དེ་རིང་སྔ་དྲོར་ལྡི་ལི་བསམ་ཡས་གླིང་དུ་བོད་པའི་ཕོ་གསར་གཉིས་ཀྱིས་རྒྱག་རེས་བརྒྱབ་སྟེ་གཅིག་འདས་གྲོངས་སུ་ཕྱིན་ཡོད་འདུག
དེ་རིང་ཞོགས་པའི་ཆུ་ཚོད་ ༡༠ ཙམ་ལ་རྒྱ་གར་རྒྱལ་ས་ལྡི་ལིའི་བསམ་ཡས་གླིང་དུ། བོད་པའི་ཕོ་གསར་གཉིས་འཁྲུག་འཛིང་ཤོར་ནས་ཕན་ཚུན་ལ་གྲིས་བརྒྱབ་སྟེ། གཉིས་ཀ་སྨན་ཁང་དུ་སྐྱེལ་དགོས་བྱུང་ཡོད་པ་དང་། སྨན་ཁང་དུ་བསླེབས་རྗེས་གཅིག་འདས་གྲོངས་སུ་ཕྱིན་པ་དང་། གཞན་དེར་སྨན་བཅོས་བྱེད་བཞིན་ཡོད་འདུག
ས་གནས་གཞིས་མགོ་ལེགས་བཤད་ལགས་སུ་ཁ་པར་བརྒྱུད་སྐད་ཆ་དྲིས་པར་ཁོང་གིས། འདས་གྲོངས་སུ་ཕྱིན་པ་དེའི་མིང་ལ་བསོད་ནམས་ཚེ་རིང་ཟེར་ཞིང་། ལྷོ་ཕྱོགས་སྤེལ་ཀོབ་གཞིས་ཆགས་སུ་ཚོང་ཁང་ཞིག་གཉེར་ནས་བསྡད་ཡོད་པ་དང་། སྨན་ཁང་དུ་ཡོད་པའི་བཀྲ་ཤིས་ཀྱིས་ནམ་རྒྱུན་བསམ་ཡས་གླིང་དུ་ཤ་སྲེག་བཙོང་ནས་བསྡད་ཡོད་པ་དང་། གོ་ཐོས་ལྟར་ན་སྔོན་མ་ནས་ཁོང་གཉིས་བར་རྩོད་གཞི་ཞིག་ཡོད་སྐོར་རྗོད་ཀྱི་འདུག་ཀྱང་། ད་ལན་འཁྲུག་འཛིང་ཤོར་བའི་རྒྱུ་རྐྱེན་གང་ཡིན་གསལ་པོ་ཤེས་མེད་སྐོར་བརྗོད་བྱུང་།
གནས་ཚུལ་ཐོན་རིམ་གཉིས་པ།
ལྡི་ལི་ས་གནས་མགོ་འཛིན་ལས་ཁུངས་ནས་གནས་ཚུལ་བཏང་འབྱོར་བྱུང་བའི་ནང་འཁོད་དོན། ༢༠༡༦ ཕྱི་ཟླ་ ༦ ཚེས་ ༦ སྔ་དྲོ་ཚོུད་ ༡༠ ཙམ་ལ་བསོད་ནམས་ཚེ་རིང་། ཕ་ཡུལ་ཀྲེ་ཧོར་དང༌། གཞིས་ཆགས་སྦེལ་ཀོབ་ཡིན་པ། བཀྲ་ཤིས་དོན་གྲུབ་ཕ་ཡུལ་སྡེ་གེ་ལྡི་ལི་གནས་སྡོད་ཡིན་པ་དེ་སྔོན་ཁོང་གཉིས་ཕན་ཚུན་རྙོག་ཁྲ་ཡོད་པ་ཞིག་རེད་འདུག ཁོང་གཉིས་གཅིག་གིས་གཅིག་ལ་གྲི་བཙུག་ནས་སྨན་ཁང་དུ་བསྐྱོད་ཡོད་ཀྱང༌། བསོད་ནམས་ཚེ་རིང་ཞེས་པ་འདས་གྲོངས་སུ་ཕྱིན་ཡོད་པ་དང་། བཀྲ་ཤིས་དོན་གྲུབ་ད་ལྟ་སྨན་ཁང་དུ་སྨན་བཅོས་བྱེད་བཞིན་ཡོད་ཀྱང༌། རྒྱ་གར་སྐོར་སྲུང་དམག་མིས་འཛིན་བཟུང་བྱ་རྒྱུ་རེད་འདུག ཅེས་འཁོད་འདུག
