ཁཱལ་མུག་སྤྱི་མཐུན་རྒྱལ་ཁབ་ཀྱི་ཤེས་རིག་བློན་ཆེན་མཆོག་ནས་བཟང་སྤྱོད་སྐོར་གྱི་བསླབ་གཞི་ལག་བསྟར་གནང་རྒྱུ་ཞལ་བཞེས་གནང་།

ཁཱལ་མུག་སྤྱི་མཐུན་རྒྱལ་ཁབ་ཀྱི་ཤེས་རིག་བློན་ཆེན་མཆོག་ནས་༧གོང་ས་མཆོག་གི་དགོངས་བཞེད་ལྟར་ཆོས་ལུགས་ལ་མ་བརྟེན་པའི་བཟང་སྤྱོད་སྐོར་གྱི་བསླབ་གཞི་(See learning)ལག་བསྟར་གནང་རྒྱུ་ཞལ་བཞེས་གནང་ཡོད་འདུག

Honorary Representative Telo Tulku Rinpoche presenting a book “Beyond Religion” to the Minister of Culture, Mr Erdne Barinov.(Image:tibet.net)

རུ་སོག་སྐུ་ཚབ་དོན་གཅོད་ཏེ་ལོ་རིན་པོ་ཆེས་ཁྰལ་མུག་སྤྱི་མཐུན་རྒྱལ་ཁབ་ཀྱི་ཤེས་རིག་བློན་ཆེན་སྐུ་ཞབས་ཨེར་ཌིན་བྷི་ནོབ་ ( Erdne Brinove )མཆོག་དང་མཇལ་འཕྲད་གནང་སྟེ། ༧གོང་ས་རྒྱལ་བ་རིན་པོ་ཆེ་མཆོག་གི་དགོངས་བཞེད་བཞིན་ཨེ་མོ་རི་གཙུག་ལག་སློབ་གཉེར་ཁང་གིས་བསྒྲིགས་པའི་སྤྱི་ཚོགས་དང་ཚོར་ཤེས། བཟང་སྤྱོད་སྐོར་གྱི་བསླབ་གཞི་( see learning )ངོ་སྤྲོད་གནང་ཡོད་པ་དང་། ཁྰལ་མུག་ཤེས་རིག་བློན་ཆེན་སྐུ་ཞབས་ཨེར་ཌིན་བྷི་ནོབ་མཆོག་ནས་ལག་བསྟར་ཞལ་བཞེས་གནང་ཡོད་འདུག་ལ། བསླབ་གཞི་དེ་ཇི་ལྟར་ལག་བསྟར་གནང་མིན་ཐད་ཆེད་མཁས་མི་སྣ་དང་། དགེ་རྒན་རྣམས་ལ་མཉམ་རུབ་ཀྱི་ཚོགས་འདུ་བསྐོང་འཆར་ཡོད་འདུག

༸གོང་ས་མཆོག་གི་སེམས་ཀྱི་སློབ་གསོའི་དགོངས་བཞེད་ཀྱི་ཆ་ཤས་སུ་གྱུར་བའི་སྤྱི་ཚོགས་དང་ཚོར་ཤེས། བཟང་སྤྱོད་བཅས་ཀྱི་ཤེས་ཡོན་བསླབ་གཞི་དེ་ད་ལྟའི་ཆར་རྒྱལ་ཁབ་མང་པོའི་ནང་ལག་བསྟར་བྱེད་མུས་ཡིན་པ་ལྟར། ད་ཐེངས་རུ་སོག་ཏུ་བསླབ་གཞི་དེ་ལག་བསྟར་གནང་ཐུབ་ཚེ། སྐུ་ཚབ་དོན་གཅོད་ཏེ་ལོ་རིན་པོ་ཆེ་མཆོག་ནས་རོགས་འདེགས་གནང་དང་། ཟབ་སྦྱོང་དང་། བགྲོ་གླེང་སོགས་གོ་སྒྲིག་ཞུ་འཆར་ཡོད་འདུག

དེ་འབྲེལ་གནས་ཚུལ་ཐད་སྐུ་ཚབ་དོན་གཅོད་ཏེ་ལོ་རིན་པོ་མཆོག་གིས། ད་ལྟ་ཨུ་རུ་སུའི་སྐད་ཡིག་ཏུ་ཕབ་སྒྲུར་བྱེད་མུས་ཡིན་པའི་བསླབ་གཞི་དེ་ཆེས་མཐའ་མའི་ཕྱོགས་སྒྲིག་གི་རིམ་པར་ཐོན་ཡོད་པ་དང་། གང་མགྱོགས་པར་འགྲེམས་བྱས་ནས་ཨུ་རུ་སུ་རྒྱལ་ཡོངས་ལ་ངོ་སྤྲོད་གནང་རྒྱུ་ཡིན་སྐོར་གསུངས་འདུག

The Meeting was joined by Gen Yonten, Administrator of Buddhist Monastery & Ms. Antonina Kokueva, President of Friends of Tibet.(Image:tibet.net)

ཆོས་ལུགས་ལ་མ་བརྟེན་པར་འགྲོ་བ་མི་ཚང་མ་གཅིག་འགྱུར་གྱི་འདུ་ཤེས་བཟུང་བའི་བསླབ་གཞི་དེ་ནི། ༧གོང་ས་སྐྱབས་མགོན་ཆེན་པོ་མཆོག་གིས་འགྲོ་བ་མིའི་རིགས་ཀྱི་སེམས་ཁམས་སློབ་གསོའི་ཆ་ཤས་སུ་གཏོགས་པ་དང་། དེ་ནི་ང་ཚོའི་སེམས་ཁམས་གསོ་བྱེད་ཀྱི་མན་ངག་དང་། བྱམས་བརྩེ་དང་གཞན་ཕན་གྱི་བསམ་པ་གཞི་ལ་བཞག་ནས་འཇིག་རྟེན་ཡུན་གནས་ཡོང་བའི་ཐབས་ལམ་ཞིག་ཡིན་པ་གསུངས་ཡོད་པ་རེད།

ཨུ་རུ་སུའི་སྐད་ཡིག་ནང་ཕབ་སྒྱུར་བྱས་པའི་སྤྱི་ཚོགས་དང་། སེམས་མྱོང་། བཟང་སྤྱོད་བཅས་ཀྱི་ཤེས་ཡོན་བསླབ་གཞི་དེ། རུ་སོག་སྐུ་ཚབ་དོན་ཁང་གིས་ལྟ་ཞིབ་གནང་སྟེ། མོ་སི་ཁོ་ནང་རྟེན་གཞི་བྱས་པའི་བོད་སྐྱོབ་དགེ་རྩ་ཚོགས་པས་ (Save Tibet Foundation) ཕབ་སྒྱུར་བྱེད་མུས་ཡིན་རེད།

དཔལ་ལྡན།