མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཐོན་མི་ཚོགས་ཁང་སོགས་ཀྱི་ཆེད་ཁྱོན་ཧིན་སྒོར་འབུམ་ ༡༢༠ ལྷག་ཕྱིན།   

བོད་ཀྱི་དུས་བབ།
༢༠༡༨/༠༩/༡༢
Share on FacebookShare on TwitterShare on EmailShare on Whatsapp

སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་འཛིན་སྐྱོང་སྦྱོང་བརྡར་ཁང་འདི་བརྒྱུད་སྦྱོང་བརྡར་ཡག་པོ་ཞིག་སྤྲོད་ཐུབ་པ་ཡིན་ན་ཏན་ཏན་སྒེར་དང་སྤྱི་ཕན་གཉིས་ཀྱི་ལས་དོན་ཞིག་ཆགས་ཀྱི་ཡོད་སྐོར་གསུངས།

དེ་རིང་སྔ་དྲོའི་ཆུ་ཚོད་ ༡༠ སྟེང་། ཤེས་རབ་དགའ་ཚལ་སློབ་གླིང་གི་ཉེ་འཁྲིས་སུ་ཡོད་པའི་དབུས་བོད་ཀྱི་སྣེ་ལེན་ཁང་དུ།  གཞུང་འབྲེལ་འཛིན་སྐྱོང་སྦྱོང་བརྡར་དང་བདེ་དོན་ཚོགས་པའི་(Administrative Training and Welfare Society)ཐོན་མི་ཚོགས་ཁང་ཞེས་པ་དབུ་འབྱེད་གནང་སོང་བ་དང་། མཛད་སྒོའི་ཐོག་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་དང་དམིགས་བསལ་སྐུ་མགྲོན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གི་དབུས་པའི་བཀའ་བློན་དང་། སྲི་ཞུའི་ལས་བྱེད་པ་ཁག་ཅིག དེ་བཞིན། བོད་ཀྱི་སྨན་རྩིས་ཁང་དང་ནོར་གླིང་བོད་ཀྱི་རིག་གཞུང་གཅེས་སྐྱོང་ཁང་། བོད་ཀྱི་ཟློས་གར་ཚོགས་པ། སམ་བྷོ་ཊ། བོད་ཁྱིམ་སློབ་གྲྭ་སོགས་ཀྱི་འགན་འཛིན་རྣམ་པ་དང་སྣེ་ལེན་ཁང་གི་དབུ་ལས་བཅས་ཁྱོན་མི་གྲངས་ ༦༠ ལྷག་འཛོམས་འདུག

