གཞིས་བཞུགས་བོད་མི་ཞིག་གིས་ལོ་སྔོན་མར་མདོ་སྨད་རྭ་རྒྱ་ཁུལ་དུ་ཞི་བའི་ངོ་རྒོལ་གྱི་ལས་འགུལ་ནང་ཞུགས་མཁན། གྲྭ་འོད་ཟེར་བཟང་བོ་དང་ངག་བཟང་གཉིས་ད་ལྟའང་གར་སོང་ཆ་མེད་དུ་གྱུར་ཏེ། གནས་ཚུལ་གང་ཡང་ཤེས་རྟོགས་བྱུང་མེད་པ་དང་། ལོ་སྔོན་མའི་ཟླ་ ༡༠ ནང་མན་ངག་རྡོ་རྗེ་ལ་ལོ་གསུམ་དང་བློ་དར་ལ་གཅིག་གི་བཙོན་འཇུག་ཁྲིམས་ཐག་བཅད་ཡོད་སྐོར་གསུངས་ཡོད།
བོད་ལྕགས་སྟག་ལོའི་ལོ་མགོ་འདིར་ངས་གཞིས་བཞུགས་སྤུན་ཟླ་ཞིག་དང་དྲ་རྒྱ་བརྒྱུད་གླེང་མོལ་བྱས། ཁོང་མདོ་སྨད་རྭ་རྒྱ་ཁུལ་དུ་ཡོད་ཅིང་ངེད་གཉིས་ཀྱིས་ཡུན་རིང་ལ་གླེང་མོལ་བྱས་མཐར། ༢༠༠༨ ལོའི་ཞི་རྒོལ་ཆེན་མོ་ནས་སྔར་ལོའི་རྭ་རྒྱ་ཁུལ་གྱི་བོད་མི་ཚོས་ཞི་བའི་ངོ་རྒོལ་བྱས་པའི་བར་གྱི་བོད་ནང་གི་ཞི་རྒོལ་ཁག་ཅིག་གི་སྟེང་དུ་བབས། ལྷག་པར་དུ་ཁོང་ལ་ལོ་སྔོན་མར་བྱུང་བའི་རྭ་རྒྱ་ཁུལ་གྱི་ཞི་བའི་ངོ་རྒོལ་ཐད་གནས་ཚུལ་ཁག་ཅིག་གསལ་བོ་གསུངས་རྒྱུ་འདུག ཁོང་གིས་ང་ལ་འདི་ལྟར་གསུངས། ལོ་སྔོན་མར་རྭ་རྒྱའི་གྲྭ་བཀྲ་ཤིས་བཟང་བོ་ལགས་ཆུར་མཆོང་བ་ནས་རྒྱ་ནག་གིས་ད་ལྟའི་བར་མདོ་སྨད་རྭ་རྒྱའི་དགོན་པར་དམ་དྲག་ཤུགས་ཆེར་བྱས་ཤིང་། སྐབས་དེར་ཆབ་སྲིད་ཀྱི་ནག་ཉེས་ཆེན་པོ་ཡོད་པའི་དོགས་གཞི་ཅན་གྱི་གྲྭ་པ་སྐོར་ཞིག་ད་དུང་ཡང་ཉིན་ལྟར་རྭ་རྒྱ་དགོན་པར་བསྡད་ཡོད་པའི་ཉེན་རྟོག་ལས་ཁུངས་སུ་ཐོ་འགོད་བྱེད་དུ་འགྲོ་དགོས་ཀྱི་འདུག གྲྭ་བཀྲ་ཤིས་བཟང་བོ་ཆུར་མཆོང་བའི་སྐབས་དེར། ཚོགས་ཆེན་དགེ་བསྐོས་གཙོས་སེར་སྐྱ་མང་ཚོགས་ཉེན་རྟོག་ཁང་དུ་སོང་སྟེ། ད་ལྟ་ཁྲིམས་ཐག་བཅད་ཟིན་པའི་འཇམ་དབྱངས་མཁས་གྲུབ་དང་མན་ངག་རྡོ་རྗེ་སོགས་རྒྱ་ཡིག་ཤེས་མཁན་ཁག་ཅིག་གིས། ཉེན་རྟོག་པར་ཁྱེད་ཅག་གིས་བཀྲ་ཤིས་བཟང་བོའི་འགན་ཁུར་མ་ཐེག་པ་རེད། དེར་བརྟེན་བཀྲ་ཤིས་བཟང་བོ་གསོད་མཁན་གྱི་ལག་དམར་བ་ང་ཚོ་ཡིན་ཞེས་ཡི་གེ་འབྲི་དགོས་པ་དང་། དེའི་རྗེས་དྲན་གྱི་ཕྱིར་དུ་རྭ་རྒྱ་དགོན་པའི་འདུ་ཁང་སྟེང་ནས་འཕྲོག་པའི་བོད་ཀྱི་རྒྱལ་དར་ཕྱིར་སེར་སྐྱ་མང་ཚོགས་ཀྱི་ལག་ཏུ་བཞག་ནས་ཁྲོམ་སྐོར་བྱེད་དུ་འཇུག་པའི་ཆོག་མཆན་ཡི་གེ་འབྲི་དགོས་ཞེས་བརྗོད་པར། ཁོང་ཚོས་ཡི་གེ་བྲིས་ཏེ་བོད་ཀྱི་རྒྱལ་དར་འཕྱར་བ་དང་ཁྲོམ་སྐོར་སོགས་བྱེད་དུ་བཅུགས་ནའང་། དེའི་རྗེས་ནས་བཟུང་ཉེན་རྟོག་པ་དང་དྲག་ཆས་དམག་མི་འཕར་སྣོན་བྱས་པ་དང་། དགུང་མོ་དེར་ཚོགས་ཆེན་དགེ་བསྐོས་སོགས་སྐབས་དེར་བརྙན་འཕྲིན་ཏུ་བླངས་པ་གཞིར་བཟུང་གཏུག་བཤེར་བྱེད་དུ་འགྲོ་མཁན་གྱི་མི་ཚང་མ་འཛིན་བཟུང་བཀག་ཉར་བྱེད་མགོ་བརྩམས་པ་རེད་ཅེས་གསུངས།
ཁོང་གིས་མུ་མཐུད་དེ། དེ་ལྟར་རིམ་གྱིས་ནག་ཉེས་ཆེས་ཆེ་བའི་མི་དགུ་ཙམ་མགོ་ལོག་དགའ་བདེར་ཁྲིད་ནས་ལོ་དང་ཟླ་བ་མི་འདྲ་བའི་ཁྲིམས་ཐག་བཅད་པ་རེད། དེ་བཞིན་དུས་འཁོར་གྲྭ་ཚང་གི་གྲྭ་བློ་གྲོས་དང་བློ་དར། མན་ངག ཡར་འཕེལ་སོགས་གསང་བའི་སྒོ་ནས་འཇུ་བཟུང་བཙན་ཁྲིད་ཀྱིས་ཞིང་ཆེན་སོགས་སུ་ཁྲིད་དེ་ཟླ་གཅིག་གཉིས་རིང་བཀག་ཉར་བྱས་པ་རེད། ཁོང་ཚོ་མཉམ་དུ་འོད་ཟེར་བཟང་བོ་དང་ངག་བཟང་གཉིས་ཡོད་པ་ད་ལྟའང་གར་སོང་ཆ་མེད་དུ་གྱུར་ཏེ། གནས་ཚུལ་གང་ཡང་ཤེས་རྟོགས་བྱུང་མེད།
ལོ་སྔོན་མའི་ཟླ་ ༡༠ ནང་མན་ངག་རྡོ་རྗེ་ལ་ལོ་གསུམ་དང་བློ་དར་ལ་གཅིག་གི་བཙོན་འཇུག་ཁྲིམས་ཐག་བཅད་ཡོད།
དོན་རྐྱེན་བྱུང་རྗེས་ཟླ་གཉིས་ལྷག་གི་རིང་ཉེན་རྟོག་པ་དང་དམག་མིས་རྭ་རྒྱ་དགོན་པའི་ནང་དུ་དམག་སྒར་བརྒྱབས་ཏེ་བསྡད་པ་མ་ཟད། གྲྭ་པ་ཚང་མའི་རྒྱབ་ལྗོངས་ཀྱི་ལོ་རྒྱུས་བྲིས་པ་དང་ཁ་སྣའི་དབྱིབས་དང་ཚུགས་ཀ རྐང་ལག་གི་ཆེ་ཆུང་དང་ལུས་ཀྱི་ལྗིད་ཚད་སོགས་ཚང་མ་ཚིག་ཐོར་བཀོད་པ་དང་། ཡིག་ཆ་གསར་དུ་བཟོས་པ། དགོན་པའི་བཅའ་ཡིག་ནང་དུའང་བསྐྱར་དུ་བཟོ་བཅོས་བརྒྱབས་པ་སོགས་བྱས་པ་མ་ཟད། ཉིན་ལྟར་ཚོགས་འདུ་འཚོགས་པ་རེད། སྐབས་དེར་རྒྱལ་གཅེས་ཆོས་གཅེས་དང་ཁ་བྲལ་རིང་ལུགས་པར་ངོ་རྒོལ་རྒྱག་དགོས་པ་སོགས་ཀྱི་སློབ་གསོ་སྤེལ་བ་དང་། སློབ་གསོའི་ནང་དུ་ཆོས་ཚིག་ལྟ་བུ་བསྲེས་ཏེ་རྒྱུགས་བླངས་པ། འཛིན་གྲྭ་ལོགས་སུ་བགོས་ཏེ་འཛིན་གྲྭ་རེ་རེ་བཞིན་དུ་འཛིན་བདག་བཞག་པ་མ་ཟད། ཡིག་རྒྱུགས་རྩེར་ཕུད་སོན་པ་རྣམས་ལ་བྱ་དགའ་བྱིན་པ་རེད།
སྐབས་དེ་དུས་དོགས་གཞི་ཡོད་པའི་མི་ཚང་མ་མཚན་མོར་གསང་སྟབས་ཀྱིས་ཁྲིད་དེ་འདྲི་རྩད་དང་ཉེས་རྡུང་སྣ་ཚོགས་བཏང་རྗེས། ཕྱིར་རང་ཤག་ཏུ་མཚན་མོར་ཁྲིད་ཡོང་གི་ཡོད་ནའང་། གློད་གྲོལ་སྐབས་འཇིགས་སྐུལ་སྣ་ཚོགས་བྱས་པར་བརྟེན་མང་བོ་ཞིག་ཕྱིར་རང་ཤག་ཏུ་འབྱོར་རྗེས་མི་གཞན་ལ་གནས་ཚུལ་ཅི་བྱུང་གི་སྐོར་བརྗོད་ཐུབ་ཀྱི་ཡོད་པ་མ་རེད། དེ་བཞིན་དོགས་གཞི་ཅན་གྱི་མི་མང་བོ་ཞིག་ཁ་སང་དེ་རིང་ད་དུང་མུ་མཐུད་དེ་ཉིན་ལྟར་ཞིང་མི་དམངས་སྲིད་གཞུང་ནང་ཐོ་འགོད་བྱེད་དུ་འགྲོ་དགོས་ཀྱིན་འདུག
མདོ་སྨད་རྭ་རྒྱར་དོན་རྐྱེན་བྱུང་བའི་སྐབས་དེར་རྒྱ་ནག་གིས་དྲག་ཆས་དམག་མིའམ། ཡང་ན་ཐད་ཀར་མི་གསོད་ཆོག་ཅིང་གྱོན་པ་ནག་པོ་གྱོན་པའི་སྡེ་ཁག་གིས་ལམ་གྱི་གཡས་གཡོན་ནས་དཔུང་བསྒྲིགས་ཏེ་གཤར་བ་དང་། རླངས་འཁོར་ནང་མེ་མདའི་མཆུ་མང་ཚོགས་ལ་གཏད་དེ་ཡར་བསྐྱོད་མར་བསྐྱོད་བྱེད་པ། དགོན་འདབས་སུ་འཐབ་ར་བཙུགས་ཏེ་མེ་མདའི་ཁ་དགོན་པའི་ནང་གཏད་ནས་བཞག་པ་སོགས་འཇིགས་སྐུལ་སྣ་ཚོགས་བྱས་ཡོད་པ་རེད། དེ་ནི་བལ་ཡུལ་རྒྱལ་ས་སོགས་སུ་ཉིན་མཚན་མེད་པར་དམག་གིས་སྲུང་སྲུང་བར་སྡོད་བཞིན་པ་དང་གཅིག་མཚུངས་རེད་ཅེས་བརྗོད་ཡོད།
