དེ་རིང་སྐབས་བཅུ་བདུན་པའི་གྲོས་ཚོགས་ཚོགས་དུས་གསུམ་པའི་ལས་ཉིན་གཉིས་པའི་ཉིན་རྒྱབ་ཚོགས་ཐུན་སྟེང་རྩིས་ལོ་ ༢༠༢༢ ནས་ ༢༠༢༣ ལོའི་སྤྱི་ཡོངས་སྔོན་རྩིས་ཐོག་བགྲོ་གླེང་གནང་སྐབས། སྤྱི་འཐུས་ཁག་ཅིག་གིས་འཛིན་སྐྱོང་བཀའ་ཤག་ངོས་ནས་རིང་མིན་ཕྱི་དྲིལ་ལས་ཁུངས་ཀྱི་ཁྱབ་ཁོངས་སུ་ཡོད་པའི་སྣར་ཐང་དཔར་ཁང་སྒོ་བརྒྱབ་རྒྱུའི་ཐག་གཅོད་དེར་བློ་འཚབ་ཡོད་སྐོར་གྱི་བསམ་ཚུལ་བཏོན་པར། དཔལ་འབྱོར་བཀའ་བློན་མཆོག་ནས་ཁྲིམས་སྒྲིག་གི་ཐོག་ནས་སྣར་ཐང་དཔར་ཁང་ལྟ་བུའི་སྡེ་ཚན་རིགས་མཁོ་བསྡུ་བྱ་རྒྱུར་གྲོས་ཚོགས་ལ་གོ་བསྡུར་བྱ་དགོས་ཀྱི་མེད་ནའང་། གལ་ཏེ་སྤྱི་ལྷན་གྱིས་སྤྱི་མོས་སམ་མང་མོས་ཐོག་ནས་སྣར་ཐར་དཔར་ཁང་མུ་མཐུད་སྒོ་འབྱེད་དགོས་པའི་བཀའ་བཏང་ཚེ་འཛིན་སྐྱོང་ངོས་ནས་དེ་བཞིན་གནང་རྒྱུ་ཡིན་སྐོར་གསུངས་སོང་།
དེ་ཡང་ཁ་སང་ཕྱི་ཚེས་ ༢༡ ཉིན་དཔལ་འབྱོར་བཀའ་བློན་སྤེན་པ་ཚེ་རིང་མཆོག་ནས་གྲོས་ཚོགས་ལ་རྩིས་ལོ་ ༢༠༢༢ ནས་ ༢༠༢༣ ལོའི་སྔོན་རྩིས་གཏམ་བཤད་སྙན་སྒྲོན་ཞུས་པའི་སྐབས་སྔོན་རྩིས་རྒྱབ་གཉེར་ཞུ་ཕྱོགས་ཐད་ཀྱི་དོན་ཚན་ ༧།༣ ནང་། ད་ལྟའི་ཆར་ཕྱི་དྲིལ་ཁྱབ་ཁོངས་སྣར་ཐང་དཔར་ཁང་གི་འགྲོ་གྲོན་དང་གྲུབ་འབྲས་གོ་མ་མཚུངས་པས། ཕྱི་དྲིལ་སྣར་ཐང་དཔར་ཁང་རིང་མིན་སྒོ་བརྒྱབ་རྒྱུ་ཡིན་པས་ལས་ཁུངས་ཁག་གི་སྔོན་རྩིས་འཆར་འབུལ་དུ་ཡིག་ཆ་དཔར་གྲོན་ལ་སྤར་ཆ་ཇི་འོས་རྒྱབ་གཉེར་ཞུས་ཡོད། ཅེས་འཁོད་པའི་ཐད། དེ་རིང་བོད་མི་མང་སྤྱི་འཐུས་སྨོན་ལམ་མཐར་ཕྱིན་ལགས་དང་། སྤྱི་འཐུས་གསེར་རྟ་ཚུལ་ཁྲིམས་ལགས། སྤྱི་འཐུས་གོ་བོ་བློ་བཟང་ཕན་བདེ་ལགས། སྤྱི་འཐུས་ཀ་བྲག་དངོས་གྲུབ་བསོད་ནམས་ལགས། སྤྱི་འཐུས་ཐུབ་བསྟན་རྒྱལ་མཚན་ལགས་སོགས་སྤྱི་འཐུས་ཁག་ཅིག་གིས་སྣར་ཐང་དཔར་ཁང་གི་ལོ་རྒྱུས་དང་ཆབ་སྲིད་རང་བཞིན་གྱི་གལ་གནད་ཐད་གླེང་སློང་དང་འབྲེལ། སྣར་ཐང་དཔར་ཁང་རྒྱུན་གནས་དགོས་པའི་དགོངས་ཚུལ་གསུངས་སོང་།
དེའི་ཐད་དཔལ་འབྱོར་བཀའ་བློན་མཆོག་གིས་གསལ་བཤད་ལན་འདེབས་གནང་བའི་ནང་། བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་(སྣར་ཐང་དཔར་ཁང་གི་)ལོ་རྒྱུས་ཀྱི་གནས་བབ་དེ་གལ་ཆེན་པོ་རེད། དེ་སྒོ་བརྒྱབ་ན་རྩ་བ་ཉིད་ནས་འགྲིག་གི་མ་རེད་ཟེར་ནས་ཐག་གཅོད་ཅིག་བྱུང་བ་ཡིན་ན། དེ་གཞིར་བཟུང་བྱས་ནས་འགྲོ་རྒྱུ་རེད། འཛིན་སྐྱོང་བཀའ་ཤག་གིས་ཨུ་ཚུགས་གང་ཡང་རྒྱག་གི་མིན། འོན་ཀྱང་འཛིན་སྐྱོང་བཀའ་ཤག་གིས་བསམ་བློ་མ་བཏང་བ་དེ་འདྲ་རྩ་བ་ནས་མ་རེད། ལོ་རྒྱུས་གནས་བབ་དང་དངོས་ཡོད་གནས་སྟངས་ཐད་བསམ་བློ་བཏང་བ་ཡིན། ལོ་རྒྱུས་ཀྱི་གནས་བབ་ཀྱི་ཐོག་ནས་བོད་ནང་གི་སྣར་ཐང་དང་སྡེ་དགེ་དཔར་ཁང་དེ་ཚོ་གལ་ཆེན་པོ་ཆགས་ཡོད་པ་རེད། དེ་ཚོའི་སྲོལ་རྒྱུན་གྱི་རྒྱུན་ལྟ་བུ་ང་ཚོས་འཛིན་ཐུབ་པ་ལྟ་བུ་ཡིན་ན། ང་ཚོས་ཤིང་བརྐོས་བརྒྱབ་ནས་དཔེ་ཆ་པར་སྐྲུན་བྱ་རྒྱུའི་ཡིག་ཆ་ཆ་ཚང་ཞིག་དགོས་ཀྱི་ཡོད་རེད་དེ། ད་ལྟ་སྣར་ཐང་དཔར་ཁང་གིས་སྔོན་མ་བོད་ནང་ལས་ཀ་བྱས་པ་ནང་བཞིན་གནང་གི་ཡོད་པ་མ་རེད། དེང་སང་པར་བརྒྱབ་རྒྱུ་ཆ་ཚང་ཞིག་དེང་དུས་འཕྲུལ་ཆས་ཀྱིས་པར་བརྒྱབ་པ་བཞིན་བྱེད་ཀྱི་ཡོད་པ་རེད། མིང་དེ་སྣར་ཐང་དཔར་ཁང་ཞེས་ཡོད་པ་རེད། མིང་དེ་ཡོད་པའི་རྒྱུ་མཚན་ལ་བརྟེན་ནས་ཉར་དགོས་ཀྱི་རེད་གསུང་གི་ཡོད་ན། དེ་བཀུར་འོས་སྤྱི་འཐུས་གཅིག་གཉིས་ཀྱི་བསམ་ཚུལ་མིན་པར། གྲོས་ཚོགས་ཁྱོན་ཡོངས་ནས་མང་མོས་དང་སྤྱི་མོས་ཀྱི་ཐག་གཅོད་བྱུང་བ་ཡིན་ན། དེ་གཞིར་བཟུང་འགྲོ་རྒྱུ་ཡིན། འཛིན་སྐྱོང་གི་སྒྲིག་གཞི་ནང་སྡེ་ཚན་འདིའི་རིགས་སྒོ་བརྒྱབ་མ་བརྒྱབ་འདི་བོད་མི་མང་སྤྱི་འཐུས་ལྷན་ཚོགས་ལ་གོ་བསྡུར་ཞུ་དགོས་ཀྱི་མེད་ལ། སྤྱི་འཐུས་རྒྱུན་ལས་ལའང་གོ་བསྡུར་ཞུ་དགོས་ཀྱི་མེད་པ་རེད། ཅེས་གསུངས་སོང་།
