པི་རི་ཡང་ཀས་སྤེལ་བ་སྐལ་ལྡན་གྱིས་ཕབ་སྒྱུར་བྱས།
རྒྱ་གར་ཤེས་ཡོན་བློན་ཆེན་སྐུ་ཞབས་རཱ་མེ་ཤ་པོ་ཀི་རལ་(Ramesh Pokhriyal)གྱིས། ཕྱི་ལོ་༢༠༢༠ལོའི་ཟླ་ ༡༢ ཚེས་༣༡ ཉིན་གྱི་དགོང་དྲོའི་ཆུ་ཚོད་ ༦ ཐོག་ཕྱི་ལོ་ ༢༠༢༡ ལོའི་རྒྱལ་ཡོངས་ (CBSE) འཛིན་རིམ་བཅུ་པ་དང་བཅིུས་གཉིས་ཀྱི་ཡིག་རྒྱུགས་ཆེན་མོའི་དུས་ཚེས་གཏན་འབེབས་གསལ་བསྒྲགས་གནང་རྒྱུ་རེད་འདུག
གསལ་བསྒྲགས་དེ་བཞིན་ཤེས་ཡོན་བློན་ཆེན་མཆོག་གིས་རང་ཉིད་ཀྱི་ཊུ་ཝི་ཊར་ (Twitter Account) ཁ་བྱང་བརྒྱུད་སྤེལ་གནང་ཡོད་པ་དང་། གསལ་བསྒྲགས་གྲུབ་མཚམས་མི་རིང་བར་ཡིག་རྒྱུགས་ནང་འཛུལ་ཞུགས་སློབ་མ་རྣམས་དང་ཕ་མ་ཚོས་དབུས་འབྲིང་རིམ་ཤེས་ཡོན་ལྷན་ཚོགས་ཀྱི་དྲ་ཚིགས་ (cbse.nic.in) ཐོག་གཟིགས་ན་སློབ་ཚན་སོ་སོའི་དུས་ཚེས་ཤེས་རྟོགས་ཐུབ་ངེས་ཡིན།
སྤྱིར་དབུས་འབྲིང་རིམ་ཤེས་ཡོན་ལྷན་ཚོགས་ཀྱིས་རྒྱལ་ཡོངས་འཛིན་རིམ་བཅུ་པ་དང་བཅིུས་གཉིས་ཀྱི་ཡིག་རྒྱུགས་ལོ་རེའི་ཟླ་ ༡༡ ནང་གསལ་བསྒྲགས་བྱས་ཏེ། རྗེས་ལོའི་ཕྱི་ཟླ་ ༢ དང་ཕྱི་ཟླ་ ༣ ནང་ལེགས་གྲུབ་ཟིན་པ་བྱེད་ཀྱི་ཡོད་ཀྱང་། འདི་ལོ་ཏོག་དབྱིབས་གཉན་རིམས་ཀྱི་གོད་ཆག་ཁྲོད་དུས་ཐོག་སྟངས་འཛིན་བྱེད་ཐུབ་མེད་པ་རེད།
ཉིན་ཤས་སྔོན་བློན་ཆེན་མཆོག་གིས་རྒྱལ་ཡོངས་ཡིག་རྒྱུགས་དེ་བཞིན་ཕྱི་ལོ་ ༢༠༢༡ ལོའི་ཟླ་ ༢ པར་CBSE Board Exam 2021 would not be conducted till February 2021གོ་སྒྲིག་བྱེད་ཐབས་མེད་པ་དང་། གནས་སྟངས་ལ་གཞིགས་ཏེ་རྒྱུགས་དུས་གསལ་བསྒྲགས་བྱེད་རྒྱུ་ཡིན་ཞེས་གསུངས་ཡོད།
ཤེས་ཡོན་བློན་ཆེན་དང་དབུས་འབྲིང་རིམ་ཤེས་ཡོན་ལྷན་ཚོགས་གཉིས་ཀས། ཕྱི་ལོ་ ༢༠༢༡ ལོའི་རྒྱལ་ཡོངས་ཡིག་རྒྱུགས་གཏོང་ཕྱོགས་ནི། ཤོག་བུ་དང་སྨྱུ་གུ་ལྷན་དུ་ (offline) སྔར་རྒྱུན་ལྟར་གོ་སྒྲིག་བྱ་རྒྱུ་ཡིན་པ་ལས། དྲ་ཐོག་ནས་གཏོང་རྒྱུ་མིན་པ་སྔ་ས་ནས་གསལ་བསྒྲགས་བྱས་ཟིན་པ་ཞིག་རེད།
ཏོག་དབྱིབས་གཉན་རིམས་ཁྱབ་བརྡལ་མི་ཡོང་བའི་ཆེད་སློབ་གྲྭ་ཡོངས་རྫོགས་ཕྱི་ཟླ་ ༣ ནང་སྒོ་བརྒྱབ་ཡོད་པ་དང་། མངའ་སྡེ་འགའ་ཞིག་ཏུ་ཕྱི་ཟླ་ ༡༠ ཚེས་ ༡༥ ནས་བཟུང་འཛིན་གྲྭའི་ཆ་ཤས་ཙམ་སྒོ་ཕྱེ་ཡོད་ཀྱང་། མངའ་སྡེ་འགར་གཉན་རིམས་ཁྱབ་ཚད་མཐོ་བས་སློབ་གྲྭ་སྒོ་ཕྱེ་ཐུབ་མེད་པ་མ་ཟད། དངོས་གཞིའི་ཡིག་རྒྱུགས་ཀྱང་གཏོང་མ་ཐུབ་པར་ཨང་ཐོབ་གདམ་ཀ་གཞན་བརྒྱུད་ནས་འཛིན་རིམ་སྤོར་གཅོག་བྱེད་དགོས་པ་བྱུང་ཡོད།
ཤེས་ཡོན་བློན་ཆེན་གྱིས་ཕྱི་ཟླ་ ༡༢ ཚེས་ ༡༠ ཉིན་སློབ་ཕྲུག་དང་། ཕྱི་ཟླ་ ༡༢ ཚེས་ ༢༢ ཉིན་དགེ་རྒན་ལྷན་དུ་དྲ་ལམ་བརྒྱུད་རྒྱལ་ཡོངས་ཡིག་རྒྱུགས་དང་འབྲེལ་བའི་གནད་དོན་མང་པོའི་ཐོག་དྲི་བ་དྲི་ལན་གྱི་ལམ་ནས་དོགས་སེལ་གནང་ཡོད་པ་རེད། སློབ་ཕྲུག་གི་ཕ་མ་མང་པོས་རྒྱལ་ཡོངས་ཡིག་རྒྱུགས་ཟླ་ཤས་རིང་ཕྱི་བཤོལ་དགོས་པའི་རེ་འདུན་དང་སྙན་ཞུ་ཡང་ཕུལ་ཡོད་འདུག