དེ་བཞིན་ཁོང་གིས་ལོ་སྔོན་མའི་དོན་རྐྱེན་དེ་བྱུང་སྐབས་གསུམ་པའི་སྒྲུབ་མཆོད་ཀྱང་འཚོགས་བཅུགས་ཡོད་པ་མ་རེད། ནམ་རྒྱུན་ལྟར་ན་གསུམ་པའི་སྒྲུབ་མཆོད་སྐབས་སེར་སྐྱ་མང་ཚོགས་ཆིག་ཁྲི་ལྷག་མཉམ་དུ་འཛོམས་ཀྱིན་ཡོད་ནའང་། ལོ་སྔོན་མར་མི་མང་བརྒྱ་ལྷག་མ་གཏོགས་ཡོང་བཅུགས་མེད།
གཞན་ཡང་ལོ་ལྟར་ཟླ་བརྒྱད་པའི་ཚེས་བདུན་ཉིན་རྭ་རྒྱ་དགོན་དང་རེབ་གོང་དགོན་ཆེན། གཙང་དགོན་པ། གསེར་རྟ་དགོན། ཀླུ་ཚང་དགོན། ཆབ་ཆའི་དགོན་པ་སོ་མ། གསེར་ལག་དགོན་སོགས་བསྡོམས་པས་དགོན་སྡེ་ ༤༠ ཙམ་གྱིས་གྲྭ་པ་ ༥༠༠ ལྷག་མཉམ་དུ་འཛོམས་ཏེ་འཇང་དགུན་ཆོས་འཚོགས་ཀྱིན་ཡོད་ཅིང་། བརྒྱད་པའི་ཚེས་ ༡༥ བར་དུ་འཚོགས་དགོས་ཀྱི་ཡོད་ནའང་། ལོ་སྔོན་མར་རྒྱ་ནག་གི་རྒྱལ་སྟོན་དུས་ཆེན་དང་མཉམ་དུ་འཁེལ་ཡོད་སྟབས། འཇང་དགུན་ཆོས་གྲོལ་རྒྱུར་ཉིན་བཞི་ལྔ་ལས་མེད་སྐབས་དམག་མི་སླེབས་ཏེ་བཙན་གྱིས་གྲོལ་བཅུག་སོང་། འདི་ལྟར་མདོ་སྨད་ཁུལ་གྱི་དགོན་པ་ཁག་ཅིག་གིས་མཉམ་དུ་འཇང་དགུན་ཆོས་འཚོགས་རྒྱུ་ནི་ ༡༩༩༦ ཡས་མས་ཤིག་ཏུ་དབུས་གཙང་གི་དགེ་བཤེས་ཟླ་གྲགས་ཚང་མར་ཕེབས་ཏེ། རྭ་རྒྱ་དགོན་དང་རེབ་གོབང་དགོན། གཙང་དགོན་པ་གསུམ་མཉམ་དུ་འཛོམས་ནས་འཇང་དགུན་ཆོས་འཚོགས་རྒྱུའི་སྲོལ་བཏོད་པ་ནས་བཟུང་བྱུང་བ་དང་། ད་ལྟའི་བར་འཇང་དགུན་ཆོས་ཐེངས་ ༡༤ བར་དུ་མཉམ་དུ་འཚོགས་ཐུབ་པ་བྱུང་ཡོད། ཡིན་ནའང་། ལོ་སྔོན་མར་མཇུག་བསྡུ་ལ་རན་པའི་འཇང་དགུན་ཆོས་དེ་མཇུག་སྐྱོང་གི་བཅུག་མེད་སྟབས་གྲྭ་མང་ལ་ཧ་ཅང་གི་བློ་ཕམ་བྱུང་ཡོད་ནའང་། བྱེད་ཐབས་གང་ཡང་བྱུང་མེད་པ་རེད། འདི་ལོར་དུས་ཆེན་གཉིས་ལ་བཀག་འགོག་བྱས་པ་ནི་གསུམ་པའི་སྒྲུབ་མཆོད་དང་འཇང་དགུན་ཆོས་གཉིས་ཀ་རེད་ཅེས་སོགས་གསུངས་ཡོད།
གསར་འགོད་པ་ཨ་རིག་འགྱུར་མེད།
ད་བོད་ནང་དུ་བོད་པ་ཚོས་སུམ་ཅུའི་དུས་དྲན་རྩི་བསྲུང་བྱེད་མི་དགོས་པར་རྒྱ་གཞུང་གིས་རྩི་བསྲུང་བྱེད་ཀྱིན་འདུག།
འདི་ལྟར་བོད་ཀྱི་མི་བུ་རྣམས་ཤི་བཞིན་ཡོད་ལ་འཆུ་དགོས་ངེས་ཤིག་ཀྱང་ཡིན་
ཡིན་ན་འང་འདི་ནི་བོད་གཅིག་བུ་ལས་བཙན་བྱོལ་ནང་དུ་འདི་ལྟར་བྱེད་ནི་མེད་དོན་ཅི་ཞིག་ཡིན་ནམ། ངའི་འདི་དང་འདིའི་སྐོར་ལ་བསམ་ཚུལ་རེ་བྲི་འདོན་ནི་རང་ཉིད་བོད་པ་ཞིག་ཡིན་པའི་ཆ་ནས་ཡིན།
དེ་མིན་བཙན་བྱོལ་དུ་ཡོད་པའི་བོད་རིགས་རྣམས་ཀྱིས་འདི་དང་འདིའི་སྐོར་ལ་བསམ་ཚུལ་ཙམ་ཡང་འབྲི་མཁན་མེད་ནོ་ཁོང་ཚོ་བོད་རིགས་ལ་མ་དུང་བ་དང་བོད་རིགས་ལ་མ་དགའ་བ་ཞིག་རེད་དམ།
ཞེས་ན་རྩ་བ་ནས་མ་རེད།
འོ་ན་འདིའི་གནད་དོན་ཅི་ཞིག་ལ་ཐིག་ཡོད་ཅེས་ན་འདི་ནི་རང་ཉིད་སམ་པ་དང་རང་ཉིད་འདོར་མ་ཐུབ་པའི་སྐྱེན་བྱས་པ་རེད།
ཧ་ཧ་སྟོབས་འདི་ངོ་མ་གླན་པ་ལུག་རང་རེད་་་་་མགོ་ལ་རྡོ་མ་ཞུས་ན་མི་གོ་ནི་ཞིག་རེད་ལ་་་་་ངའི་སྒེར་དོན་རེ་ཡོད་ན་ཟེར་བ་ལས་གཞན་གང་ཡང་མེད་་ཨ་རོ་་སྐྱེས་ཕོ་རབ་ཁོག་ལ་མདའ་ཤོང་མདོང་ཤོང་ཟེར་་་ང་ཁ་རྩོད་བྱེད་ན་མི་འདོད་གི་་་བསམ་ཚུལ་བཤད་པ་ཙམ་ཡིན་་་་་་ཁྱེད་ཀྱི་བཅོས་རོགས་ཞེས་བས་རེ་བསྐུལ་དེ་བཤད་སྟང་ཚ་དྲགས་འདུག་པས་་་དེས་ན་ངའི་ཅང་བསམ་ཚུལ་ཅུང་ཚ་བ་བཤད་པ་ཡིན་་་་་ད་ཨེ་གོ་ཐ་་ང་སུ་ལ་མི་སྐྲག་གླེན་པ་ལ་སྐྲག་་་་་་ཧ་ཧ་ཧ་
རྒྱ་རྡེའུའི་དགེ་འདུནཀླེན་ཕྲུག སྤྱིར་ཡིན་ན་ངས་ཁྱེད་ལ་རྩོད་རྒྱག་འདོད་མི་འདུག་མོད ། ཁྱེད་ཀྱི་ངའི་ ཚིག་འདི་སྒེར་དོན་ཡིན་པ་གང་གིས་ཐག་ཆོད་ཡོད་བྱས་ཡོད ། ལན་གསལ་པོ་ཞིག་འདེབས་རོགས ། མི་སྐྱོན་བཤད་ནས་བཅོས་དགོས། ཤིང་སྐྱོན་གཞོགས་ནས་ལྟ་དགོས་ཟེར་བ་གོ་ཨེ་མྱོང་ ། དངོས་གནས་ཁྱེད་ཀྱིལུས་སྟེང་ན་དྲི་ངན་འཐིམ་འདུག སྐྱ་སེར་གང་ཡིན་རུང་ལམ་ཁ་གུ་དོག་མོ་ཞིག་ལ་འགྲོ་ཟེརམཁན་ཡིད་ཆེས་མེད ། འདི་ཚོ་ལ་གཟབ་གཟབ་བྱེད་དགོས་ཡིག་སྐྱོན་ལས་གནད་འགག་ཚ་པོ་དང་ཆེས་གཟབ་དགོས་ས་འདི་ཚོ་རེད
ལུས་དང་ཤེས་སྟོབས་གང་འདྲ་ཡིན་་་་་་་ཁ་སྟོབས་ཆེ་དྲགས་འདུག་་་་་་་་མི་སྐྱོན་མེད་དང་ཤིང་འཛེར་མེད་དཀོན་ནི་རེད་་་་་་་་ནོར་བ་ལས་བཅོས་བ་མ་རེད་་་་་་་མཐུན་བསྒྲིལ་བྱེད་རྒྱུ་ལས་ཁ་སྣ་རྩོད་བྱེད་ན་དགོས་མེད་རེད་་་་སྒེར་དོན་རེ་ཡོད་ན་འགྲུལ་བཞུད་ཀྱི་ལམ་ཁ་སྟབས་བདེ་ཡིན་པས་གདོང་དང་གདོང་ཐུག་ནས་ཐག་བཅད་ན་མ་རེད་དམ་་་་་་་་་ཧ་ཧ་ཧ་་་་་འཁོར་ཡུག་འདིའི་ནང་དུ་དྲི་ངད་མ་བྱུག་རོགས་་་་་་
རྩོམ་སྒྲིག་པ་ལགས གཟབ་གཟབ་བྱེད་རོགས ་བཀྲ་ཤིས་བཟང་པོ་མིང་ལ་ཡི་ཤེས་བཟང་པོ་ཞེས་མིང་འདོགས་དོན་ཅི་ཡིན ། བསམ་པ་རྣམ་དག་ཞིག་ཡིན་ན །འདས་ཟིན་པའི་རྒྱལ་གཅེས་དཔའ་པོཚོའི་ལོ་རྒྱས་ལ་ནག་སིབ་མ་བྱེད་རོགས །
ཡུལ་གཞན་དུ་གྱར་དང། སྐོག་བཟུང་བྱས་ནས་བཞག་པའམ། རྒྱ་གཞུང་གིས་སྐོག་བསད་བཏང་བ་གསུམ་དུ་ངེས་པས་ཚང་མས་རྩད་གཅོད་ལ་འགན་འཁུར་གནང་དགོས།
གསར་འགོད་པའི་གཟབ་མནན་མ་བྱས་པའི་སྐྱོན་འདུག གོང་དུ་གྲྭ་ཡེ་ཤེས་བཟང་བོ་ཟེར་བ་དེ་ནོར་བ་རེད། བཀྲ་ཤིས་བཟང་བོ་ཟེར་བ་རེད།
དངོས་གནས་ཡིན་ཚེ་གུས་འདུན་ཞུ་་་་
རྭ་རྒྱ་དགོན་པ་ཟེར་བ་ལས་་་ལ་རྒྱ་དགོན་ཞེས་མཚན་གསོལ་ན་མི་ལེགས་བསམ་་་་་
རྒྱལ་གཅེས་པ་ཚང་མ་སེམས་སྟེང་ནས་གུས་འདུད་ཞུ།