ཧོང་ཀོང་ནང་གནས་སྡོད་ཨ་རིའི་མི་སེར་རང་ལོ་ ༧༨ ཅན་གྱི་སྐྱེས་པ་ཞི
རྒྱལ་སྤྱིའི་གསར་ལམ་ཁག་ཏུ་གནས་
རྒྱ་ནག་གཞུང་གིས་ཇོན་གྱིས་གསང་ཉུལ་བྱས་པའི་ནག་ཉེས་ར་འཕྲོད་བྱུང་ཡོད་སྐོར་ཙམ་ལས་ཁ་གསལ་གང་ཡང་བཤད་མེད་པའི་ཁར། གསང་བའི་ཁྲིམས་ར་བསྡུས་ཏེ་ཐག་གཅོད་བྱས་ཡོད་སྟབས། ཁོང་གི་ནང་མི་སོགས་ནས་ཇོན་ལ་ནག་ཉེས་གང་ཡང་མེད་སྐོར་དང་
ད་ལྟའི་ཆར་ཨ་རིའི་སྲིད་འཛིན་རྗོ་བྷའེ་ཌིན་མཆོག་གིས་ཉི་ཧོང་ནང་གཞུང་འབྲེལ་སྐོར་སྐྱོད་གནང་བཞིན་ཡོད་པ་མ་ཟད། ཟླ་འདིའི་ཕྱི་ཚེས་ ༡༨ ཉིན་ཉི་ཧོང་གི་སྲིད་བློན་ཧྥོ་མེའོ་ཁེ་སི་ཌ་(Fumio Kishida)མཆོག་དང་མཇལ་འཕྲད་གནང་སྟེ། ཡུལ་གཉིས་ཀྱི་ཚོང་འབྲེལ་ཡར་རྒྱས་གཏོང་ཕྱོགས་གཙོས། ཞི་བདེ་རྒྱ་མཚོའི་ཁུལ་དང་ཉེ་འདབས་རྒྱལ་ཁབ་ཁག་གི་བདེ་འཇགས་ཐད་ཨ་རིའི་རྒྱབ་སྐྱོར་ཤུགས་ཆེ་རུ་གཏོང་ཕྱོགས་ཐད་གྲོས་མོལ་གནང་འཆར་ཡོད་པ་མ་ཟད། དཔལ་འབྱོར་སོགས་ཀྱི་ཐད་ནས་ཀྱང་རོགས་སྐྱོར་སྔར་ལྷག་གནང་འཆར་ཡོད་འདུག དེ་ནི་རྒྱ་ནག་གཞུང་གི་ཞི་བདེ་རྒྱ་མཚོའི་ཁུལ་གྱི་དབང་ཤུགས་རྒྱ་སྐྱེད་ཀྱི་སྲིད་ཇུས་ལ་ཁ་གཏད་དུ་གྱུར་ཡོད་སྟབས། དུས་སྐབས་འདི་འདྲ་ཞིག་ལ་རྒྱ་ནག་གཞུང་གིས་ཨ་རིའི་མི་སེར་ཞིག་ལ་ཚེ་བཙོན་གྱི་ཁྲིམས་ཐག་བཅད་པ་ནི་མེ་འབར་སྒང་ལ་ཤིང་ལྕག་ལྟ་བུ་ཞིག་ཏུ་གྱུར་ཡོད་པ་རེད།
མ་གཞི་འདི་ལོའི་ཟླ་ ༢ ཚེས་ ༥ ནས་ ༦ བར་ཉིན་གྲངས་གཉིས་རིང་ཨ་རིའི་ཕྱི་འབྲེལ་བློན་ཆེན་ཨེན་ཊོ་ནི་བྷི་ལིན་ཀན་མཆོག་རྒྱ་ནག་ནང་ཕེབས་གཏན་འཁེལ་ཡོད་ཀྱང་། ཟླ་དེའི་ཕྱི་ཚེས་ ༢ ཉིན་ཨ་རིའི་རྒྱལ་སྲུང་ལྷན་ཁང་གིས་ཨ་རིའི་མཁའ་ཁུལ་དུ་མྱུལ་ཞིབ་ལྒང་ཕུག་ (surveillance