མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

༧གོང་ས་མཆོག་གིས་ཝི་ཏི་ནམ་གྱི་དད་ལྡན་མཇལ་བཅར་བ་ཁག་ཅིག་ལ་བཀའ་སློབ་བསྩལ།

བོད་ཀྱི་དུས་བབ།
༢༠༢༣/༠༩/༠༧
Share on FacebookShare on TwitterShare on EmailShare on Whatsapp

དེ་རིང་ཕྱི་ཚེས་ ༧ ཉིན་བཞུགས་སྒར་རྒྱལ་བའི་ཕོ་བྲང་དུ་༧གོང་ས་རྒྱལ་བ་རིན་པོ་ཆེ་མཆོག་གིས་ཝི་ཌི་ནམ་དད་ལྡན་པ་ཁག་ཅིག་ལ་མཇལ་ཁ་དང་བཀའ་སློབ་བསྩལ།

པར་དགའ་ལྡན་ཕོ་བྲང་གི་བརྙན་ལས་བླངས།

སྐབས་དེར་༧གོང་ས་རྒྱལ་བ་རིན་པོ་ཆེ་མཆོག་གིས། ཇི་སྐད་དུ། སྟོན་པའི་དམ་ཆོས་རྣམ་གཉིས་དེ།། ལུང་དང་རྟོགས་པའི་བདག་ཉིད་དུ།། སངས་རྒྱས་ཆོས་དེ་ལུང་རྟོགས་ཆོས་གཉིས་ཡོད་པ་རེད། ལུང་རྟོགས་ཀྱི་ཆོས་གཉིས་དེ་འཛིན་སྐྱོང་སྤེལ་གསུམ་བྱེད་པར་དཔྱད་པ་བྱེད་པ་དང་། སྒྲུབ་པ་བྱེད་པ་ཁོ་ན་མ་གཏོགས་ཡོད་པ་མ་རེད། ངོས་རང་བཅོམ་ལྡན་འདས་ཀྱི་རྗེས་འབྲངས་ཆགས་བསྡད་ཡོད་པ་རེད། ངོས་ཀྱིས་དཔེ་ཆ་ལྟ་བའི་དོན་དག་དེ་དཔྱད་འཇོག་ཟུང་འབྲེལ་གྱི་ཐོག་ནས་སེམས་བསྐྱེད་དང་འབྲེལ་བ་བྱས་ཏེ་སྒོམ་རྒྱག་རྒྱུ་དེ་གཙོ་བོ་རེད། སེམས་ལ་འགྱུར་བ་དུས་ཚོད་ཐུང་ཐུང་ཞིག་གི་ནང་དུ་འགྱུར་བ་ཐེབས་ཀྱི་མི་འདུག ཡུན་རིང་པོར་བསམ་བློ་བཏང་ནས་འགྲོ་དུས་སེམས་ལ་འགྱུར་བ་ཐེབས་ཀྱི་འདུག ངོས་རང་ཆུང་ཆུང་གི་དུས་ནས་མངོན་རྟོགས་རྒྱན་དང་དབུ་མ་འཇུག་པ་གཉིས་བློ་ལ་བཟུང་བ་རེད། མངོན་རྟོགས་རྒྱན་གྱི་ས་ལམ་གྱི་འགྲོ་སྟངས་ཆ་ཚང་གསུངས་ཀྱི་འདུག དབུ་མ་འཇུག་པའི་སྟོང་ཉིད་ཀྱི་ལྟ་བ་གཙོ་བོ་གསུངས་ཀྱི་ཡོད་པ་རེད། དཔེ་ཆ་ལྟ་བར་དཀའ་ངལ་ཡོད་པ་རེད་དེ། ཨུ་ཚུགས་བརྒྱབ་ནས་ཡུན་རིང་པོར་བལྟས་དུས་རྗེས་སུ་ལས་སླ་བོ་ཆགས་ཏེ། མངོན་རྟོགས་རྒྱན་གྱིས་ཐེག་པ་གསུམ་གྱི་ལམ་གྱི་འགྲོ་སྟངས་དང་། སངས་རྒྱས་ཀྱི་གོ་འཕངས་བསྒྲུབ་པར་རྒྱ་ཆེན་པོ་ཡག་པོ་ཞེ་བོ་གསུངས་ཀྱི་འདུག དབུ་མ་འཇུག་པའི་དོན་དག་གཙོ་བོ་དེ་སྟོང་ཉིད་ཀྱི་ལྟ་བ་གསུངས་ཀྱི་ཡོད་པ་རེད།

མངོན་རྟོགས་རྒྱན་གྱི་བརྗོད་བྱ་གཙོ་བོ་ཕར་ཕྱིན་གྱི་ལམ་དེ་བསམ་བློ་བཏང་ཡོང་དུས། ངོས་རང་གི་ངོས་ནས་ཆ་བཞག་ན་མངོན་རྟོགས་རྒྱན་དུ་བཤད་ཡོད་པའི་དོན་དག་དེ་དག་གང་འཚམ་སེམས་ལ་མྱོང་བ་སྐྱེས་བསྡད་པའི་ཟོལ་ཞིག་ཆགས་ཡོད། དབུ་མ་འཇུག་པའི་སྟོང་ཉིད་ཀྱི་སྐོར་ལ་ཆ་བཞག་ན་ཕལ་ཆེར་ངོས་ཀྱིས་སྟོང་ཉིད་ཀྱི་རྟོགས་པ་རྒྱུད་ལ་སྐྱེས་ཡོད་པའི་ཟོལ་ཞིག་ཆགས་ཡོད། ཚོགས་ལམ་ཐོབ་ཡོད་པ་དང་། སྦྱོར་ལམ་ནས་ཡར་འགྲོ་ཐུབ་པའི་བརྩིས་རྒྱག་བཞིན་ཡོད། ལོ་མང་པོའི་རིང་བསམ་བློ་བཏང་ཡོང་དུས་ག་ལེར་སེམས་ལ་འགྱུར་བ་ཐེབས་ཡོང་གི་འདུག སེམས་ལ་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་སླེབས་ཡོང་དུས། བསམ་བློ་ལྷོད་ལྷོད་ཆགས་ཡོང་གི་འདུག

སེམས་ནང་དུ་དངངས་སྐྲག་སྐྱེ་བ་སོགས་མི་ཡོང་བ་ཞིག་རེད། སེམས་ལ་ལྷོད་ལྷོད་ཤིག་ཤིག་ཡོང་གི་འདུག དངོས་གནས་དྲང་གནས་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བར་བསམ་བློ་གཏོང་བ་དེ་ངལ་གསོ་རྒྱག་པའི་ཐབས་ལམ་ཡག་ཤོས་དེ་རེད། བྱས་ཙང་ཆོས་གྲོགས་ཚོས་བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བ་ཟེར་བ་དེ་ཐོག་མར་ཐོས་བྱུང་གི་ཤེས་བ་སྐྱེ་བ་དང་། དེ་ནས་བསམ་བྱུང་གི་ཤེས་རབ་སྐྱེ། ག་ལེར་སྒོམ་བྱུང་གི་རྟོགས་པ་རྒྱུད་ལ་སྐྱེ་ཐུབ་པར་འབད་བརྩོན་བྱེད་དགོས་པ་རེད། ཆོས་བྱེད་ཟེར་བ་དེ་སྨོན་ལམ་བརྒྱབ་བསྡད་པ་དང་། ལྷ་ཁང་ལ་འགྲོ་བསྡད་པ་ཙམ་མ་ཡིན་པར་གཙོ་བོ་དཔྱད་འཇོག་ཟུང་འབྲེལ་གྱི་ཐོག་ནས་སེམས་ལ་འགྱུར་བ་ཐེབས་རྒྱུ་གལ་ཆེན་པོ་རེད། བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བར་ཉིན་ལྟར་བསམ་བློ་བཏང་ཡོང་དུས། ག་ལེར་ག་ལེར་འགྱུར་བ་ཐེབས་ཡོང་གི་འདུག

ང་ཚོ་ཚང་མ་མི་གཅིག་པ་རེད། བྱང་ཆུབ་སེམས་དང་སྟོང་ཉིད་ཀྱི་ལྟ་བ་ཟེར་བ་དེ་ག་ལེར་སེམས་ལ་ཡོང་བསྡད་པ་ཞིག་ཏན་ཏན་རེད། གང་ལྟར་གོམས་དགོས་པ་དེ་གལ་ཆེན་པོ་རེད། ངས་ཡོང་གི་མ་རེད་བསམ་པའི་སྒྱིད་ལུག་དང་ལེ་ལོའི་བསམ་བློ་དེ་འདྲ་མ་བཏང་བར། ངས་ཡོང་གི་རེད་བསམ་པའི་ཐོག་ནས་བྱེད་དགོས་པ་རེད། ཆོས་གྲོགས་མང་པོ་ཞིག་གིས་བསམ་བློ་བཏང་ནས་འགྱུར་བ་འགྲོ་བཞིན་ཡོད་པ་རེད། སྐབས་སུ་བབ་པ་ཏཱ་ལའི་བླ་མ་ཆ་བཞག་པ་ཡིན་ནའང་། བསམ་བློ་ཡང་བསྐྱར་ཡང་བསྐྱར་བཏང་ནས་ཁ་ཡོད་ལག་ཡོད་ཀྱིས་སེམས་ལ་འགྱུར་བ་ཐེབས་པ་ཞིག་ཡོང་བསྡད་ཀྱི་འདུག དེ་འདྲ་ཡིན་དུས་ང་ཚོ་ཚང་མས་དཔྱད་འཇོག་ཟུང་འབྲེལ་གྱི་ཐོག་ནས་བསམ་བློ་གཏང་ན། ཏན་ཏན་སེམས་ལ་འགྱུར་བ་ཐེབས་ཀྱི་རེད་བསམ་པའི་ཡིད་ཆེས་ཀྱི་ཐོག་ནས་ཧུར་ཐག་བྱས་ཤོག བྱང་ཆུབ་ཀྱི་སེམས་དང་སྟོང་ཉིད་ཀྱི་ལྟ་བར་བསམ་བློ་བཏང་ནས་སེམས་ལྷོད་ལྷོད་ཆགས་དུས་ཚེ་སྒྲུབ་ཡག་ཤོས་དེ་རེད། ང་ཚོས་སྐྱབས་སུ་མཆི་ཟེར་ས་སངས་རྒྱས་བཅོམ་ལྡན་འདས་ལམ་ལ་བསླབ་སྟེ། མངོན་པར་རྫོགས་པར་སངས་རྒྱས་པ་རེད་མ་གཏོགས། དང་པོ་ནས་སངས་རྒྱས་ཡོད་པ་ཞིག་མ་རེད། ང་ཚོ་ཚང་མའི་རྒྱུད་ལ་དེ་བཞིན་གཤེགས་པའི་སེམས་བསྐྱེད་དེ་ཡོད་པ་རེད། ག་ལེར་སེམས་བསྐྱེད་ཀྱིས་སྐྱོན་ཇེ་ཆུང་དུ་གཏོང་བ་དང་། ཡོན་ཏན་གྱི་རིགས་རིམ་བཞིན་ཆེ་རུ་འགྲོ་བ་དེ་ཆོས་ཉིད་རེད། བསམ་བློ་བཏང་ན་ཏན་ཏན་ཡོང་རྒྱུ་རེད།

ང་ཚོའི་གཞུང་ཞིག་ཏུ། གོམས་ན་སླ་བ་མ་ཡིན་པའི།། དངོས་དེ་གང་ཡང་ཡོད་མ་ཡིན།། ཟེར་བ་བཞིན། གོམས་པར་བསྟེན་པ་ཡིན་ན་ག་ལེར་ལས་སླ་རུ་འགྲོ་ཡི་རེད། ངོས་རང་ཆུང་ཆུང་སྐབས་སུ་མངོན་རྟོགས་རྒྱན་དང་དབུ་མ་འཇུག་པ་བློ་ལ་ཟིན་ཡོད་པ་རེད་དེ། དེ་འདྲའི་བསམ་བློ་གཏོང་བ་ཡོང་གི་མི་འདུག རྩེད་མོ་རྩེས་བ་མ་གཏོགས་ཡོད་པ་མ་རེད། ག་ལེར་ག་ལེར་བསམ་བློ་གཏོང་བ་བྱས་ཡོང་དུས། སེམས་ལ་འགྱུར་བ་ཐེབས་པ་དེ་མིག་མཐོང་ལག་ཟིན་གྱིས་འགྱུར་བ་ཐེབས་ཀྱི་འདུག ང་ཚོའི་སེམས་ཞུམ་རྒྱུ་ཡོད་པ་མ་རེད། ང་ཚོའི་རྒྱུད་དུ་ཁམས་བདེ་གཤེགས་སྙིང་པོ་ཡོད་པ་རེད་ལ། ཐབས་ཤེས་ཀྱི་ལམ་རྒྱ་ཆེན་པོ་ཞིག་སངས་རྒྱས་བཅོམ་ལྡན་འདས་ཀྱིས་གསུངས་ཡོད་པ་དང་། ཀླུ་སྒྲུབ་ཡབ་སྲས་སོགས་ཀྱིས་ཞིབ་ཚགས་པོ་ཞེ་བོ་གསུངས་ཡོད་དུས། འདི་དག་ཉམས་ལེན་བྱས་ན་འབྲས་བུ་མི་ཡོང་བ་ཅི་ལ་ཡོད་བསམ་པའི་སེམས་ཤུགས་སྐྱེད་ནས་ཉམས་ལེན་སྐྱེད་ཤོག ཅེས་བཀའ་སློབ་སྩལ་སོང་།

གསར་འགོད་པ། བྱམས་པ་ཚེ་རིང་།

འབྲེལ་ཡོད་གསར་འགྱུར།

The abbot of Namgyal Monastery Thomthog Rinpoche offering long life pills to His Holiness the Dalai Lama during the Long Life Prayer Offering at His Holiness’s residence in Dharamsala, HP, India on February 14, 2024, Photo by Ven Zamling Norbu
༸གོང་ས་མཆོག གསར་འགྱུར།

༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

༢༠༢༤/༠༢/༡༥
His Holiness the Dalai Lama with Prince Mangosuthu Buthelezi during a visit to South Africa.
༧གོང་ས་མཆོག གསུང་འཕྲིན།

༧གོང་ས་མཆོག་གིས་ལྷོ་ཨ་ཧྥི་རི་ཀའི་རྒྱལ་སྲས་ཤིག་སྐུ་གྲོངས་པར་ཐུགས་གསོ་མཛད།

༢༠༢༣/༠༩/༡༡
༸གོང་ས་མཆོག གསར་འགྱུར།

༧གོང་ས་མཆོག་གིས་ཐའེ་ཝན་གྱི་ཚན་རིག་པ་ཁག་ཅིག་ལ་བཀའ་སློབ་བསྩལ།

༢༠༢༣/༠༩/༠༤
His Holiness the Dalai Lama's brief talk to students from Harvard University at Leh Ladakh 2023/08/21
༸གོང་ས་མཆོག གསར་འགྱུར།

༧གོང་ས་མཆོག་གིས་ཧ་ཝར་ཌི་སློབ་ཆེན་གྱི་སློབ་མ་ཁག་ཅིག་ལ་བཀའ་སློབ་བསྩལ།

༢༠༢༣/༠༨/༢༡
His Holiness the Dalai Lama at the University of Hawaii on April 15, 2012. Photo/JHook/Civil Beat
༧གོང་ས་མཆོག གསུང་འཕྲིན།

ཨ་རིའི་ཧཱ་ཝེ་མངའ་སྡེ་མི་མང་ལ་ཐུགས་གསོ་མཛད།

༢༠༢༣/༠༨/༡༡
༧གོང་ས་མཆོག གསུང་འཕྲིན།

རང་བྱུང་གོད་ཆག་ཁྲོད་རྐྱེན་འདས་སུ་ཕྱིན་པའི་འཛམ་གླིང་མི་མང་ལ་ཐུགས་གསོ་མཛད།

༢༠༢༣/༠༨/༡༡

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese