ང་ཚོས་རྒྱལ་མཆོག་སྐུ་ཕྲེང་བཅུ་གསུམ་པས་བོད་ཆབ་སྲིད་དང་འབྲེལ་བའི་གདོང་ལེན་མཛད་ཕྱོགས་དང་། ལྷག་པར་དགའ་ལྡན་ཕོ་བྲང་ཚགས་ཚུད་དང་རང་བཙན་གཙང་མ་གསལ་བཤད། ཁྱིམ་མཚེས་རྒྱལ་ཁབ་དང་གཞི་རིམ་གྱི་འབྲེལ་བ་མཉམ་ལས་བྱས་པའི་རླབས་ཆེན་གྱི་མཛད་རྗེས་ལ་གུས་འདུད་དང་བཀའ་དྲིན་རྗེས་དྲན་ཞུ་རྒྱུ་ཡིན་ཟེར།
དེ་རིང་སྟེ་ཕྱི་ཚེས་ ༢༥ ཉིན་གྱི་ཞོགས་པའི་ཆུ་ཚོད་དགུ་བའི་སྟེང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་རྒྱལ་དབང་སྐུ་ཕྲེང་བཅུ་གསུམ་པ་ཐུབ་བསྟན་རྒྱ་མཚོ་མཆོག རྒྱ་གར་ནང་བཙན་བྱོལ་དུ་ཕེབས་དགོས་བྱུང་སྟེ་ལོ་ ༡༠༠ འཁོར་བའི་དུས་དྲན་གྱི་མཛད་སྒོ་ཞིག་འཚོགས་ཡོད་ཅིང་། མཛད་སྒོའི་ཐོག་ལྷན་ཁང་ཁག་བདུན་གྱི་བཀའ་བློན་རྣམ་པ་དང་བོད་མི་མང་སྤྱི་འཐུས་ཚོགས་གཙོ་གཞོན་གཙོས་གཞུང་ཞབས་ལས་བྱེད་དང་སེར་སྐྱ་མང་ཚོགས་སོགས་འདུ་འཛོམས་བྱུང་ཡོད།
མཛད་སྒོའི་ཐོག་བཀའ་ཁྲི་མཆོག་གིས་བཀའ་སློབ་གསུང་བཤད་གནང་དོན། དེ་རིང་༧གོང་ས་སྐུ་ཕྲེང་བཅུ་གསུམ་པ་ཆེན་པོ་མཆོག་ ༡༩༡༠ ལོར་རྒྱ་ནག་མན་ཇུའི་དམག་གིས་བོད་ལ་ཁྲིམས་འགལ་གྱི་བཙན་འཛུལ་དང་བརྡབ་གསིག་བྱས་མཐར། རྒྱ་གར་ནང་བཙན་ཡོལ་ཏུ་ཕེབས་ནས་ལོ་ ༡༠༠ འཁོར་བའི་རྗེས་དྲན་སྲུང་གཙི་བྱ་ཆེད་ང་ཚོ་འདིར་འཛོམས་ཡོད་སྟབས། བཙན་བྱོལ་བོད་གཞུང་བཀའ་ཤག་དང་གཞིས་བྱེས་བོད་མི་ཡོངས་ཀྱི་ངོས་ནས་རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོ་མཆོག་གི་བཀའ་དྲིན་རྗེས་དྲན་དང་། ཁོང་གི་སྐུའི་རིང་གི་བོད་ཀྱི་ཆབ་སྲིད་དང་སྤྱི་ཚོགས་དང་འབྲེལ་བའི་སྐུ་ངལ་དང་གདོང་ལེན་མཛད་ཕྱོགས། ལྷག་པར་དགའ་ལྡན་ཕོ་བྲང་གི་གཞུང་དེས་ཚགས་ཚུད་དང་རང་བཙན་གཙང་མ། ཁྱིམ་མཚེས་རྒྱལ་ཁབ་ཁག་དང་གཞི་རིམ་གྱི་འབྲེལ་བ་སོགས་མཉམ་ལས་བྱས་པའི་རླབས་ཆེན་གྱི་མཛད་འཕྲིན་ལ་རྗེས་དྲན་གུས་འདུད་དང་བཀའ་དྲིན་རྗེས་དྲན་ཞུ་རྒྱུ་ཡིན། དགའ་ལྡན་ཕོ་བྲང་གི་མངའ་ཐང་ཉམས་དམས་སུ་སོང་བའི་སྐབས་ཤིག་ཏུ་སྐུ་ཕྲེང་བཅུ་གསུམ་པ་ཆེན་པོས་ ༡༨༩༥ ལོར་ཆོས་སྲིད་ཀྱི་ཐུགས་འགན་བཞེས་པ་ནས་བཟུང་། ཧ་ལམ་རྒྱལ་མཆོག་ལྔ་པ་ཆེན་པོས་ཐུགས་ཀྱི་ཕྱག་གནང་ལྟར་འགྲུབ་པའི་བོད་གཞུང་གི་ཆབ་སྲིད་ཀྱི་མངའ་ཐང་དང་། ཕྱག་ལས་གང་ཅིའི་ཐོག་རླབས་ཆེན་གྱི་མཛད་པ་བསྐྱངས་ཡོད། ཡིན་ནའང་། ༡༩༠༤ ལོར་དབྱིན་ཇིའི་གོང་མས་བཙན་འཛུལ་དང་། ༡༩༡༠ ལོར་མན་ཇུའི་དམག་གིས་བཙན་འཛུལ་འོག་ཁོང་ཉིད་རྒྱ་ནག་དང་རྒྱ་གར་ནང་བཙན་བྱོལ་ཏུ་ཕེབས་དགོས་པའི་གནས་ཚུལ་བྱུང་བ་རེད། རྒྱ་གར་ནང་བཙན་བྱོལ་ཏུ་ཕེབས་རྗེས་སུའང་རྒྱ་ནག་ནང་གི་ཆབ་སྲིད་ཀྱི་འགྱུར་འགྲོས་དང་། དེ་བཞིན་རྒྱ་གར་དབྱིན་གཞུང་དང་རྒྱ་ནག་དབུས་བར་གྱི་འབྲེལ་ལམ་བསྐྱར་གསོ་སོགས་ ༡༩༡༢ ལོ་ནས་ ༡༩༥༡ ལོའི་བར་ས་ཁྱོན་གྱི་ཆ་ནས་ཆོལ་ཁ་གསུམ་ཁྱོན་ཡོངས་དབང་བསྒྱུར་མ་ཐུབ་པ་ཡིན་ནའང་། ས་ཁྱོན་ཕྱེད་ཙམ་གྱི་ཐོག་དགའ་ལྡན་ཕོ་བྲང་གིས་དབང་བསྒྱུར་བྱས་པའི་ཆབ་དཔལ་རིག་གསུམ་སོགས་ཕུན་སུམ་ཚོགས་པ་ཞིག་བྱུང་བ་དང་། ལྷག་པར་དུ་རྒྱལ་དབང་ལྔ་བའི་བོད་གཞུང་གི་ཆབ་སྲིད་ཀྱི་འགན་ཏེ་སྐུ་ཕྲེང་བཅུ་གསུམ་པའི་བཞེས་ཏེ། ༡༩༡༢ ལོར་རྒྱ་དམར་མཐར་སྤྲོད་བཏང་རྗེས་བོད་རང་བཙན་གྱི་གནས་བབ་བསྐྱར་དུ་གསལ་བཤད་གནང་བ་སོགས་རླབས་ཆེན་གྱི་མཛད་འཕྲིན་བསམ་གྱིས་མི་ཁྱབ་པ་བསྐྱངས་ཡོད་སྟབས། དེང་སང་འཛམ་གླིང་སྤྱི་སྲོལ་ལྟར་བྱུང་རབས་ལོ་རྒྱུས་ལྡན་པའི་གནས་ཚུལ་བྱུང་རིམ་ལ་ལོ་བརྒྱ་འཁོར་རྗེས་བསྐྱར་དུ་དུས་དྲན་སྲུང་གཙིའི་ལམ་སྲོལ་ཡོད་པ་ལྟར། བཙན་བྱོལ་བོད་གཞུང་གི་ངོས་ནས་ཀྱང་གལ་གནད་ཆེ་བའི་བྱུང་རབས་འདིར་ལོ་བརྒྱ་འཁོར་བའི་དུས་དྲན་སྲུང་གཙི་བྱེད་ཀྱིན་ཡོད་ལ། དེ་རིང་གི་དུས་དྲན་གྱི་མཛད་རིམ་འདི་ཆབ་སྲིད་དང་ཆོས་ཕྱོགས་ཀྱི་མཛད་འཕྲིན་སྣ་ཚོགས་ཤིག་གི་སྟེང་ནས་སྲུང་གཙི་བྱས་ཡོད།
ལོ་རྒྱུས་དེབ་ཐེར་ནང་ཚེས་གྲངས་འདྲ་མིན་བཀོད་ཡོད་ནའང་ལོ་འདིིའི་དེ་རིང་གི་ཉིན་མོ་འདི་ནས་བཟུང་རྒྱ་གར་གྱི་བཀའ་བློན་སྤུག་དང་བདེ་སྐྱིད་གླིང་། ཀ་ལི་ཀ་ཏ་སོགས་སྐུ་ཕྲེང་བཅུ་གསུམ་པ་བཞུགས་ཡུལ་གྱི་ས་ཁུལ་ཁག་ཅིག་ཏུའང་དུས་དྲན་སྲུང་གཙི་བྱ་རྒྱུའི་བང་བསྒྲིགས་ཡོད། དེ་བཞིན་མ་འོངས་པར་བལྟས་ན་ ༢༠༡༢ ལོར་སྐུ་ཕྲེང་བཅུ་གསུམ་པ་མཆོག་བཙན་བྱོལ་ནས་རང་གི་སྐྱོང་ཡུལ་རྒྱལ་ཁབ་ཏུ་ཕྱིར་ལོག་ནས་ལོ་ ༡༠༠ འཁོར་བའི་དུས་དྲན་འཁེལ་ཡོད་སྟབས། སྐབས་དེར། གཅིག་བྱས་ན་བོད་དོན་བདེན་མཐའ་གསལ་བ་དང་གཞིས་བྱེས་མཉམ་འཛོམས་བྱུང་བར་རེ་བ་དང་སྨོན་ལམ་རྒྱག་ངེས་པ་ཞིག་དང་རྒྱག་དགོས་པ་ཞིག་ལ་ངོས་འཛིན་བྱེད་ཀྱིན་ཡོད་ལ། བོད་གཞུང་བཀའ་ཤག་དང་གཞིས་བྱེས་བོད་མི་ཡོངས་ནས་ལྷག་བསམ་སྨྲ་མེད་ཀྱི་ངང་ནས་སྲུང་གཙི་བྱ་རྒྱུའི་རེ་འདུན་ཞུ་བ་ཡིན། ཞེས་གསུངས་བྱུང།
ཡང་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་རྒྱལ་དབང་སྐུ་ཕྲེང་བཅུ་གསུམ་པ་ཆེན་པོའི་མཛད་རྣམ་དང་འབྲེལ་གསུངས་དོན། རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོ་མཆོག་གིས། ཆོས་སྲིད་གཉིས་ཀའི་མཛད་འཕྲིན་རྒྱས་པའི་བཀའ་དྲིན་ལས་བོད་ཅེས་པའི་རང་བཙན་གཙང་མའི་རྒྱལ་ཁབ་ཅིག་གནས་ཐུབ་པ་མ་ཟད། བོད་གངས་ཅན་གྱི་སྐྱེ་འགྲོ་ཡོངས་ཀྱིས་ཆོས་འབྱོར་བདེ་སྐྱིད་ལ་རོལ་ཐུབ་པ་བྱུང་ཞིང་། ཆབ་སྲིད་ཀྱི་འགན་བཞེས་སྐབས་བོད་དེ་རུ་སུ་ཛར་གོང་མ་དང་རྒྱ་གར་དབྱིན་ཇིའི་གཞུང་། རྒྱ་ནག་བཅས་ཀྱིས་རྩེད་བཞིན་པའི་འཁོར་ལོ་ཆེན་མོའི་ནང་ཚུད་ཡོད་སྟབས། རུ་སུའི་དབང་ཤུགས་སླེབས་དོགས་ཀྱིས་དབྱིན་ཇིའི་བོད་ནང་བཙན་འཛུལ་བྱས་ཏེ། སྐུ་ཕྲེང་བཅུ་གསུམ་པ་ཆེན་པོ་སོག་པོ་དང་རྒྱ་ནག་ཏུ་བཙན་བྱོལ་ཏུ་ཕེབས་དགོས་བྱུང་ཚུལ་དང་། མན་ཇུ་གོང་མའི་སྲིད་དབང་སྣུམ་ཟད་ལྟར་རྒུད་སྐབས། རྒྱ་ནག་གི་བློན་པོ་ཁག་ཅིག་དང་བོད་སྡོད་ཨམ་བན། དམག་དཔོན་གུའུ་ཅུན་བཅས་ཀྱིས་ལྐོག་བྱུས་དམར་རྗེན་དུ་ཐོན་ཏེ་བོད་ཤར་ཕྱོགས་ནས་ལྷ་སར་བཙན་འཛུལ་བྱས་མཐར། རྒྱ་གར་ནང་བཙན་བྱོལ་ཏུ་ཕེབས་དགོས་བྱུང་ཚུལ། བཙན་བྱོལ་ཏུ་བཞུགས་སྐབས་སུ་སོག་པོ་དང་མན་ཇུ་གོང་མ་ཡུམ་སྲས། རྒྱ་ནག་ཏུ་ཡོད་པའི་དབྱིན་ཇི་དང་ཨ་རི། ཉི་ཧོང་། འཇར་མན་སོགས་ཀྱི་གཞུང་ཚབ་ལ་འབྲེལ་བ་བྱས་པ་སོགས་བོད་ཀྱི་ལོ་རྒྱུས་ཐོག་ཕྱིའི་རྒྱལ་ཁབ་དང་ཕྱི་འབྲེལ་སྲིད་བྱུས་གསལ་བོ་བཟུང་བ་ཐོག་མ་ཆགས་ཚུལ་སོགས་ཀྱི་མཛད་འཕྲིན་ཁག་དང་། དེ་བཞིན། སྐུ་ཕྲེང་བཅུ་གསུམ་པ་བཙན་བྱོལ་ཏུ་ཕེབས་དུས་ཀྱི་ཉམས་མྱོང་ལས་བོད་འདི་དེང་རབས་དང་མཐུན་པའི་འཛུགས་སྐྲུན་ཡར་རྒྱས་ཀྱི་གསར་གཏོད་མང་པོ་བྱས་ཡོད་པ་མ་ཟད། བོད་ཀྱི་སྔར་སྲོལ་རིག་གནས་སློབ་སྦྱོང་ལ་སྔར་ལས་དར་རྒྱས་དང་། ཕྱི་རྒྱལ་གྱི་སྐད་ཡིག་དང་རིག་འཕྲུལ་ལག་ཤེས་སོགས་ཀྱི་ཐད་སྐད་ཡིག་དང་གསོ་རིག་གི་སློབ་གྲྭ་གསར་འཛུགས་དང་། རྒྱ་གར་དང་དབྱིན་ཡུལ་སོགས་སུ་སློབ་སྦྱོང་ལ་མངགས་གཏོང་། ༡༩༡༢ ལོར་རྒྱ་ཁབ་སྲུང་སྐྱོབ་ཐད་བོད་ལྗོངས་དམག་སྤྱི་ཁང་གསར་འཛུགས་སོགས་རྒྱལ་དབང་སྐུ་ཕྲེང་བཅུ་གསུམ་པ་མཆོག་གིས་ཆོས་སྲིད་གཉིས་ཀྱི་མཛད་འཕྲིན་ཁག་ངོ་སྤྲོད་གནང་ཡོད། 
རྗེས་དྲན་བྱས་འཚོགས་དོན་འདི་ང་ཚོའི་རང་སྐྱོན་ངོས་ལེན་བྱེད་ཕྱིར་ཏུ་འེ་ཡིན་ནམ།་་་དེ་མིན་ཡང་སྐྱལ་སྐུ་གྲགས་ལམ་ལུགས་རྒྱུན་སྐྱོངས་ཀྱི་ཡིན་པེ།་་ང་ཚོའི་འདས་བའི་ལོ་རྒྱས་ནག་པོ་འདི་སེམས་ལ་དྲན་ན་༸རྒྱལ་དབང་བཅུ་གསུམ་པའི་མིང་བརྗོད་མི་ཐུབ་པ་ཞིག་ཆགས་ཡོད།་ཡིན་ན་ཡང་བླ་མ་རྒྱགས་པ་ཁ་ཤས་ཀྱི་ད་དུང་ཤེས་ཀྱི་མེད་པ་འདྲ།་
གྲོགས་པོ་ལགས།་་༸རྒྱལ་དབང་སྐུ་འཕྲང་བཅུ་གསུམ་པ་རླབས་ཆེན་ཡིན་པ་ཤེས་ཚོད་དེ་ད་ང་ཚོ་མཁུ་སོང་བ་མ་རེ་འམ།
རེད་ཡ།་རྒྱལ་དབང་སྐུ་འཕྲང་བཅུ་གསུམ་པའི་སྐབས་སུ་ཡང་།་ང་ཚོ་ཁ་ནས་༸རྒྱལ་བ་རིན་པོ་ཆེ་ཟེར་མཁན་གྱི་བླ་མ་རྒྱགས་པ་ཚོ་གཙོར་བྱས་ནས།
ང་ཚོ་རང་གཞན་ཚང་མའི་བོད་དོན་རྒྱབ་ལ་བཞག་ནས།་སྐུ་གྲགས་ལམ་ལུགས་ཀྱི་དབང་བསྒྱུར་བྱས་ནས་།་་༸གོང་ས་བཅུ་གསུམ་པའི་གསུང་སྒྲུབ་མེད་
པ་མངོན་གསུམ་ཚད་པའི་སྒྲུབ་ཐུབ་གྱི་ཡོད།་་ང་ཚོའི་འདས་པའི་ལོ་རྒྱས་བཤད་ཡོང་ན་སེམས་སྐྱོ་བ་རང་རེད།་་རེད་ཡ་་མའོངས་པ་ཡང་
ངའི་ཚོད་སྤགས་བྱས་ན་།་་བླ་མ་རྒྱགས་པ་ཚོའི་སྤྱོད་པ་ལ་ལྟོའི་དང་།་དངུལ་དང་བུ་མོ་མཛེས་མ་རེ་ཡོད་ན།་་༸གོང་ས་མཆོག་གི་གསུང་རྣམས་ཧཧཧཧ
བཙན་བྱོལ་བོད་གཞུང་གིས་རྒྱལ་བ་སྐུ་ཕྲེང་བཅུ་གསུམ་པས་བོད་རང་བཙན་གྱི་བསྒྲགས་གཏམ་སྤེལ་བའི་རྒྱུ་མཚན་བགྲངས་ནས་རྗེས་དྲན་ཞུས་པ་འདིས་མ་འོངས་པར་བོད་གཞུང་གི་འཐབ་རྩོད་ལངས་ཕྱོགས་ཀྱང་རང་བཙན་གྱི་ཕྱོགས་སུ་བསྒྱུར་རྒྱུའི་སྔ་རྟགས་རེད་ཟེར།་དེ་བདེན་པ་ཡིན་ནམ། འདི་ནི་ཉེ་ཆར་གྱི་བོད་ཀྱི་གྲོས་མོལ་སྐུ་ཚབ་ལ་རྒྱ་ནག་གིས་སྐད་ཆ་རྣ་བར་འགྲོ་བ་ཞིག་མ་བཤད་པའི་བརྡ་ལན་སྤྲོད་པའམ་སྙིང་ནད་རྩོད་པ་རེད་ཟེར། ཁྱོད་ཚོར་དེའི་སྐོར་ནས་ཅིག་བཤད་རྒྱུ་་འདྲ་ཡོད་དམ།
སྤུན་ཟླ་ཚོ་།
རྒྱལ་དབང་སྐུ་ཕྲེང་བཅུ་གསུམ་པ་ཆེན་པོའི་རླབས་ཆེན་གྱི་མཛད་རྗེས་རིན་ཐང་ཅན་འཛམ་གླིང་སྤྱི་དང་ཁྱད་པར་བོད་བསིལ་ལྡན་ལྗོངས་སུ་བྱུང་བའི་བདེ་སྐྱིད་ཀྱི་གཞི་མ་ཉག་ཅིག་ཡིན་པས།
རང་གཞན་ཀུན་གྱིས་དུས་གཏན་དུ་གུས་བཏུད་དང་རྗེས་དྲན་གྱིས་ཁོང་གི་ལམ་སྟོན་བཀའ་སློབ་ཁག་ལ་ཁྲ་ཆུང་མིག་བལྟས་དར་ལུང་རྣ་བས་ཉན་བློ་ཆུང་སེམས་ཀྱིས་བསམ་ནས་རྒྱལ་བ་ཁོང་གི་བཀའ་དགོངས་འགྲུབ་ཐབས་ལ་འབུངས་ཤོག།
གངས་ཅན་བོད་ཀྱི་ཡུལ་ལ། །ལོ་རྒྱུས་མིན་འདུག་མ་གསུང་། །ཆོས་རྒྱལ་བོད་ཡུལ་ཆེན་པོ། །ལོ་རྒྱུས་མིན་ན་གང་ཡིན། །
གངས་ཅན་བོད་ཀྱི་ཡུལ་དེ། །རང་བཙན་མ་རེད་མ་གསུང་། །སྐུ་འཕྲེང་བཅུ་གསུམ་སྐུ་རིང་། །རང་བཙན་མིན་ན་གང་ཡིན། །
གངས་ཅན་ཆོལ་ཁ་གསུམ་ལ། །བོད་གཞུང་མིན་འདུག་མ་གསུང་། །བཞུགས་སྒར་གངས་ཅན་སྐྱིད་གཤོངས། །བོད་གཞུང་མིན་ན་གང་ཡིན། །
གངས་ཅན་བོད་འབངས་ཡོངས་ལ། །ནོར་བུ་མིན་འདུག་མ་གསུང་། །༸ གོང་ས་ཡིད་བཞིན་ནོར་བུ། །ནོར་བུ་མིན་ན་གང་ཡིན། །
གངས་ལྗོངས་ཆོལ་ཁ་གསུམ་ལ། །ཆིག་བསྒྲིལ་མིན་འདུག་མ་གསུང་། །ཉིས་སྟོང་བརྒྱད་ལོའི་ཞི་རྒོལ། །ཆིག་བསྒྲིལ་མིན་ན་གང་ཡིན། །
གངས་ཅན་བོད་རིགས་ཡོངས་ལ། །མདུན་ལམ་མིན་འདུག་མ་གསུང་། །ཆོས་སྲིད་རིག་གཞུང་ཕ་སྐད། །མདུན་ལམ་མིན་ན་གང་ཡིན། །
གངས་ཅན་ས་ཡ་དྲུག་ལ། །རྒྱལ་ཁབ་མིན་འདུག་མ་གསུང་། །གངས་ལྗོངས་ཆོལ་གསུམ་ས་ཁྱོན། །བོད་རྒྱལ་མིན་ན་གང་ཡིན། །
འཛམ་གླིང་ས་གཞིའི་རིལ་མོར། །ཉི་མ་མི་འདུག་མ་གསུང་། །༸ བོད་ཀྱི་ཡིད་བཞིན་ནོར་བུ། །ཉི་མ་མིན་ན་གང་ཡིན། །
འཛམ་གླིང་ཞི་བདེའི་དེད་དཔོན། །གངས་ཅན་ལྷ་གཅིག་པད་དཀར། །གསང་གསུམ་ཐུགས་ཀྱི་མཛད་འཕྲིན། །མཁའ་ལྟར་མཉམ་པར་གྱུར་ཅིག
རྒྱ་རྡེའུའི་དགེ་འདུན་ལགས་ ཁྱེད་ཀྱི་དྲི་བ་ལན་འདེབས་བྱས་ཡོད་དེ་ལྟར་དུ་གཟིགས་རོགས་
སྐབས་དེར་རྒྱ་ནག་མན་ཇུའི་དམག་བོད་ལ་ཐོན་ཚར་ཡོད་ན ། གལ་སྲིད་ཡོད་ན་བོད་ཀྱི་ས་ཚུགས་གང་ནས་བོད་ལ་བཙན་འཛུལ་དང་བརྡབ་གསིག་བྱེད་མགོ་བཙུགས་ཡོད་ན
རྟེན་འབྲེལ་ཞུ།།།བྱ་བ་བཟང་པོ་ཞིག་དང་ཕྱི་རབ་པ་ཚོའི་བྱེད་དགོས་ངེས་ཞིག་རེད
བཀའ་དྲིན་ཆེ་་་་་་་་་་་་
༸གོང་ས་བཅུ་གསུམ་པ་ནི་བོད་ཀྱི་ལོ་རྒྱུས་སྟེང་གི་རླབས་ཆེན་གྱོ་དབུ་ཁྲིད་ཅིག་དང་། སྐུ་ཚེ་ཧྲིལ་པོ་བོད་ཀྱི་ཆེད་དུ་དཀའ་སྡུག་གིས་སྐྱེལ་བའི་སྐུ་ཚེ་ཞིག་དང་། ༸གོང་ས་བཅུ་བཞི་བའི་མཛད་པ་དང་གཅིག་མཐུན་དུ་གནས་པས། ང་ཚོ་བོད་མི་ཚོས་དུས་ནམ་ཡང་བརྗིད་མི་སྲིད།
ཤིན་ཏུ་བཀུར་འོས་སྤུན་ཟླ་ཡོངས་ལ་འཚམས་འདྲི་བཀྲ་ཤིས་བདེ་ལེགས།
རྗེས་དྲན་གྱི་ཚོགས་ཆེན་འདི་ལ་སྙིང་ནས་དགའ་བསུ་ཞུ།