རྒྱ་ནག་ནང་ཆུ་ལོག་གི་དཀའ་ངལ་ཤུགས་ཆེན་འཕྲད་ཀྱི་འདུག

རྒྱ་ནག་བྱང་ཕྱོགས་ཀྱི་ཧྲན་ཞི་ཞིང་ཆེན་ཁུལ་དུ་ཆུ་ལོག་བྱུང་སྟེ་མི་རྒྱུ་གཉིས་ལ་གནོད་འཚེ་ཆེན་པོ་ཐེབས་ཡོད་པ་རེད་འདུགཟླ་འདིའི་ཟླ་མགོ་ནས་བཟུང་རྒྱ་ནག་བྱང་ཕྱོགས་སུ་ཆར་པ་ཤུགས་ཆེན་བབ་པའི་རྐྱེན་གྱིས་ཆུ་མཛོད་གས་ཐོར་དང་ཆུ་ལོག་རྒྱུག་རྒྱུའི་ཉེན་ཁ་ཡོང་བའི་སྔོན་བརྡ་ཐེངས་ལྔ་ལྷག་བཏང་ཡོད་པ་ལྟར། ཁ་སང་རྒྱ་ནག་བྱང་ཕྱོགས་ཀྱི་ཧྲན་ཞི་ཞིང་ཆེན་ཁུལ་དུ་ཆར་ཤུགས་ཆེན་པོ་བབས་པའི་རྐྱེན་གྱིས། ཆུ་ལོག་ཤུགས་ཆེན་རྒྱུགས་ནས་མི་འབོར་ས་ཡ་ ༡། ༧༦ ལྷག་གི་འཚོ་གནས་ལ་གནོད་སྐྱོན་ཚབས་ཆེན་ཐོབ་ཡོད་པ་དང། ཁུལ་དེར་ཆུ་ལོག་གི་རྐྱེན་པས་ཉུང་མཐར་མི་གྲངས་ ༣༠༠ ལྷག་འདས་གྲོངས་སུ་ཕྱིན་པ་ཡོད་པ་དང་།  མི་ཁག་ཅིག་ལ་རྨས་སྐྱོན་ཐེབས་འདུག དེ་བཞིན་མི་གྲངས་འབུམ་ ༢ ལྷག་ཆུ་ལོག་གི་ཛ་དྲག་གནས་སྟངས་འོག་ས་གནས་གཞན་ལ་གནས་སྤོས་བྱེད་དགོས་བྱུང་ཡོད་འདུག་ལ། ཁང་ཁྱིམ་གྲངས་ ༡༧༠༠༠༠ ལྷག་བརྡིབས་སྐྱོན་བྱུང་ཡོད་པ་དང་། དེ་བཞིན་ས་ཁྱོན་ཧེག་ཊར་( Hectare ) ༡༩༩༠༠༠༠ གྱི་རྒྱ་ཁྱོན་ཡོད་པའི་ཞིང་ཁའི་སྟོན་ཐོག་ལ་གོད་ཆག་བྱུང་ཡོད་པ་རེད།

རྒྱ་ནག་གཞུང་འབྲེལ་གྱི་ཛ་དྲག་མྱུར་སྐྱོབ་ལྷན་ཚོགས་ཀྱིས། ཆུ་ལོག་གི་གནོད་འཚེ་བྱུང་བའི་ས་ཁུལ་དུ་ཟུར་འཇོག་སྡོར་གུར་ ༤༠༠༠ ལྷག་གོ་སྒྲིག་བྱས་ཡོད་པ་དང་། ཆུ་ལོག་གི་གནོད་འཚེ་ཐེབས་པའི་མི་དམངས་རྣམས་ལ་ལྟེབ་རྩེག་ཡོད་པའི་མལ་ཁྲི་ ༣༢༠༠ ལྷག་དང་། དེ་བཞིན་བལ་གྱིས་བཟོས་པའི་གྱོན་གོས་དང་མལ་ཆས་སོགས་གྲ་སྒྲིག་བྱས་ཡོད་པ་དང་། ཆར་པ་ཤུགས་ཆེན་བབས་པའི་རྐྱེན་གྱིས་བདུན་ཕྲག་སྔ་མའི་རེས་གཟའ་ཕུར་བུ་ནས་ཁང་པའི་ལས་བཟོ་བ་ ༡༠༠༠ ལྷག་ཕྱིར་ཕུད་བྱས་ཡོད་པ་དང་། ཡུལ་སྐོར་སྤྲོ་འཆམ་པའི་ལྟེ་གནས་ཁང་ ༡༦༠ ལྷག་སྒོ་བརྒྱབ་ཡོད་པའི་དྲིལ་བསྒྲགས་བྱས་ཡོད་པ་རེད།

ཆར་ཞོད་ཤུགས་ཆེན་བབས་པའི་དབང་གིས་རྒྱ་ནག་གི་ཧྲན་ཞི་ཞིང་ཆེན་གྱི་ཁུལ་གྱི་ས་གནས་མང་པོ་ཞིག་ལ་གོད་ཆག་ཚབས་ཆེན་ཞིག་ཐེབས་ཡོད་པ་ལྟར། རྒྱ་ནག་གཞུང་གིས་མེས་པོའི་གནའ་ཤུལ་དུ་ངོས་འཛིན་བྱས་པའི་གནའ་བོའི་གྲོང་སྡེ་པིངྒ་ཡོ་རྩིབས་པ ( ancient city wall of pinygyao )  དང་། གཞན་ཡང་ཧྲན་ཞི་ཁུལ་གྱི་མི་དམངས་ཚོས་ཡབ་མེས་ཀྱི་ཤུལ་བཞག་ཏུ་ངོས་འཛོན་བྱེད་པའི་ཇིན་མཆོད་རྟེན་( jin temple ) སོགས་ལ་གནོད་འཚེ་ཐེབས་ཡོད་པ་རེད་འདུག

ཧྲན་ཞི་ཞིང་ཆེན་ནི་རྒྱ་ནག་གི་བྱང་ཕྱོགས་སུ་ཆགས་ཤིང་། ཁུལ་དེ་ནི་རྒྱ་ནག་གིས་རྡོ་སོར་བཟོ་སྐྲུན་བྱེད་སའི་བསྟི་གནས་ཡིན་ཞིང་། རྒྱ་ནག་ནང་དུ་སྐད་གྲགས་ཡོད་པའི་མིང་དང་ཆིང་རྒྱལ་རབས་ནས་ད་ལྟ་བར་དུ་གནས་པའི་གནའ་བོའི་གྲོང་སྡེ་པིངྒ་ཡོ་རྩིབས་པ ( ancient city wall of pinygyao ) དང་ཇིན་མཆོད་རྟེན་( jin temple ) སོགས་ཡོད་པ་དང་། ཁུལ་དེར་ཡུལ་སྐོར་བ་དང་མི་མང་འདུ་འཛི་ཆེ་བའི་ས་ཁུལ་ཞིག་ཡིན་པ་རེད་འདུག

དཔལ་ལྡན།