ས་ག་ཟླ་བའི་རིང་ནང་པ་ཚོས་སྙིང་རྗེ་དང་བརྩེ་སེམས་ཀྱིས་གཏམས་པའི་མི་ཚེ་དོན་དང་ལྡན་པ་ཞིག་སྐྱེལ་བའི་ཐུགས་སྨོན་མཛད།
སངས་རྒྱས་བཅོམ་ལྡན་འདས་རྒྱ་གར་དུ་བྱོན་ནས་ཆོས་གསུངས་པ་ནས་བཟུང་ལོ་ངོ་ཉིས་སྟོང་ལྔ་བརྒྱ་ལྷག་ཙམ་འདས་ཡོད་ནའང་། ཁོང་གི་གསུང་གི་སྙིང་པོ་ནི་དེ་དུས་དང་གཅིག་མཚུངས་སུ་ད་ལྟའང་འབྲེལ་ཡོད་དུ་གནས་ཡོད། དེང་རབས་ཀྱི་ཚན་རིག་གིས་ཕྱིའི་དངོས་པོའི་འཇིག་རྟེན་ལ་རྒྱུས་ལོན་ཚད་མཐོན་པོ་ཞིག་བྱས་ཡོད་ནའང་། ནང་པའི་ཚན་རིག་གིས་དེང་རབས་ཀྱི་ཚན་རིག་ལ་ལྟོས་ས་ལྟོས་འཇོག་གིས་གསར་པ་ཡིན་པའི་སེམས་དང་མྱོང་ཚོར་གྱི་ཆ་ཤས་མང་པོ་ཞིག་ལ་གང་ཟག་དང་པོའི་དཔྱད་པ་ཞིབ་ཚགས་པོའི་ཐོག་ནས་རྒྱུས་ལོན་བྱེད་རྒྱུར་ཤུགས་སྣོན་བརྒྱབ་ཡོད། ངས་ཐབས་ལམ་འདི་གཉིས་ཟུང་འབྲེལ་བྱས་ན། ང་ཚོའི་ལུས་སེམས་དང་སྤྱི་ཚོགས་ཀྱི་བདེ་ཐབས་རྣམས་ཕྱུག་ཏུ་གཏོང་བའི་གསར་རྙེད་ཀྱི་ནུས་པ་ཆེན་པོ་ཞིག་འབྱུང་བར་ཡིད་ཆེས་བྱེད་ཀྱི་ཡོད།
བོད་བརྒྱུད་ནང་བསྟན་གྱི་གྲྭ་པ་ཞིག་ཡིན་པའི་ཆ་ནས། ངས་རང་ཉིད་དཔལ་ཎཱ་ལེན་ཌའི་གཙུག་ལག་སློབ་གཉེར་ཁང་གི་རྗེས་འཛིན་པ་ཞིག་ཏུ་བརྩི་བཞིན་ཡོད། དཔལ་ཎཱ་ལེན་ཌའི་གཙུག་ལག་སློབ་གཉེར་ཁང་དུ་ནང་ཆོས་འཆད་ཉན་བྱེད་ཚུལ་འདིས་རྒྱ་གར་དུ་ནང་ཆོས་དར་རྒྱས་ཀྱི་ཡང་རྩེ་མཚོན་གྱི་ཡོད། གལ་སྲིད་ང་ཚོ་དུས་རབས་ཉེར་གཅིག་པའི་ནང་པ་ཞིག་ཡིན་ན། དེར་མི་མང་པོས་མཛད་པ་ལྟར། དད་པ་ཙམ་ལ་བརྟེན་རྒྱུའི་ཚབ་ཏུ་སངས་རྒྱས་ཀྱི་གསུང་རབ་ལ་སློབ་གཉེར་དང་དཔྱད་པ་བྱེད་རྒྱུ་དེ་གལ་ཆེན་པོ་ཡིན།
བོད་ཀྱི་ནང་པ་སངས་རྒྱས་པའི་དགེ་སློང་ཞིག་ཡིན་པས། ངོས་ནས་རང་ཉིད་ དཔལ་ནཱ་ལནྡཱའི་ཆོས་བརྒྱུད་འཛིན་མཁན་ཞིག་ཏུ་ངོས་འཛིན་བྱེད་བཞིན་ཡོད། དཔལ་ནཱ་ལནྡཱའི་སློབ་གཉེར་ཁང་ཁག་ཏུ་སངས་རྒྱས་པའི་ཆོས་འཆད་པ་དང་སྦྱོང་བ་བྱེད་བཞིན་པའི་སྐབས་དེ་ནི་རྒྱ་གར་དུ་ནང་ཆོས་ཁྱབ་བརྡལ་ཤུགས་ཆེན་འགྲོ་བཞིན་པའི་དུས་ཡིན། གལ་སྲིད་ང་ཚོ་དུས་རབས་ཉེར་གཅིག་པའི་ནང་པ་ཞིག་བྱེད་འདོད་ན། ང་ཚོས་ཡིད་ཆེས་བྱས་པ་ཙམ་མ་ཡིན་པར་མཁས་པའི་དབང་པོ་མང་པོ་ཞིག་ནང་ལྟར་སངས་རྒྱས་ཀྱི་ཆོས་ལ་སྦྱངས་པ་དང་བརྟག་དཔྱད་གཏོང་རྒྱུ་གལ་ཆེན་པོ་ཡིན།
ས་ག་ཟླ་བའི་དུས་ཆེན་ནི་སངས་རྒྱས་ཤཱཀྱ་ཐུབ་པ་སྐུ་འཁྲུངས་ནས་སངས་རྒྱས་པའི་ཉིན་མོ་དང་། སྐུ་མྱ་ངན་ལས་འདས་པའི་ཉིན་མོ་བཅས་ཀྱི་རྗེས་དྲན་ཉིན་མོ་ཞིག་ཡིན་ལ། ནང་པའི་ལོ་ཐོའི་ནང་གི་ཆེས་རྩ་ཆེ་བའི་ཉིན་མོ་ཞིག་ཏུ་བརྩི་བཞིན་ཡོད། དུས་བཟང་བཟང་པོ་འདིའི་སྐབས་སུ་ངས་འཛམ་གླིང་ས་ཕྱོགས་གང་སར་གནས་པའི་ནང་པའི་ཆོས་གྲོགས་ཚོར་སྙིང་རྗེ་དང་བརྩེ་སེམས་ཀྱིས་གཏམས་པའི་མི་ཚེ་དོན་དང་ལྡན་པ་ཞིག་སྐྱེལ་བའི་སྨོན་འདུན་ཞུ་བཞིན་ཡོད། ཅེས་གསུངས།
གསར་འགོད་པ། སྐལ་བཟང་སྦྱིན་པ།
