གནས་ཚུལ་འབྱོར་གསལ་ལྟར་ན། དེ་རིང་སྔ་དྲོར་བལ་ཡུལ་གྱི་བོད་མི་ཚོས་༧གོང་ས་མཆོག་དགུང་ ༨༡ བཞེས་པའི་སྐུའི་འཁྲུངས་སྐར་སྲུང་གཙི་ཞུ་བར་སྐྱོད་སྐབས། བལ་ཡུལ་གཞུང་གིས་ཉེན་རྟོག་པ་དང་དམག་མི་མང་པོས་བཀག་འགོག་བྱས་ཡོད་པ་མ་ཟད། ས་གནས་མགོ་འཛིན་གཙོས་པའི་བོད་མི་བཅུ་གྲངས་ཤིག་འཛིན་བཟུང་ཡང་བྱས་ཡོད་འདུག
འདས་པའི་ལོ་ཤས་ནང་བལ་ཡུལ་གཞུང་གིས་ཅུང་ལྷོད་ཡངས་ཀྱི་རྣམ་པའི་འོག་ཕྱི་ལོ་ ༢༠༡༣ དང་། ༢༠༡༤ ། ༢༠༡༥ ལོ་བཅས་སུ་སྐུའི་འཁྲུངས་སྐར་སྲུང་གཙི་ཞུ་ཐུབ་ཡོད་ཀྱང་། ད་ལོ་སླར་ཡང་རྒྱ་ནག་གི་གནོན་ཤུགས་འོག་བོད་མི་ཚོར་འཁྲུངས་སྐར་སྲུང་གཙི་ཞུ་བཅུག་མེད།
ཕྱི་ལོ་ ༢༠༡༣ དང་། ༢༠༡༤ ། ༢༠༡༥ བཅས་སུ་བལ་ཡུལ་འཕགས་པ་ཤིང་ཀུན་དུ་བོད་མི་ཚོས་སྐུའི་འཁྲུངས་ལྷ་ཡར་གསོ་གནང་ཐུབ་ཡོད། ༢༠༡༣ ལོའི་འཁྲུངས་སྐར་མཛད་སྒོའི་སྐུ་མགྲོན་གཙོ་བོ་ས་སྐྱའི་ཆོས་བརྒྱུད་བྱམས་ཆེན་ཡིད་དགའ་ཆོས་གླིང་དགོན་གྱི་བླ་ཆེན་ཞབས་དྲུང་རིན་པོ་ཆེ་མཆོག་དང་། བལ་ཡུལ་རྒྱལ་ཡོངས་འགྲོ་བ་མིའི་ཐོབ་ཐང་ལྷན་ཚོགས་ཀྱི་ཚོགས་མི་ཟུར་པ་སྐུ་ཞབས་ཀ་པིལ་ཤེས་རེས་ཐ། དེ་བཞིན། ཧི་མཱ་ལ་ཡའི་རི་རྒྱུད་དང་བལ་ཡུལ་ནང་པའི་མཐུན་ཚོགས་ཀྱི་ཚོགས་མི་སོགས་ཕེབས་ཡོད།
༢༠༡༤ ལོའི་འཁྲུངས་སྐར་ཉིན། སྐུ་མགྲོན་དུ་བལ་ཡུལ་རྒྱལ་ཡོངས་ནང་པའི་ཚོགས་ཆེན་གྱི་ཚོགས་གཙོ་འཇིགས་གྲོལ་ཤར་པ་ལགས་དང་རིས་མེད་དགོན་སྡེ་ཁག་གི་མཁན་བླ་སྤྲུལ། དེ་བཞིན། བལ་ཡུལ་རྒྱལ་སའི་གཞུང་ཚབ་ཁག་གི་སྐུ་ཚབ། བལ་ཡུལ་གཞུང་སྐུ་མགྲོན། ཧི་མཱ་ལ་ཡའི་མི་མང་གི་སྐུ་ཚབ་སོགས་ཕེབས་ཏེ་སྐུའི་འཁྲུངས་སྐར་སྲུང་གཙི་ཞུ་ཐུབ་ཡོད།
༢༠༡༥ ལོར་བལ་ཡུལ་གཞུང་གིས་སྔར་ལྷག་ལྷོད་ཡངས་གི་རྣམ་པའི་ཐོག འཕགས་ཤིང་དང་ཀ་ཐ་མན་ཊུ་མཉམ་འབྲེལ་ཐོག་སྲུང་གཙི་ཞུས་ཏེ། སྐུ་མགྲོན་གཙོ་བོ་རྟ་མང་སྤྲུལ་སྐུ་བློ་བཟང་རྣམ་རྒྱལ་རིན་པོ་ཆེ་མཆོག་དང༌རིས་མེད་དགོན་སྡེ་ཁག་གི་བླ་སྤྲུལ་དང་མཁན་པོ། དམིགས་བསལ་སྐུ་མགྲོན་རྒྱ་གར་གཞུང་ཚབ་ལས་བྱེད་ First Secretary Mr. Abhay Kumar མཆོག་དང༌། བལ་ཡུལ་ནང་པའི་ཚོགས་ཆེན་གྱི་ཚོགས་གཙོ་མཁན་པོ་འཇིགས་གྲོལ་མཆོག བལ་ཡུལ་དུས་བབ་གསར་ཤོག Nepal Times གི་རྩོམ་སྒྲིག་འགན་འཛིན་ Mr Kunda Dixit མཆོག FNCCI ཚོགས་གཙོ་ཟུར་པ་ Mr Suraj Vaidya སོགས་གཙོས་པའི་མི་མང་ ༢༠༠༠ མ་ཟིན་ཙམ་འདུ་འཛོམས་གནང་ཡོད་པ་རེད།
༧སངས་རྒྱས་གཉིས་པའི་སྐུ་པར་གསུམ་དེ་དབུ་གཙང་སྐུ་པར་མདཔ་བསྟོད་སྐུ་པར་མདོ་སྨད་སྐུ་པར་དེ་རེད་དང་མ་རེད ?
མཛད་སྒོ་གཅིག་རེད ངས་འབྲི་པ་དེ་ངོ་མ་རེད་མ་རེད་དབུ་གཙང་ཚོགས་གཙོ་རྒྱན་ཕུག་བསོད་ནམ་ལ་འདྲི་ན་ཆོག་གི་རེད་གནང་གཏང་དེ་ཁྱེད་རྣམས་ལ་འགྲིགས་ཀྱི་ཡོད་ན་ང་མཚོ་མི་མང་ལ་འགྲིག་གི་མི་འདུག་།
སངས་རྒྱས་སྐུ་ངོ་མ་གཅིག་བོད་གཅིག་ཡིན་པའི་ཧ་གོ་དགོས་། ད་འོ་ན་སྲིད་སྐྱོངས་གསུམ་བཞག་དང་།།།
ང་གི་ཕྱིང་དེ་གསད་འདུག་། ཁྱེད་རང་རྣམས་པ་དངོས་གནས་གནས་ཚུལ་གསན་འདོད་མེད་ན་ལྕག་འཛུན་གཤད་ནས་མི་ཚེ་ཆོལ་གི་རེད་བས་། མཆོད་འཇོར་ཞི་འགོ་བསྐལ་བཟང་དོན་གྲུབ་ལ་ཨེ་ཀོག་ཅོག་ཞུས་མ་སོང་ལ་ང་ཡང་བདེན་གསུང་ནང་ཕྱིན་པ་ཡིན་
གཤམ་འོག་ཏུ་སྐལ་འཕྲིན་ལགས་ཀྱི་འབྲིས་པ་དེ་བདེན་པ་གཅིག་མི་འདུག་།
ཨེ་ཤི་ཡ་གསར་འགོད་པ་བོུ་ཟླ་བ་སྒྲོལ་མ་ལགས་ཕྱི་ལོག་ལམ་ཆེན་ཟུར་འདུག
བ་ཡུལ་དོན་གཅོད་དང་འཕགས་ཤིང་ས་འཐུས་ཚོགས་གཙོ་བློ་བཟང་རབ་རྒྱས་ལགས་དང་
བ་ཡུལ་དམག་མི་མཉམ་དུ་བཀའ་མོལ་མང་པོ་གནང་སོང་། འབའ་བུ་སྐལ་བཟང་དོན་གྲུབ་དེ་དུས་གཟུང་མི་འདུག་
དེ་འོག་ལ་གནས་ཚུལ་ངོ་མ་མང་པོ་ཡོད་འདི་ནང་འབྲི་གི་མེན་
ལྷོད་ཡངས་མ་རེད་། ངོ་མ་ཞུས་ན་མགོ་འཁྲིད་ལྗོན་ཐང་དང་བ་ཡུལ་གཞུངས་ལ་འབྲེལ་བ་ཆེ་ཆུང་གི་རེད་འདུག་།
བལ་ཡུལ་གཞུང་ལ་འབྲེལ་བ་ཆེ་ཤོས་དེ་རྒྱ་ནག་གཞུང་རེད། ད་ཁྱེད་ཚོ་གང་བྱེད་ཀྱི་ཡིན།
ཁྱེད་ཅག་གིས་གསལ་བསྒྲགས་གནང་བ་ཧ་ཅང་གི་བཟང་མོད། ཡིན་ན་ཡང་། ཅུང་ཁ་མི་གསལ་བ་དང་། དོན་དག་ཡོངས་སུ་འཐུས་མེད་པའི་གནད་འགག་ཅིག་ངས་མཐོང་སྟེ་གསལ་འདེབས་བྱ་འདོད་བྱུང་། ༡)བལ་ཡུལ་བྱ་རུང་ཁ་ཤོར་གྱི་ཉེ་འགྲམ་དོ་དམ་པ་ས་གནས་འགོ་འཛིན་དེ་རིང་ཞོགས་པ་སྔ་བོ་ཆུ་ཚོད་དྲུག་པའི་སྟེང་ནས་མཆོད་རྟེན་ཉེན་རྟོག་པ་ཁོང་གི་གཟིམ་ཤག་ལ་ཡོང་སྟེ་འཛིན་བཟུང་བཙན་ཁྲིད་བྱས།
༢)ཆུ་ཚོད་དགུ་བའི་སྟེང་༧རྒྱལ་བའི་འཁྲུངས་སྐར་རྟེན་འབྲེལ་འགོ་འཛུགས་བྱ་དགོས་མོད། འོན་ཀྱང་སྲོང་བཙན་སློབ་གྲྭའི་རྒྱབ་མདུན་གཉིས་ཀྱི་སྒོ་ཆེན་བཀག་སྟེ་བོད་མི་གཅིག་ཀྱང་ནང་དུ་བཏང་མེད།
༣)བོད་མི་ཚོས་ཐབས་བྱས་གང་ཡོད་བཏོན་ནས་སློབ་གྲྭའི་རྩིགས་པ་འཛེགས་ཏེ་ནང་ལ་འགྲོ་ཐབས་བྱས་ཡོད།
དུས་ཚོད་གང་མཚམས་ཤིག་ནས་སློབ་གྲྭའི་རྒྱབ་ཀྱི་སྒོ་ཆེན་ཕྱེ་བ་དང་སྟབས་བསྟུན་ནས་བོད་མི་མང་པོ་ཞིག་གིས་གཅིག་གིས་གཅིག་ལ་བརྡ་བརྒྱབ་སྟེ་མང་པོ་ཞིག་ནང་དུ་འཛུལ་ཐུབ་པར་བྱུང་ཡོད།
༤)ཆུ་ཚོད་དགུ་དང་སྐར་མ་སུམ་ཅུ་ཡེ་མས་ཤིག་ནས་སློབ་གྲྭའི་མདུན་སྒོ་ནས་བོད་ལྭ་གྱོན་མཁན་གྱི་བོད་མི་རྒན་གཞོན་སུམ་ཅུ་ཙམ་ཞིག་བཙན་གྱིས་གཅིག་རྗེས་གཉིས་མཐུད་བྱས་ཏེ་ཉེན་རྟོག་པས་འཛིན་བཟུང་བྱས། ད་དུང་སྐབས་དེར་བོད་མི་ན་གཞོན་ཞིག་ལ་ཉེན་རྟོག་པས་ཉེས་རྡུང་དྲག་པོ་བཏང་ཡོད།
གོང་དུ་ཞུས་པའི་ས་ནས་འགོ་འཛིན་ཉེན་རྟོག་ལས་ཁུང་ནང་ནས་ཉེན་རྟོག་པས་བཅར་རྡུང་དྲག་པོ་སྟུད་མར་བྱས་པའི་གནས་ཚུལ་སྐུ་ཡི་འཁྲུངས་སྐར་སྲུང་རྩི་བྱེད་སར་ཁ་དཔར་བརྒྱུད་དེ་ཡང་ཡང་ཐོས་འོང་དུས། བྱེད་སྒོ་མཚམས་མི་འཇོག་ཐབས་མེད་དུ་ཆགས་པ་རེད། འདི་དག་ཧ་ཅང་གི་ཁ་གསལ་ཡིན། ང་ཡང་གནས་ཚུལ་འདི་ལྷག་ས་ན་ཡོད་པས་ཡིན།