མཛད་སྒོའི་ཐོག་འཛིན་སྐྱོང་སྦྱོང་བརྡར་ཁང་དང་བདེ་དོན་ཚོགས་པའི་དྲུང་ཆེ་ཀརྨ་རིན་ཆེན་ལགས་ནས་ཚོགས་པ་ངོ་སྤྲོད་གནང་སྐབས། ད་ལྟའི་སྣེ་ལེན་ཁང་འདི་ཕྱི་ལོ་ ༢༠༡༠ ལོར་གསར་རྒྱག་བྱས་པ་ནས་བཟུང་། བོད་ནང་གི་ཆབ་སྲིད་ཀྱི་གནས་སྟངས་ལ་འགྱུར་བ་ཕྱིན་ཏེ།  ད་ལྟའི་གནས་སྐབས་སུའང་བོད་ནང་ཆབ་སྲིད་ཀྱི་དམ་དྲག་ཤུགས་ཆེན་ཡོད་པ་དང་། ཕྱོགས་གཞན་ཞིག་ནས་ད་ལྟའི་སྣེ་ལེན་ཁང་གི་ས་ཁང་གི་གཞི་རྒྱ་དེ་ཆེན་པོ་ཡོད་པ་སོགས་ཀྱི་རྒྱུ་མཚན་ལ་བརྟེན་ནས་སྣེ་ལེན་ཁང་གི་ས་ཁང་འོས་འཚམ་ཞིིག་བེད་སྤྱོད་གཏོང་ཐུབ་ཀྱི་མེད་པ་རེད།  དེར་བརྟེན།  ཕྱི་ལོ་ ༢༠༡༤ ལོར་བཀའ་ཤག་གིས་སྣེ་ལེན་ཁང་དུ་བོད་མིའི་སྒྲིག་འཛུགས་ཀྱི་ལས་བྱེད་དང་། གཞུང་འབྲེལ་ཚོགས་འདུ་སོགས་གོ་སྒྲིག་གནང་དགོས་པའི་བཀའ་བཏང་བ་གཞིར་བཟུང་། ཕྱི་ལོ་ ༢༠༡༤ དང་ ༢༠༡༥ བར་སྣེ་ལེན་ཁང་ལ་ཅི་དགེའི་མཐུན་རྐྱེན་ཚང་བ་ཞིག་མེད་ནའང་། ཟབ་སྦྱོང་དང་ཚོགས་འདུ་ཁག་ཁ་ཤས་ཤིག་གོ་སྒྲིག་བྱེད་ཐུབ་པ་བྱུང་བ་རེད། དེ་ནས་ཕྱི་ལོ་ ༢༠༡༦ དང་ ༢༠༡༧ རྩིས་ལོའི་ནང་བཀའ་ཤག་ནས་སྣེ་ལེན་ཁང་དུ་སྔར་ཡོད་མཐུན་རྐྱེན་གྱིས་འདང་གི་མེད་པར་གཟིགས་ཏེ། འཐུས་སྒོ་ཚང་བ་དང་ཚད་དང་ལྡན་པའི་འཛིན་ཁང་དང་ཉལ་ཁང་།  ད་ལྟའི་ཚོགས་ཁང་འདི་ལ་སོགས་པ་མང་པོ་ཞིག་གསར་རྒྱག་མགོ་འཛུགས་བྱས་ཏེ། ཕྱི་ལོ་ ༢༠༡༧ ལོའི་ལོ་མཇུག་ལ་ཨར་ལས་ཆ་ཚང་བ་མཇུག་སྒྲིལ་བ་རེད། ད་ལྟའི་གནས་བབ་ལ་ཐོག་ཁང་འདིའི་ནང་ཚོགས་ཁང་ཆེ་བ་གཅིག་དང་།  འབྲིང་བ་གཅིག  ཆུང་བ་གཉིས།  དེ་བཞིན།  ཟབ་སྦྱོང་སྤྲོད་མཁན་དང་མཉམ་ཞུགས་གནང་མཁན་བཅས་ལ་ཁྱོན་བཞུགས་ཁང་ ༣༡ གི་མཐུན་རྐྱེན་ཡོད་ཅེས་བརྗོད་སོང་།

ཡང་ཚོགས་པའི་སྐོར་ལ་ཁོང་གིས། སྲིད་སྐྱོང་བློ་བཟང་སེང་གེ་མཆོག་ནས་སྦྱོང་བརྡར་ཁང་དེར་ཚོགས་པ་ཞིག་གསར་དུ་བཙུགས་ཏེ།  རྒྱ་གར་གཞུང་ལ་ཁྲིམས་མཐུན་དེབ་སྐྱེལ་བྱེད་དགོས་པའི་བཀའ་ཕེབས་པ་བཞིན། འབྲེལ་ཡོད་ཁག་ནས་ལམ་སྟོན་དང་ཡིག་ཆ་སོགས་གྲ་སྒྲིག་བྱས་ཏེ། ཕྱི་ལོ་  ༢༠༡༧ ཟླ་ ༦ ནང་དངོས་སུ་རྒྱ་གར་གཞུང་ལ་ཚོགས་པ་དེབ་སྐྱེལ་གྱི་སྙན་ཞུ་ཕུལ་བ་དང་། ཕྱི་ལོ་ ༢༠༡༧ ཟླ་ ༩ ཚེས་ ༢༢ ཉིན་ཚོགས་པ་དེབ་སྐྱེལ་ཞུ་ཐུབ་ཡོད་པ་དང་། མ་འོངས་པར་ཚོགས་པའི་དམིགས་ཡུལ་ཇི་བཞིན་འགྲོ་ཐུབ་པར་འབྲེལ་ཡོད་ཚང་མས་ལམ་སྟོན་དང་རྒྱབ་སྐྱོར་མུ་མཐུད་གནང་དགོས་སྐོར་སོགས་བརྗོད་སོང་།