ཡང་དཔལ་འབྱོར་བཀའ་བློན་མཆོག་གིས། ཐོག་མའི་ཆར་འཛིན་སྐྱོང་ངོས་ནས་སྣར་ཐང་དཔར་ཁང་དེ་མུ་མཐུད་གནས་ཐབས་ཐད་བསམ་བློ་བཏང་སྟེ། ད་ལྟ་སྣར་ཐང་དཔར་ཁང་དེ་ཉིད་ཕྱི་དྲིལ་ལས་ཁུངས་ཀྱི་འོག་ཐོག་ཏུ་ཡོད་པ་དེ་སྣེ་ལེན་ཁང་གི་ཕྱོགས་སུ་གནས་སྤོ་ཐུབ་ཆེད་ས་ཆར་ལྟ་ཞིབ་བྱེད་ཞོར། ཕྱི་དྲིལ་ལས་ཁུངས་ལ་སྣར་ཐང་དཔར་ཁང་གིས་ལོ་ལྟར་པར་ཇི་ཙམ་རྒྱག་གི་ཡོད་མེད་དང་། འགྲོ་སོང་ཇི་ཙམ་ཡིན་མིན་ཐད་ཞིབ་འཇུག་བྱེད་དུ་བཅུག་ཡོད་པ་དང་། ཕྱོགས་གཞན་ནས་གངས་ཅན་སྐྱིད་གཤོངས་ནང་ཞ་ཚན་མང་དྲགས་པའི་རྐྱེན་གྱིས་ཚོན་མདོག་ཅན་གྱི་པར་སྐྲུན་རིགས་ལེགས་པོ་ཡོང་གི་མེད་པར་བརྟེན་སྣེ་ལེན་ཁང་ལ་སྤོ་འཆར་བྱས་ཡོད་ནའང་། ཕྱི་དྲིལ་ལས་ཁུངས་ཀྱི་ཞིབ་འཇུག་ནང་སྣར་ཐང་དཔར་ཁང་གི་འདས་པའི་ལོ་ ༤ ཡི་གནས་སྟངས་སྐོར་ནས། རྩིས་ལོ་ ༢༠༡༧ ནས་ ༢༠༡༧ ལོའི་ནང་སྣར་ཐང་དཔར་ཁང་ནས་རིན་འབབ་ཧིན་སྒོར་ ༡༨,༠༨,༨༧༥ ཡི་པར་སྐྲུན་བྱས་ཡོད་པ་དང་། ལས་བྱེད་ཀྱི་གླ་ཕོགས་སོགས་འགྲོ་སོང་ཁྱོན་བསྡོམས་ཧིན་སྒོར་ ༦༡,༦༧,༡༥༩ ཕྱིན་ཡོད་ཅིང་། ལོ་དེར་དངུལ་གྱི་གྱོང་གུད་དེ་ ༤༣,༥༨,༢༨༤ བྱུང་ཡོད་སྐོར་དང་། དེ་བཞིན་ཕྱི་ལོ་ ༢༠༡༨ ནས་ ༢༠༡༩ བར་པར་སྐྲུན་རིན་འབབ་ཧིན་སྒོར་ ༢༦,༡༠,༧༥༠ བྱང་ཡོད་ཀྱང་འགྲོ་སོང་ ༥༩,༠༢,༢༥༧ ལྷག་ཕྱིན་ཡོད་སྟབས། ལོ་དེར་གྱོང་གུད་འབུམ་ ༣༢,༩༡,༥༠༧ ཕྱིན་ཡོད་པ། རྩིས་ལོ་ ༢༠༡༩ ནས་ ༢༠༢༠ བར་པར་སྐྲུན་རིན་འབབ་ ༣༠,༤༢,༡༠༠ དང་འགྲོ་སོང་ཧིན་སྒོར་ ༥༢,༤༨,༧༢༤ བཅས་གྱོད་གུད་ཧིན་སྒོར་ ༢༢,༠༦,༦༢༤ བྱུང་ཡོད་པ་དང་། ཕྱི་ལོ་ ༢༠༢༠ ནས་ ༢༠༢༡ བར་རིན་འབབ་ཧིན་སྒོར་ ༢༠,༢༢,༨༨༠ ཡི་པར་སྐྲུན་བྱས་ཡོད་པ་དང་། ཁྱོན་འགྲོ་སོང་ཧིན་སྒོར་ ༥༤,༧༥,༢༢༢ བཅས་ལོ་དེར་ཁྱོན་གྱོང་གུད་ཧིན་སྒོར་ ༣༤,༥༢,༣༤༢ བྱུང་ཡོད་སྐོར་གསུངས་སོང་ལ། སྣར་ཐང་དཔར་ཁང་གི་གྱོད་གུད་མ་ཚོར་བའི་རྒྱུ་མཚན་གཙོ་བོ་ནི། དཔར་ཁང་དེའི་ལས་བྱེད་ ༨ ཀྱི་གླ་ཕོགས་རྣམས་ཁུངས་གཞན་གྱིས་མཁོ་སྤྲོད་བྱེད་ཀྱི་ཡོད་སྐོར་དང་། ལས་བྱེད་ ༨ དེ་དག་གི་ལས་དོན་གཙོ་བོ་ནི་པར་སྐྲུན་གྱི་ཕྱོགས་ལ་ཡིན་པ་ལས། འཕྲུལ་ཆས་སྒྲིག་སྟངས་སོགས་ཀྱི་ཐད་ལ་རྒྱ་གར་བ་ཞིག་ཆེད་དུ་གླ་དགོས་སྐོར་དང་། སྤྱི་ལྷན་གྱིས་སྣར་ཐང་དཔར་ཁང་གི་གནས་སྟངས་ཤེས་པའི་ཐོག་ནས་དཔར་ཁང་ལ་གྱོང་གུད་ཇི་ཡོད་ལ་མ་ལྟོས་པར་མུ་མཐུད་གནས་དགོས་པའི་ཐག་གཅོད་བྱུང་ཚེ། འཛིན་སྐྱོང་ངོས་ནས་དེ་གཞིར་བཟུང་རྒྱུན་སྐྱོང་བྱ་རྒྱུ་ཡིན་སྐོར་གསལ་བཤད་གནང་སོང་།
དེ་བཞིན་དེ་རིང་གི་ཉིན་རྒྱབ་ཚོ
གསར་འགོད་པ། པ་སངས་ཚེ་རིང་དང་དཔལ་ལྡན།
![Ren Quanniu said the Henan Provincial Justice Department revoked his licence over comments he made in court in a 2018 case [File: Leo Ramirez/ AFP]](https://tibettimes.net/wp-content/uploads/2025/07/Untitled-2-360x180.jpg)
According to reporters, Narthang printing press runs on deficit over years. The deficit does not match the purpose of Narthang press and Narthang is merely a title given to the press House. If that is the case, Sikyong is absolutely right to close down and save deficit and money can be used for other meaningful purpose.