ཉེ་སྔོན་རྒྱ་ནག་གཞུང་གིས་བོད་རང་སྐྱོང་ལྗོངས་ཟེར་བ་དང་ལྷག་པར་དུ་ས་མཚམས་ཁག་ཏུ་མཉམ་འབྲེལ་དམག་སྦྱོང་ཁང་ཆེད་འཛུགས་བྱས་ཏེ་དྲག་པོའི་དམག་སྦྱོང་དང་ཚོད་ལྟ་མང་པོ་བྱེད་ཀྱི་ཡོད་འདུག
An engineering detachment of a brigade of the Tibet Military Region conducts a mine-clearing and obstacle-clearing exercise
དེ་རིང་རྒྱ་ནག་གཞུང་འབྲེལ་གྱི་གསར་འགྱུར་བརྒྱུད་ལམ་ཁག་ཏུ་གནས་ཚུལ་ཐོན་པ་ལྟར་ན། བོད་རང་སྐྱོང་ལྗོངས་ཟེར་བ་དང་ལྷག་པར་དུ་འཕགས་བོད་ས་མཚམས་ཁུལ་དུ་ཆེད་འཛུགས་བྱས་ཡོད་པའི་མཉམ་འབྲེལ་དམག་སྦྱོང་ཁུལ་དུ་དམག་རྩལ་དང་དྲག་པོའི་མེ་ཤུགས་འཕུར་མདེལ་འཕེན་གཏོང་། མི་མེད་འཕུར་གྲུར་གཏོར་རྒོལ་སོགས་ཀྱི་སྦྱོང་བརྡར་དང་ཚོད་ལྟ་བྱས་ཡོད་འདུག་ལ། ཉེ་བའི་ལོ་ཤས་ནང་རྒྱ་ནག་གཞུང་གིས་རྒྱལ་ཁབ་སྲུང་བར་ཐོག་མར་མཐའ་མཚམས་སུ་བརྟན་ལྷིངས་དགོས་ཟེར་བའི་སྲིད་ཇུས་འོག བོད་ཁུལ་ཁྱོན་ཡོངས་དང་ལྷག་པར་དུ་འཕགས་བོད་མཐའ་མཚམས་ཁུལ་དུ་དམག་སྡེ་སྔར་ལས་མང་པོ་འཛུགས་སྐྲུན་བྱས་ཏེ། དམག་ཁུལ་སོ་སོས་སྦྱོང་བརྡར་བྱེད་ཀྱི་ཡོད་ཀྱང་ད་ལོའི་མཉམ་འབྲེལ་དམག་སྦྱོང་ཁུལ་ཆེད་འཛུགས་བྱས་པ་དེས་ནུས་པ་སྔར་ལྷག་ཐོན་ཡོད་སྐོར་བསྒྲགས་འདུག
ཕྱི་ལོ་ ༢༠༢༤ ཟླ་ ༡༢ པའི་ནང་རྒྱ་ནག་གཞུང་གིས་བརྩེ་བའི་དྲན་སྐུལ་ཟེར་བའི་གསལ་བསྒྲགས་ཤིག་སྤེལ་ཏེ། ཕྱི་ལོ་ ༢༠༢༥ ཟླ་ ༡ ཚེས་ ༡ ཉིན་ནས་བཟུང་རྒྱ་ནག་གིས་དམག་མི་བསྡུ་བའི་མགོ་འཛུགས་རྒྱུ་ཡིན་ལ། དེའི་ཁོངས་སུ་ལོ་ ༡༨ སོན་པའི་སྐྱེས་པ་རྣམས་ཀྱིས་དམག་ཞུགས་ཐོ་འགོད་ངེས་པར་བྱ་དགོས་པ་དང་། གལ་སྲིད་དམག་ཞུགས་ཐོ་འགོད་མ་བྱས་ཚེ། མཐོ་སློབ་ཏུ་སློབ་སྦྱོང་བྱེད་པའི་གོ་སྐབས་དང་ལས་ཀ་འཚོལ་རྒྱུའི་ཐད་དཀའ་ངལ་ཡོང་བ་སོགས་ཀྱི་མཇུག་འབྲས་ངན་པ་སློང་སྲིད་སྐོར་བསྒྲགས་ཡོད་ལ། བོད་ཀྱི་རྒྱལ་ས་ལྷ་ས་དང་ཉིང་ཁྲི་སོགས་ནས་བྱིས་པ་རང་ལོ་ ༨ ནས་བཟུང་དབྱར་ཁའི་གུང་སེང་སྐབས་དམག་སྦྱོང་སྤྲོད་བཞིན་ཡོད་པ་དང་དམག་ཞུགས་ཀྱི་ཐོབ་ཐང་དམིགས་བསལ་ཡོད་པ་སོགས་དམག་ཞུགས་ཀྱི་སྐུལ་སློང་ཤུགས་ཆེན་བྱེད་བཞིན་ཡོད་འདུག
