གངས་ལྗོངས་དཔལ་འབྱོར་ཞབས་ཞུ་ཁང་གི་ཁེ་ཉེན་གྱི་གནས་སྟངས་ཇི་ཆགས་སྐོར་གྱི་ཞིབ་འཇུག་སྙན་ཐོ་གྲུབ་སྟེ། འཚོག་ལ་ཉེ་བའི་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བཞི་བའི་སྟེང་སྙན་གསེང་ཞུ་གཏན་འཁེལ་ཡོད་འདུག
ཁ་སང་ཕྱི་ཚེས་ ༥ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་དྲ་རྒྱའི་སྟེང་སྤེལ་བའི་གནས་ཚུལ་ལྟར་ན། བོད་མི་མང་སྤྱི་འཐུས་སྐབས་ ༡༧ པའི་གྲོས་ཚོགས་ཚོགས་དུས་གསུམ་པའི་གྲོས་ཆོད་ཨང་ ༢༠༢༢།༡༧།༣།༢༦ དང་། ཡིག་ཆ་ཨང་ ༢༦ པའི་དགོངས་དོན་གཞིར་བཟུང་། གངས་ལྗོངས་དཔལ་འབྱོར་ཞབས་ཞུ་ཁང་གི་ཁེ་ཉེན་གྱི་གནས་སྟངས་ཇི་ཆགས་སྐོར་ལ་རྟོག་ཞིབ་ཆེད། དཔལ་ལྡན་ཚོགས་གཙོ་སྦྲེལ་པོ་མཆོག་གིས་ཞིབ་འཇུག་ཚོགས་ཆུང་ཞིག་བསྐོ་འཛུགས་གནང་ཡོད་པའི་མི་འགྲོར། སྤྱི་འཐུས་ཟླ་བ་ཕུན་སྐྱིད་མཆོག་དང་། སྤྱི་འཐུས་གསེར་རྟ་ཚུལ་ཁྲིམས་མཆོག སྤྱི་འཐུས་དཀོན་མཆོག་ཡང་འཕེལ་མཆོག སྤྱི་འཐུས་ཀརྨ་དགེ་ལེགས་མཆོག དཔལ་འབྱོར་རིག་པའི་མཁས་དབང་སྐུ་ཞབས་རཱ་ཧུལ་ཇོ་ཤི་ (Rahul Joshi, Financial Expert) མཆོག་བཅས་བསྐོ་གཞག་གནང་ཡོད་པ་ལྟར། ཚོགས་ཆུང་དེས་ཕྱི་ལོ་ ༢༠༢༢ ཟླ་ ༦ ཚེས་ ༢ ཉིན་ནས་དབུ་འཛུགས་ཀྱིས་ད་བར་གངས་ལྗོངས་དཔལ་འབྱོར་ཞབས་ཞུ་ཁང་གི་ཁེ་ཉེན་གྱི་གནས་སྟངས་ཇི་ཆགས་ཐོག་ཞིབ་འཇུག་གནང་སྟེ། ཁ་སང་ཕྱི་ཚེས་ ༥ དེ་རིང་ཚོགས་ཆུང་དེས་ཞིབ་འཇུག་གི་ལས་དོན་ཡོངས་རྫོགས་གྲུབ་རྗེས། ཉིན་གུང་ཚོགས་ཆུང་གི་ཚོགས་གཙོ་སྤྱི་འཐུས་ཟླ་བ་ཕུན་སྐྱིད་མཆོག་དང་། དྲུང་ཆེ་སྤྱི་འཐུས་གསེར་རྟ་ཚུལ་ཁྲིམས་མཆོག ཚོགས་མི་སྤྱི་འཐུས་དཀོན་མཆོག་ཡང་འཕེལ་མཆོག ཚོགས་མི་སྤྱི་འཐུས་ཀརྨ་དགེ་ལེགས་མཆོག་བཅས་ཀྱིས་ཚོགས་གཙོའི་ལས་ཁུངས་སུ་དཔལ་ལྡན་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་དང་། ཚོགས་གཞོན་སྒྲོལ་མ་ཚེ་རིང་མཆོག་རྣམ་གཉིས་མཇལ་འཕྲད་ཀྱིས་ད་བར་གྱི་ལས་དོན་ཇི་བྱས་སྐོར་སྙན་སེང་ཞུས་ཡོད་པ་དང་། དེ་བཞིན་ཚོགས་ཆུང་གི་སྙན་ཐོ་དང་། དཔལ་འབྱོར་རིག་པའི་མཁས་དབང་སྐུ་ཞབས་རཱ་ཧུལ་ཇོ་ཤི་མཆོག་གིས་ཞིབ་འཇུག་གནང་བའི་སྙན་ཐོ། འབྲེལ་ཡོད་མི་སྣར་བཅའ་འདྲི་ཞུས་པའི་ཚིག་ཐོ་ཁག་བཅས་ཡིག་སྣོད་ཁྱོན་ ༡༩ ལྡན་པའི་ཞིབ་འཇུག་སྙན་ཐོ་ཞིག་ཚོགས་གཙོ་སྦྲེལ་པོར་ཕུལ་གནང་ཡོད་པ་མ་ཟད། སྙན་ཐོ་གྲོས་ཚོགས་ཚོགས་དུས་ ༤ པའི་ཐོག་སྙན་སེང་ཞུ་གཏན་འཁེལ་ཡོད་འདུག
གངས་ལྗོངས་དཔལ་འབྱོར་ཞབས་ཞུ་ཁང་དེ་ཐོག་མར་ཕྱི་ལོ་ ༢༠༡༥ ལོར་བཙན་བྱོལ་བོད་མིའི་སྤྱི་ཚོ
དེ་ཡང་འདི་ལོའི་ཕྱི་ཟླ་ ༣ ཚེས་ ༣༡ ཉིན་བོད་མི་མང་སྤྱི་འཐུས་ལྷན་ཚོ
གསར་འགོད་པ། སྐལ་བཟང་སྦྱིན་པ།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
དབུས་བོད་མིའི་སྒྲིག་འཛུགས་ཀྱི་ལས་དོན་ཁག་ལ་བོད་ཀྱི་ཡུལ་མི་ལས་གཞན་པའི་ཕྱི་་མི་ལ་འགན་བསྐུར་རྒྱུ་དེ་དབུས་བོད་མིའི་སྒྲིགའཛུགས་ཀྱི་གསང་བ་ག་ཚོད་ཉར་ཐུབ་ཀྱི་ཡོད་འཐེ་འཚོམ་ཆེན་པོའི་འོག་ཏུ་ལྷག་འདུག་ན་ཕྱི་མི་ཞིབ་འཇུག་ཚོགས་ཆུང་ནང་བསྐོ་རྒྱུ་དེ་བཙན་བྱོལ་བོད་མིའི་བཅའ་ཁྲིམས་དང་འཛིན་སྐྱོང་གི་སྒྲིག་གཞི་སོགས་ཁྲིམས་སྒྲིག་གང་གི་འོག་འགན་བསྐུར་བ་ཡིན་ཁྱབ་ཆེ་བའི་མི་མང་ལ་གསལ་པོ་བཟོ་དགོས་པ་དེ་མང་གཙོ་དང་ཁྲིམས་ཀྱི་དབང་བསྒྱུར་ཟེར་བའི་གོ་དོན་ངོ་མ་དེ་མ་རེད་དམ་?