འདི་ལོའི་འཛིན་རིམ་བཅུ་གཉིས་པའི་རྒྱལ་ཡོངས་ཡིག་རྒྱུགས་ཁྲོད་དགའ་ལྡན་ཕོ་བྲང་གི་གཟེངས་རྟགས་ཐོབ་མཁན་སློབ་མ་བཅུའི་ནང་མོན་གྷོ་སཾ་བྷོ་ཊ་སློབ་གྲྭ་ནས་སློབ་མ་གཅིག་མ་གཏོགས་གཞན་སློབ་ཕྲུག་དགུ་དེ་མ་སུ་རི་བོད་ཕྲུག་ཁྱིམ་སྡེ་ནས་ཡིན་འདུག
First row from left: Tenzin Konchok Desel, Tenzin Lacksang, Dekyi Yangzom, Tenzin Gyaltsen, Tenzin Choezin. Second row: Tenzin Paldon, Tenzin Choenzin, Tenzin Tsekyi, Tenzin Paldon, Tenzin Dorjee
དེ་རིང་བོད་མིའི་སྒྲིག་འཛུགས་ཀྱི་གཞུང་འབྲེལ་དྲ་བའི་སྟེང་གནས་ཚུལ་སྤེལ་བ་ལྟར་ན། ལོ་འཆར་ཅན་བཞིན་འདི་ལོའི་དགའ་ལྡན་ཕོ་བྲང་གི་སློབ་ཕྲུག་གཟེངས་རྟགས་དེ་འཛིན་རིམ་ ༡༢ གྱི་རྒྱ་གར་རྒྱལ་ཡོངས་ཡིག་རྒྱུགས་ཁྲོད་ཚན་རིག་དང་། ཚོང་རིག སྒྱུ་རྩལ་སྡེ་ཚན་གསུམ་གྱི་སློབ་མ་རྩེད་ཕུད་བཅུ་ལ་བྱ་དགའ་སྤྲོད་གཏན་འཁེལ་ཡོད་འདུག
འདི་ལོའི་དགའ་ལྡན་ཕོ་བྲང་གི་སློབ་ཕྲུག་གཟེངས་རྟགས་ཁྲོད། ཚན་རིག་སྡེ་ཚན་ནས་ཨང་དང་པོ་གཉིས་བྱུང་བ་དེ་མ་སུ་རི་བོད་ཁྱིམ་གྱི་བསྟན་འཛིན་དཀོན་མཆོག་བདེ་གསལ་དང་། བསྟན་འཛིན་ལེགས་བཟང་ཡིན་པ་དང་། ཨང་རིམ་གཉིས་པ་མོན་གྷོ་སཾ་བྷོ་ཊ་སློབ་གྲྭའི་བསྟན་འཛིན་ཆོས་འཛིན་དང་། ཨང་གསུམ་པ་དེ་མ་སུ་རི་བོད་ཁྱིམ་གྱི་བསྟན་འཛིན་དཔལ་སྒྲོན་བཅས་ཡིན་འདུག དེ་བཞིན་ཚོང་རིག་སྡེ་ཚན་ནས་ཨང་རིམ་གཞིར་བཟུང་མ་སུ་རི་བོད་ཁྱིམ་གྱི་བསྟན་འཛིན་རྒྱལ་མཚན་དང་བསྟན་འཛིན་ཚེ་སྐྱིད། བསྟན་འཛིན་རྡོ་རྗེ་བཅས་ཡིན་པ་དང་། སྒྱུ་རྩལ་སྡེ་ཚན་ནང་མ་སུ་རི་བོད་ཁྱིམ་གྱི་བདེ་སྐྱིད་དབྱངས་འཛོམས་དང་། བསྟན་འཛིན་དཔལ་སྒྲོན། བསྟན་འཛིན་ཆོས་འཛིན་བཅས་ཡིན་འདུག
དགའ་ལྡན་ཕོ་བྲང་གི་སློབ་ཕྲུག་གཟེངས་རྟགས་འདི་བཞིན་ཕྱི་ལོ་ ༢༠༠༢ ལོར་ཤེས་རིང་ལས་ཁུངས་ནས་བོད་གཞུང་དགའ་ལྡན་ཕོ་བྲང་དབུས་བརྙེས་ནས་ངོ་ལོ་ ༣༦༠ འཁོར་བའི་དུས་ཆེན་སྲུང་གཙི་དང་བསྟུན། ༸གོང་ས་༸སྐྱབས་མགོན་ཆེན་པོ་མཆོག་སྐུ་ཕྲེང་རིམ་བྱོན་གྱིས་དབུ་འཁྲིད་པའི་བོད་གཞུང་དགའ་ལྡན་ཕོ་བྲང་གི་བཀའ་དྲིན་རྗེས་དྲན་དང་། བོད་ཕྲུག་ཡོངས་ཀྱི་ཤེས་ཡོན་གནས་ཚད་གོང་མཐོར་གཏོང་རྒྱུའི་སེམས་ཤུགས་སྤར་རྒྱུ་དང་མིག་དཔེ་བཟང་པོ་སྟོན་རྒྱུར་དམིགས་ཏེ་གསར་འཛུགས་བྱས་པ་ཞིག་ཡིན་ཞིང་། ཐོག་མའི་རྒྱ་གར་རྒྱལ་ཡོངས་འཛིན་རིམ་ ༡༢ ཀྱི་ཡིག་རྒྱུགས་ཆེན་མོའི་ནང་ཚན་རིག་དང་། ཚོང་རིག སྒྱུ་རྩལ་བཅས་སློབ་ཚན་སོ་སོའི་ནང་རྒྱུགས་འབྲས་རྩེ་ཕུད་སོན་མཁན་གྱི་སློབ་མ་གཅིག་རེར་གཟེངས་བསྟོད་ཕྱག་འཁྱེར་དང་མ་དངུལ་གནང་གི་ཡོད་ནའང་། བཀའ་ཤག་སྐབས་ ༡༤ པའི་ངོས་ནས་མཐོ་རིམ་སློབ་གྲྭའི་སློབ་ཡོན་སྤར་གནང་བ་དང་འབྲེལ། དགའ་ལྡན་ཕོ་བྲང་གཟེངས་རྟགས་དེའང་སློབ་ཚན་སྡེ་ཁག་གསུམ་གྱི་སློབ་མ་རྩེ་ཕུད་གསུམ་རེ་བྱས་ཏེ་སློབ་ཕྲུག ༩ ལ་སྤར་ཆ་གནང་བ་དང་དངུལ་གྱི་བྱ་དགའ་ཡང་སྒོར་ ༥༠༠༠ ནས་སྤར་ཆ་གནང་ནས་ཨང་དང་པོར་སྒོར་ ༢༠༠༠༠ དང་ཨང་རིམ་གཉིས་པར་སྒོར་ ༡༥༠༠༠། ཨང་རིམ་གསུམ་པར་ ༡༠༠༠༠ གནང་གི་ཡོད་པ་རེད།
གསར་འགོད་པ། པ་སངས་ཚེ་རིང་།
བསྟན་འཛིན 8 དཀོན་མཆོག 1 བདེ་སྐྱིད 1 བཅས་འདུག།