བདེ་སྲུང་བཀའ་བློན་འཕགས་པ་ཚེ་རིང་མཆོག་གིས་མཛད་སྒོ་དང་འབྲེལ་བའི་གསུང་བཤད་གནང་སྐབས།  སྤྱིར་བཏང་སྐད་ཆ་མང་པོ་བཤད་མི་དགོས་པར་ཚོགས་གཞོན་མཆོག་ནས་འགྲེལ་བཤད་བསྐྱོན་པ་ནང་བཞིན་རེད།  ང་ལ་རེ་བ་ཞིག་ཡོད་པ་ནི་མ་འོངས་པར་ལས་ཁུངས་ཁག་དང་ཚོགས་པ་ཁག་ཚང་མས་ཚོགས་པ་འདི་ཡར་རྒྱས་འགྲོ་བར་རོགས་རམ་མཐུན་སྦྱོར་གནང་བར་ང་རང་གིས་རེ་བ་ཞུས་པ་ཡིན།  དེ་མིན་ལས་གཞིའི་མགོ་ནས་མཇུག་བར་དཔལ་ལྡན་སྲིད་སྐྱོང་མཆོག་ནས་ཐུགས་འཁུར་གནང་བར་ཐུགས་རྗེ་ཞུ་རྒྱུ་ཡིན། ཞེས་གསུངས་སོང་།