balloon) ཅིག་འཕུར་སྐྱོད་བྱས་པའི་གནད་དོན་ལ་ཞིབ་འཇུག་བྱེད་བཞིན་ཡོད་པའི་གནས་ཚུལ་ཐོན་ཏེ་སྐོར་སྐྱོད་ཕྱིར་འཐེན་གནང་སྟེ་རྒྱལ་ཁབ་གཉིས་བར་གྱི་འབྲེལ་བ་སྔར་ལས་ཛ་དྲག་ཏུ་གྱུར་ཡོད་པའི་ཁར། ཕྱི་ཟླ་ ༤ ཚེས་ ༡༧ ཉིན། རྒྱ་མི་དམངས་གཙོ་དོན་གཉེར་བ་དང་སྐྱབས་བཅོལ་བ་རྣམས་ལ་སོ་ལྟ་བྱས་ཏེ་རྒྱ་ནག་གཞུང་ལ་གནས་ཚུལ་མཁོ་སྤྲོད་བཞིན་པའི་ཉེས་མིང་འོག ཨ་རིའི་ནེའུ་ཡོག་གྲོང་འཁྱེར་ནས་རྒྱ་ནག་གི་མི་སེར་ཡིན་པ་ཅཱིན་ཅིང་པིང་དང་ལུ་ཇིན་ཝང་ཟེར་བ་གཉིས་འཛིན་བཟུང་བྱས་ཡོད་པ་དང་། དེར་བསྟུན་ཕྱི་ཟླ་ ༤ ཚེས་ ༢༥ ཉིན་རྒྱ་གཞུང་གིས་ཀྱང་ཨ་རིའི་ཧ་ཝཊ་གཙུག་ལག་སློབ་ཁང་དང་ཉི་ཧོང་ནས་སློབ་མཐར་ཕྱིན་པ་གསར་འགོད་པ་རྒན་གྲས་དཱོང་ཡུ་ཡུ་ཟེར་བ་ཞིག་གིས་རྒྱ་ནག་གི་གསང་བ་ཕྱིར་བསྒྲགས་བྱེད་བཞིན་ཡོད་པའི་ཉེས་མིང་འོག་འཛིན་བཟུང་བྱས་ཡོད་པ་སོགས་རྒྱལ་ཁབ་གཉིས་ཀྱི་འབྲེལ་བ་ཧ་ཅང་ཛ་དྲག་ཏུ་གྱུར་དང་འགྱུར་བཞིན་ཡོད་པ་རེད།
འདི་ལོའི་ཕྱི་ཟླ་ ༤ ཚེས་ ༢༦ ཉིན་རྒྱ་ནག་རྒྱལ་ཡོངས་དམངས་འཐུས་ཚོགས་ཆེན་ཐེངས་གཉིས་པའི་ཐོག་ཀྲུང་ཧྭ་མི་མང་སྤྱི་མཐུན་རྒྱལ་ཁབ་ཀྱི་གསང་ཉུལ་བ་འགོག་ཐབས་ཀྱི་ཁྲིམས་(中华人民共和国反间谍法)ཞེས་པ་གཏན་འབེབ་བྱས་ཏེ། འདི་ལོའི་ཕྱི་ཟླ་ ༧ ཚེས་ ༡ ནས་དངོས་སུ་ལག་བསྟར་བྱ་རྒྱུ་ཡིན་ལུགས་བསྒྲགས་ཡོད་པ་རེད། ཁྲིམས་དེ་གཏན་འབེབ་བྱས་རྗེས་རྒྱལ་སྤྱིའི་གནད་དོན་དབྱེ་ཞིབ་པ་མང་པོས་རྒྱ་ནག་ནང་ཕྱིའི་གནད་ཡོད་མི་སྣ་དང་ཚོང་པ། གསར་འགོད་པ་སོགས་ལ་གསང་ཉུལ་གྱི་ཉེས་མིང་འོག་འཛིན་བཟུང་དང་བཀག་ཉར་གྱི་གནད་དོན་སྔར་ལས་མང་པ་འབྱུང་རྒྱུ་ཡིན་པའི་སེམས་འཚབ་བྱེད་བཞིན་ཡོད་པ་རེད།
གསར་འགོད་པ། ཉི་མ་ཚེ་རིང་།