འདི་ལོའི་ཕྱི་ཟླ་ ༣ ཚེས་ ༥ ཉིན་རྒྱ་ནག་སྐབས་ ༡༤ པའི་མི་དམངས་འཐུས་མིའི་
ལོ་ལྟར་རྒྱ་ནག་གཞུང་གིས་བོད་མཐའ་མཚམས་ཀྱི་ས་མཐོའི་དམག་ཁུལ་ཁག་ཏུ་དྲག་ཆས་མང་པོ་དབོར་འདྲེན་བྱས་ཏེ་དངོས་སུ་སྦྱོང་བརྡར་དང་ཚོད་ལྟ་བྱེད་བཞིན་ཡོད་པ་དང་བསྟུན། ས་བབ་མཐོ་ཚད་སྨི་ ༤༥༠༠ ཡས་མས་ཀྱི་བོད་མཐོ་སྒང་དུ་རྒྱ་ནག་སྐམ་སའི་དམག་མིར་དབུགས་ཀྱིས་མ་འདང་བ་དང་མགོ་ན་བ་སོགས་ས་བབ་མཐོ་བའི་དཀའ་ངལ་ཡོང་གི་ཡོད་པ་སེལ་ཐབས་སུ་ཕྱི་ལོ་ ༢༠༢༡ ལོར་རྒྱ་ནག་གི་རིགས་རྒྱུད་བརྟག་ཞིབ་པ་སྐོར་ཞིག་གིས་བོད་ནང་གི་ཉུང་མཐར་མི་གྲངས་ ༡༢༠༠༠༠ ལྷག་གི་རྒྱུད་རྒྱུ་བསྡུ་ལེན་བྱས་ཏེ་ས་བབ་མཐོ་བའི་དཀའ་ངལ་དེ་སེལ་ཐབས་ཡོད་སྐོར་བསྒྲགས་ཡོད་པ་མ་ཟད། བོད་ནང་འཛམ་གླིང་སྟེང་གི་མིའི་རིགས་རྫས་ཐོན་སྐྱེད་ཉར་ཚགས་ཁང་ (Human Genetic Resource Biological Sample Bank) ཆེ་ཤོས་ཤིག་བཙུགས་ཡོད་ཀྱང་། ཕྱི་ལོ་ ༢༠༢༢ ལོར་རྒྱ་ནག་ཚན་རིག་དང་འཕྲུལ་རིག་ལྷན་ཁང་གིས། མིའི་རིགས་རྫས་ཐོན་ཁུངས་དོ་དམ་དང་སྟངས་འཛིན་གྱི་སྲོལ་ཡིག་ལག་བསྟར་བྱེད་ཕྱོགས་ཀྱི་སྒྲིག་གཞི་གཏན་འབེབས་བྱས་ཏེ། མིའི་རིགས་རྫས་ཐོན་ཁུངས་མཁོ་འདོན་བྱེད་མཁན་གྱི་སྒེར་དབང་ལ་བརྩི་བཀུར་དང་། དེ་སྔ་ནས་ཆོག་མཆན་བླངས་ཏེ་ཁོང་ཚོའི་བདེ་ཐང་ལ་འགན་ལེན་དང་ཁྲིམས་མཐུན་གྱི་ཐོབ་ཐང་ལ་སྲུང་སྐྱོབ་བྱེད་དགོས། ཞེས་དང་། ཕྱིའི་རྒྱལ་ཁབ་ཀྱི་ཚོགས་པ་དང་། མི་སྒེར། མ་རྩ་འཇོག་མཁན་གྱིས་བཙུགས་པ་དང་ཚོད་འཛིན་བྱེད་པའི་སྒྲིག་འཛུགས་སོགས་ཀྱིས་རྒྱ་ནག་ནང་གི་མིའི་རིགས་རྫས་ཐོན་ཁུངས་བསྡུ་རུབ་དང་ཉར་ཚགས་བྱེད་ཆོག་གི་མེད་ལ། ཕྱིའི་རྒྱལ་ཁབ་ཁག་ཏུ་རྒྱ་ནག་གི་མིའི་རིགས་རྫས་ཀྱི་ཐོན་ཁུངས་མཁོ་སྤྲོད་བྱེད་ཆོག་གི་མེད་སྐོར་བརྗོད་ཡོད་པ་རེད། ཡིན་ནའང་། མིའི་རིགས་རྫས་ཞིབ་འཇུག་གི་ལྟེ་གནས་དེ་དག་གིས་བོད་མིའི་རིགས་རྫས་ག་འདྲ་བསྡུ་ལེན་དང་བེད་སྤྱོད་བྱེད་ཀྱི་ཡོད་མེད་ཐད་ཉེན་ཁ་ཆེན་པོ་ཡོད་པ་རེད།
གསར་འགོད་པ། བསྟན་འཛིན་ཕུར་བུ། རྩོམ་སྒྲིག་བྱེད་མཁན། པདྨ་མཚོ།
