རྒྱ་ནག་གཞུང་གིས་བོད་རང་སྐྱོང་ལྗོངས་ཟེར་བའི་ལྷོ་བྲག་རྫོང་ཁོངས་སུ་དམག་སྦྱོང་ས་ཚུགས་གསར་པ་ཞིག་རྒྱག་བཞིན་ཡོད་འདུག
དེ་རིང་འདི་ག་བོད་ཀྱི་དུས་བབ་གསར་ཁང་ལ་བོད་ནས་གནས་ཚུལ་འབྱོར་བ་ལྟར་ན། བོད་རང་སྐྱོང་ལྗོངས་ལྷོ་བྲག་རྫོང་གྲོ་བ་གྲོང་བརྡལ་ནས་སྤྱི་ལེ་གསུམ་ཡོད་པའི་སེང་ཆུའི་འགྲམ་དུ། ཟླ་འདིའི་ཚེས་༨ ཉིན་ནས་འགོ་འཛུགས་ཀྱིས་དམག་སྦྱོང་ལྟེ་གནས་ཤིག་གསར་དུ་རྒྱག་བཞིན་ཡོད་འདུག
ལས་གཞི་དེ་ནི་འདི་ལོའི་ཕྱི་ཟླ་ ༢ པའི་ནང་ནས་བཟུང་ལས་མགོ་འཛུགས་རྩིས་བྱས་ཡོད་ཀྱང་། ནད་ཡམས་ཀྱི་རྐྱེན་གྱིས་ད་ལྟ་བར་དུ་མགོ་འཛུགས་ཐུབ་མེད་པ་དང་། ས་གནས་བོད་མི་ཞིག་གིས་འདི་གའི་གསར་འགོད་པར་འགྲེལ་བརྗོད་བྱས་པ་ལྟར་ན། ས་གནས་དེ་ལྷོ་སེང་གེ་ཁ་འབབ་དམག་སྒར་དུ་འགྲོ་བའི་ལམ་ཀ་ཆགས་ཡོད་པས། དམག་སྦྱོང་ལྟེ་གནས་གསར་པ་དེས་སེང་གེ་ཁ་འབབ་ཀྱི་དམག་སྒར་ལ་རོགས་ཕན་ཆེན་པོ་ཡོང་རྒྱུ་ཡིན་པ་མ་ཟད། ཕྱི་ལོ་ ༢༠༢༢ ལོར་ས་གནས་དེར་དམག་སྒར་ཆེན་པོ་ཞིག་འཛུགས་པའི་འཆར་གཞི་ཡོད་འདུག
གཞན་ཡང་། ཟླ་འདིའི་ཚེས་ ༡༤ ཉིན་གྱི་ཞོགས་པར་རང་སྐྱོང་ལྗོངས་གོང་དཀར་གནམ་ཐང་ནས་་དམག་འཐབ་གནམ་གྲུ་བཞི་དང་དེ་མིན་དམག་མིའི་རླངས་འཁོར་ ༢༡ བཅས་ལྷོ་བྲག་དམག་སྦྱོང་ས་ཚུགས་ཨང་ ༣༢ པར་བསླེབས་ཡོད་འདུག་ལ། སེང་གེ་ཁ་འབབ་དམག་སྒར་གྱི་ཁོངས་སུ་དམག་སྦྱོང་ས་ཚུགས་དེ་འདྲ་ཧ་ཅང་མང་པོ་ཡོད་པ་དང་། ས་ཚུགས་དེ་ཚོ་དམིགས་གསལ་ཛ་དྲག་སྐབས་སུ་ས་གནས་གང་སར་དམག་བརྡ་རྒྱག་སའི་ལྟེ་བ་དེ་འདྲ་ཡིན་འདུག་ལ། ཟླ་རྗེས་མའི་ནང་དམག་མིའི་རླུང་འཁོར་༡༠༠ལྷག་ཅིག་ས་ཚུགས་དེར་གཏོང་བའི་འཆར་གཞིའང་ཡོད་འདུག
རྒྱ་གར་ལྷོ་ཕྱོགས་ཀྱི་གསར་འགོད་པ་དོན་འགྲུབ་བཀྲ་ཤིས།
ཅོ་ཚོ་ དཀོན་མཆོག་སྒྲིག་ག ? Good བོད་ཀྱི་ས་ཡོངས་རྫོགས་འདུས་རུབ་བྱེད་བཞིན་ཡོད། དུས་སང་རྒྱ་གར་སྐད་ངན་ཤོར་ནས་ རྒྱ་གར་མཁས་དབང་ཡིན་ཟེར་མཁན་ཁ་ཤས་ཞིག་གི་་་བོད་དོན་ལ་སེམས་འཁུར་ཡོད་འཁུལ་གྱི་ བོད་པ་ཀླད་སྟོང་གླེན་ལྐུག་ཚོ་་་ ལག་ཆ་བེད་སྤྱོད་བྱས་ནས་ བོད་རང་བཙན་ཙང་མ་ལེན་དགོས་རེད་དོག་དོག་ ཕུ་རྒྱག་གི་ཡོད། རྒྱ་གར་ཁོ་རང་ཚོ་་་ བོད་རྒྱ་ཁོངས་ཡིན་པ་མཁས་ལེན་དེ་ འགྱུར་བ་གཅིག་ཀྱང་གཏོང་གི་མེད། བུ་ཚོ་ཡག་པོ་བྱེད་ཉོན་ཨ། སྔ་མོ་ སོག་པོ་རྒྱལ་པོ་ ཀུབ་ལའི་་་ བོད་ཁྲི་སྐོར་བཅུ་གསུམ་བོད་ས་ཡོངས་རྫོགས་ ༧འགྲོ་མགོན་ཆོས་རྒྱལ་ལ་ཕུལ། ཡང་་་ སོག་པོ་ ཨལ་ཐན་གྱི་ ཤར་་་ དར་རྩེ་ མདོ་ནས་ ནུབ་ལ་དྭགས་བར་ བོད་ས་ཡོངས་རྫོགས་་་བོད་ཆོལ་ཁ་གསུམ་གཅིག་ཏུ་སྒྲིལ་ནས་ ༧གོང་ས་ལྔ་པ་ཆེན་པོ་ལ་ཕུལ། ད་ ཞི་ཅིན་ ཕིན་གྱི་དུས་ལ་བབ། བོད་ས་ ཧི་མ་ལ་ཡ་ཡོངས་རྫོགས་གཅིག་ཏུ་སྒྲིལ་ནས་ ༧གོས་ས་སྐུ་འཕྲེང་ ༡༤ པ་ ཆེན་མོ་མཆོག་ལ་ཕུལ་ཡ་ དུས་ལ་བབ། རྟེན་འབྲེལ་བཟང་ངོ། བོད་རིགས་སྤུན་ཟླ་ཚོ་སློབ་སྦྱོང་མཐར་ཕྱིན་པ་དང་ཐུན་སྒྲིལ་ཡག་པོ་གནང་འགལ་ཆེ། བཀྲ་ཤིས་བདེ་ལེགས། བླུན་པོ་ཆུ་སྣ་གར་ཕྲི་མེད་པར་ ཟབ་ཟབ་གནང་གོ།