མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྲིད་སྐྱོང་དང་མཛངས་མ་སུ་ལའང་དམིགས་བསལ་མེད།

བོད་ཀྱི་དུས་བབ།
༢༠༡༦/༠༦/༡༣
Share on FacebookShare on TwitterShare on EmailShare on Whatsapp

གངས་རིའི་ཉི་མ། ཨེ་མིས་ཏྲིས་གཙུག་ལག་སློབ་ཆེན།

རྒྱལ་ཁབ་དང་མི་རིགས་སུ་དང་སུ་ལ་མཚོན་ནའང་སྐད་ཡིག་ནི་རྒྱལ་ཁབ་དང་མི་རིགས་གང་དེའི་ངོ་བོ་འཚོ་གནས་ཀྱི་སྲོག་ཤིང་ཡིན་སྟབས། དེང་གི་ཆར་རྒྱལ་ཁབ་སོ་སོར་སྐད་ཡིག་སྲུང་སྐྱོབ་གནང་སྟངས་གནང་ལུགས་ཐད་ཐབས་ཇུས་འདྲ་མིན་ཡོད། དེ་འདྲའི་སྲིད་ཇུས་ཤིག་ཡོང་དགོས་པའི་རྒྱུ་རྐྱེན་ཡང་སྐད་ཡིག་གི་རིན་ཐང་དང་མི་རིགས་སོ་སོའི་ཐུན་མོང་མ་ཡིན་པའི་རིག་གནས་དར་འཕེལ་རྒྱུན་འཛིན་ཆེད་དུ་ཡིན་པར་འདོད། ང་ཚོ་ཕྱི་སྡོད་བོད་པ་ཚོ་ཡང་ནུབ་ཕྱོགས་རྒྱལ་ཁབ་ཁག་སྟེ། འཇར་མན་དང་ཧྥ་རན་སི་སོགས་ཀྱི་སྐད་ཡིག་སྲིད་ཇུས་ལ་ཆ་རྒྱུས་མེད་པ་ནི་མ་ཡིན་མོད། འོན་ཀྱང་། ང་ཚོ་ཅིའི་ཕྱིར་ད་དུང་ད་ལྟའི་གནས་སྟངས་འདི་འདྲ་ཞིག་ཏུ་ལྷུང་བ་རེད། བོད་མི་རིགས་ཀྱི་ངོ་བོ་དང་སྲོག་ཤིང་དགོས་མིན་ཐད་ནས། བོད་མི་མཐོ་དམན་དང་སྐྱ་སེར། རྒན་གཞོན། ཕོ་མོ་སུ་ཞིག་ལའང་དམིགས་བསལ་དང་ཆག་ཡང་མེད།

