རྒྱ་ནག་གི་ངོ་རྒོལ་ལ་མ་ལྟོས་པར་སྲིད་འཛིན་ཨོ་བྷ་མས་༧གོང་ས་མཆོག་ལ་མཇལ་འཕྲད་གནང་རྒྱུ་ཡིན་ཟེར།
རྒྱ་ནག་གིས་ངོ་རྒོལ་བྱེད་ཀྱིན་མ་ལྟོས་པར། སྲིད་འཛིན་ཨོ་བྷ་མ་མཆོག་གིས་ལོ་འདིར་༧གོང་ས་མཆོག་ལ་མཇལ་འཕྲད་གནང་རྒྱུ་ཡིན་ཅེས་ཕོ་བྲང་དཀར་པོའི་མགྲིན་ཚབ་པ་ བྷེལ་ བྷུར་ཊོན་ Bill Burton གྱིས་བཤད་འདུག
ཕྱི་ཚེས་ ༢ ཉིན་རྒྱ་ནག་འཐབ་ཕྱོགས་གཅིག་གྱུར་ཁང་གི་བློན་ཆེན་ཀྲུའུ་ཝེ་ཆོན་གྱིས་གལ་སྲིད་སྲིད་འཛིན་ཨོ་བྷ་མས་ལོ་འདིར་ཏཱ་ལའི་བླ་མར་མཇལ་འཕྲད་གནང་ཚེ། ང་ཚོས་དེར་བསྟུན་གྱི་ཡ་ལན་ཚ་ཐག་གཅོད་འབུལ་གྱི་ཡིན་ཚུལ་ཉེན་བརྡ་བཏང་ཡོད།
ཉིན་དེར་ཨ་རིའི་ཕོ་བྲང་དཀར་པོའི་མགྲིན་ཚབ་པས། སྲིད་འཛིན་ཨོ་བྷ་མ་ལོ་འདིར་ཏཱ་ལའི་བླ་མར་མཇལ་འཕྲད་གནང་རྒྱུ་རེད། ལོ་སྔོན་མར་སྲིད་འཛིན་ཨོ་བྷ་མ་རྒྱ་ནག་ལ་ཕེབས་སྐབས་ཀྱང་གནད་དོན་འདི་རྒྱ་ནག་གི་མགོ་ཁྲིད་ཚོར་བཤད་ཡོད་པ་རེད། དེ་བཞིན་ཏཱ་ལའི་བླ་མ་མཆོག་ནི་རྒྱལ་སྤྱིའི་སྟེང་བརྩི་བཀུར་ཡོད་པའི་ཆོས་ལུགས་དང་རིག་གཞུང་གི་དབུ་ཁྲིད་ཅིག་རེད་ལ། སྲིད་འཛིན་མཆོག་ཀྱང་ཁོང་ལ་མཚན་གནས་འདིའི་ཐོག་ནས་མཇལ་གིན་ཡོད་པ་རེད་ཅེས་གསུངས་ཡོད་པ་རེད།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
རྒྱ་ནག་གིས་ཅི་བཤད་ལ་མ་ལྟོས་པར་ཨ་རིའི་སྲིད་འཛིན་གྱིས་༧གོང་ས་མཆོག་ལ་མཇལ་འཕྲད་གནང་རྒྱུ་དེ་ཨ་རིའི་རྩ་དོན་གྱི་ལངས་ཕྱོགས་སྟོན་པའི་བརྡ་དོན་ཞིག་ཏུ་གྱུར་ཡོད། གལ་སྲིད་ཨ་རིའི་སྲིད་འཛིན་གྱིས་༧གོང་ས་མཆོག་ལ་མཇལ་འཕྲད་ཀྱི་གོ་སྐབས་མ་བླངས་པ་ཡིན་ན་ཨ་རི་རྒྱལ་ཁབ་ཀྱིས་རྒྱལ་ཚོགས་ཁྲོད་དབང་ཤུགས་ཆེ་ཤོས་དང་། ཤུགས་རྐྱེན་ཆེ་ཤོས་ཀྱི་གནས་བབ་ཟིན་ཡོད་པ་འཛམ་གླིང་རྒྱལ་ཁབ་གཞན་དག་ལ་ར་སྤྲོད་བྱེད་ཐུབ་ཀྱི་མེད་པ་དང་། ཐེ་ཝན་གྱི་ཆེད་དུ་མུ་མཐུད་ནས་སྐད་ཆ་བཤད་པར་ཆེ་མཐོང་ཡོད་པའི་གནས་བབ་དེ་ཡང་ཤོར་འགྲོ་གི་རེད།
ཧུའུ་ཅིན་ཐའོ་མི་སུ་གང་དང་ཐུག་མི་ཆོག
སྐད་གྲགས་འདུག་་་ཨོ་བྷ་མས་ལས་དོན་དེ་དག་ལམ་ལྷོངས་ཡོང་བའི་སྨོན་འདུག་ཞུ།
དྲ་གྲོགས་གཅན་བཟོད་རྒྱམ་ལགས།
ཁྱེད་ཀྱི་མཆན་བུའི་ནང་༼མཇལ་འཕྲད་གནང་མིན་དེ་གཙོ་བོ་མ་རེད། མཇལ་འཕྲང་གནང་རུང་བོད་ལ་ཕན་པའི་ལས་ཀ་གཅིག་ཀྱང་བྱེད་མ་ཐུབ་ན། ཡང་བོད་འདི་ཨ་རིའི་ལག་གི་སྐམ་པར་གྲུར་སོང་བ་མ་རེད་དམ། ༽དེ་ལྟར་གསལ་འདུག་པར།་གུས་པས་ཚིག་འགའ་ཞུ་སྙིང་འདོད་བྱུང་བར་དགོངས་འགལ་མེད་པ་ཞུ།་
༡།་་་་་་༸གོང་ས་མཆོག་གིས་རྒྱལ་ཁབ་ཆེ་ཆུང་ཇི་འདྲ་ཞིག་གི་དབུ་ཞཁྲིད་དང་ལྷན་དུ་མཇལ་འཕྲད་གནང་ཀྱང་ད་བར་བོད་དོན་དང་བོད་མི་མང་ལ་མི་ཕན་བའི་ལོ་རྒྱུས་ཀྱི་བདེན་དཔང་སྣ་གཅིག་ཁྱོད་ལ་སྟོན་རྒྱུ་ཡོད་དམ།་
༢།་་་་༸་གོང་ས་མཆོག་ལ་ཡོངས་གྲགས་སེམས་བསྐྱེད་གསུམ་མངའ་བ་ལས་གསུམ་པ་དེ་གང་ཡིན་ཁྱེད་ཀྱིས་མི་མཁྱེན་ནམ།
༣།་་་་་༸གོང་ས་མཆོག་ས་གནས་གང་དུ་ཕེབས་པ་དང།སུ་འདྲ་ཞིག་དང་མཇལ་འཕྲད་གནང་ཡང་བོད་དོན་དང་བོད་མི་རིགས་ཀྱི་ལས་དབང་ཐུགས་ཁོང་ལ་རྒྱུན་དུ་བཅངས་ནས་བཞུགས་མེད་དམ།
དེ་རིང་དེ་ཙམ་ཡིན།་ཕྱིས་སུ་མཆན་བུ་འདེབས་སྐབས་འགན་ལེན་ཡོད་པའི་ཐོག་དགོངས་ཚུལ་གསུངས་གལ་ཆེ་བར་སྙམ།
དྲ་་གྲོགས་ཤིག་གི་བསམ་ཚུལ་ཙམ་ཡིན་པས་ལན་འདེབས་གནང་སྐྱོངས་ཞུ་རྒྱུ་དང་།དགོངས་འགལ་མེད་པ་ཞུ་རྒྱུ་བཅས།
མཇལ་འཕྲད་གནང་མིན་དེ་གཙོ་བོ་མ་རེད། མཇལ་འཕྲང་གནང་རུང་བོད་ལ་ཕན་པའི་ལས་ཀ་གཅིག་ཀྱང་བྱེད་མ་ཐུབ་ན། ཡང་བོད་འདི་ཨ་རིའི་ལག་གི་སྐམ་པར་གྲུར་སོང་བ་མ་རེད་དམ། དེང་སང་འཛམ་གླིང་གི་དཔོན་རིགས་མང་ཆེ་བས་བོད་དང་༸གོང་ས་མཆོག་ཁོང་ཚོ་སོ་སོའི་ཁེ་ཕན་སྒྲུབ་བྱེད་ཀྱི་སྐམ་པ་ཁོ་ན་བྱེད་ཀྱིན་འདུག་གཱ དངོས་གནས་ངོ་ཚ་ཞིག་མེད་ཀི་ཡ།
དྲ་གྲོགས་གནས་ཚང་བརྒྱུད་ནས་གཡང་སྐྱབས་རྒྱལ་ལ་ལན་བསྐུར་བ། ང་ཚོ་ལ་ཡིད་ཆེས་ཡོང་བ་ཞིག་བྱེད་པར་དཔང་རྟགས་དགོས་པ་རེད། ང་ལ་གཅིག་གིས་ལབ་སོང་ཟེར་བ་ནི་དཔང་རྟགས་སུ་ག་ལ་འགྲོ དེ་ནི་གཡང་སྐྱབས་རྒྱལ་ལགས་ཀྱིས་མཁྱེན་ངེས་རེད།
དྲ་གྲོགས་གནས་ཚང་ལགས་ཀྱིས་འདྲེན་བཀོད་བྱས་པ་དང་། གཡང་སྐྱབས་རྒྱལ་གྱིས་ཁ་བརྡ་དྲ་ཚིགས་སུ་གཤམ་གྱི་བཀའ་མོལ་དེ་བཤད་པ་ལས་འཕྲོས་པའི་བསམ་ཚུལ་འགའ།
དམིགས་བསལ་སྐུ་ཚབ་རྒྱ་རི་རིན་པོ་ཆེས་གསུང་བཤད་གནང་སྟེ། “༡༩༤༩ ཡར་སྔོན་དུ་ཨ་མདོ་ཡོངས་དང་ཁམས་ཀྱི་ཕྱེད་དེ་རྒྱ་ཁོངས་རེད་”ཅེས་བཤད་ནས་དབུ་མའི་ལམ་གྱི་སྲིད་བྱུས་འདིས་ངོ་མ་བཤད་ན་”ཁྲིམས་མཐུན་དུ་མེད་པའི་བོད་ཀྱི་ས་ཁུལ་དགོས་པའི་”དགོས་འདུན་བཏོན་ཡོད་པ་དང་། “དབུ་མའི་ལམ་”ལ་ཆག་ཡངས་གང་ཡང་གཏོང་ཐབས་མེད་པ་ལ་བརྟེན་ནས་བོད་རྒྱའི་འབྲེལ་མོལ་དང་ཞི་མོལ་ལ་ལམ་ལྷོང་མ་བྱུང་ལུགས་བཤད་སོང་ཟེར། གུང་ཁྲན་གྱིས་འབྲེལ་མོལ་ལམ་ལྷོང་མ་བྱུང་བའི་ཁག་འགེལ་དེ་བོད་གཞུང་ལ་བཀལ་བའི་ཐོག་ ང་ཚོའི་སྐུ་ཚབ་ཀྱིས་ཀྱང་ལམ་ལྷོང་མ་བྱུང་བའི་ཁག་འགེལ་དེ་ང་ཚོར་བཀལ་བ་འདི་འདྲ་ནི་ཡིན་མི་སྲིད་པ་ཞིག་རེད་བསམས་ནས་སྙིང་རླུང་སྟོད་ལ་འཚངས། ཅེས་དྲངས་འདུག
གཡང་སྐྱབས་རྒྱལ་གྱིས་བཤད་པར་ཁུངས་ལུང་ཡོད་ན་དངོས་འབྲེལ་བཟོད་སྒོམ་བྱེད་ཐབས་བྲལ་བ་ཞིག་རེད། ང་ཚོས་ངེས་པར་ཐེར་འདོན་བྱེད་དགོས་པ་རེད། ང་ཚོ་དྲ་གྲོགས་ཚོ་ཡིན་ནའང་གནས་ཚུལ་འདི་དེ་མུར་འཇོག་མི་རུང་བའི་བསམ་ཚུལ་འདོན་དགོས་པ་རེད། ཡིན་ནའང་དང་པོ་གཡང་སྐྱབས་རྒྱལ་ལགས་ཀྱིས་གནས་ཚུལ་འདི་ཁུངས་སྐྱེལ་བྱེད་དགོས་པ་རེད། དེ་མིན་སྐད་ཆ་འདི་འདྲ་བཤད་སོང་ཟེར་བ་དང་། ལབ་ཀྱི་འདུག་ཟེར་བ། ཡིན་ས་རེད་ཟེར་བ་སོགས་ནི་ཕུ་ནུ་ནང་དཀྲུགས་ཀྱི་བཀའ་མོལ་རེད། ཁུངས་ལུང་ཡོད་རྒྱུ་རེད་བསམ་གྱི་འདུག ཁུངས་ལུང་འགོད་རྒྱུ་མེད་ན་བཀའ་མོལ་འདི་རྒྱ་མིའི་སོ་པའི་བྱེད་ལས་ཤིག་ལ་ངོས་འཛིན་མི་བྱེད་ཐབས་མེད་རེད། ང་ཚོས་སྐད་ཆའི་ཁུངས་ལུང་ལ་ཆ་འཇོག་བྱེད་ཀྱི་རེད་མ་གཏོགས་ཟེར་སྐད་དང་། ཐོས་སྐད་སོགས་ལ་ཆ་འཇོག་བྱེད་ཐབས་ཡོད་མ་རེད།
གཡང་སྐྱབས་རྒྱལ་ལགས། བཀའ་མོལ་འདི་ལ་ཁུངས་སྐྱེལ་བྱེད་རོགས།
ཨ་རིས་རྒྱ་ནག་གི་གནོན་ཤུགས་ལ་ངོས་ལེན་མ་བྱས་པ་རེད་དམ།
ཧཧཧཧཧ། ཨོ་བྷ་མ་ལ་ཁ་སང་རྒྱ་ནག་གི་སྣ་སུན་ཕོག་པས་མགོ་ན་བ་ཡིན་ནམ།