ང་ཚོས་ཞབས་འདེགས་སྒྲུབ་ཡུལ་དེ་བོད་པ་གཅིག་པུ་མིན་པར་ང་ཚོ་ཆོས་བརྒྱུད་གཅིག་པ་ཡིན་བསྡད་པ་དང་བོད་ཀྱི་ཆོས་དང་རིག་གཞུང་ལ་དོ་སྣང་ཡོད་བསྡད་མཁན་ཚང་མར་མཐུན་རྐྱེན་སྦྱོར་རྒྱུ་དང་རེ་འདོད་བསྐང་ཐུབ་པར་བྱ་རྒྱུ་དེ་རེད་ཅེས་༧གོང་ས་མཆོག་གིས་གསུངས་ཡོད།
ཕྱི་ཚེས་ ༡༢ ཉིན་ཨོ་རི་ས་ཕུན་ཚོགས་གླིང་བོད་མིའི་གཞིས་ཆགས་ཀྱི་རི་དགོན་ཐུབ་བསྟན་སྨིན་གྲོལ་གླིང་དགོན་པའི་བླ་མ་ནམ་མཁའ་རིན་པོ་ཆེ་གཙོས་པའི་དགེ་སྤྲུལ་འཇིགས་མེད་རིན་པོ་ཆེ་དང་དགེ་འདུན་པ་རྣམ་པ་དང་། དེར་ཡོད་ས་གནས་གཞུང་འབྲེལ་གྱི་ལས་ཁུངས་ཁག་གི་མི་སྣ། གཞུང་འབྲེལ་མ་ཡིན་པའི་ཚོགས་པ་ཁག་གི་ཚོགས་མི་དང་ས་གནས་མི་མང་བཅས་ཀྱི་ཕེབས་བསུའི་ཁྲོད་༧གོང་ས་མཆོག་རི་དགོན་ཐུབ་བསྟན་སྨིན་གྲོལ་གླིང་དགོན་པའི་སློབ་དཔོན་པདྨའི་གཙུག་ལག་ཁང་གི་བཞུགས་ཁྲིར་ཞབས་སོར་བཀོད་དེ་གཙུག་ལག་ཁང་གསར་བཞེངས་ལེགས་འགྲུབ་ཀྱི་དབུ་འབྱེད་རབ་གནས་དང་དཔེ་མཛོད་ཁང་ལ་གཟིགས་ཞིབ་གནང་གྲུབ་རྗེས་དེར་ཡོད་དགེ་འདུན་པ་གཙོས་པའི་མི་དམངས་ལ་བཀའ་སློབ་གནང་དོན། ལུང་རྟོགས་ཀྱི་བསྟན་པ་འཛིན་སྐྱོང་སྤེལ་གསུམ་བྱེད་པར་བཤད་སྒྲུབ་གཉིས་ཀྱི་ཐོག་ནས་བསྒྲུབ་དགོས་པ་ཞིག་རེད། ཁྱེད་རང་ཚོའི་འདིར་མཁན་པོ་མང་པོ་ཞིག་ཕེབས་ཏེ་འཆད་ཉན་གྱི་ལས་ལ་འབད་བཞིན་པ་དེ་ཡག་པོ་རེད། ཐུན་མོང་མ་ཡིན་པའི་ཆོས་བརྒྱུད་ཁག་གི་སྒྲུབ་ཆེན་ཁག་གསར་འཛུགས་གནང་རྒྱུ་དེའང་ཧ་ཅང་གལ་ཆེན་པོ་རེད་ལ། དེ་བཞིན་མཐུན་རྐྱེན་འཛོམས་པ་ཡིན་ན་སྒྲུབ་གྲྭ་ཁག་ཅིག་དང་བཤད་གྲྭ་ཁག་ཅིག་གསར་འཛུགས་གནང་ཐུབ་ན་ཡག་པོ་རེད། དངོས་གནས་ཚད་མ་དང་སྒྲུབ་པ་མཉམ་དུ་བྱུང་བ་ཡིན་ན། བསྟན་པའི་མིག་རྒྱན་རེད་ཅེས་གསུངས་པ་དང་། ཡང་༧གོང་ས་མཆོག་གིས། འདིར་བོད་རིགས་ཙམ་མ་ཡིན་པར་ཧི་མ་ལ་ཡའི་རི་བརྒྱུད་ནས་ཕེབས་པའི་གྲྭ་རྒྱུན་མང་པོ་ཡོད་པ་ཧ་ཅང་ཡག་པོ་རེད། ང་ཚོ་བོད་མི་ཚོ་ལུང་པ་བྲལ་ཏེ་བསྡད་ཡོད་པ་རེད། བོད་ནང་ལ་མཚོན་ན་ཆོས་ཟེར་དུས་སྐྱོན་བྱེད་པ་ཞིག་དང་རྗེས་ལུས་ཀྱི་རང་བཞིན་ཞིག་ཏུ་ངོས་འཛིན་བྱེད་ཀྱིན་ཡོད་སྟབས། ཧ་ཅང་ཉག་ཕྲ་བའི་གནས་སུ་གྱར་ཡོད་པ་རེད། ཧི་མ་ལ་ཡའི་རི་བརྒྱུད་ཐེ་བའི་བལ་ཡུལ་དང་འབྲུག་བཅས་བོད་དང་ཆོས་བརྒྱུད་གཅིག་པ་ཆགས་བསྡད་ཡོད་སྟབས། ང་ཚོ་བོད་གཞུང་གི་སློབ་གྲྭ་ཁག་ཏུ་ཧི་མ་ལ་ཡའི་རི་བརྒྱུད་ཀྱི་བོད་ཡིག་སྦྱང་འདོད་ཡོད་རིགས་ཚོར་མཐུན་རྐྱེན་སྦྱོར་དགོས་པའི་སྐོར་བཤད་བསྡད་ཡོད་པ་ལྟར། དགོན་པ་ཁག་ལ་མཚོན་ནའང་། རྩ་བའི་བོད་པ་མང་པོ་ཡོད་ཀྱང་ང་ཚོས་ཞབས་འདེགས་བསྒྲུབ་ཡུལ་དེ་བོད་པ་གཅིག་པུ་མིན་པར་ང་ཚོ་ཆོས་བརྒྱུད་གཅིག་པ་ཡིན་བསྡད་པ་དང་བོད་ཀྱི་ཆོས་དང་རིག་གཞུང་ལ་དོ་སྣང་ཡོད་བསྡད་མཁན་ཚང་མར་མཐུན་རྐྱེན་སྦྱོར་ཐུབ་པ་ཞིག་བྱ་དགོས་པ་དང་རེ་འདོད་བསྐང་ཐུབ་པར་བྱ་རྒྱུ་དེ་ང་ཚོའི་ལས་འགན་རེད་ཅེས་བཀའ་སློབ་གནང་ཡོད་པ་རེད། ༧གོང་ས་མཆོག་གིས་བཀའ་སློབ་གནང་རྗེས། བཀའ་བློན་ཁྲི་པ་མཆོག་དང་ས་གནས་མགོ་འཛིན་བཅས་ཀྱིས་དེར་ཡོད་མི་མང་ལ་བཀའ་སློབ་གནང་བ་དང་། ཨོ་རི་ས་ཕུན་ཚོགས་གླིང་ལྷ་མོ་འཁྲབ་སྟོན་ཚོགས་པ་དང་བླང་དོར་ཚོགས་པ། རྒྱས་བཤད་ཚོགས་པ་གསུམ་གྱིས་རིག་གཞུང་འཁྲབ་སྟོན་གཟིགས་འབུལ་གནང་ཡོད་པར་མ་ཟད། དེར་ཡོད་རི་དགོན་ཐུབ་བསྟན་གླིང་དགོན་པ་གཙོས་ས་གནས་མང་ཚོགས་ཀྱིས་༧གོང་ས་མཆོག་ལ་བརྟན་བཞུགས་བསྟར་འབུལ་གནང་ཡོད་པ་རེད།
རི་དགོན་ཐུབ་བསྟན་སྨིན་གྲོལ་གླིང་དགོན་པ་འདི་ཉིད་ནི་ ༡༩༦༨ ལོར་བོད་མིའི་གཞིས་ཆགས་ཕུན་ཚོགས་གླིང་གཞིས་གྲོང་བཞི་བའི་ས་གནས་མང་ཚོགས་ཀྱི་མོས་འདུན་ལྟར། རིག་གྲོལ་རིག་འཛིན་ཆོས་རྒྱལ་རིན་པོ་ཆེ་དང་གཏེར་སྟོན་ནམ་མཁའ་དྲི་མེད་རབ་འབྱམས་རིན་པོ་ཆེ་རྣམ་གཉིས་ཀྱིས་དཀའ་སྡུག་གི་ལོ་ཟླའི་ནང་འཛིན་སྐྱོང་སྤེལ་གསུམ་གྱིས་ཕྱག་ལས་གནང་བ་དང་། ༧གོང་ས་མཆོག་གིས་དགོན་པའི་མཚན་གནང་བ་ཞིག་ཡིན་ཞིང་། ད་ལྟ་དགོན་པའི་ནང་བླ་སྤྲུལ་རྣམ་གཉིས་གཙོས་པའི་དགེ་འདུན་པ་ ༢༠༠ ལྷག་ཡོད་པ་རེད།
བསེ་རུ་གསུང་པ་དེ་དངོས་ཉིད་ཡག་པོ་འདུག་མ་གཞི་ང་ཚོ་བོད་པའི་སྤྱི་ཚོགས་ནང་མ་དག་རྒྱུན་འབྱམས་སུ་འགྲོ་རྒྱུ་གོམས་གཤིས་སྐྱོ་པོ་ཞིག་ཡོད་རེད་དེ་དངོས་ཉིད་བསྒྱུ་བཅོས་སུ་ཞིག་གཏོང་དགོས་ངེས། ད་དུང་མུད་ཐུད་འདི་འདྲ་གླེང་ན་ཡག་པོ་འདུག
བོད་ཡིག་གི་ཐོག་ཏུ་སྤོབས་པ་ཡོད་པ་ནི།
བསེ་རུ་ལགས་ང་ཅོ་རི་མཁས་པ་ཞིག་མིན་དེ་འཛམ་གླིང་སྐོར་ནས་འགྲོ་མྱོང་ཡོད་པའི་མི་ཞིག་ཡིན། ང་ས་གང་དུ་སོང་ན་ཡང་སྤོབས་པ་མཐོ་པོའི་ཐོག་ནས་ང་རང་ཚོའི་བོད་ཀྱི་སྐད་ཡིག་འདི་སྤུས་དག་པོ་ཞིག་རྟིང་ཟབ་མོ་ཞིག་ཡིན་བསམ་བཞིན་ཡོད་ལ་རེད་ཀྱང་རེད། ཡིན་པའི་རྒྱུ་མཚན་ནི། བོད་སྐད་ཁ་ལ་བྱང་བའི་མི་ཞིག་གིས་རྒྱལ་ཁབ་གཞན་གྱི་སྐད་ཡིག་ཇི་འདྲ་ཞིག་བསླབ་སྐབས་སུ་མི་དེས་ཁ་ནས་སྨྲ་མི་ཐུབ་པ་མེད་ལ་མ་ཟད་ཧ་ཅང་ལྕེ་བདེ་པོ་ཡོད། ང་སྔོན་མ་སུད་སི་སློབ་གྲྭ་འགྲོ་སྐབས་སུ་འཛིན་གྲྭ་གཅིག་པ་རྒྱལ་ཁབ་༢༥་ཡི་མི་ཡོད་ཀྱང་ང་བོད་སྐད་རྒྱག་མཁན་གྱི་ལྕེ་བདེ་པོ་དང་སྒྲ་གསལ་བོ་ཐོན་ཐུབ་ཀྱིན་འདུག
རྒྱ་མི་ཚོས་ར་སྒྲ་ཡག་པོ་ཐོན་ཐུབ་ཀྱིན་མེད་ལ་ལྕེ་བདེ་པོ་མེད། མ་ཟད་བོད་མི་སུ་ཡིན་ཡང་སྐད་ཡིག་གཞན་ཞིག་བསླབ་སྐབས་སུ་སྒྲ་ཐོན་མ་ཐུབ་དང་ལྕེ་བདེ་པོ་མེད་པ་མེད། དེའི་རྒྱུ་མཚན་ནི། བོད་ཀྱི་སྐད་ཡིག་འདིའི་ནང་དུ་སྒྲ་གདངས་ཚང་མ་ཚང་བས་རྒྱུ་མཚན་གྱིན་རེད། ཐོན་མི་སམ་བྷོ་ཊའི་བཟོས་པའི་སྐད་ཡིག་འདིའི་ཐོག་ནས་ཐོན་མ་ཐུབ་པའི་སྒྲ་ཞིག་ཡོད་ན་བོད་མིའི་ལྕེ་འདིས་སྨྲ་མི་ཤེས་པའི་སྒྲ་ཞིག་ཡོད་དགོས། སྤྱིར་སྟངས་ནས་བོད་མི་རིགས་ཀྱི་བརྗོད་པ་ལྕེ་རྐན་ལས་བྱུང་བའི་སྐད་ཀྱི་གདངས་དེ་བོད་སྐད་ཀྱི་མཚན་ཉིད་དུ་འཇོག་དགོས་པ་མ་ཡིན་ནམ། དེ་མིན་སྒྲ་གདངས་འདི་ནི་ཕྱི་རྒྱལ་གྱི་རེད་འདི་ནི་བོད་ཀྱི་རེད་ཟེར་ནས་ཁྱད་པ་ཇི་ལྟར་ཕྱེད་དགོས་སམ། དཔེ་ན་སུད་སི་ཞེས་པའི་སྒྲ་གདངས་དེ་འདི་ནི་ཕྱི་རྒྱལ་གྱི་གདངས་རེད་ཟེར་བ་དང་བོད་ཀྱི་སྒྲ་གདངས་མ་རེད་ཟེར་ནས་ཁྱད་པ་ཕྱེད་ཀྱིན་ག་ལ་ཡོད་དམ། ངས་བསམ་པ་སློབ་དཔོན་ཐོན་མིའི་སུམ་རྟགས་གཞིར་བཟུང་ཐོག་ནས་སྒྲ་གདངས་ཐོན་མ་ཐུབ་པ་ནི་Fཞེས་པའི་སྒྲ་གདངས་འདི་ཅིག་པོ་རེད་དྲན། ཡིན་ཡང་དེའི་རྗེས་སུ་ཧྥ་ཞེས་པའི་ཡི་གེ་འདི་བཟོས་པ་རེད། ད་དུང་མ་འདང་ན་བོད་ཡིག་འདི་རྒྱ་ཆེན་པོ་ཞིག་དང་རྟིང་ཟབ་མོ་ཞིག་ཡིན་ཟེར་ན་ག་ལ་འགྲིག་གམ། ངས་བསམ་ཚུལ་ཐ་སྙད་གསར་པ་བྲིས་ཚོད་ཐམས་ཅད་སྔོན་རྗེས་གང་ཡིན་མེད་པ་དང་ཕྱི་ལོག་རྐྱང་རྐྱང་འབྲི་ག་ལ་དགོས། དེ་ལྟར་བྲིས་པ་ཡིན་ན་ནམ་ཞིག་དུས་ཀྱི་མཐའ་བོད་ཡིག་འདི་ཀློག་དཀའ་བ་རྒྱ་ཡིག་ལྟ་བུ་འགྱུར་ངེས་ཡིན།
དེའི་རྒྱུ་མཚན་གྱིས་ངས་མང་པོ་ཞིག་བཤད་ཁུལ་ཡིན་མ་གཏོགས་མི་གཞན་ལ་གནོད་གནོད་དང་ཁ་འཆུ་རྒྱག་པ་རྩ་བ་ནས་མིན། དེ་འདྲ་ཡིན་དུས་ཁྱེད་ནི་བོད་ཡིག་མཁས་པ་མ་ཟད་བོད་ཡིག་དུང་ཞེན་ཆེ་བའི་མི་ཞིག་ཡིན་བཟོ་འདུག་པས་ཐུགས་བསམ་བཞེས་ཀྱིན་གལ་ཆེ། གུས་པས་ཡིག་ནོར་དང་བཤད་པ་ཐལ་དྲག་རྣམས་ཡོད་ན་དགོངས་འགལ་མེད་པ་ཞུ།
མད་དང་བདེན་གཉིས་ཅིག་པ་ཡིན་ནམ།
བསེ་རུ་ལགས་དུས་ཐིག་ལན་གནང་བ་ཐུགས་རྗེ་ཆེ་ཞུ།
ངས་ལྟས་ན་ཁྱེད་ཡང་ཡི་གེ་འདི་རིགས་འབྲི་མཁན་ཞིག་ཡིན་ནམ། ཡིན་ན་སྐྱོན་མེད་དཔྱད་པ་བྱེད་དུ་གཏན་ཚིག་རིག་པ་ལ་བརྟེན་ནས་ཐག་གཅོད་དགོས་པ་ལས་རང་ཚོ་ལ་ཐག་གཅོད་རྐྱེན་གཞན་མེད། དོན་ནི་དེ་ལྟར་མད་དོ་ཞེས་བྲིས་འདུག་པས་འདི་མེད་དོ་ཞེས་པའི་དོན་ཡིན་ནམ། ངས་ཞིབ་ཏུ་འགྲེལ་བཤད་ཤིག་ཕུལ་གྱིན་ཡིན།
ཅོ་རི་ཉི་མ་ལགས།
གོང་དུ་སྐུ་ཉིད་ཀྱི་དྲི་བར་ལན་འདེབས་བྱེད་སྐབས་ཁ་ཚོན་གཅོད་ཐབས་བྲལ་ཞེས་བཤད་པ་ནི། ཁོ་བོས་སྐུ་ཉིད་ཀྱི་ཞེ་འདོད་སྤྱི་བམ་ཙམ་ལས་མ་རྟོགས་པས་འདྲེ་ཤར་སྒོར་གནས་པ་ལ་གླུད་ནུབ་སྒོར་གཏོང་བ་ལྟ་བུའི་ལན་འདེབས་ཤིག་ཏུ་གྱུར་ཡོད་པ་འདྲ། སྐབས་རེ་དེ་འདྲའི་རིགས་ཡོང་ངེས་ལ་ཡོང་ཆོག་པ་ཞིག་ཀྱང་རེད།
སྐུ་ཉིད་ཀྱིས་”རྗེས་འཇུག་འཇོག་སྟངས་དང་སྔོན་འཇུག་འཇོག་སྟངས་ནོར་བ་རྣམས་འགྲིག་གིན་མི་འདུག་གསུངས་པ་མ་ཡིན་ནམ།”ཞེས་པའི་དོན་ནི་དེ་ལྟར་མད་དོ་ཞེས་ཞུ་རྒྱུ་ལས་མ་འདས།
མིང་གཞི་རྐྱང་པ་ཉི་ཤུ་རྣམས་རྗེས་འཇུག་གི་ཚུལ་དུ་སྦྱོར་ཚུལ་འདི་རིགས་ཡོང་རྐྱེན་དེ་རིགས་ཡོངས་གྲགས་བོད་སྐད་ཀྱི་སྒྲ་ལ་མ་གྲགས་པའི་ཐ་སྙད་གསར་པ་གོང་བཀོད་ལྟ་བུའི་རིགས་གསར་དུ་འབྲི་དགོས་སྟབས། འདི་ལྟར་ཡོང་གིན་ཡོད་པ་འདྲ། རབ་བྱུང་ན་རྗེས་འཇུག་བཅུ་པོ་རྣམས་མིང་གཞི་དང་སྦྱར་ཏེ་ཀློག་སྐབས་སྒྲ་ཟུར་ཕྱིན་པ་ཐོན་གྱི་ཡོད་ན་དེ་ལྟར་སྦྱོར་དགོས་པ་ནི་བོད་ཀྱི་སྐད་ཡིག་རྩ་བའི་འགྲོ་སྟངས་ཤིག་རེད་སྙམ།
འདི་ནི་བསམ་ཚུལ་ཙམ་ཡིན་པ་ལས་གཏན་ཚིགས་ཀྱིས་གཏན་ལ་ཕབ་པ་ཞིག་ནི་དེ་བས་ཀྱང་མིན་ནོ།།
བསེ་རུ་མཆོག
ཅོ་རི་ཉི་མ་ལགས་ཀྱིས་ཕྲན་ལ་གདེང་འཇོག་གནང་རྗེས་གཤམ་གྱི་ཚིག་གསར་རྣམས་དག་དང་མ་དག་པའི་འགྲེལ་བརྗོད་དགོས་སྐོར་དང་སུམ་རྟགས་གཞུང་དང་མཐུན་མིན་དོགས་དྲི་གནང་འདུག་ཀྱང་། དགོངས་སེལ་ཞུ་རྒྱུར་ཁོ་བོས་དེ་དག་དག་དང་མ་དག་པའི་ཁ་ཚོན་གཅོད་ཐབས་བྲལ། ཞེས་ཁ་ཚོན་གཅོད་ཐབས་བྲལ་འདུག་གསུངས་རྒྱུ་ཨེ་ཡོད་ན། དེ་ལས་མིང་ཚིག་འདི་ཚོ་བྲིས་མཁན་ཚོ་ལ་སྐྲག་གིན་འདུག་གསུངས་ན་ངས་ཁྱེད་ལ་ཁས་མེད་ལབ་ཀྱིན་ཡིན། དེ་མིན་ཁ་ཚོན་གཅོད་ཐབས་མི་འདུག་གསུངས་ན་ག་ནས་འགྲིག་པ། ཧཧཧཧཧཧཧ
བསེ་རི་ལགས་ཀྱིས་ལན་ཞིག་གནང་ཐུགས་རྗེ་ཆེ་ཡིན་ཡང་འདྲེ་ཤར་རུ་ཡོད་དུས་གཏོར་མ་ནུབ་ལ་འཕེན་ནས་ཅི་ཕན་ནམ།
ས་མིང་ཆུ་མིང་ཡུལ་མིང་སོགས་ཁྱབ་ཆེ་བའི་ཐ་སྙད་ཀྱི་སྒྲ་གདངས་དེ་སོར་བཞག་བྱས་ནས་བྲིས་པ་དེ་ཡག་པོ་རེད།
འདིའི་སྐོར་རྩོད་པ་མི་འདུག
ཡིན་ཡང་ཐོན་མིའི་སུམ་ཅུ་པའི་ནང་དུ་རྗེས་འཇུག་བཅུ་དང་སྔོན་འཇུག་ལྔ་གསུངས་ཡོད། དེང་སང་མཁས་དབང་ཚོས་གསལ་བྱེད་སུམ་ཅུ་ཚང་མ་རྗེས་འཇུག་དང་ཚང་མ་སྔོན་འཇུག་བཞག་ན་འགྲིག་གིན་རེད་དམ། སྔོན་འཇུག་ལྔ་དང་རྗེས་འཇུག་བཅུ་གསུངས་པར་དགོས་པ་དང་རྒྱུ་མཚན་རེ་ཡོད་པ་མ་ཡིན་ནམ།
རང་སྣང་གང་ཤར་བྱས་ནས་བྲིས་ན་འགྲིག་གིན་རེད་པས། དེ་འདྲ་ཡིན་ན་དག་དང་མ་དག་གི་སྐད་ཆ་མི་འདུག་སྙམ། བོད་ཡིག་སྲུང་སྐྱོབ་བྱེད་སྟངས་དེ་ཧམ་པ་སུ་ཚ་རེད་དམ།
ཅིག་ཅིག་འགྲིག་མི་འདུག་ཉོག་ཉོག་དག་མི་འདུག་ག་འདྲ་བྱས་ནས་གསུངས་ཀྱིན་ཡོད་དམ། རྗེས་འཇུག་འཇོག་སྟངས་དང་སྔོན་འཇུག་འཇོག་སྟངས་ནོར་བ་རྣམས་འགྲིག་གིན་མི་འདུག་གསུངས་པ་མ་ཡིན་ནམ།
ཅོ་རི་ཉི་མ་ལགས་ཀྱིས་ཕྲན་ལ་གདེང་འཇོག་གནང་རྗེས་གཤམ་གྱི་ཚིག་གསར་རྣམས་དག་དང་མ་དག་པའི་འགྲེལ་བརྗོད་དགོས་སྐོར་དང་སུམ་རྟགས་གཞུང་དང་མཐུན་མིན་དོགས་དྲི་གནང་འདུག་ཀྱང་། དགོངས་སེལ་ཞུ་རྒྱུར་ཁོ་བོས་དེ་དག་དག་དང་མ་དག་པའི་ཁ་ཚོན་གཅོད་ཐབས་བྲལ།
འོན་ཀྱང་། དེང་སྐབས་ས་ཆ་དང་ཡུལ་མིང་སོགས་ཀྱི་རིགས་ལུང་པ་དེ་དང་དེའི་སྐད་གདངས་ཀྱི་སྒྲ་སོར་བཞག་གི་ཐོག་ས་མིང་དང་ཡུལ་མིང་འབྲི་དགོས་པའི་རིགས་ལ། བོད་ཡིག་གི་ཐོག་ནས་སྒྲ་མཚུངས་པར་ཐོན་ན་འགྲིག་པར་འདོད་ཀྱང་། འབྱུང་འགྱུར་དག་སྡེབ་དེ་རིགས་གཏན་འཇགས་ཀྱི་རྣམ་པ་ཞིག་བྱུང་ན་ཕྱིས་འབྱུང་དཀའ་ཚེགས་ཆུང་ངོ་སྙམ།།
སྒྲུབ་བརྒྱུད། ཆོས་བརྒྱུད། སྙན་བརྒྱུད་དང་ཟབ་མོ་ལྟ་བརྒྱུད་སོགས་ལ་བ་སྔོན་ཡོད་ལ། རི་རྒྱུད། རིགས་རྒྱུད། གདུང་རྒྱུད། ཆུ་རྒྱུད་དང་ཤེས་རྒྱུད་ལ་བ་སྔོན་འཇུག་མེད་པ་འདྲ། །
ཆོས་བརྒྱུད་ཀྱི་བརྒྱུད་ལ་ཡོངས་གྲགས་ཀྱི་འབྲི་སྲོལ་ལྟར་ན་སྔོན་འཇུག་བ་ཡོད་ཚོད་འདུག
ཆུ་རྒྱུད་དང་རི་རྒྱུད་ཀྱི་རྒྱུད་ལ་སྔོན་འཇུག་བ་མེད་ན་དག་པར་འདོད་པས་རྗེས་སུ་གཟབ་ངེས་ཡིན།
བསེ་རི་ལགས་ཁྱེད་ནི་དག་ཡིག་ཧ་ཅང་བཟང་བའི་མི་ཅིག་ཡིན་དུས་གཤམ་གྱི་མིང་ཚིག་འདི་ཚོ་དག་ཡོད་མེད་དང་གཞུང་གང་ལ་བརྟེན་ནས་བྲིས་མིན་སུམ་ཅུ་པ་དང་མཐུན་མིན་འགྲེལ་བཤད་ཤིག་གནང་རོགས་ཞུ།
ཨི་ཇིཕ་རའིལ། ཤོན་མེཀ་ཀོར་མེཀ ཨེ་འུརྡ་ཨོལ་མརཊི། ཤིལྦ་སེ་ནེའུ། སུ་རེཤ་པ་ར་སྦུ།
ཨ་ཨེཕ་པི། སྦུཤི། ཆེ་རའེ་སེ། ཨེ་སེ་རའིལ། ཤིལྦ་ཤང་ཀར་མེ་ནན། ཨཇ་མལ་ཀ་སབ།
ཨན་དར་པར་དེཤ། པི་ཀྲི་ཨའེ།
བསེ་རུ་ཟེར་བ་འདིར་ར་གཅིག་ལས་མེད་པས་ངོ་མ་རྩ་ཆེན་རེད་ཟེར་བ་དོན་ལ་གནས། མི་ཚིག་འདི་རིགས་ལ་གསར་ཁང་ནས་དོ་སྣང་མང་ཙམ་གནང་དགོས་པ་འདུག
གསར་འགྱུར་དག་པོ་འདི་འདྲའི་རིགས་མཐོང་སྐབས་ངས་རྩོམ་སྒྲིག་པ་དང་གསར་འགོད་པར་གདེང་འཇོག་ངེས་པར་དུ་བྱེད་དགོས་པར་མཐོང་། འབྱུང་འགྱུར་ཡང་གསར་འགྱུར་གྱི་རིགས་ཡིག་ནོར་དང་བྲལ་བ་འབྱུང་ངེས་ལ། དེ་ལྟར་འབད་བརྩོན་ཡང་ངེས་པར་གནང་དགོས་པ་ཞིག་རེད།
རི་རྒྱུད། རི་བརྒྱུད།
ཆོས་རྒྱུད། ཆོས་བརྒྱུུད།
སྒྲུབ་རྒྱུད། སྒྲུབ་བརྒྱུད།
རིགས་རྒྱུད། རིགས་བརྒྱུད།
མི་རྒྱུད། མི་བརྒྱུད།
གདུང་རྒྱུད། གདུང་བརྒྱུད།
གོང་དུ་བཀོད་པའི་མིང་ཚིག་རྣམས་སྔ་མ་རྣམས་དག་ལ་ཕྱི་མ་རྣམས་མ་དག་པ་རེད་ཅེས་ཤོད་ཐབས་བྲལ་ཡང་། སྔ་ཕྱི་གཉིས་ཀར་གོ་དོན་མི་འདྲ་བ་འགྲེལ་རྒྱུ་ཡོད་པ་སྨྲོས་མེད་ཡིན་སྟབས། ཧི་མ་ལ་ཡའི་རི་རྒྱུད་ལྟ་བུ་དང་། སྒྲུབ་རྒྱུད་བསྟན་པའི་སྲོག་ཤིང་ལྟ་བུ། མི་རྒྱུད་བཟང་པོ། གདུང་རྒྱུད་འདི་དང་དེ་ཞེས་སོགས་བརྗོད་སྐབས་རྒྱུད་འདི་དག་པ་ལས་བརྒྱུད་བྲིས་ན་ནོར་བ་མ་རེད་དམ།
ཡང་།