ཉིན་ཤས་གོང་། བློ་བཟང་དབང་རྒྱལ་གྱི་གོ་སྒྲིག་འོག་གི་བོད་ཀྱི་མཛངས་མིའི་དབུ་རྒྱན་ཐོབ་པའི་བསྟན་འཛིན་སངས་ཉི་ལགས་དང་འབྲེལ་བའི་རྩོམ་ཡིག་ཁག་ཁ་ཤས་མཐོང་། རྩོམ་ཡིག་དེ་དག་ཁག་གཉིས་སུ་ཕྱེས་འདུག ཕྱོགས་ཁག་གཅིག་གིས་ཁོ་མོའི་བོད་སྐད་བསྐྱོན་སྟངས་ལ་གུ་ཡངས་ཀྱི་བསམ་བློ་དགོས་རབས་དང་། རྗེས་ཕྱོགས་སྐད་ཡིག་ཡར་རྒྱས་གཏོང་ན་འགྲིག་པར་གླེང་། ཕྱོགས་གཞན་དེས་སྐད་ཡིག་གི་བོད་ཀྱི་ངོ་བོ་དང་ཚེ་སྲོག་ཡིན་སྟབས། བོད་ཀྱི་སྐུ་ཚབ་བྱེད་མཁན་ཞིག་གིས་བོད་སྐད་བསྐྱོན་མ་ཤེས་ན་གཏན་ནས་མི་འགྲིག་ཚུལ་སྐྱོན་བརྗོད་བྱས། བགྲོ་གླེང་གི་ཕྱོགས་ཁག་དེ་གཉིས་ཆ་མཐར་དེད་ན། བོད་མི་རིགས་དང་བོད་མི་རིགས་ཀྱི་མ་འོངས་པར་ཤ་ཚ་མཁན་ཤ་སྟག་ཡིན་པའི་ངེས་ཤེས་ཐོག་ནས་རང་གི་མི་རིགས་འདིའི་ཆེད་དུ་བསམ་ཚུལ་བརྗེ་རེས་བྱས་པར་རྗེས་སུ་ཡི་རངས་བྱེད་དགོས་པ་ཞིག་ཏུ་མཐོང་། འོན་ཀྱང་། ལྷ་ཐོད་དཀར་མཉམ་དུ་འདྲེ་རྣ་ནག་མ་ཅེས་པའི་དཔེ་ལྟར། སྐབས་འདིའི་བགྲོ་གླེང་གི་གོ་སྐབས་འདི་བརྒྱུད་ནས་བོད་སྐད་ཡིག་གི་རིན་ཐང་ཆུང་དུ་གཏོང་འདོད་དང་། བོད་སྐད་ཡིག་འདི་བོད་མི་ཞིག་ཡིན་ཕྱིན་མ་ཤེས་ནའང་འགྲིག་པ་ཞིག་ཏུ་བཟོ་འདོད་ལ་འབད་བརྩོན་ལྷོད་མེད་བྱེད་བཞིན་པའི་ར་མ་ལུག་སྐོར་ཞིག་ཡོད་པ་དེ་དག་རེད།

ང་ཚོས་དྲ་ཐོག་ཁག་ནས་ཕན་ཚུན་གཤིབ་བསྡུར་རོབ་ཙམ་བྱས་ན་སྡེར་མོ་སྤུ་གསེང་དུ་བརྐུངས་ནས་ཡོད་པའི་ལྦ་མོ་དེ་དག་ལྷང་ངེར་མཐོང་ངེས་ཡིན། གང་ཡིན་ཟེར་ན་ཁོ་བ་ཚོར་ཁྱད་ཆོས་ཁ་ཤས་ཡོད།   ༡) ཁོ་བ་ཚོ་མང་བོ་ཞིག་གིས་སོ་སོས་བོད་སྐད་ཡིག་སྔོན་ནས་བརླགས་ཏེ་ར་མ་ལུག་ཏུ་གྱུར་ཚར་བ་ཤ་སྟག་ཡིན།   ༢) བོད་སྐད་ཡིག་དང་དེའི་རིན་ཐང་ཆེ་རུ་སོང་ན་བོད་སྐད་ཡིག་གི་རྨང་གཞི་ཙམ་ཡང་མེད་མཁན་སོ་སོའི་མདུན་ལམ་ལ་གནོད་དོགས་ཀྱིས་ཡིན། ༣) ཅོལ་ཆུང་གཞན་རྗེས་འབྲང་ཟེར་བ་བཞིན་གོ་སྐབས་འདི་བཟུང་ནས་རང་ཉིད་གུ་ཡངས་པོ་དང་ཁོག་རྒྱ་ཆེན་པོ་ཞེ་བོ་ཞིག་ཡིན་པ་གཞན་ལ་སྟོན་ཆེད་ཡིན། མི་འདིའི་རིགས་ཀྱིས་ད་ལྟའི་གོ་སྐབས་འདི་བརྒྱུད་ནས་བོད་ཀྱི་སྐད་ཡིག་དེ་ཚོང་རྫས་ཤིག་གི་ཚད་དུ་བརྩིས་ནས་རང་ཉིད་ཀྱི་འདོད་དོན་སྒྲུབ་བཞིན་ཡོད་པ་རེད། འདི་ནི་ཉེན་ཁ་ཧ་ཅང་ཆེ་བའི་གནད་དོན་ཞིག་ཡིན་པ་མ་ཟད། ང་ཚོ་ཚང་མས་ངེས་པར་དུ་ཤེས་དགོས་པའི་གནད་དོན་ཞིག་ཀྱང་ཡིན།

བོད་ཀྱི་མཛངས་མ་ཡིན་ནའང་འདྲ་གཞན་སྤྱི་ཚོགས་ཐོག་ཏུ་འབུར་ཐོན་བྱེད་ཐུབ་པའི་བོད་མི་སུ་འདྲ་ཞིག་ཡིན་ནའང་རྒྱབ་སྐྱོར་བྱེད་ལོས་དགོས། བཀུར་བསྟི་བྱེད་དགོས་དང་དགོས། འདི་ནི་མཐར་དེད་ན་ང་ཚོ་ཐུན་མོང་གི་ཆེད་མ་ཡིན་ནམ། ཡིན་ནའང་། ང་ཚོ་ཐུན་མོང་གི་སྐད་ཡིག་གི་ཚེ་སྲོག་ལ་ཐུག་དུས། བོད་ཀྱི་སྲིད་སྐྱོང་དང་བོད་ཀྱི་མཛངས་མ་སུ་ཞིག་ཡིན་ནའང་དམིགས་བསལ་དང་ཆག་ཡང་བཏང་དགོས་པའི་རྒྱུ་མཚན་མ་མཐོང་། ཁོར་ཡུག་དང་སློབ་གྲྭ གཞུང་སོགས་ལ་ཁག་དཀྲིས་གནང་རྒྱུ་དེ་ང་ཚོའི་གོམས་གཤིས་སུ་སྔོན་མ་ནས་འཇགས་ཡོད། མ་ཟད་གནས་ལུགས་དེ་འདྲའི་རིགས་ལ་ཉེས་འགེབས་དང་ཧམ་པ་བྱེད་མཁན་ཡང་ཇེ་མང་ནས་ཇེ་མང་རེད། ཁོང་ཚོ་ནི་བོད་སྐད་བོད་ཡིག་གི་ཚེ་སྲོག་གཅོད་མཁན་དངོས་ཡིན། འོན་ན། བོད་སྐད་ཡིག་གི་ཕྱིར་དུ་རྒྱ་ནག་གི་བཙོན་ལ་ཚུད་ཅིང་། བོད་སྐད་གི་ཆེད་དུ་རང་ཉིད་ཀྱི་མི་ཚེ་གང་གི་ལས་ཀ་ཡོངས་རྫོགས་ཀྱང་ཤོར་བཞིན་པའི་བོད་ནང་གི་རྒན་གཞོན་སེར་སྐྱ་ཕོ་མོ་ཚང་མས་སུ་ལ་ཁག་དཀྲིས་གནང་དགོས་སམ།

སྲིད་སྐྱོང་དང་མཛངས་མ་ལྟ་བུ་བོད་སྤྱི་ཚོགས་ཀྱི་སྔོན་ལ་ཐོན་མཁན་ཡིན་ཟེར་མཁན་ཚོས། བོད་སྐད་བོད་ཡིག་མ་ཤེས་ན་སྒེར་སོ་སོའི་ངོ་ཚ་རེད། དེ་ལ་ཆག་ཡང་དང་དམིགས་བསལ་བྱེད་དགོས་དོན་ཅི་ཡོད། བོད་སྐད་ཡིག་འདི་རིན་གོང་ཆག་ཡང་ཆོག་པའི་རྒྱལ་ཁབ་ཀྱི་ཚོང་རྫས་མ་རེད། སྤྱིར་ན་སྲིད་སྐྱོང་དང་མཛངས་མ་ཙམ་མ་རེད། ང་ཚོ་བོད་པ་སྐྱབས་བཅོལ་བ་ཚོ་རང་ཉིད་ཀྱི་ངོ་བོ་དང་རིག་གཞུང་ལ་ཁྲེལ་མེད་ནའང་ང་ཚོས་གདོང་པ་ཕྱི་ལ་བསྟན་ན་ངོ་ཚ་དགོས་ས་གསུམ་ཡོད།

དང་པོ། རྒྱ་ནག་གཞུང་ཡིན། དམར་བོའི་སྲིད་ཇུས་འོག་ཏུ་བོད་པ་ཚོར་བོད་རང་གི་སྐད་དང་ཡིག་གེ་སྦྱང་བའི་གོ་སྐབས་མེད། རྒྱ་ནག་གིས་ང་ཚོའི་སྐད་ཡིག་རྩ་མེད་གཏོང་བཞིན་འདུག་ང་ཚོའི་ངོ་བོ་འཕྲོག་བཞིན་འདུག་ཟེར་མཁན་དེ་ང་ཚོ་ཕྱི་སྡོད་བོད་པ་ཚོ་མ་ཡིན་ནམ། འོ་ན། ང་ཚོ་རང་ཉིད་ཀྱིས་ད་ལྟ་ཅི་ཞིག་བྱེད་བཞིན་ཡོད།

གཉིས་པ། བོད་དོན་རྒྱབ་སྐྱོར་བ་ཚོ་ཡིན། ནམ་རྒྱུན་ཕྱི་རྒྱལ་སྦྱིན་བདག་ཚོར་ང་ཚོས་སྒྲུང་འདྲ་མིན་འཆད་ཀྱིན་ཡོད་པ་རེད། བོད་ནང་བོད་རང་གི་སྐད་ཡིག་སྦྱོང་བའི་མཐུན་རྐྱེན་མེད་རབས་དང་བོད་སྐད་ཡིག་གི་གནས་སྟངས་ཉག་ཕྲ་བོ་ཡིན་པ། ད་དུང་ང་ཚོ་འདིར་བོད་རང་གི་ཆོས་དང་རིག་གཞུང་སྐད་ཡིག་སོགས་རྒྱུན་འཛིན་བྱེད་པར་ཡོང་བ་ཡིན་རབས་སོགས་མང་པོ་ཞིག་བགྲང་བཞིན་ཡོད། ཕྱི་རྒྱལ་གྱི་རོགས་སྐྱོར་ཁག་གི་འོག་ནས་འཚར་ལོངས་བྱུང་བའི་ང་ཚོ་དོན་ངོ་མར་ཁ་ཏན་ཚིག་ལ་གནས་ཨེ་ཡོད་དམ།

གསུམ་པ། གཞིས་བཞུགས་བོད་མི་ཚོ་ཡིན། རྒྱ་ནག་དམར་གཞུང་གི་ཁྲིམས་དང་དྲག་ཤུགས་ག་ཚོད་བཙན་ནའང་། ཁོ་ཚོས་རང་ཉིད་ཀྱི་ཡོད་ཚད་བློས་བཏང་ནས་བོད་ཀྱི་སྐད་ཡིག་གི་སྲོག་ཤིང་བརྟན་པོ་བཟུང་ཡོད། མེས་དབོན་གོང་མ་ཚོའི་མགོ་འཕངས་མཐོན་པོ་ནམ་ཡང་གཞན་འོག་ཏུ་བརྫི་རུ་བཅུག་མེད། ཡིན་ནའང་། ང་ཚོ་བཙན་བྱོལ་བ་ཚོས་བོད་ཡིག་ཚད་ལྡན་ཞིག་བསླབ་རྒྱུ་ཕར་བཞག ཐ་ན་བོད་སྐད་གཙང་མ་ཞིག་བཤད་པར་ཡང་བོད་པ་ནང་ཁུལ་དུ་ཁ་རྡུང་དང་འཐབ་རྩོད་བྱེད་དགོས་པའི་ཚད་དུ་སླེབས་ཡོད། འདི་དག་ཚང་མ་ང་ཚོ་ཐུན་མོང་གི་ངོ་ཚ་མ་རེད་དམ། ཀློག་མཚམས་འདིར་ཐོན་དུས། ད་དུང་རང་ཉིད་གུ་ཡངས་དང་དེང་རབས་ཅན་པ་ཡིན་མདོག་བྱེད་མཁན་ཁ་ཤས་ཀྱིས། ངའི་བསམ་ཚུལ་ནི་སྒེར་གཅོད་དང་མཁྲེགས་འཛིན་རྗེས་ལུས་རེད་ཅེས་འཕྱ་སྨོད་བྱེད་སྲིད་ལ་དགག་བཞག་ཀྱང་བྱེད་སྲིད། འོན་ཀྱང་། སྐད་ཡིག་ཐོག་གི་གུ་ཡངས་དང་རྗེས་ལུས་ཀྱི་གོ་དོན་ག་འདྲ་ཞིག་ཡིན་མིན་ཁྱེད་ཚོས་ཉི་ཧོང་དང་། ཀོ་རི་ཡ། འཇར་མན། ཧྥ་རན་སི་སོགས་སྔོན་ཐོན་རྒྱལ་ཁབ་ཁག་གི་སྐད་ཡིག་སྲིད་ཇུས་སྐོར་ལ་རྒྱུས་ལོན་རེ་བྱས་ན་གསལ་བོར་ཤེས་ངེས་ཡིན།

ངས་སེམས་གཏམ་དམར་རྗེན་འདི་ཁྱེད་ཚོར་ཕུལ་དགོས་པར་རྒྱུ་མཚན་ཁ་ཤས་ཡོད། དང་པོ། ང་ནི་རླབས་ཆེན་གྱི་ཀུན་གཟིགས་༧པཎ་ཆེན་རིན་པོ་ཆེ་མཆོག་གི་བཀའ་སློབ་སྙིང་ལ་བཅངས་ནས་ལག་ལེན་དུ་འདེབས་མཁན་ཞིག་ཡིན། ཁོང་ཉིད་ཀྱིས་ “ གཞན་སྐད་ཤེས་པ་ང་རང་གི་གཟི་བརྗིད་ཡིན་ནའང་། གལ་ཏེ། མ་ཤེས་ནའང་མི་སྐྱོན། གལ་སྲིད། ངས་བོད་སྐད་དང་བོད་ཡིག་མ་ཤེས་ན་དེ་ངའི་ངོ་ཚ་རེད་ལ་ཞབས་འདྲེན་ཡང་རེད་ ” ཅེས་གསུངས་ཡོད། འདི་ནི་མི་ལོ་བཅུ་བཞི་ལྷག་ལ་བོད་མི་རིགས་ཀྱི་ཆེད་བཙོན་དུ་བཞུགས་པའི་སྐྱེས་ཆེན་ཞིག་གི་ཁ་ཆེམས་རེད།