དམིགས་བསལ་སྐུ་མགྲོན་བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས། དེ་རིང་འདིར་བདེ་སྲུང་ལས་ཁུངས་དང་སྣེ་ལེན་འབྲེལ་མཐུད་ཁང་ནས་བཀའ་ཕེབས་པ་གཞིར་བཟུང་གིས་འཁྱུག་ཙམ་ཞིག་ཡོང་རྒྱུ་བྱུང་།  དེར་བརྟེན།  གོང་དུ་བདེ་སྲུང་གི་འཛིན་སྐྱོང་དྲུང་ཆེ་དང་བདེ་སྲུང་བཀའ་བློན་མཆོག་གི་བཀའ་སློབ་ཐོག་ནས་ཚོགས་པའི་དམིགས་ཡུལ་དང་ལས་རིམ་རྣམ་གཞག་རོབ་ཙམ་ཞིག་མ་གཏོགས་ཞིབ་ཕྲ་ཅི་ཤེས་མ་བྱུང་བས།  དེ་རིང་དམིགས་བསལ་ཐུགས་ཕན་གསོས་པའི་གཏམ་བཤད་གང་ཡང་ཞུ་ཤེས་ཀྱི་མི་འདུག  རྩ་བའི་བཙན་བྱོལ་བོད་མིའི་བཅའ་ཁྲིམས་ཀྱི་དགོངས་དོན་གཞིར་བཟུང་རེད། ང་ཚོའི་སྒྲིག་འཛུགས་ཀྱི་རྩ་བའི་བྱེད་སྒོ་ལམ་སྟོན་ཟེར་བ་དེའི་ནང་གཙོ་བོ་བོད་ཀྱི་བདེན་མཐའ་གསལ་ཐབས་དང་། བཙན་བྱོལ་སྤྱི་ཚོགས་བདེ་ཐབས། དེ་བཞིན། བོད་ཀྱི་ཁོར་ཡུག་ཐོག་ཚང་མས་དོ་སྣང་དང་འགན་འཁུར་དགོས་པ་སོགས་དབུས་དང་ས་གནས་གང་ཡིན་ཡང་གལ་ཆེན་པོར་བརྩི་དགོས་པ་ཞིག་ཏུ་མཐོང་གི་ཡོད།  དེ་རིང་འཛིན་སྐྱོང་སྦྱོང་བརྡར་ལྟེ་གནས་ཁང་འདི་ལྟ་བུ་ཡིན་ནའང་། ཐོག་མའི་དམིགས་ཡུལ་གཞིར་བཟུང་ཚོགས་མི་རྣམས་དང་། ཚོགས་པ་དེབ་སྐྱེལ་བྱེད་སྟངས་སོགས་ལ་བལྟས་ཡོང་དུས། མ་འོངས་པར་ཕུགས་ལ་ཕན་ཐོགས་དང་ནུས་པ་ཡོད་པ་ཞིག་ཏུ་མཐོང་སོང་བས། ཕྱག་ལས་གནང་མཁན་དང་འགན་འཁུར་མཁན་ཚང་མས་ཕུགས་རྒྱང་རིང་པོའི་དགོངས་པ་བཞེས་ཡོད་པར་བསྔགས་བརྗོད་ཞུ་རྒྱུ་ཡིན། རྩ་བའི་འཛིན་སྐྱོང་སྦྱོང་བརྡར་ཁང་འདི་སྣེ་ལེན་ཁང་གི་ནང་ཆགས་བསྡད་ཡོད་པ་རེད།  ད་ལྟ་སྣེ་ལེན་ཁང་ལྟ་བུ་ཡིན་ན་བོད་ནས་གསར་དུ་ཕེབས་མཁན་ཡོད་པ་མ་རེད་དེ།  མ་འོངས་པར་ཕེབས་མཁན་ཡོད་སྲིད་པ་ཞིག་རེད། དེ་ཡིན་དུས།  སྣེ་ལེན་ཁང་གི་ས་ཁང་སོགས་རྒྱ་ཆེ་ཐག་ཆོད་ཡོད་པ་སོགས་བེད་སྤྱོད་གཏོང་ཐུབ་པ་ཡིན་ན།  ཕན་ཐོགས་ཆེན་པོ་ཡོད་པ་ཞིག་ཆགས་འདུག་བསམས་སོང་།  དེ་ནས་འཛིན་སྐྱོང་སྦྱོང་བརྡར་ཁང་འདི་བརྒྱུད་གཙོ་བོ།  ང་ཚོའི་འཛིན་སྐྱོང་གི་ལས་ཀའི་རྣམ་གཞག་སྟེ་ཞིབ་ཕྲ་ཞུས་པ་ཡིན་ན། ཆོས་དང་རིག་གཞུང་། དཔལ་འབྱོར།  འཕྲོད་བསྟེན།  བོད་དོན་ཁྱབ་བསྒྲཊ  བཙན་བྱོལ་བོད་མིའི་ཤེས་ཡོན་སོགས་ཀྱི་ཐོག་སྦྱོང་བརྡར་ཡག་པོ་ཞིག་སྤྲད་གནང་སྟེ།  དེ་བཙན་བྱོལ་སྤྱི་ཚོགས་ནང་ཁྱབ་པ་ཙམ་མ་ཟད། འཛམ་གླིང་ནང་ལོགས་ཀྱི་དོ་སྣང་ཅན་ཚང་མར་ཁྱབ་ཐུབ་པ་ཡིན་ན།  ཏན་ཏན་སྒེར་དང་སྤྱི་ཕན་གཉིས་ཀྱི་ལས་དོན་ཞིག་ཆགས་ཀྱི་ཡོད།   ཅེས་གསུངས་སོང་།

མཇུག་ཏུ་སྲིད་སྐྱོང་བློ་བཟང་སེང་གེ་མཆོག་གིས།  ཁང་པ་གསར་རྒྱག་ལེགས་པར་གྲུབ་སྟེ་ཚོགས་ཁང་གསར་པ་དང་འཛིན་ཁང་གསར་པ། ཉལ་ཁང་བཅས་ཚང་མ་ཡག་ཐག་ཆོད་ཡོད་པས། མ་འོངས་པར་ལས་ཁུངས་ཁག་དང་སྨན་རྩིས་ཁང་གཙོས་ནོར་བུ་གླིང་ག བོད་ཁྱིམ་དང་སམ་བྷོ་ཊ་སོགས་ནས་ཟབ་སྦྱོང་རིགས་ག་འདྲ་ཞིག་གནང་དགོས་བྱུང་ཚེ། དང་པོ་དེ་སྣེ་ལེན་ཁང་གི་འཛིན་སྐྱོང་སྦྱོང་བརྡར་ཁང་ལ་ཕེབས་རོགས་ཞེས་ཞུ་རྒྱུ་གཙོ་བོ་དེ་ཡིན།  ཞེས་དང་།  གཞི་རྩའི་ཁོང་གིས་སྲིད་སྐྱོང་བྱས་ཏེ་སྲིད་བསྐྱངས་ནས་འགྲོ་ཡི་ཡོད་ཀྱང་།  གངས་སྐྱིད་ཀྱི་བོད་ཁང་ཆེན་མོ་གཙོས་ལས་ཤག་དང་། ལས་ཁུངས་ཁག  དེ་བཞིན། སྣེ་ལེན་ཁང་གི་འཛིན་སྐྱོང་སྦྱོང་བརྡར་ཁང་སོགས་མང་པོར་ལྟ་དགོས་ཡོད་དུས། མཚསམས་མཚམས་ཨར་པོ་ཡང་སྐྱོང་དགོས་པ་ཆགས་ཀྱི་ཡོད་སྐོར་དང་།  ཉམས་མྱོང་ཐོག་ནས་བལྟས་ཡོང་དུས་དྷ་རམ་ས་ལའི་ཆར་བ་ནི་ལྕགས་ཡིན་ཡང་འགོག་ཐབས་མེད་པ་ཞིག་ཏུ་གྱུར་ཡོད་ནའང་། ད་རེས་ཚོགས་ཁང་དེའི་ཐོག་ཏུ་ཆར་བ་འགོག་ཐབས་སུ་དམིགས་བསལ་ཤིང་ལེབ་བརྟིངས་ཡོད་པ་མ་ཟད།  ཟབ་སྦྱོང་སྤྲོད་མཁན་དང་མཉམ་ཞུགས་གནང་མཁན་བཅས་ལ་ཉལ་ཁང་སོགས་ཀྱི་མཐུན་རྐྱེན་ཡགཐག་ཆོད་ཡོད་པ་དང་། དེ་སྔ་དང་མི་འདྲ་བར་ཚོགས་པ་དེབ་སྐྱེལ་བྱས་ཏེ་དངུལ་ཡང་ལེན་ཆོག་པ་བཟོས་ཡོད་སྐོར་སོགས་གསུངས་སོང་།

གསར་འགོད་པས་འཛིན་སྐྱོང་སྦྱོང་བརྡར་ཁང་གི་དྲུང་ཆེ་དཔལ་ལྡན་དོན་གྲུབ་ལགས་སུ་ཚོགས་ཁང་ཉམས་གསོ་དང་གསར་རྒྱག་ཆེད་འགྲོ་གྲོན་ག་ཚོད་ཅིག་ཕྱིན་ཡོད་པ་དང་། འཛིན་སྐྱོང་སྦྱོང་བརྡར་ཁང་དེར་གཞུང་འབྲེལ་མིན་པའི་ཚོགས་སྡེ་ཁག་ནས་ཟབ་སྦྱོང་སྤྲོད་ཆོག་གི་ཡོད་མེད་དྲིས་པར་ཁོང་གིས། ཚོགས་ཁང་གསར་པ་དང་སྡོད་ཁང་ ༡༨ བཟོ་བཅོས་ཆེད་ཧིན་སྒོར་འབུམ་ ༡༢༠ ལྷག་ཅིག་ཕྱིན་ཡོད་པ་དང་། ད་ལྟའི་ཆར་འཛིན་སྐྱོང་སྦྱོང་བརྡར་ཁང་དུ་གཞུང་འབྲེལ་རང་གི་ཟབ་སྦྱོང་སྤྲོད་ཀྱི་ཡོད། འོན་ཀྱང་། མ་འོངས་པར་རིག་གནས་ཀྱི་ཁྱབ་ཁོངས་དང་འབྲེལ་ཏེ་བོད་ཀྱི་སྨན་རྩིས་ཁང་གཙོས་ཟློས་གར་ཚོགས་པ་དང་། དཔེ་མཛོད་ཁང་། ནོར་གླིང་། བོད་ཁྱིམ་སོགས་ཀྱིས་བཀའ་ཤག་གི་སར་ནས་བཀའ་འཁྲོལ་ཞུས་རྗེས་ཟབ་སྦྱོང་སྤྲོད་ཆོག་གི་ཡོད་སྐོར་བརྗོད་བྱུང་།

གསར་འགོད་པ།  སྐལ་བཟང་སྦྱིན་པ།

འབྲེལ་ཡོད་གསར་འགྱུར།

རྔ་བ་རྫོང་ཨ་འདུས་དགོན་པ། པར་འབྲེལ་ཡོད་ནས་འདི་གར་མཁོ་སྤྲོད་གནང་།
Mobile App

༧སྐུའི་གོ་སྟོན་གྱི་ཚབ་མཚོན་དབུ་ཞྭ་ཁྱབ་བསྒྲགས་བྱས་རྐྱེན་དགེ་འདུན་པ་ཞིག་འཛིན་བཟུང་བྱས།

ཆུ་ཚོད་ ༡༡ སྔོན་ལ།
On 27 July 2025, His Holiness the 14th Dalai Lama met Czech President Petr Pavel at Shewatsel Phodrang in Leh, Ladakh. Photo Credit: Office of the Dalai Lama
༸གོང་ས་མཆོག གསར་འགྱུར།

ཅེཀ་སྲིད་འཛིན་གྱིས་༧གོང་ས་མཆོག་ལ་མཇལ་ཁ་ཞུས་པར་སྐྱོན་བརྗོད་བྱས་འདུག

ཆུ་ཚོད་ ༡༢ སྔོན་ལ།
དྲ་ལམ་གྱི་པར།
Mobile App

ཧྲའོ་ལིན་དགོན་པའི་མཁན་པོ་ཁྲིམས་ལ་སྦྱར།

ཆུ་ཚོད་ ༡༢ སྔོན་ལ།
Front Slider

༧རྒྱལ་དབང་སྐུ་ཕྲེང་རྒྱུན་མཐུད་ཕེབས་ངེས་ཡིན་པའི་ཐུགས་དགོངས་དང་དེའི་གལ་གནད་སྐོར་ལ་གླེང་མོལ།

༢༠༢༥/༠༧/༢༦
Mobile App

དྷ་ས་ཁུལ་གྱི་ཁང་རྙིང་དག་ལ་ཀ་བ་ཡོད་མེད་སོགས་ཞིབ་འཇུག་གནང་གལ་ཆེ་སྐོར་བརྗོད་སོང་།

༢༠༢༥/༠༧/༢༥
༧གོང་ས་མཆོག་ནས་ཟངས་དཀར་དུ་ལམ་གཙོ་རྣམ་གསུམ་གྱི་བཀའ་ཆོས་སྩལ།༢༠༢༥།༠༧།༢༥ དུས་བབ་ཀྱི་པར།
༸གོང་ས་མཆོག གསར་འགྱུར།

བོད་ནང་དུས་ལོག་བྱུང་སྐབས་ཐོས་བསམ་སྒོམ་གསུམ་ཡ་མ་བྲལ་བ་བྱས་པར་ཧ་ཅང་ཕན་ཐོགས་བྱུང་ཞེས་གསུངས།

༢༠༢༥/༠༧/༢༥

མཆན། 1

  1. ཤར་མདའ། says:
    ལོ་ 7 སྔོན།

    ཁང་སྟོངས་མང་གི་ཡ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese