ཕྱི་ལོ་ ༢༠༢༤ ལོའི་རྒྱ་ནག་རྒྱལ་ཡོངས་མཆོང་རྒྱུག་འཕེན་གསུམ་ལུས་རྩལ་འགྲན་ཚོགས་ཁྲོད་བོད་ཀྱི་རྒྱུག་རྩལ་བ་བཀྲ་ཤིས་ཚེ་རིང་ལགས་སུ་གསེེར་གྱི་གཟེངས་རྟགས་ཐོབ་འདུག
ཕྱི་ཟླ་ ༣ ཚེས་ ༢༩ ནས་ཚེས་ ༣༡ བར་ཉིན་གྲངས་གསུམ་རིང་རྒྱ་ནག་ཐིན་ཅིན་ཐོན་པའོ་ལུས་རྩལ་ལྟེ་གནས་སུ། ཕྱི་ལོ་ ༢༠༢༤ ལོའི་རྒྱ་ནག་རྒྱལ་ཡོངས་ཀྱི་མཆོང་རྒྱུག་འཕེན་གསུམ་གྱི་ལུས་རྩལ་འགྲན་ཚོགས་བསྡུས་ཡོད་པ་དང་། ཐེངས་འདིའི་ལུས་རྩལ་འགྲན་ཚོགས་ཐོག་རྒྱ་ནག་རྒྱལ་ཡོངས་ཀྱི་ཞིང་ཆེན་དང་གྲོང་ཁྱེར་ཁག་ ༣༡ ནས་ཡོང་བའི་ལུས་རྩལ་བ་གྲངས་ ༦༣༠ མཉམ་ཞུགས་བྱས་ཡོད་པའི་ཁྲོད། བོད་ཀྱི་རྒྱུག་རྩལ་བ་བཀྲ་ཤིས་ཆེ་རིང་ལགས་ལ་སྨི་ ༣༠༠༠ ཅན་གྱི་སྐྱེས་པའི་རྒྱུག་འགྲན་ཁྲོད་གསེར་གྱི་གཟེངས་རྟགས་ཐོབ་ཡོད་པ་དང་། རྒྱུག་རྩལ་བ་བསོད་ནམས་སྒྲོལ་མ་ལགས་དང་དབང་འཛོམས་ལགས་གཉིས་ལ་སྨི་ ༣༠༠༠ ཅན་གྱི་སྐྱེད་མའི་རྒྱུག་འགྲན་ཁྲོད་ཨང་ལྔ་པ་དང་དྲུག་པ་ཐོབ་ཡོད་འདུག
ད་ལན་བོད་ཀྱི་རྒྱུག་རྩལ་བ་བཀྲ་ཤིས་ཚེ་རིང་ལགས་ལ་འདི་ལོར་གསེར་གྱི་གཟེངས་རྟགས་ཐོབ་པ་ཐེངས་གཉིས་པ་དེ་ཡིན་པ་རེད། འདི་ལོའི་ཕྱི་ཟླ་ ༢ ཚེས་ ༢༥ ཉིན་སི་ཁྲོན་ཞིང་ཆེན་མེ་ཧྲན་གྲོང་ཁྱེར་དུ་བསྡུས་པའི་ཕྱི་ལོ་ ༢༠༢༤ལོའི་རྒྱ་ནག་རྒྱལ་ཡོངས་ཀྱི་རྒྱང་རྒྱུག་འགྲན་བསྡུར་ཁྲོད། བོད་ཀྱི་རྒྱུག་རྩལ་བ་བཀྲ་ཤིས་ཚེ་རིང་ལགས་སུ་ཨང་དང་པོའི་གསེར་གྱི་གཟེངས་རྟགས་ཐོབ་ཡོད་པ་རེད། དེ་བཞིན་འདས་ལོར་ཨེ་ཤ་ཡའི་སྐབས་ ༡༩ ལུས་རྩལ་འགྲན་ཚོགས་ཀྱི་སྐྱེས་པའི་སྨི་ ༥༠༠༠ ཅན་གྱི་རྟིང་རྩོད་འགྲན་རྒྱུག་ཐོག བཀྲ་ཤིས་ཚེ་རིང་ལགས་ཀྱིས་ཨང་རིམ་བདུན་པ་བླངས། ལོ་དེའི་ཕྱི་ཟླ་ ༢ ནང་རྒྱལ་ཡོངས་ཀྱི་མཆོང་རྒྱུག་འཕེན་གསུམ་གྱི་སྨི་ ༣༠༠༠ འགྲན་བསྡུར་ནང་བཀྲ་ཤིས་ཚེ་རིང་ལགས་ཀྱིས་ཨང་དང་པོ་བླངས་ཡོད་པ་མ་ཟད། རྒྱ་ནག་རྒྱལ་ཡོངས་ཀྱི་འགྲན་རིམ་དེའི་ལོ་རྒྱུས་ཀྱི་ཟིན་ཐོ་གསར་པ་བསྐྲུན་ཡོད་འདུག
གསར་འགོད་པ། བྱམས་པ་ཚེ་རིང་།
རྩོམ་སྒྲིག་པ། པདྨ་མཚོ།