དེའི་ཕྱིར། ཁྱེད་ཀྱིས་བོད་སྐད་ཡིག་གི་ཕྱིར་དུ་ཡོད་ཚད་བློས་གཏོང་བྱེད་མི་ཐུབ་ནའང་རང་ཉིད་ཀྱིས་རང་སྐྱ་འཕེར་བ་ཙམ་སྦྱོང་མི་ཐུབ་དོན་ཅི་རེད། གཉིས་པ། བོད་ནང་གི་སློབ་ཆུང་དང་སློབ་འབྲིང་། མཐོ་སློབ་ཁག་གི་བོད་རིགས་སློབ་མ་དང་དགེ་རྒན་སྙིང་སྟོབས་ཅན་ཚོའི་ཆེད་དུ་ཡིན། མི་ལོ་མང་བོར་བོད་ཀྱི་ས་ཁུལ་གང་ས་ནས་སློབ་མ་ཚོའི་ལག་ཏུ་འཕྲེད་དར་འཕྱར་ཏེ་སྐད་ཡིག་གི་བདག་དབང་ཕྱིར་སྤྲོད་དང་། བོད་ཡིག་བཀོལ་སྤྱོད་ཀྱི་རང་དབང་དང་འདྲ་མཉམ་དགོས་ཞེས་མེ་མདའི་ཁ་ནས་རང་ཉིད་ཀྱི་ཚེ་སྲོག་གཏའ་མར་བཞག་ནས་དཀའ་ལས་བརྒྱབ་ཡོད། ཁྱེད་ཚོས་ཀྱང་མཐོང་ལོས་ཡོད། སློབ་མ་རྒན་གཞོན་མང་པོ་ཁྲིམས་ལ་སྦྱར། བཙོན་ལ་བཅུགས། རང་ཤི་རྒྱག་དགོས་བྱུང་། དགེ་རྒན་གང་མང་རྒྱང་འཕུད་བཏང་བ་སོགས་བྱས་ནའང་། ད་ལྟ། ད་དུང་ཁོ་ཚོས་བློས་གཏོང་བྱེད་ཀྱིན་མེད། གསུམ་པ། བོད་ཡུལ་མདོ་དབུས་ཁམས་གསུམ་ནས་འབར་བའི་མེ་ལྕེ་རེ་རེའི་ཁྲོད་ཀྱི་སྐད་ཡིག་སྲུང་སྐྱོབ་ཀྱི་འབོད་སྒྲ་རེ་རེའི་ཆེད་དུ་ཡིན། རང་ལུས་མེར་བསྲེགས་གཏོང་མཁན་མང་པོ་ཞིག་གིས་ཁ་ཆེམས་ནང་དུ་བོད་པས་བོད་ཡིག་སྦྱོངས། བོད་སྐད་གཙང་མ་ཤོད་སོགས་ཀྱི་འབོད་ཚིག་བཀོད་ནས་རེ་རེ་བཞིན་ཕེབས་སོང་།

གནད་དོན་འདི་འདྲའི་མང་བོ་ཞིག་གི་འོག་ཏུ། ང་ཚོས་ད་དུང་ཅིའི་ཕྱིར་མ་ཤེས་ཁུལ་དང་མ་གོ་ཁུལ། ཡང་ན་སོ་སོའི་ཅིག་ཅིག་ཡིན་མདོག་བསྟན་ནས་སྐད་ཡིག་ལ་མི་སྒེར་ཁ་ཤས་ལ་དམིགས་བསལ་དགོས་ཞེས་བཤད་བཞིན་ཡོད་པ་རེད། བོད་ཀྱི་ངོ་ཚབ་མཚོན་མཁན་ཡིན་ཟེར་མཁན་ཞིག་གིས་མིང་རྟགས་ཐོག་མར་བླངས་ནས་རང་གི་ངོ་བོ་མཚོན་པའི་སྐད་ཡིག་དེ་རྗེས་སུ་ག་ལེར་སྦྱངས་ཚོག་ན། སློབ་གྲྭ་ཆེན་མོ་ཞིག་གི་མཐར་ཕྱིན་ལག་རྟགས་སྔོན་ལ་བླངས་ནས་སློབ་སྦྱོང་རྗེས་ནས་བྱེད་རྒྱུ་ཡིན་ཟེར་བ་དང་གཅིག་པ་མ་ཡིན་ནམ། གནས་བབ་དེ་འདྲ་ཁས་ལེན་མཁན་གྱི་སྒྲིག་འཛུགས་ཤིག་དང་། ལམ་དང་ལུགས་སྲོལ་ཞིག་འཛམ་གླིང་འདིར་ཡོད་དམ། གང་ལྟར། དམིགས་བསལ་དང་ཆག་ཡང་འདི་དག་གིས་ག་ལེར་བོད་སྐད་ཡིག་གི་ཚེ་སྲོག་རྩད་ནས་གཅོད་བཞིན་ཡོད་སྟབས། འབྱུང་འགྱུར་བོད་ཕྱི་ལོགས་སུ་སྐྱེས་པའི་མི་རབས་གསར་བ་ཚོས་སྐད་སྒྱུར་བ་ཁྲིད་ནས་རང་གི་གཉེན་ཉེ་ལ་ཐུག་འཕྲད་དུ་བསྐྱོད་དགོས་པའི་དུས་ཚོད་ཅིག་ཀྱང་མི་ཤར་བའི་ངེས་པ་མེད། སྐབས་དེར། ལོ་རྒྱུས་ཀྱི་ནག་ཉེས་དེ་ནི་ད་ལྟ་དམིགས་བསལ་གྱི་ཁ་གཡང་སྒྲོག་མཁན་འདི་དག་གི་བྱས་རྗེས་ཡིན་པ་དེ་ཡང་མ་བརྗེད་ཨ།

འབྲེལ་ཡོད་གསར་འགྱུར།

Mobile App

བཙན་འོག་གི་གྲོས་མཐུན་དོན་ཚན་ ༡༧ ནུས་མེད་ཆགས་པ་རྒྱལ་སྤྱིའི་ཐོག་ཁ་གསལ་བཟོ་དགོས།

ཆུ་ཚོད་ ༢༠ སྔོན་ལ།
དབྱིན་ཇིའི་རྒྱལ་ཁབ་སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་གནད་དོན་ཐད་ལངས་ཕྱོགས་གསལ་བོ་བཟོས་འདུག བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༥།༢༣
Mobile App

སི་ཀོ་ཊི་ལན་ཌིས་༧གོང་ས་མཆོག་གི་ཡང་སྲིད་ཀྱི་བདག་དབང་ཐད་ལངས་ཕྱོགས་བརྟན་པོ་བཟོས་འདུག

ཆུ་ཚོད་ ༢༠ སྔོན་ལ།
ཧཱ་ཝར་ཌི་གཙུག་ལག་སློབ་གཉེར་ཁང་། དྲ་ལམ་གྱི་པར།
Mobile App

ཧཱ་ཝར་ཌི་གཙུག་ལག་སློབ་གྲྭར་རྒྱལ་སྤྱིའི་སློབ་མ་བཀག་སྡོམ་གནང་འཆར་ཡོད་འདུག

ཆུ་ཚོད་ ༢༤ སྔོན་ལ།
དྷ་ས་ས་གནས་མགོ་འཛིན་དཀོན་མཆོག་མིག་དམར། དུས་བབ་ཀྱི་པར། ༢༠༢༢།༦།༤
Mobile App

དཀོན་མཆོག་མིག་དམར་ལགས་བསྐྱར་དུ་དྷ་ས་ས་གནས་མགོ་འཛིན་དུ་འདེམས་ཐོན་བྱུང་།

༢༠༢༥/༠༥/༢༣
བོད་ཀྱི་གནས་མཆོག་གངས་རིན་པོ་ཆེ། དྲ་ལམ་གྱི་པར།
Mobile App

རྒྱ་གར་གྱི་གནས་མཇལ་བ་ ༧༥༠ གངས་རིན་པོ་ཆེར་གནས་མཇལ་དུ་གཏང་རྒྱུ་ཡིན་འདུག 

༢༠༢༥/༠༥/༢༢
༸གོང་ས་མཆོག གསར་འགྱུར།

ཡེ་ཤུ་ཆོས་དཔོན་ཕོབ་ལེའོ་མཆོག་ལ་༧གོང་ས་མཆོག་དང་ལྷན་དུ་མགྱོགས་མྱུར་མཇལ་འཕྲད་གནང་བའི་འབོད་སྐུལ་ཞུས།

