འདུས་ལགས་ཀྱིས་རང་ལུས་མེར་སྲེག་བཏང་ནས་འདས་གྲོངས་སོང་བ་དང་། བྱེས་བཞུགས་རྒྱལ་གཅེས་དཔའ་བོ་རྡོ་རྗེ་ཚེ་རིང་ལགས་ཤི་གསོན་ངེས་མེད་ངང་སྨན་ཁང་དུ་སྡོད་མུས་ཀྱི་སྐབས་ཏེ། ཕྱི་ལོ་ ༢༠༡༦ ཟླ་ ༣ ཚེས་ ༢ ཉིན་སྲིད་སྐྱོང་བློ་བཟང་སེང་གེ་རང་ཉིད་ཀྱི་འོས་ཤོག་ཆེད་ལྷོ་ཕྱོགས་མོན་གྷོ་གཞིས་ཆགས་སུ་ཕྱིན་ཏེ། རྒྱལ་གཅེས་དཔའ་བོ་འདི་གཉིས་དང་ནང་མི་སྤུན་མཆེད་ཀྱི་སྡུག་བསྔལ་མཐའ་དག་གཏིང་བརྗེད་དུ་གྱུར་ཏེ་མང་ཚོགས་འགའ་ཞིག་དང་མཉམ་དུ་ ༼གསུང་དང་ལད་མོ་གསུང་༽ཞེས་པའི་གཞས་འདི་སྐད་གསེང་ཐོན་པོས་བཏང་ཡོད་པ་མ་ཟད། གཡས་གཡོན་རྣམས་ལ་སྐད་ཤུགས་ཆེ་རུ་གཏོང་དགོས་པའི་ལག་གི་སྐུལ་བརྡ་ཡང་བྱས་ཡོད།

    Reply
  3. dorba says:
    ལོ་ 9 སྔོན།

    ངའི་སྲིད་སྐྱོང་དེ།རོ་འགྲམ་གྱི་གླུ་བ་དེ་མིན།
    http://www.khabdha.org/?p=81053

    Reply
  4. tibetan1959 says:
    ལོ་ 9 སྔོན།

    ནམ་རྒྱུན་ཁ་ནས་སྲིད་དོན་དཔྱད་བརྗོད་འདྲ་མང་པོ་ཞིག་བཤད་པ་ལས་བཅའ་ཁྲིམས་ལྟར་རང་གི་ལས་འགན་འཁུར་ཏེ་མི་རིགས་རང་གི་སྐད་ཡིག་དང་རིག་གནས་རྒྱུན་འཛིན་དང་སྲུང་སྐྱོབ་བྱ་རྒྱུ་ནི་གལ་ཆེན་ནང་གི་འགངས་ཆེན་ཞིག་ཡིན་པ་རེད།

    Reply
  5. chacha says:
    ལོ་ 9 སྔོན།

    སྐུ་ངོ་སྤེན་ཚེ་ལགས།ག་ལེ་བཞུགས་རོགས་གནང།ད་ལན་ངའི་ངོས་ནས་ཁྱེད་རང་ལ་ཕུལ་ཡའི་འོས་ཤོག་མེད་དོ།

    Reply
  6. ཁམས་གསུམ་དབང་འདུས། says:
    ལོ་ 9 སྔོན།

    འོ། བློ་གྲོས་རབ་བརྟན་ལགས་ཀྱིས་བསམ་ཚུལ་དྲང་པོ་བཤད་འདུག ང་ཚོ་བོད་མིའི་ཁ་དཔེ་ལ། དྲང་པོས་གཞུང་བསངས་ན། བྱ་སྒོང་གིས་རྟ་འཁྱོགས་ཅེས་པ་ལྟར་དུས་དེང་སང་ང་ཚོར་དགོས་རྒྱུ་དེ་རེད་དཱ། ང་ཚོ་བོད་མི་ཚོས་དུས་ད་ལྟ་འགོ་འཁྲིད་ཚོའི་དགེ་སྐྱོན་ཚང་མ་མང་ཚོགས་ལ་གསལ་སྟོན་བྱ་དགོས་འདུག དེ་མིན་ན་དེང་སྐབས་སྒེར་དང་ཆོལ་ཁའི་དོན་དུ་མི་མང་མགོ་སྐོར་གཏོང་མཁན་པོ་འདུག་གཱ། བཀྲིན་ཆེ།

    Reply
  7. བརྩོན་རྒྱམ། says:
    ལོ་ 9 སྔོན།

    གང་ལྟར་མི་གཅིག་གིས་བསམ་ཚུལ་བཏོན་པ་འདི་ཡང་དག་ཞིག་རེད་ཟེར་དཀའ་མོ་ཡིན་རྒྱུ་རེད།  ཡིན་ན་ཡང་འདིར་ཕེབས་ནས་བསམ་ཚུལ་དང་ལྟ་ཚུལ་འདོན་མཁན་ཚང་མའི་གནས་ལུགས་དང་མཐུན་པ་ཞིག་བྲིས་འདུག་བསམ་པ་ཡོད་ན་འགྲིག་པ་ཞིག་རེད་ངས་དངོས་ནས་ལྟས་ན་ད་དུང་བློ་སེང་ཡོན་ཏན་ཡོད་པ་ཁག་གཅིག་ཡོད་པ་རེད་འདོད་ཡོད་ཡིན་ན་ཡང་སྐྱོན་ཡང་མེད་པ་མ་རེད།  སྤེན་ཚེ་ལ་ཡང་ད་དུང་སྐྱོན་ཡོད་པ་རེད་ལ་ཡོན་ཏན་ཡང་ཡོད་པ་རེད་གང་ལྟས་ཁོང་གཉིས་ལ་འུ་ཅག་སྐྱབ་བཅོལ་བ་ཚོའི་གནས་སྟངས་ལ་ལྟས་ན་ཁོང་གཉིས་ལས་སྲིད་སྐྱོང་ལ་འོས་པ་སྤེན་ཚེ་ཡིན་པ་གསལ་བོ་རེད།  ཡིན་ན་ཡང་དྲང་བདེན་གྱི་ཐོག་ནས་འོས་འཕེན་མིན་མི་མང་ལ་ཐུག་ཡོད་པ་རེད་གང་ལྟར་དྲང་བདེན་ཐོག་ནས་གླེང་དགོས་པ་གལ་ཆེན་རེད།

    Reply
  8. དྲང་བདེན། says:
    ལོ་ 9 སྔོན།

    གཤིབ་བསྡུར་བྱེད་ན་བཟང་ངན་ཚང་མ་གླེང་དགོས་པ་རེད། སྤེན་ཚེའི་སྐྱོན་དང་བློ་སེང་གི་དགེ་རྣམས་སྦས་ནས་སྤེན་ཚེའི་དགེ་དང་བློ་སེང་གི་སྐྱོན་ཁོ་ན་གླེང་དོན་ཅི་ཡིན། ཁྱེད་རང་མི་བྱབ་ཆུང་ཞིག་ལས་མ་འདས།

    Reply
  9. བསྟན་འཛིན་ཆོས་སྐྱབས། says:
    ལོ་ 9 སྔོན།

    ཕྲན་གྱིས་བསམ་ཚུལ་མང་དག་ཅིག་ཁྱེད་ཀྱི་སྤེལ་བའི་གནད་དོན་ནང་འཁོད་འདུག ཁག་ཅིག་ཕྲན་གྱི་བསམ་ཚུལ་ལས་ཀྱང་ཁེྱད་ཀྱི་བསམ་ཚུལ་གཏིང་ཟབ་པ་འདུག་ ཁྱེད་ཀྱི་དཔྱད་བསྡུར་དེ་ཕུལ་འབྱུང་བདེན་དོན་ཚད་ལྡན་ཞིག་འདུག་པས་ཟུར་གནས་གང་ཟག་རྣམས་ཀྱིས་འཐད་དུ་བཟུང་ནས་དེའི་ཕྱོགས་སུ་ཤར་སྐྱོད་བྱ་རྒྱུ་ཡིན་པར་སོམ་ཉི་བྲལ། ཕྲན་ཀྱང་ཕྱོགས་ཞེན་གྱི་རྭ་བ་ལས་ཐོན་ཅིང་གཙོ་ཆེ་༧གོང་ས་མཆོག་གི་ལམ་སྟོན་གྱི་བིྱན་འོག་བོད་སྤྱི་དོན་ལ་བསམས་ནས་ཁྱེད་དང་འདྲ་བའི་བསམ་ཚུལ་ལེན་མཁན་ཞིག་ཡིན་ལ་འཕྲལ་ཕུགས་གང་ལའང་ཡུལ་དུས་ངེས་འཛིན་གྱི་ལངས་ཕྱོགས་བརྟན་པོ་འཛིན་ཐབས་བྱེད་མཁན་ཞིག་ཡིན། ཁྱེད་ཀྱིས་བཀོད་པའི་དོན་ཚན་རྣམས་བོད་མི་སྤྱིའི་མགྱོགས་མྱུར་ཤེས་རྟོགས་ཡོང་བའི་རེ་བ་དང་། ཁྱེད་ཀྱི་སྤྱི་པའི་བསམ་བློ་བཅངས་བར་ཁ་ཞེ་གཉིས་མེད་ཀྱི་རྗེས་སུ་ཡི་རང་ཞུ་རྒྱུ་དང་། བདེན་འཚོལ་གྱི་ནུས་སྟོབས་ཇེ་ཆེར་འཕེལ་བའི་སྨོན་འདུན་ཞུ།

    Reply
    • ལྷ་སའི་བུ་ says:
      ལོ་ 9 སྔོན།

      དེང་སང་བོད་སྤྱི་དོན་ལ་བསམ་བློ་བཏང་ནི་བསམ་ཚུལ་ཤོད་མཁན་དཀོན་པོ་འདུག། རང་རྒྱལ་གཞན་ཕམ་ཁོ་ན་རེད་ཤག།

      Reply
  10. ཚེ་རིང། says:
    ལོ་ 9 སྔོན།

    བོད་མིའི་སྒྲིག་འཛུགས་ཀྱི་འོས་བསྡུ་ལས་ཁུངས་ནས་འོས་བསྡུའི་སྒྲིག་གཞི་ལག་ལྟར་ངེས་པར་གནང་དགོས་འདུག སྲིད་སྐྱོང་གིས་བཀའ་ཤག་དང་། སྒྲིག་འཛུགས་ཀྱི་མགྲིན་ཚབ་དང་། དོན་གཅོད་བཅས་པ་བེད་སྤྱོད་བཏང་ནས་ཚོགས་གཙོ་ནག་པོ་བཟོ་བཞིན་འདུག དེས་འདི་ལོའི་འོས་བསྡུ་ཙམ་མ་ཟད། མ་འོངས་པའི་འོས་བསྡུར་གནོད་འཚབ་ཆེ་བ་བརྟེན་ཤེས་བཞིན་དུ་སྣང་མེད་དུ་བཏང་ན་སྤྱི་པར་གྱོང་གུན་ཤུགས་ཆེ་ཡོང་ངེས་འདུག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese