བཀྲ་ཤིས་སྟོབས་རྒྱལ་ལགས་ཀྱིས་བོད་མི་རྣམས་ལས་ཀར་བཀོལ་ན་ལགས་སོ་དང་སྒོར་མོ་སྤྲད་ན་ཐུགས་རྗེ་ཆེ་ཟེར་མཁན་ཞིག་ཡིན་པས་གསར་དུ་བདམས་ཐོན་བྱུང་བའི་ཨ་རིའི་སྲིད་འཛིན་ཌོ་ནལ་ཊོམ་གྱིས་ཕྱིར་འཕུད་གཏོང་གི་མ་རེད་ཟེར།
དེ་རིང་སྔ་དྲོའི་ཆུ་ཚོད་ ༡༠།༣༠ ཙམ་ལ་དྷ་ས་མེག་གྷན་དབུས་གཙང་ཆོལ་ཁའི་ཚོགས་ཁང་དུ། བཀྲ་ཤིས་སྟོབས་རྒྱལ་ལགས་ཀྱིས་རྒྱ་གར་ནང་དུ་ཡོད་པའི་བཙན་བྱོལ་བོད་མི་ཚོས་རྒྱ་གར་གྱི་ཡོང་འབབ་ཀྱི་ཁྲལ་སྤྲོད་མི་དགོས་པ་ཞིག་བཟོ་གལ་ཆེ་སྐོར་དང་། བོད་ནས་གསར་དུ་ཡོང་བའི་གནས་མཇལ་ཆོས་ཞུ་བ་རྣམས་ལ་བོད་མིའི་སྒྲིག་འཛུགས་ཀྱི་གཙོས་ཚོགས་སྡེ་ཁག་ནས་ཆེད་དུ་དངུལ་བརྗེ་ལེན་གྱི་རོགས་རམ་གནང་དགོས་པ་མ་ཟད། གཞིས་ལུས་བོད་མིའི་ངོ་ཚབ་ཏུ་གྱུར་བའི་གནས་མཇལ་ཆོས་ཞུ་བ་རྣམས་དུས་དབང་ལ་ཕེབས་སྐབས་ལམ་གྲོན་གཏོང་དགོས་སྐོར་སོགས་ཀྱི་གསར་འགོད་ལྷན་ཚོགས་ཤིག་ཚོགས་སོང་།
ལྷན་ཚོགས་ཐོག་རྒྱ་གར་ནང་གི་བཙན་བྱོལ་བོད་མི་ཚོས་རྒྱ་གར་གཞུང་ལ་ཡོང་འབབ་ཀྱི་ཁྲལ་(Income Tax)སྤྲོད་མི་དགོས་པ་ཞིག་བཟོ་བའི་ལམ་ཀ་ཡོད་སྐོར་ལ། ཁོང་རང་དེ་སྔོན་སྲིད་སྐྱོང་འོས་མིར་ལངས་སྐབས་བཙན་བྱོལ་བོད་མི་ཚོས་རྒྱ་གར་གཞུང་ལ་ཡོང་འབབ་ཀྱི་ཁྲལ་སྤྲོད་མི་དགོས་པའི་སྐོར་ནས་མང་པོ་བཤད་ཡོད་པ་དང་། ད་ལྟའི་ཆར་རྒྱ་གར་ནང་སྤྱི་ཡོངས་ནས་ཡོང་འབབ་ཀྱི་ཁྲལ་སྒང་ལ་དཀའ་ངལ་ཆེན་པོ་འཕྲད་ཀྱི་ཡོད་ལ། ཁོང་གིས་བོད་མི་ཚོས་ཡོང་འབབ་ཀྱི་ཁྲལ་སྤྲོད་དགོས་པ་མ་རེད་ཟེར་དགོས་དོན་ནི། རྒྱ་གར་ནང་ཡོང་འབབ་ཀྱི་ཁྲལ་སྤྲོད་དགོས་མཁན་དང་མི་དགོས་མཁན་རིགས་གཉིས་ཡོད་པ་དང་། དཔེར་ན། ཀ་ཤི་མེར་སོགས་རྒྱ་གར་བྱང་ཤར་གྱི་མངའ་སྡེ་བཞི་ལྔ་ཞིག་ནང་ཡོང་འབབ་ཀྱི་ཁྲལ་སྤྲོད་དགོས་ཀྱི་མེད་ལ། དེ་ཡང་ལྡི་ལི་དང་བྷམ་བྷེ། ཀོལ་ཀ་ཏ་སོགས་གྲོང་ཁྱེར་ཆེ་ཁག་དང་བསྡུར་ན་ལོ་ ༢༠ ཡིས་མངའ་སྡེ་དེ་དག་རྗེས་ལུས་ཐེབས་ཡོད་པའི་རྒྱུ་མཚན་ལ་བརྟེན་ཏེ། ལོ་ ༡༠ རེ་བྱས་ནས་ཚད་བཀག་ཡོད་པའི་ཐོག་ནས་སྤྲོད་དགོས་ཀྱི་མེད་སྟབས། བཙན་བྱོལ་བོད་མི་ཚོ་རྒྱ་གར་ནང་སྐྱབས་བཅོལ་དུ་བསྡད་ཡོད་ལ། ས་ཆ་མེད་པས་ཡོང་འབབ་ཀྱི་ཁྲལ་དེ་སྤྲོད་མི་དགོས་པ་ཞིག་ཡིན་ལ། བོད་མིའི་སྒྲིག་འཛུགས་ནས་རྒྱ་གར་གྱི་མཐོ་རིམ་དཔོན་རིགས་ཚོར་ཡོང་འབབ་ཀྱི་ཁྲལ་སྤྲོད་མི་དགོས་པའི་ཐད་ཡར་ཞུ་བྱས་ན་ཞུ་ས་ཡོད་ལ། ཞུ་བའི་དུས་ཚོད་ཀྱང་ཕྱི་མེད་སྐོར་བརྗོད་སོང་།
བོད་ནས་གསར་དུ་ཕེབས་པའི་གནས་མཇལ་ཆོས་ཞུ་བ་རྣམས་ལ་ཆེད་དུ་དངུལ་བརྗེ་ལེན་ལ་རོགས་རམ་དང་། དུས་དབང་གི་ལམ་གྲོན་དང་བཞུགས་གནས་ཞལ་ལག་སོགས་ཀྱི་མཐུན་འགྱུར་རོགས་རམ་གང་ལེགས་གནང་དགོས་སྐོར་ཁོང་གིས། བོད་ནང་དུ་སྙོབ་མ་ཐུབ་པ་ཡིན་ནའང་གཞིས་ལུས་བོད་མིའི་ངོ་ཚབ་ལྟ་བུ་བྱས་ཏེ་ཕེབས་ཡོང་བའི་ཆོས་ཞུ་བ་རྣམས་ལ། བོད་མིའི་སྒྲིག་འཛུགས་ཀྱི་གཙོས་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་གིས་ལྟ་སྐྱོང་ཡག་པོ་དགོས་པ་དེ་གལ་ཆེན་པོ་ཞེ་དྲགས་ཡིན་ལ། བོད་མིའི་སྒྲིག་འཛུགས་ནས་ལྟ་སྐྱོང་གནང་དགོས་གསུངས་པ་ཙམ་མ་ཡིན་པར་དངུལ་བརྗེ་སྒྱུར་གྱི་དཀའ་ངལ་འཕྲད་བསྡད་ཡོད་པའི་གནས་མཇལ་ཆོས་ཞུ་བ་རྣམས་ལ་ཆེད་དུ་དངུལ་བརྗེ་རོགས་དང་། ཁོང་ཚོ་དུས་དབང་དུ་ཕེབས་པའི་ལམ་གྲོན་དང་བཞུགས་གནས་ཞལ་ལག་སོགས་ཀྱི་མཐུན་འགྱུར་གནང་དགོས་པའི་འབོད་སྐུལ་ཞུ་ཡི་ཡོད་སྐོར་བརྗོད་སོང་།
གསར་དུ་བདམས་ཐོན་བྱུང་བའི་ཨ་རིའི་སྲིད་འཛིན་ཌོ་ནལ་ཊོམ་གྱིས་ཁྲིམས་འགལ་ཐོག་ཨ་རིའི་ནང་གནས་སྡོད་བྱེད་བཞིན་ཡོད་པའི་ཕྱི་མི་རྣམས་ཕྱིར་འཕུད་གཏོང་བའམ་ཡང་ན་བཙོན་འཇུག་བྱ་རྒྱུ་ཡིན་སྐོར་བརྗོད་ཡོད་པར་བརྟེན། ཨ་རིའི་ནང་གི་བོད་མི་མང་པོ་ཞིག་གིས་སེམས་འཚབ་གནང་བཞིན་ཡོད་སྐོར་ལ་ཁོང་གིས། ང་ཚོ་ལ་མེད་པ་དེ་ལུང་པ་དང་། ཡོད་པ་དེ་དབུ་འཁྲིད་བཟང་པོ་ཞིག་ཡོད་པས་བོད་མི་ཚོར་དཀའ་ངལ་འཕྲད་ཀྱི་མ་རེད། དེ་བཞིན་ཨ་རིར་ཡོད་པའི་བོད་པས་ཨ་རིར་ཕན་ཐོགས་ཡོད་པ་རེད་ལ། བོད་པ་ལའང་ཕན་ཐོགས་ཡོད་པ་གསལ་པོ་རེད། ཡིན་ནའང་། ཁེ་ཕན་ཆེ་བ་དེ་ཨ་རི་ལ་ཡོད་པ་རེད། གང་ཡིན་ཟེར་ན། ཨ་རི་ཡར་ཐོན་ཅན་གྱི་རྒྱལ་ཁབ་ཡིན་པས་ཁོང་ཚོར་གཡོག་པོར་རྒྱུག་མཁན་ཞིག་དགོས་པས་ལས་ཀ་བྱེད་མཁན་རྩེ་གྲས་དེ་བོད་པ་རེད། བོད་པ་ལས་ཀ་ཞིག་ལ་བཀོལ་བ་ཡིན་ན་(yes) ལབ་པ་དང་། དངུལ་ཞིག་སྤྲད་ནའང་(thank you)ལབ་པ་མ་ཟད། ཨ་རི་རྒྱལ་ཁབ་ཀྱི་སྲུང་སྐྱོབ་ཐད་ཌོ་ནལ་ཊོམ་གྱིས་དང་པོ་ཡར་འཛུལ་ཏེ་མར་མེ་མདའ་རྒྱག་ཡོང་གི་འདུག་ཟེར་བ་དེ་དངོས་གནས་ཡིན་སྟབས། བོད་པར་ཉེན་ཁ་དེ་ཁྱོན་ནས་མེད་པ་རེད། ལག་པ་གཅིག་ལ་ཨ་སྒོར་ཆག་པ་གཅིག་སྤྲད། ལག་པ་གཞན་དེར་འབར་རྫས་ཤིག་བཞག་པ་ཡིན་ན། བོད་པ་ཚོ་གཉིས་ཀ་མི་དགོས་ཟེར་མཁན་གྱི་མི་རིགས་ཤིག་སྐོར་སོགས་བརྗོད་སོང་།
གསར་འགོད་པ། པདྨ་མཚོ།
༅༅། བཀྲིས་སྟོབས་རྒྱལ་ལགས།
ཁྱེད་ནས་ཞབས་བྲོ་ཞིག་འཁྲབ་འདོད་འདུག་ཀྱང་་་ད་བར་གཞས་ཚིག་མ་རག་པ་བསྡད་ཡོད་ས་རེད།
གཞས་ཚིག་དགོས་ན་ངས་གཏོང་ཆོག་ང་ལ་གནས་འབྲེལ་གནང་རོགས།
མི་ཆོ་མེད་དེ་ཚོར་ཁ་ཡ་བྱ་རྒྱུ་མེད། མི་དེས་ག་རེ་བྱེད་གི་ཡོད་རད་་་
༅༅། བཀྲིས་སྟོབས་རྒྱལ་ལགས་ནས་་་ག་རེ་བཤད་ཀྱི་ཡོད་ངས་ཧ་གསལ་པོ་གོ་མ་སོང།
བཀྲ་སྟོབས་ལགས་ནས་ཞབས་བྲོ་ཞིག་འཁྲབ་འདོད་འདུག་ཀྱང་་་གཞས་ག་རེ་་་འཁྲབ་དགོས་པ་དང།
གླུ་ག་རེ་བླངས་དགོས་མིན་ཧ་མ་གོ་བ་བསྡད་འདུག་