དབྱིན་ཇིའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ངོས་ནས་སྙན་ཐོ་ཞིག་བཏོན་ཏེ་དབྱིན་ཇིའི་གཞུང་གིས་དབྱིན་རྒྱ་གཉིས་དབར་གྱི་འབྲལ་ལམ་ལ་བསྐྱར་དུ་མནོ་བསམ་གཏོང་དགོས་པའི་འབོད་སྐུལ་ཞུས་འདུག
དེ་རིང་ཧོང་ཀོང་རང་དབང་གསར་ཁང་གིས་གནས་ཚུལ་སྤེལ་བ་ལྟར་ན། ཁ་སང་རེས་གཟའ་མིག་དམར་ཉིན་དབྱིན་ཇིའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ངོས་ནས་<<ཕྱི་ལོ་ ༢༠༡༣ ནས་ ༢༠༡༦ བར་རྒྱ་ནང་གི་འགྲོ་བ་མིའི་ཐོབ་ཐང་ལ་དྲག་གནོན་བྱས་པའི་མུན་ནག་གི་དུས་ཡུན་>><<The Darkest Moment: The Crackdown on Human Rights in China 2013-2016>>ཞེས་པའི་སྙན་ཐོ་ཞིག་བཏོན་ཏེ་དབྱིན་ཇིའི་གཞུང་གིས་ཕྱི་ལོ་ ༢༠༡༣ ལོར་སྲིད་འཛིན་ཞི་ཅིན་ཕིན་གྱིས་རྒྱ་ནག་གི་སྲིད་དབང་བཟུང་བ་ནས་རྒྱ་ནང་གི་འགྲོ་བ་མིའི་ཐོབ་ཐང་ལ་སྔར་བྱུང་མ་མྱོང་བའི་དྲག་གནོན་ཤུགས་ཆེན་བྱེད་བཞིན་པར་གཞིགས་ནས་དབྱིན་ཇི་དང་རྒྱ་ནག་རྒྱལ་ཁབ་གཉིས་དབར་གྱི་འབྲེལ་ལམ་ཐད་བསྐྱར་དུ་མནོ་བསམ་གཏོང་དགོས་པའི་འབོད་སྐུལ་ཞུས་ཡོད་འདུག
སྙན་ཐོ་དེའི་ནང་རྒྱ་ནག་གཞུང་གིས་འགྲོ་བ་མིའི་ཐོབ་ཐང་གི་ཁྲིམས་རྩོད་པ་ཚོ་འཛིན་བཟུང་བཙོན་འཇུག་དང་མནར་གཅོད་བཏང་བ། ཧོང་ཀོང་གི་དཔེ་དེབ་དཔར་བསྐྲུན་འགྲེམ་སྤེལ་བ་ཚོ་བཀག་བསྐྱིལ་བྱས་པ། དེ་བཞིན་རྒྱ་ནང་གི་སྨྲ་བརྗོད་རང་དབང་ལ་དམ་དྲག་བྱས་པ་སོགས་བོད་དང་ཧོང་ཀོང་གྲོང་ཁྱེར་གྱི་གནས་སྟངས་དང་འབྲེལ་བའི་དཀའ་རྙོག་གཞན་མང་པོ་ཐེར་འདོན་བྱས་ཡོད་པ་མ་ཟད། དབྱིན་ཇིའི་གཞུང་གིས་རྒྱ་ནང་གི་འདས་པའི་མི་ལོ་ ༣ རིང་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཇེ་ཞན་དུ་འགྲོ་བཞིན་པའི་ཐད་ནས་རྒྱ་ནག་གཞུང་ལ་གནོན་ཤུགས་སྤྲོད་དགོས་པ་དང་། དབྱིན་ཇིའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་ངོས་ནས་དབྱིན་ཇིའི་གཞུང་གིས་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་འབྲེལ་ལམ་ཡར་རྒྱས་གཏོང་རྒྱུ་ཐག་བཅད་པར་བློ་འཚབ་ཆེ་བ་དང་། རྒྱ་ནག་གཞུང་གིས་རྒྱ་ནང་གི་འགྲོ་བ་མིའི་ཐོབ་ཐང་དོན་གཉེར་བ་ཁེ་ན་ཌའི་མཛངས་མ་ཨ་ན་སི་ཏ་ཤེ་ཡ་ལེན་དང་རྒྱ་ནག་གི་དམངས་གཙོ་དོན་གཉེར་བ་ཁྲིན་ཀང་ཁྲུན། ཧོང་ཀོང་དམིགས་བསལ་སྲིད་འཛིན་ས་ཁུལ་གྱི་དྲུང་ཆེ་ཨན་སོན་ཁྲན། ཧོང་ཀོང་དམངས་གཙོ་ཚོགས་པ་གསར་འཛུགས་བྱེད་མཁན་མར་ཊེན་ལུའུ་སོགས་ཕྱིར་རྒྱ་ནག་ནང་ལོག་མི་ཆོག་པར་བཀག་སྡོམ་བྱས་ཡོད་སྐོར་སོགས་འཁོད་འདུག
དབྱིན་ཇིའི་འགྲོ་བ་མིའི་ཐོབ་ཐང་ལྷན་ཚོགས་ཀྱི་འགན་འཛན་ཧྥའོ་ན་བྷ་རུ་སི་ (Fiona Bruce) ཟེར་བ་ཞིག་གིས། ང་ཚོས་ཕྱི་ལོ་ ༢༠༡༣ ལོ་ནས་ད་ལྟའི་བར་རྒྱ་ནག་ནང་གི་འགྲོ་བ་མིའི་ཐོབ་ཐང་སྡུག་རུ་འགྲོ་བཞིན་པའི་གནས་སྟངས་ལ་ཞིབ་འཇུག་རྒྱུས་ལོན་བྱུང་བ་ལྟར་ན། གནས་སྟངས་དེ་ནི་ཕྱི་ལོ་ ༡༩༨༩ ལོར་གནམ་བདེ་སྒོ་མོ་ཆེའི་ཐང་ཆེན་དུ་དམངས་གཙོའི་འགུལ་བ་ཚོ་སྡེབ་གསོད་བཏང་བའི་དོན་རྐྱེན་རྗེས་ཀྱི་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་སྡུག་ཤོས་དེ་ཆགས་ཀྱི་ཡོད་སྟབས། དབྱིན་ཇིའི་གཞུང་གིས་དབྱིན་རྒྱ་གཉིས་དབར་གྱི་འབྲེལ་ལམ་ཐད་ལ་བསྐྱར་དུ་མནོ་བསམ་བཏང་སྟེ་ཕྱི་གསལ་ནང་གསལ་གྱི་སྒོ་ནས་རྒྱ་ནག་ནང་གི་འགྲོ་བ་མིའི་ཐོབ་ཐང་གི་གནས་སྟངས་གླེང་སློང་དང་། རྒྱ་ནག་གཞུང་གིས་ཧོང་ཀོང་གྲོང་ཁྱེར་དང་རྒྱ་ནག་སྐམ་ས་ཆེན་མོའི་ནང་འགྲོ་བ་མིའི་ཐོབ་ཐང་རྡོལ་རོལ་གཏོང་བཞིན་པར་སྲུང་སྐྱོབ། དེ་བཞིན་རྒྱ་ནག་ནང་གི་གཞི་རྩའི་འགྲོ་བ་མིའི་ཐོབ་ཐང་གི་གནས་བབ་མཐོར་འདེགས་ཡོང་ཐབས་ལ་མནོ་བསམ་གཏོང་དགོས་པར་ང་ཚོས་ཡིད་ཆེ་བྱེད་ཀྱིན་ཡོད། ཅེས་བརྗོད་འདུག
གནས་ཚུལ་ལྟར་ན། ཉེ་བའི་ལོ་ངོ་འདི་འགའི་རིང་དབྱིན་ཇིའི་སྲིད་དོན་པ་ཚོས་རྒྱ་ནག་ནི་དབྱིན་ཇིའི་རྒྱལ་ཁབ་ཀྱི་ཚོང་ཤག་ཡག་ཤོས་ཤིག་ཆགས་པའི་གླེང་སློང་ལ་བརྟེན་ནས་དབྱིན་ཇི་དང་རྒྱ་ནག་གཉིས་བར་གྱི་ཉོ་འཚོང་གི་འབྲེལ་ལམ་ཡར་རྒྱས་གོང་འཕེལ་བྱུང་ཡོད་པ་དང་། ན་ནིང་ཞི་ཅིན་ཕིན་གྱི་རྒྱལ་དོན་སྐོར་སྐྱོད་སྐབས་སུ་རྒྱ་ནག་དང་དབྱིན་ཇི་རྒྱལ་ཁབ་གཉིས་དབར་གཞི་རྒྱ་ཆེ་བའི་ཚོང་དོན་འབྲེལ་ལམ་ཁག་ཅིག་གཏན་འབེབ་བྱས་ཡོད་པ་དང་། སྐབས་དེའི་ཚོང་འབྲེལ་གཏན་འབེབ་ནང་དབྱིན་ཇིའི་ས་ཐོག་ནས་རྒྱ་ནག་གི་རྡུལ་ཕྲན་ནུས་ཤུགས་བཟོ་སྐྲུན་བྱས་ཏེ་རྒྱལ་ཁབ་གཉིས་དབར་གསེར་མདོག་གི་དུས་རབས་ཞེས་པའི་འབྲེལ་ལམ་འཛུགས་རྒྱུར་ཕྱོགས་གཉིས་ནས་མོས་མཐུན་བྱུང་ཡོད་པ་རེད།
གསར་འགོད་པ། པདྨ་རྒྱལ།
གང་ལྟར་གནད་དོན་འདི་འགྲོ་བོད་དང་ཧོང་ཀོང་ཙམ་མ་ཡིན་པར་འགྲོ་བ་མའི་རིགས་ཀྱི་ཆོས་དད་རང་དབང་དང་འགྲོ་བ་མིའི་ཐོབ་ཐང་ཐད་ངེས་པར་ཕྱོགས་སོ་སོས་ཐུགས་བསམ་གཏོང་རན་ཞིག་ཡིན་པར་ངོས་འཛིན་ཡོད་པ་རེད། འབྱུར་གྱུར་རྒྱ་ནག་དང་འབྲེལ་བའི་འཛམ་གླིང་ཐོག་གླེང་རྙོག་འདྲ་མིན་ཞིག་འབྱུང་བ་གསལ་བོ་རེད་ད་དུང་ངེས་པར་བོད་གཙོ་བོར་གྱུར་བའི་མཐུན་ཕྱོགས་རྒྱལ་ཁབ་ཁག་གིས་རྒྱ་ནག་ནང་འགྲོ་བ་མིའི་ཐོབ་ཐང་ཅེ་ངན་ཅེ་གཞན་འདུ་འགྲོ་གི་ཡོད་པ་འདི་གསལ་བོ་བཟོ་དགོས་པ་གལ་ཆེན་རེད་དྲན་ནས་ཡོད།
ད་ལྟའི་བྱུང་བ་ལ་གཞིགས་ན། ད་ལྟར་དབྱིན་གཞུང་ཐོག་འཛམ་གླིང་མི་མང་གིས་ལྟ་ཚུལ་མི་ལེགས་པར་སྟབས་སྟུན་སོ་སོའི་མིང་མཐོར་འདེགས་ཀྱི་ཆེད་དུ་ལས། ་མི་རིགས་འདི་ལ་སྤྱི་སེམས་ཡོད་མེད་འཛམ་གླིང་ན་གསལ་ཟིན་པ་དེ་རེད།