དཔལ་འབྱོར་བཀའ་བློན་སྤེན་པ་ཚེ་རིང་མཆོག་ནས་གངས་ལྗོངས་དཔལ་འབྱོར་ཞབས་ཞུ་ཁང་དེ་མ་འོོངས་པར་རང་སྐྱོང་ལྡན་པའི་ཁེ་གཉེར་ཁང་ཞིག་ཏུ་བསྒྱུར་དགོས་པའི་བཟོ་བཅོས་གྲོས་འཆར་མང་མོས་ཐོག་ནས་གཏན་འབེབས་གནང་སོང་།
དེ་རིང་ཕྱི་ཚེས་ ༡༦ ཉིན་གྲོས་ཚོགས་ཀྱི་ལས་ཉིན་ ༨ སྟེང་བོད་མི་མང་སྤྱི་འཐུས་ལྷན་ཚོགས་ནས། གངས་ལྗོངས་དཔལ་འབྱོར་ཞབས་ཞུ་ཁང་དང་འབྲེལ་བའི་གཞུང་འབྲེལ་གྲོས་ཆོད་གྲོས་འཆར་ཞིག་དང་འཛིན་སྐྱོང་བཀའ་ཤག་གིས་བཟོ་བཅོས་གྲོས་འཆར་ཞིག་འཁྱེར་ཡོད་པའི་ཐད། གྲོས་ཚོགས་ནང་མང་མོས་འོས་བསྡུ་བྱེད་སྐབས། བཀའ་ཤག་གི་བཟོ་བཅོས་གྲོས་འཆར་ལ་ངོས་ལེན་བྱེད་མཁན་སྤྱི་འཐུས་གྲངས་ ༢༠ དང་སྤྱི་ལྷན་གྱི་གྲོས་ཆོད་གྲོས་འཆར་ལ་རྒྱབ་སྐྱོར་བྱེད་མཁན་སྤྱི་འཐུས་གྲངས་ ༡༣ བཅས་ཆགས་ཏེ། སྤྱི་ལྷན་གྱི་གྲོས་ཆོད་དེ་མར་བསགས་སོང་ལ། དེ་རྗེས་བཀའ་ཤག་གི་བཟོ་བཅོས་གྲོས་འཆར་ལ་སྤྱི་འཐུས་ ༩ ཡིས་དགག་བྱ་བཏོན་པ་དང་སྤྱི་འཐུས་ ༡༦ གིས་ངོས་ལེན་བྱས་པར་བརྟེན། བཀའ་ཤག་གི་བཟོ་བཅོས་གྲོས་འཆར་དེ་མང་མོས་ཐོག་ནས་གཏན་འབེབས་གནང་སོང་།
གྲོས་ཆོད་གྲོས་འཆར་དེའི་སྔོན་གླེང་དུ། བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཁྱབ་ཁོངས་དངུལ་ཁང་ལྟ་བུའི་གངས་ལྗོངས་དཔལ་འབྱོར་ཞབས་ཞུ་ཁང་གི་གནས་སྟངས་ཐད། སྐབས་ ༡༧ པའི་གྲོས་ཚོགས་ཚོགས་དུས་ ༢ པ་དང་ཚོགས་དུས་ ༣ སྔོན་རྩིས་གྲོས་ཚོགས་བཅས་ཀྱི་སྐབས་བགྲོ་གླེང་ལན་འདེབས་གསལ་བཤད་བྱུང་བ་གཞིར་བཟུང་། གངས་ལྗོངས་དཔལ་འབྱོར་ཞབས་ཞུ་ཁང་གི་ཁེ་ཉེན་གནས་སྟངས་ཇི་ཆགས་རྟོག་ཞིབ་སླད། སྐབས་ ༡༧ པའི་གྲོས་ཚོགས་ཚོགས་དུས་་༣ པའི་ཐོག་གྲོས་ཆོད་ཡིག་ཆ་ཨང་ ༢༦ པའི་དགོངས་དོན་བཞིན་ཚོགས་ཆུང་གི་སྙན་ཐོ་སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༤ བའི་ཐོག་སྙན་སྒྲོན་གནང་བར་བགྲོ་གླེང་དང་འཛིན་སྐྱོང་ནས་ལན་འདེབས་གསལ་བཤད་གནང་བའི་ཐོག་གྲོས་ཆོད་ཅིག་འཇོག་དགོས་སུ་མཐོང་། ཞེས་བཀོད་འདུག
སྤྱི་ལྷན་གྱི་གྲོས་ཆོད་དེའི་ནང་། གཅིག གོང་གསལ་གངས་ལྗོངས་དཔལ་འབྱོར་ཞབས་ཞུ་ཁང་གི་ཁེ་ཉེན་གནས་སྟངས་ཇི་ཆགས་རྟོག་ཞིབ་ཚོགས་ཆུང་གི་ངོས་ནས་ལས་དོན་ཞིབ་ཚགས་ཀྱིས་འཁུར་བསྐྱེད་གང་ལེགས་གནང་འདུག་པར་ལེགས་སོའི་བསྔགས་བརྗོད་ཞུ་རྒྱུ།
གཉིས། ཚོགས་ཆུང་གི་གྲུབ་དོན་སྙན་ཐོའི་ནང་མཐའ་བསྡོམས་རྒྱབ་གཉེར་ནང་གསལ་ཁག་གཞི་རྩར་བཟུང་ནས་འཛིན་སྐྱོང་གིས་གངས་ལྗོངས་དཔལ་འབྱོར་ཞབས་ཞུ་ཁང་མུ་མཐུད་གནས་རྒྱུར་ཉེན་ཁ་ལ་གདོང་ལེན་བགྱིས་ཏེ་སྐྱོབ་ཐུབ་པའི་ཐབས་ལམ་བསྟེན་དགོས་རྒྱུ་དང་། གངས་ལྗོངས་དཔལ་འབྱོར་ཞབས་ཞུ་ཁང་གི་འཛིན་སྐྱོང་གནང་ཕྱོགས་ཀྱང་གནས་སྟངས་ལ་བལྟས་ནས་ད་མུས་ཇི་བཞིན་ནམ། རང་སྐྱོང་གི་ངོ་བོར་སྒྱུར་རྒྱུ། གཞན་ཇི་འགབ་བཀའ་ཤག་ནས་ཐག་གཅོད་གནང་རྒྱུ། གལ་ཏེ་མུ་མཐུད་གནས་ཐབས་མེད་པའི་ཟློག་མེད་གནས་སྟངས་གྱུར་ཚེ་དེ་ལུགས་གྲོས་ཚོགས་སུ་སྙན་སེང་གིས་ཐག་གཅོད་ཡོང་ཐབས་རྒྱུ་ཞེས་བཀོད་འདུག (གྲོས་ཆོད་འདི་མར་བསགས་ཡོད)
བཀའ་ཤག་གིས་བཟོ་བཅོས་གྲོས་འཆར་སྙན་སྒྲོན་ཞུས་སྐབས། སྐབས་ ༡༧ པའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་འདུ་འགྲོ་ལུགས་དང་ལས་དོན་བྱེད་ཕྱོགས་ཀྱི་སྒྲིག་གཞིའི་དོན་ཚན་ ༥༠ བའི་ཆ་རྐྱེན་འོག སྐབས་ ༡༧ པའི་སྤྱི་ལྷན་གྱི་གྲོས་ཚོགས་ཚོགས་དུས་ ༤ བའི་ཡིག་ཆ་ཨང་ ༤༣ པར་བཟོ་བཅོས་གྲོས་འཆར་འདོན་འབོད་ཞུ་རྒྱུ།
གངས་ལྗོངས་དཔལ་འབྱོར་ཞབས་ཞུ་ཁང་དེ་ཉིད་རང་སྐྱོང་ལྡན་པའི་ཁེ་གཉེར་ཁང་མིང་དོན་མཚུངས་པ་ཞིག་ཏུ་བསྒྱུར་ཐབས་སུ། ཚོགས་གཙོ་སྤྲེལ་པོས་བསྐོ་འཛུགས་བྱས་པའི་སྤྱི་འཐུས་གསུམ་དང་འཛིན་སྐྱོང་གིས་བསྐོ་འདོན་བྱས་པའི་མི་འགྲོ་གཉིས་བཅས་ལས་གྲུབ་པའི་ཚོགས་ཆུང་ཞིག་བཙུགས་ཏེ། གངས་ལྗོངས་དཔལ་འབྱོར་ཞབས་ཞུ་ཁང་གི་ཚོགས་མི་དེབ་སྐྱེལ་མིང་བསྒྱུར་དང་། འཛུགས་ཡུལ་ས་གནས། འགན་འཛིན་ལྷན་ཚོགས་ཀྱི་གྲུབ་ཆ་དང་དེ་དག་ཡོང་སྟངས། འགན་འཁུར་ཞུ་ཡུལ་དང་ལས་དོན་བྱེད་ཕྱོགས། འཛིན་སྐྱོང་སྒྲོམ་གཞི། ལས་བྱེད་པ་འདེམས་སྒྲུག་བསྐོ་གཞག་དང་དེ་དག་གི་ཕོགས་དང་ཐོབ་ཐང་། མ་འཛུགས་དང་ལས་དོན་མཇུག་སྐྱོང་ལག་བསྟར་འཆར་གཞི་བཅས་ཀྱི་འགྲོ་ལུགས་བཟོ་དགོས་འཆར་འབུལ་བྱས་པའི་ཚོགས་ཆུང་གི་སྙན་ཐོ་གྲོས་ཚོགས་ཚོགས་དུས་ ༥ བར་འབུལ་དགོས། ཞེས་བཀོད་འདུག
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