ལྡི་ལིར་ཡོད་པའི་ཁོ་གཉིས་ཀྱི་ངོ་ཤེས་ཚོས་བརྗོད་པ་ལྟར་ན། བཀྲ་ཤིས་དོན་གྲུབ་དང་བསོད་ནམས་ཚེ་རིང་གཉིས་ཀ་བོད་ནས་ཡོང་བ་ཡིན་ཞིང་། ཁོ་གཉིས་བར་སྔོན་ཆད་ཀྱང་འཁྲུག་འཛིང་ཤོར་ཏེ་གྲི་རྒྱག་རེས་བྱུང་མྱོང་ཡོད་འདུག
གསར་འགོད་པ། པདྨ་མཚོ།
ང་ཚོ་བོད་པའི་ལས་དབང་སྐྱོ་བ་ལགས།
ལྡི་ལི་མྰ་ཇུ་ཊི་ལར་ན་ནི་ཤེས་ཡོན་ལྡན་པའི་མི་གཉིས་དང་ད་ལོར་གཞོན་པ་གཉིས་།མི་ཚེའི་ལམ་ཁ་མཐར་ཐུག་དེ་འདྲའི་ཞིག་འདམ་ཀ་བྱས་པ་ནི་ཐབས་སྐྱོ་བོ་ཞེ་དྲག་རེད།
ཀླད་སྟོང་རང་རེད།
འདས་པོ་སྙིང་རེ་རྗེ།
དངོས་གནས་སེམས་པ་སྐྱོ་ཡག་རེད། དེ་སྔོན་ཤེས་ཡོན་པ་གཉིས། ད་རེས་ན་གཞོན་གཉིས། དཀོན་མཆོག་གིས་མཁྱེན། ཕྱིན་ཆད་དེ་འདྲའི་གནས་ཚུལ་མ་ཡོང་བ་ཤོག
གནས་ཚུལ་འདི་ལྟ་བུ་བྱུང་བ་ནི་དངོས་ཡོད་ཀྱི་ཐབས་སྐྱོའི་གནས་ཚུལ་དང་། འཛམ་གླིང་སྡིངས་ཆའི་སྟེང་ངོ་ཚར་དགོས་པའི་གནས་སྟངས་ཞིག་གཏན་གཏན་རེད།
བློ་ཕམ་བྱུང་།
༸རྒྱལ་བའི་བཀའ་སློབ་ནང་། བོད་པའི་སྤྱི་ཚོགས་ནང་དུས་རྒྱུན་ཡ་རབས་བཟང་སྤྱོད་ཞེས་ཁ་ནས་གླེང་པ་མ་ཏོག་ལག་ལེན་ངོ་མའི་ཐོག་ཚད་གཞི་དམའ་རུ་འགྲོ་བཞིན་འདུག ཅེས་པ་དེང་གི་ཆར་བདེན། མཐུན་སྒྲིལ་གྱིས།
གང་དྲག་་་་གནས་ཚུལ་དེ་གོ་བ་དང་ངའི་སེམས་པ་སྟོང་ལྷང་ལྷང་དང་བཅས་ཡང་རང་ཅག་རྣམས་ཀྱི་འདི་ཕྱི་མགོན་སྐྱབས་གཅིག་པུ་༧གོང་ས་མཆོག་ཐུགས་ཕམ་བཟོས་སོང་དྲན།
ད་དུང་དུས་རབས་བཅུ་དགུ་དང་ཉི་ཤུའི་ལྟ་བ་དང་གོམས་སྲོལ་ངན་པ་འཛིན་ཏེ་་ཕོ་རྒོད་ཞེེ་བོ་གཅིག་ཡིན་མདོག་མདོག་་་ཧཧཧ་་་་་་ཕྱི་མི་ཚོས་ཁྲེལ་ཏེ་སྙིང་རྗེའི་ཡུལ་རེད་་ཨ་རོགས་ཚོ་་་་་།།
དངོས་གནས་བློ་ཕམ་བྱུང་།
༼ གོང་གི་འཁྲུག་གཞི་གང་ཡིན་མ་ཤེས། འོན་ཀྱང་མཎ་ཇུ་ཀྲི་ལའི་ནང་ད་དུང་ཆང་ཁང་དང་། བག་ཁང་། ཤོ་ཁང་ཡོད་འདུག་པར་དེའི་ནང་གཞོན་སྐྱེད་ཚོ་དོན་མེད་དུས་ཚོད་འཕྲོ་བརླག་གཏོང་བཞིན་ཡོད་པ་དང་རྒྱན་པོ་འགྱེད་དེ་འཁྲུག་ཟིང་ཡང་ཡང་ཡོང་གི་ཡོད་པ་གོ་ཐོས་བྱུང་། བག་ཁང་དང་། ཤོ་ཁང་། ཆང་ཁང་གི་སྦྱིན་བདག་ཚོ་ལ་སྒོ་བརྒྱབ་རོགས་ཞེས་འབད་སྐུལ་ཞུ་དགོས། དེ་ལྟར་མ་ཉན་ཚེ་ས་་གནས་ཉེན་རྟོག་པ་ལ་ངེས་པར་དུ་རྩིས་སྤྲོད་དགོས། ས་གནས་མགོ་འཛིན་དང་། ནང་སྲིད་ལས་ཁུངས། ལྷག་པར་དུ་མཎ་ཇུ་ཀྲི་ལ་མི་མང་ནས་ངེས་པར་དུ་ཐུགས་སྣང་དགོས་འདུག ༽་ གཞན་གྱི་ངོ་དེབ་ནས་བཤུས།
ང་ཚོའི་བོད་པ་ཚོ་ནང་ལ་ཐུག་ན་སྲོག་བཏང་ཐུབ་པ་རེད། ཕྱི་ལ་ཐུག་ན་ལྤ་མོ་ཞིག་དང་མཚུངས་པར་ཁ་རྩོད་དྲག་པོ་ཞིག་ཀྱང་རྒྱག་མི་ཐུབ། བོད་པའི་འཚེ་མེད་ཞི་བ་ཕྱི་དགྲ་ལ་མ་གཏོགས་ནང་ཁུལ་གསོས་གཏུབ་བྱེད་པ་ཡིན། དེ་མིན་ཁ་ཆེ་རྒྱལ་ཁབ་དག་ཏུ་བྱིས་པ་རང་ལོ་༡༥ ཧྲིལ་བོ་མ་སོན་པ་ཚུན་ཆད། རང་གི་རྒྱལ་ཁབ་སྲུང་སྐྱོབ་སླད་དམག་སར་ཆས་ཏེ་དགྲ་བོར་རྒོལ་འཛིང་བྱེད་པ་མཐོང་མྱོང་ངམ། ང་ཚོ་ཁྱི་ངན་པ་ལྟར་བདག་པོའི་ནང་མིར་སོ་རྒྱག་པ་ལས་རྐུ་མས་ཁང་བ་བཀྱག་འགྲོ་ན་མི་ཚོར་བ་ལྟ་བུ་རེད། བློ་ཕམ་རེད། ༧རྒྱལ་བ་དོན་གྱི་བདག་པོས་བསྔོ་སྨོན་ཞིག་གནང་བར་ཞུ།
ཁྱི་ལས་སྡུག་བ།
གནས་ཚུལ་དེ་གོ་བ་དང་སེམས་པ་སྟོང་ལྷང་ལྷང་ཆགས་བྱུང་།
དུས་རབ་ཉེར་གཅིག་པར་ད་དུང་འགྲི་མགོ་ལ་འཇུས་ནས་ནང་འཁྲུགས་རྒྱབ་།
དགྲ་དགའ་གཉེན་སྡུག་རང་རེད་