ནོར་གླིང་མཐོ་སློབ་ཀྱི་ཟུར་ཞུགས་སློབ་མ་བློ་བཟང་ཆོས་སྐྱབས་ལ་རྒྱ་གར་ཡུལ་མི་ཞིག་གིས་གཅར་རྡུང་དྲག་པོ་བཏང་སྟེ་སྲོག་ཉེན་ཡོད་པའི་གནས་སུ་བསྐྱལ་འདུག་
ཟླ་འདིའི་ཚེས་ ༡ ཉིིན་རང་ལོ་ ༢༠ ཡིན་ཞིང་ནོར་གླིང་བོད་ཀྱི་མཐོ་རིམ་སློབ་གཉེར་ཁང་དུ་ཟུར་ཞུགས་བྱེད་ཀྱིན་པའི་སློབ་མ་བློ་བཟང་ཆོས་སྐྱབས་ལ་རྒྱ་གར་ཡུལ་མི་ཞིག་གིས་རྡུང་རྡེག་དྲག་པོ་བཏང་སྟེ། ཆུ་ཚོད་གཉིས་རིང་གཙུག་ལག་ཁང་གཤམ་འོག་གི་ནགས་གསེབ་དུ་མི་སུ་ཞིག་གིས་ཀྱང་མ་ཤེས་པར་སྲོག་ལ་ཉེན་ཁ་ཡོད་པའི་གནས་སུ་བསྐྱལ་ཡོད་ཀྱང་། ཕྱིས་སུ་ངྷ་ས་བདེ་དོན་དང་མདོ་སྨད་དབུས་ས་གཉིས་ཀྱི་རྒྱུན་ལས་ཁང་། དེ་བཞིན་ནོར་གླིང་མཐོ་སློབ་སོགས་ཀྱི་རོགས་སྐྱོར་འོག་ཀ་ཅ་རི་དང་ཀང་ར་སྨན་ཁང་། ཅན་ངྷི་སྒར་སྨན་ཁང་བཅས་སུ་ཕྱིན་ཏེ་མྱུར་སྐྱོབ་བྱས་མཐར་སྲོག་ཉེན་ལས་ཐར་ཏེ། ད་ལྟ་ཕྱིར་བོད་གཞུང་བདེ་ལེགས་སྨན་ཁང་དུ་གནས་སྤར་ཏེ་སྨན་བཅོས་བྱེད་ཀྱིན་ཡོད་འདུག འདི་གའི་གསར་འགོད་པས་ཐེངས་འདིའི་དོན་རྐྱེན་འདིའི་བྱུང་རིམ་དང་འབྲེལ་བའི་ཞིབ་ཕྲའི་གནས་ཚུལ་ཤེས་རྟོགས་བྱ་ཆེད། ཕྱི་ཚེས་ ༧ ཉིན་དངོས་སུ་བོད་གཞུང་བདེ་ལེགས་སྨན་ཁང་དུ་ཕྱིན་ཏེ་བློ་བཟང་ཆོས་སྐྱབས་ལ་བཀའ་འདྲི་ཞུ་འཆར་བྱས་ཀྱང་། བློ་བཟང་ཆོས་སྐྱབས་ཀྱིས་ད་ལྟའི་ཆར་ན་ཟུག་གི་རྐྱེན་པས་སྐད་ཆ་བཤད་མི་ཐུབ་པའི་གནས་སུ་ལྷག་ཡོད་སྟབས། ད་ལྟ་ཁོ་ལ་བདག་གཉེར་བྱེད་ཀྱིན་པའི་ཁོང་གི་སྤུན་མཆེད་གྲྭ་བློ་བཟང་ཚེ་རིང་ལགས་སུ་བཀའ་འདྲི་ཞུས་པར། ཁོང་གིས་དོན་རྐྱེན་འདིའི་བྱུང་སྟངས་ཀྱི་ལོ་རྒྱུས་དང་འབྲེལ་བརྗོད་གནང་བྱུང་། ཁོང་གིས། ཐེངས་འདིའི་དོན་རྐྱེན་དེ་མ་བྱུང་བའི་ཡར་སྔོན་གྱི་ཕྱི་ཚེས་ ༡༣ བར་ངེད་སྤུན་གཉིས་ནོར་གླིང་ནས་མཉམ་དུ་བསྡད་པ་ཡིན། རྗེས་སུ་ང་མེག་ལོར་ཡོང་བ་དང་། ཚེས་ ༡༦ ཉིན་གྱི་ཞོགས་པར་ངས་ཁོ་ལ་ཁ་པར་བཏང་སྟེ་ངེད་གཉིས་རང་བདེན་ཚོགས་ཆུང་དང་དཔལ་འབྱོར་ལས་ཁུངས་སུ་ཕྱིན་ཏེ་ཁོའི་རང་བཙན་ལག་དེབ་ལེན་དགོས་ཚུལ་བརྗོད་རྗེས་ཁོ་ཉིན་དེར་ནོར་གླིང་ནས་མེག་ལོར་ཡོང་བ་རེད། རྗེས་སུ་དོན་རྐྱེན་འདི་འདྲ་ཞིག་བྱུང་སོང་བ་དང་སྨན་ཁང་དུ་ཡོད་པའི་སྐབས་སུ་མ་གཏོགས་ངས་ཤེས་མ་སོང་། ཡིན་ནའང། ཁས་ཉིན་སྨན་ཁང་ནས་ཅུང་ཙམ་དྲན་སོས་པ་དང་ཁ་གྲགས་ཐུབ་ཙམ་བྱུང་སྐབས་ཁོས་གནས་ཚུལ་འདིའི་སྐོར་ང་ལ་བརྗོད་བྱུང། ཁོས་བརྗོད་དོན་ལྟར་ན། ཉིན་དེའི་ཉིན་གུང་ཆུ་ཚོད་ ༡༡ ཡས་མས་སུ་ཁོ་ནོར་གླིང་ནས་ངྷ་ཤོད་བར་རླངས་འཁོར་ནང་ཡོང་ཡོད་འདུག་ལ། ངྷ་ཤོད་ནས་རྐང་ལམ་བརྒྱུད་དེ་ཁོ་རང་གཅིག་པུ་གངས་སྐྱིད་ཡོང་སའི་རྐང་ལམ་བརྒྱུད་དེ་ཡོང་སྐབས། རྒྱ་གར་གྱི་ཕོ་གསར་ཞིག་གིས་ཁོང་ལ་གར་འགྲོ་དྲིས་བྱུང་ཟེར། ཁོས་མེག་ལོར་འགྲོ་རྒྱུ་ཡིན་སྐོར་བརྗོད་སྐབས་ཕོ་གསར་དེས་ཀྱང་མེག་ལོར་འགྲོ་གི་ཡིན་སྐོར་བརྗོད་དེ་ཁོང་གཉིས་མཉམ་དུ་ཡར་ཡོང་འདུག ཁོང་གཉིས་ངྷ་ཤོད་གོང་གི་རྐང་ལམ་དུ་ངལ་གསོ་སའི་རྐུབ་སྟེགས་རིང་པོ་ཡོད་ས་དེ་རུ་སླེབས་སྐབས་ངོ་ཤེས་གྲྭ་པ་འགས་ཀྱང་དངོས་སུ་མཐོང་སོང་ཟེར། རྗེས་སུ་ཁོང་གིས་བཤད་པ་ལྟར་ན་བདེ་ལེགས་སྨན་ཁང་གོང་གི་རྒྱ་ལམ་ལ་མ་སོང་བར་གཙུག་ལག་ཁང་གི་སྐོར་ལམ་ལ་འགྲོ་སའི་ནག་གསེབ་ཀྱི་རྐང་ལམ་བརྒྱུད་དེ་ཡར་སོང་ཡོད་འདུག་ལ། ནགས་གསེབ་ཀྱི་མི་མེད་པའི་མཚམས་སུ་སླེབས་སྐབས་རྒྱ་གར་ཕོ་གསར་དེས་ཁོང་ལ་རྒྱབ་ཁུག་ནང་ཅི་ཡོད་དང་ཁོང་ལ་སྒོར་མོ་སྤྲོད་དགོས་ཚུལ་སོགས་བརྗོད་སོང་ཟེར། ཁོས་རྒྱབ་ཁུག་བསྟན་དེ་ཁོར་སྒོར་མོ་མེད་ཚུལ་བརྗོད་སྐབས་གློ་བུར་ཁོང་ལ་ཁུ་ཚུར་གྱིས་གཞུས་སོང་ཟེར་ལ། དེ་ནས་ཁོང་གཉིས་ཕན་ཚུན་འཇུ་རེས་གང་འཚམ་བྱས་ཡོད་ཚོད་རེད། རྗེས་སུ་ཕོ་གསར་དེས་ཁོང་གི་ལག་པ་ཡ་གཅིག་ཕྱིར་བཀུག་པ་དང་ཐེངས་མང་པོ་རྡུང་རྗེས་བར་མཚམས་ཤིག་ནས་ཁོ་དྲན་མེད་དུ་བརྒྱལ་སོང་བས་ཅི་བྱས་ཅི་བྱུང་སོགས་ཅི་ཡང་ཤེས་མི་འདུག ཁོ་དྲན་པ་སོས་དུས་ཀང་ར་སྨན་ཁང་ནང་བསྐྱལ་འདུག་ཟེར། ཅེས་བརྗོད་བྱུང་།
ཡང་ཁོང་གིས་མུ་མཐུད་དོན། རྗེས་སུ་ཁོ་རང་ལ་མྱུར་སྐྱོབ་བྱེད་མཁན་དག་གིས་བརྗོད་དོན་ལྟར་ན། ཉིན་དེར་རྒྱ་གར་ཕོ་གསར་དེས་གཅར་རྡུང་དྲག་པོ་བྱས་མཐར་ཁོ་ཤིང་ནགས་དེའི་ཉེ་འགྲམ་ནས་ཆུ་ཚོད་གཉིས་རིང་དྲན་མེད་དུ་ལྷག་འདུག་ལ། ཕྱིས་སུ་ཉེ་འགྲམ་དུ་ཡོད་པའི་བལ་ཡུལ་གྱི་མི་ཁ་ཤས་ཤིག་གིས་ཤེས་རྟོགས་བྱུང་སྟེ་བོད་པའི་བུད་མེད་ཞིག་ལ་བརྗོད་ཡོད་འདུག བུད་མེད་དེས་གངས་སྐྱིད་ཀྱི་ལས་ཁུངས་ཤིག་ལ་གནས་ཚུལ་བཤད་རྗེས་ངྷ་ས་བདེ་དོན་ལས་ཁུངསདང་ས་གནས་ཉེན་རྟོག་པ་སོགས་ཡོང་སྟེ། ཀ་ཅ་རུ་སྨན་ཁང་དུ་བསྐྱལ་རྗེས་ཁོ་སུ་ཡིན་མིན་དང་ཆོལ་ཁུངས་གང་གི་མི་ཡིན་མིན་སོགས་བརྟག་དཔྱད་བྱས་དུས་ནད་པའི་ཁ་གྲགས་མ་ཐུབ་པ་སོགས་ཀྱི་བདེན་དཔང་ཅི་ཡང་མེད་ཀྱང་། སྐབས་དེར་ཁོའི་རྒྱབ་ཁུག་ནང་དུ་རྒྱལ་རབས་ལོ་རྒྱུས་སྐོར་གྱི་ཟིན་བྲིས་ཤིག་ཡོད་པའི་སྟེང་བོད་ནང་གི་གཞས་པ་ཤེར་བརྟན་དང་རྩོམ་པ་པོ་ཁག་ཅིག་གི་མིང་སོགས་དབུ་ཅན་གྱི་ལམ་ནས་བྲིས་ཡོད་པ་ཤེས་རྟོགས་བྱུང་རྗེས་མདོ་སྨད་ཀྱི་མི་ཡིན་པར་ངོས་འཛིན་གྱིས་མདོ་སྨད་རྒྱུན་ལས་ལ་ཁ་པར་བཏང་ཡོད་འདུག ཕྱིས་སུ་མདོ་སྨད་དབུས་ས་གཉིས་ཀྱི་རྒྱུན་ལས་ཁག་ཅིག་ཀ་ཅ་རུ་སྨན་ཁང་དུ་འབྱོར་བ་དང་བདེ་དོན་ལས་ཁུངས་ཀྱི་ལས་བྱེད་རྣམ་པས་མཉམ་རུབ་ཀྱིས་ཐོག་མར་ཁོ་མྱུར་སྐྱོབ་བྱ་ཆེད་ཀ་ཅ་རུ་སྨན་ཁང་ནས་ཀང་ར་སྨན་ཁང་དུ་གནས་སྤོར་གྱིས་མྱུར་སྐྱོབ་དང་འབྲེལ་པར་རིས་སོགས་རིགས་གསུམ་བླངས་སྐབས། ཁོའི་ཀླད་པ་དང་གྲོད་ཁོག་ནང་ཁྲག་བླུགས་ཡོད་པ། གདོང་དང་ལུས་ཡོངས་ཀྱི་རྨ་ཁ་ཚབས་ཆེན་ཡིན་ཚུལ་བརྗོད་འདུག དེ་ནས་ཆུ་ཚོད་ཕྱེད་ཀ་ལྷག་གི་རྗེས་སུ་ཁོས་ཁྲག་སྐྱུགས་པ་དང་དེའི་རྗེས་སུ་ཁ་ཅུང་ཙམ་ཞིག་གྲགས་ཐུབ་ཡོད་འདུག སྐབས་དེར་ཁོས་ཁོ་ཕ་ཡུལ་རྫ་ཆུ་ཁ་བ་ནས་ཡིན་པ་དང་ད་ལྟ་ནོར་གླིང་མཐོ་སློབ་དུ་ཟུར་ཞུགས་བྱེད་ཀྱིན་ཡོད་པའི་སྐོར་སོགས་བརྗོད་འདུག རྗེས་སུ་ཁོང་ཚོས་ནོར་གླིང་མཐོ་སློབ་ལ་འབྲེལ་བ་གནང་སྟབས། མཐོ་སློབ་ཀྱི་སློབ་སྤྱི་སླེབས་ཏེ་ཟུར་ཞུགས་སློབ་མ་ཡིན་པ་ངོས་ཟིན་འདུག་ལ། ངྷ་ས་བདེ་དོན་དང་མདོ་སྨད་རྒྱུན་ལས། ནོར་གླིང་མཐོ་སློབ་བཅས་ཀྱི་རོགས་རམ་འོག་ཁོ་སྲོག་ཉེན་ལས་ཐར་བ་དང་ཅན་ངྷི་སྒར་དུ་སྨན་བཅོས་ལ་ཕྱིན་པ་རེེད། ད་ལྟ་ཁོང་ཏོག་ཙམ་བཟང་དུ་ཕྱིན་རྗེས་བདེ་ལེགས་སྨན་ཁང་དུ་སྨན་བཅོས་བྱེད་ཀྱིན་ཡོད། ཡིན་ནའང་། ད་ལྟའི་ཆར་ཡང་སྐད་ཆ་བཤད་ཁག་པར་མ་ཟད། ཟ་མ་བཟའ་བར་ཡང་དཀའ་ཁག་གི་གནས་སུ་གྱར་ཡོད་པ་རེད། ཅེས་བརྗོད་བྱུང་། མཐའ་མར་ཁོང་གིས་སྤུན་ཟླའི་དོན་རྐྱེན་འདི་དང་འབྲེལ་བོད་རིགས་སྤུན་ཟླ་རྣམ་པར་བརྗོད་དོན། སྤྱིར་ང་ཚོ་བཙན་བྱོལ་བ་ཡིན་པ་དང་སོ་སོར་རྒྱལ་ཁབ་དང་རང་གི་ལུང་པའི་ནང་བསྡད་མེད་པའི་དབང་གིས། མི་གཞན་གྱི་བརྙས་བཅོས་བྱེད་པའི་རིགས་དེ་ཡོད་པ་ཞིག་རེད་ལ། ང་ཚོས་འཁུར་དགོས་པའི་གནས་ལུགས་ཤིག་གི་ཐོག་ནས་འཁུར་དགོས་པ་རེད། ཡིན་ནའང་། དོན་མེད་དུ་སྒོར་མོ་བཙན་འཕྲོག་དང་མི་ལ་གཅར་རྡུང་བྱས་པའི་རིགས་འདི་ཧ་ཅང་ཐབས་སྐྱོ་བོ་རེད་བསམ། དེའི་ཁྲོད་ནས་ཀྱང་དཔལ་འབྱོར་མེད་པ་དང་རེ་ས་སྐྱབས་ས་མེད་པའི་མི་ཞིག་ལ་མཚོན་ན་འདི་འདྲའི་གནས་སྟངས་འོག་ཧ་ཅང་དཀའ་ངལ་གྱི་གནས་ཤིག་ཡིན་སྟབས། ངས་ང་ཚོ་ངྷ་སའི་ཉེ་འགྲམ་ན་ཡོད་པའི་བོད་རིགས་སྤུན་ཟླ་ཚོར་ང་ཚོས་ག་དུས་ཡིན་ཡང་འདི་ལྟ་བུའི་གནས་ཚུལ་མི་འབྱུང་ཆེད་གཟབ་དགོས་ཀྱི་འདུག གནས་སྟངས་འདིའི་རིགས་ཁོ་གཅིག་པུའི་ཐོག་བྱུང་བ་ཞིག་མིན་པར་ཁ་སང་དེ་རིང་བྱུང་དང་འབྱུང་བཞིན་པའི་གནས་ཚུལ་ཞིག་རེད། ཅེས་དང་། ཡང་ཁོང་གིས་ཐེངས་འདིར་ཁོའི་སྤུན་མཆེད་ལ་རོགས་སྐྱོར་བྱེད་མཁན་གྱི་ངྷ་ས་བདེ་དོན་དང་མདོ་སྨད་རྒྱུན་ལས། ནོར་གླིང་མཐོ་སློབ་བཅས་ལ་རོགས་སྐྱོར་དང་མཐུན་རྐྱེན་གནང་མཁན་གྱི་མི་སྒེར་སོགས་ལ་ཐུགས་རྗེ་བཀའ་དྲིན་ཆེ་ཞེས་བརྗོད་བྱུང།
དེ་བཞིན། དོན་རྐྱེན་འདི་ཁྲིམས་ཐོག་ཏུ་གནས་སྟངས་གང་འདྲ་ཆགས་ཡོད་མེད་ཀྱི་སྐོར་ལ་འདི་གའི་གསར་འགོད་པས་ངྷ་ས་བདེ་དོན་འགན་འཛིན་ཚེ་རིང་ཕུན་ཚོགས་ལགས་སུ་བཀའ་འདྲི་ཞུས་པར། ཁོང་གིས་ཐོག་མར་དོན་རྐྱེན་དེ་གོ་བའི་གོ་རིམ་དང་འབྲེལ་གསུངས་དོན། ད་རེས་ ༣ པའི་ཚེས་གཅིག་གི་ཆུ་ཚོད་ ༡༢ ཡས་མས་སུ་བདེ་སྲུང་དྲུང་ཆེ་མཆོག་གིས་ང་ལ་ཞལ་པར་ཞིག་འབྱོར་ཏེ་བོད་མི་ཞིག་ཤི་མིན་རོ་མིན་བྱས་ཏེ་ནགས་གསེབ་དུ་ལྷག་ཡོད་པའི་གནས་ཚུལ་འགྲེལ་བརྗོད་གནང་བྱུང། དེ་ནས་ང་དང་ངའི་ཁ་ལོ་བ་བཅས་མི་ཁག་ཅིག་མཉམ་དུ་ལྟ་རུ་ཆས་པར་ཤུགས་གསེབ་ཀྱི་ནགས་དཀྱིལ་ཏུ་ལྷག་བསྡད་འདུག དེ་ནས་ཉེན་རྟོག་པ་སྐད་བཏང་ཉེན་རྟོག་པས་ཁོའི་ RC སོགས་ལ་ཞིབ་འཇུག་བྱས་རྗེས་ང་ཚོ་མཉམ་རུབ་ཀྱིས་རྒྱ་གར་སྨན་ཁང་དུ་ཁྲིད་ཡོད་ལ། རྗེས་སུ་ཀང་ར་སྨན་ཁང་དུ་ཁྲིད་པ་དང་ཨ་མདོ་ནས་ཡིན་པར་ཚོད་དཔག་བྱས་རྗེས་མདོ་སྨད་སྐྱིད་སྡུག་གིས་རོགས་པ་མང་པོ་བྱས་སོང་། ཕྱིས་སུ་གནས་སྟངས་ཛ་དྲག་ཡིན་སྟབས་ང་ཚོས་ཅན་ངྷི་སྒར་སྨན་ཁང་དུ་བཏང་བ་རེད་ཅེས་དང་། ཡང་ཁོང་གིས། རྗེས་སུ་ང་ཚོས་བལ་ཡུལ་གྱི་རང་ལོ་ ༡༥ ལྷག་ཡིན་པའི་ཕོ་གསར་དེས་རྒྱ་གར་གྱི་ཕོ་གསར་རྒྱག་པ་ཞིག་གིས་ཁོ་ལ་གཅར་རྡུང་བྱས་ཡོད་ཚུལ་དངོས་སུ་མཐོང་ཡོད་པ་དང་། ང་དང་ངའི་ཁ་ལོ་བ་སོགས་ཀྱིས་ཐོག་དང་པོར་ཁོའི་གནས་སྟངས་མཐོང་ཡོད་པ་རེད། དེ་བཞིན་ཁོང་གི་སྤུན་ཟླ་ཡང་ཡོང་ཡོད་སྟབས་ང་ཚོའི་ངོས་ནས་གནས་ཚུལ་ཚང་མ་ཞུ་གཏུགས་བྱས་ཡོད་པར་མ་ཟད། མ་འོངས་པར་གནས་ཚུལ་འདིའི་ཐད་ཁྲིམས་གཏུགས་བྱ་འཆར་ཡོད་ལ། དེ་མིན་རྐུ་འཕྲོག་གི་གནས་ཚུལ་མང་པོ་ཞིག་ཀྱང་ཉེ་ཆར་ལྷག་ཡོང་གི་ཡོད་སྟབས་ང་ཚོ་ངྷ་ས་བདེ་དོན་གྱི་ངོས་ནས་རྒྱ་གར་ཉེན་རྟོག་པར་གནས་ཚུལ་ཡར་ཞུ་དང་ཁོང་ཚོར་དོན་རྐྱེན་འདི་དག་གི་ཐད་ལ་དམ་དྲག་དང་ལྟ་རྟོག་བྱ་དགོས་པའི་རེ་འདུན་བཏོན་ཡོད། ཅེས་གསུངས་བྱུང་།
རྒྱ་བལ་མི་ནི་རྒྱ་རྟགས་དམར་པོ་འདྲ། །
བོད་ཀྱི་ཕོ་གསར་ཝྭ་མོ་ཁྱུ་གཅིག་བཞིན། །
སྡོང་ཡང་ཆོག་ལ་བསད་ཀྱང་རུང་བའི་མི། །
གཉེན་རྣམས་སྐྱོ་ཞིང་དགྲ་རྣམས་དགོས་པའི་ཡུལ། །
དགོས་མེད་དང་དོན་མེད་མ་བཤད་ལ། འཐེན་འཁྱེར་དང་ཁ་ཕོ་ཡང་མ་རྒོད། དོན་དངོས་གང་ས་གང་དུ་སོང་ན་ཚང་མས་གཟབ་ཙམ་གནང་རྒྱུ་གལ་ཆེ།
དངོས་གནས་ངས་ཕོ་གསར་དེར་མཐོང་ཆུང་མེད་ལ། རྒྱ་གར་བ་ཞིག་གིས་ཁོར་བརྡུང་ཐུབ་པ་དེ་སྲིད་པ་ཞིག་རེད། ད་ཆ་ང་ཚོས་དེའི་རྒྱབ་ལྗོངས་ལ་དོགས་པ་བྱེད་དགོས། ངས་བྱས་ན་རྒྱ་གར་བ་མི་གཅིག་གིས་ཁོ་ལ་དེ་བརྡུང་བ་དེ་ཡ་མཚན་འདུག བྱུང་ན་རྒྱ་གར་བ་དེ་ངེས་པར་དུ་བཟུང་ནས་དྲི་རྩོད་བྱེད་དགོས། དེས་ཆུ་ཆུང་ཆུང་ནང་ཉ་ཆེན་པོ་རགས་སྲིད།
ནད་པ་ཁ་སྡུང་གཏོང་ནས་དགོས་པ་མེད་ལ་ཕྱོགས་རིས་མཐེན་འཕྱེར་བྱས་ན་དེ་ལས་ཀྱང་དགོས་པ་མེད། མདོར་ན་ནད་པ་ལ་རོགས་སྐྱོབ་བྱེད་མཁན་དག་ལ་ཐུགས་རྗེ་ཆེ།
འོད་ཀྱི་གནས་ལུགས་བཤད་ཤེས་མི་འདུག འདི་ལྟར་བཤད་ལས་མ་བཤད་ན་བཟང་ ། སྐྱེས་པ་ཞིག་ཡིན་ཕྱིན་ཅུང་རགས་ཀྱི་མེད་་དགོས་པ་གང་ཤེས་སོང་
བུད་མེད་ཅིག་ཡིན་ན་ཡིན་ལོས་ཡིན། དེ་མིན་ཕོ་རྒོད་སྟག་འདྲ་བ་ཞིག་ལ་ཁག་མི་འདུག་ཟེར་ཁག་པོ་འདུག འཐབ་ནས་མི་ཐུབ་ན་བྲོས་ན་མི་ཆོག་གམ། རང་ལུས་འདོམ་པ་གང་ལའང་བདག་མི་ཐུབ་ན་ངས་ཅང་བཤད་ཤེས་ཀྱི་མི་འདུག སྨན་ཁང་ནས་ངལ་གསོ་རྒྱོབས། སྒོར་མ་འབུད། སྐུ་ངོ་གཡག་འདྲ་བ་དེ་ཚོས་ཅི་ཞིག་བྱེད་ཀྱིན་ཡོད་རེད། གོ་མི་ཆོད་ན་གོ་ས་བཀག་ནས་ཅི་ཕན། གསོ་ཕག་དེ་ཚོས་ག་དུས་ཡིན་ཡང་རྒྱ་གར་བའི་ངོ་འཚོ་རྒྱུ་མང་དྲགས་ན་ཡོང་རྒྱུ་འདི་གཅིག་པུས་ཚད་མི་ཡོང་། རིམ་གྱིས་ཉོན་དང་གོ་རྒྱུ་ཇེ་མང་ཡིན།
པར་འདི་མཐོང་དུས་ཉིས་སྟོང་བརྒྱད་ཀྱི་བོད་ཀྱི་དཔའ་པོ་ཚོའི་ཕོང་པོ་དྲན་གྱི་འདུག ང་ཚོའི་ཉེས་བཅས་བཟེད་ནས་འདི་ལྟར་འགྲོ་དགོས
མཆན་འདེབས་ཚོས་ཁ་རྒྱག་པ་བཤད་པ་དང་། གཅར་རྡུང་རེག་མཁན་གྱི་བོད་མི་དེ་ལ་མཐོང་ཆུང་དང་དམའ་འབེབ་བྱེད་པ་ལས། ཁོ་ལ་སེམས་གསོ་དང་རོགས་རམ་གང་ཐུབ་བྱེད་འེ་ཐུབ་གནང་ན་ག་འདྲ་འདུག །
སྤྱིར་སྟངས་སྐྱོ་པོ་བྱུང་འདུག་ཡིན་ནའང་བོད་པའི་བུ་ཁོང་རང་བློ་ཁོག་དང་ཤེད་ཤུགས་ཡག་པོ་མེད་པ་ཡིན་རྒྱུ་རེད་མ་གཏོགས་ང་འདྲ་ཞིག་ཡིན་ན་ངས་དཀོན་མཆོག་མི་བཞག་ངོ་མ་ཐག་ཆོད་ཡིན་ཁོ་ལ་ལག་པ་གཉིས་ང་ཡང་དེ་བཞིན་ད་དུང་ཁོང་རང་ལ་དམིགས་གསལ་གྱི་མཆོན་ཆ་རིགས་ཅི་གང་ཡོད་ས་མ་རེད། བུ་བུའི་མ་ཐུབ་ན་སྐྱེ་དམན་རེད་ངོ་ནས་འདུག་རྒྱུ་ལས་ཅི་ཡོད།ཧ་ཧ་ཧ་ཧ་ཧ་ཧ།
ཁོང་བོད་རིགས་ཨ་མདོ་བ་ཡིན་ཡང་གོང་ཏུ་བོད་ཀྱི་དུས་བབ་གསར་མགོད་པས་བཤད་པ་བཞིན་བོད་གཞུང་བདེ་དོན་ནོར་གླིང་མཐོ་སློབ་གཉིས་ནས་རོགས་སྐྱོར་ཞུ་ཡོད་པ་ལས་ཨ་མདོ་རྒྱུན་ལས་ནས་རོགས་སྐྱོར་ཞུ་ཡོད་པ་གོ་མ་སོང་ ཡིན་ཡང་གཅར་རྡུང་དྲག་པོ་རག་པའི་ནད་པ་ཉམ་ཐག་འདི་ཨ་མདོ་བ་ཡིན་པས་ཨ་མདོའི་རྒྱུད་ལས་ནས་དགྲ་དགའ་གཉིན་སྡུག་གྱི་ཕྱོགས་སུ་དཔུང་སྒྲིགས་ཏེ་ནུས་མེད་འཐེན་འཁྱེར་ཁོ་ནའི་ཕྱོགས་སུ་མ་ལང་བར་དེ་འདྲ་གནང་ན་ཡག་པོ་འདུག། བོད་ཀྱི་དུས་བབ་གསར་མགོད་པས་དུ་རྒྱུན་ཟབ་ནད་དགོས་དོན་བོད་གཞུང་ནུས་མེད་དང་བོད་རིགས་གཅིག་སྒྲིགས་གཏོར་འདོད་པའི་བསམ་བློ་དེ་ཕེལ་ཁྱེད་ལ་ཡོད་རྒྱུ་མ་རེད། དེ་འདྲ་མེད་ན་དགོས་མེད་འདི་ཚོ་བརྗོད་རིན་མི་འདུག་པ། ཡང་ན་རྗེས་མ་བོད་མི་གཅིག་ལ་དཀའ་ངལ་བྱུང་ན་ཆོལ་ཁ་སོ་སོའི་རྒྱུན་ལས་ནས་བདག་པོ་རྒྱུ་ཡིན་པ་ལས་༼བོད་༽ཅེས་པ་དེ་ཁ་འཐོར་བཏང་དགོས་སམ་ འདི་ངེས་པ་ཏུ་དགོས་སམ་ ངས་ལྟས་ན་ད་ལྟའི་ཆར་ཨ་མདོའི་རྒྱུ་ལས་ཐབས་སྐྱོ་ཤོས་རེད་ཟེར་ཆོག་ཡང་བྱ་ངན་འདི་འདྲ་ཞིག་ནམ་ཡང་ཁོང་ཚའི་རྩམ་སྲིད་གྱི་མ་རེད། ཡང་ན་ལོང་ཤོག་སྤྱི་འཐུས་སྒྲོལ་མ་མཚོ་མོའི་གྲོས་འཆར་སྟོན་ས་རྟགས་རྒྱབ་ཏེ་ལོང་ཤོག་ང་ཚའི་ལྟས་མོ་ལྟ་ཆོག་། དུས་ད་ནས་ཨ་མདོ་བས་དགྲ་དགའ་གཉིན་སྡུག་ཀྱི་ལས་ཁོ་ན་བྱེད་ཀྱི་མ་རེད། ཁོ་ཚོའི་རྒྱ་གར་ཡུལ་མི་རྐུ་མ་གཅིག་ལ་ཁ་གཏད་ལང་མྱོང་བ་རེད་ཟེར་བའི་གཏང་བཟང་སྔ་མེད་གསར་པ་ཞིག་གྲགས་དང་། ཧཧཧཧཧཧཧཧའདི་དག་མི་དགོས་ན་བཟང་
སྡུག་གྱོང་རེད། ཕོ་གསར་ནི་སྟག་འདྲ་བོ་ཅིག་འདུག རྒྱ་གར་བ་དེ་ལ་ཡང་མགོ་གཅིག་དང་ལག་པ་གཉིས་ལས་ཡོད་ཚོད་མི་འདུག རུབ་བརྒྱབ་ཡོད་ན་ཡང་ཁག་མེད་ཀྱང་ཤིང་ནགས་ནང་ནས་བུ་ཕོ་ཁེར་གཏུགས་བྱས་པ་རེད། བརླ་བཙོང་དེའི་ལག་པ་ཞ་བསྡད་ཡོད་རྒྱུ་རེད།
བརྡུང་མཁན་མི་དེ་རྒྱ་གར་བ་ཡིན་པ་དང་ཁོས་སྒོར་མོའི་ཆེད་བརྡུང་པ་ཐག་ཆོད་ནའང་། སྒོར་མོ་ག་ནས་རགས་ཆེད་བརྡུང་བ་དེ་རྩད་གཅོད་རྒྱུ་མེད་དམ་སྙམ།
རྒྱ་གར་བ་དེ་བཙལ་འཚོལ་གྱིས་ཁྲིམས་ཆད་ནན་མོ་གཅོད་དགོས་ངེས་ཡིན་ལ། ངེས་པར་དུ་ཁྲིམས་གཏུགས་ཀྱང་བྱེད་དགོས། དེ་བཞིན་བོད་མི་སུ་ཡིན་ཡང་རང་ངོས་ནས་གང་གཟབ་དང་གལ་སྲིད་དོན་དག་དེ་འདྲ་བྱུང་སྐབས་གོང་གི་ཕོ་སར་དེ་ནང་བཞིན་མི་ཡོང་བའི་ཐབས་ཤེས་བྱ་རྒྱུ་དང་། རྡིགས་ཐིག་ན་རང་ནུས་གང་ཡོད་ཀྱིས་ཕར་རྒོལ་བྱ་དགོས་པ་རེད་བསམ་གི ལྷག་པར་དོན་དག་དེ་འདྲ་མི་འབྱུང་ཕྱིར་གྲོགས་པོའམ་རོགས་པ་མཉམ་དུ་འགྲོ་རྒྱུ་གལ་ཆེ།
ངྷ་ས་ན་ས་གནས་སྐུ་ངོ་ངར་བ་ཞིག་ཡོད་ཚེ་ཁྲིམས་གཏུགས་བྱ་རན་འདུག འོན་ཀྱང་མི་འགའ་ཤས་ཀྱིས་བཤད་ན་ས་གནས་སྐུ་ངོ་དེ་སྐུ་འདྲ་ནང་བཞིན་བོད་གཞིས་བྱེས་གཉིས་ཀྱི་བདེ་སྡུག་ཐད་ཡག་པོ་ཚུལ་ཞིག་ལབ་བྱུང་།མདོར་ན་དེ་ནི་རྐུབ་སྟེགས་སྲུང་མཁན་ཞིག་ཡིན་པ་འདྲ།