༢༠༢༥/༠༥/༢༢

མཆན། 4

  1. འབྲོང་བུ་སོག་ཚ། says:
    ལོ་ 9 སྔོན།

    སྲིད་སྐྱོང་རེད་མ་གཏོགས་བོད་ཡིག་དགེ་རྒན་མ་རེད། རྒྱ་གར་ལ་ལྟོས་དང་སྲིད་བློན་དང་ཁོང་གི་བློན་ཆེན་ཚང་མས་ཧིན་དྷི་སྐད་ལ་ཕུལ་དུ་ཕྱིན་པ་ཞིག་མི་འདུག ཡིན་ནའང་རྒྱལ་ཁབ་དེ་འཛམ་གླིང་ནང་མངོན་མཐོན་ཕྱོགས་སུ་བསྐྱོད་དང་སྐྱོད་བཞིན་པ་རེད། ང་ཚོ་བོད་པ་འདི་ཚོ་དེ་སྔ་ནས་ད་བར་བླ་དཔོན་ཚོས་ཐོམ་ཞྭ་གཡོགས་ནས་བཞག་ཡོད་སྟབས་ད་དུང་ཡང་ཐོམ་སངས་མི་འདུག་ཨ་ཁ།

    Reply
  2. ཤར་མདའ། says:
    ལོ་ 9 སྔོན།

    གང་ལྟར་བོད་མི་ཞིག་ཡིན་དུས་ངེས་པར་ཐུགས་བསམ་གཏོང་དགོས་པ་གལ་ཆེན་རེད། གང་ཡིན་ཟེར་ན་འདས་བའི་ནང་འུ་ཅག་བོད་ཀྱི་སྲིད་སྐྱོང་འོས་བསྡུས་སྐབས་དགྲ་དགའ་གཉེན་སྡུག་གིས་ལས་དོན་མང་པོ་བྱས་ཙང་༸གོང་ས་མཆོག་ཐུགས་ཕམ་བྱུང་བ་རེད། སྲིད་སྐྱོང་བོད་ཡིག་ཡག་རུང་བོད་ཀྱི་སྲིད་སྐྱོང་རེད་མ་ཡག་རུང་བོད་ཀྱི་སྲིད་སྐྱོང་རེད་དེ་འདྲ་སོང་ཙང་ངེས་པར་ཐུགས་བསམ་བཞེས་དགོས་པ་གལ་ཆེན་རེད། བོད་ཡིག་གི་གནས་ཚད་གང་འདྲ་ཡོད་མེད་དེ་ཉི་མ་ཤར་ཤར་རེད་དེ་གསལ་བརྗོད་དགོས་པ་ཡོད་པ་མ་རེད་འདོད་ཡོད། ཡིན་ན་ཡང་ཁོང་བོད་ཀྱི་སྲིད་སྐྱོང་ཡིན་ཙང་ངེས་པར་རྒྱབ་བསྐྱོར་གནང་དགོས་པ་རེད།

    Reply
  3. ཅི་བསམ་དོན་འགྲུབ། says:
    ལོ་ 9 སྔོན།

    རྩོམ་པ་པོ་ཞིག་ཡིན་ཚེ་ལྡན་པ་ལྡན་ཚུལ་ལས་ཚད་ལས་འགལ་བའི་སྐྱོན་བརྗོད་བྱས་པ་ནི་སྤྱི་ཚོགས་ལ་གནོད་པ་ལས་གཞན་ཕན་པར་དཀའ།
    སྲིད་སྐྱོང་གི་བོད་ཡིག་གནད་ཚད་བོད་མི་སྐྱི་ཡོངས་ལས་ཡག་པ་ཡོད། རྩོམ་ཡིག་འམ་བསམ་ཚུལ་འབྲི་དུས་ཕྱོགས་ཡོངས་དང་འགན་འཁུར་ཐོགས་འབྲིས་དགོས་གང་ཡིན་ཟེར་ན་ཁྱོད་རྩོམ་པ་པོ་ཞིག་རེད།

    Reply
  4. thardhoe says:
    ལོ་ 9 སྔོན།

    བདེན་པ་རེད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese