ཁ་སང་ཕྱི་དྲོ་མདོ་སྨད་རྨ་ཆུ་རྫོང་སློབ་འབྲིང་གི་སློབ་མ་ཚོས་སྣེ་ཁྲིད་དེ་མི་མང་མཉམ་རུབ་ཀྱིས་རྨ་ཆུ་རྫོང་ཐོག་ཏུ་ཞི་བའི་སྐད་འབོད་བྱས་ཡོད་འདུག
རྒྱ་གར་ལྷོ་ཕྱོགས་སྒོ་མང་གྲྭ་ཚང་བྱ་བྲལ་ཁང་ཚན་གྱི་མིང་བརྗོད་འདོད་མེད་པའི་དགེ་འདུན་པ་ཞིག་གིས་འདི་གར་ཁུངས་ལྡན་གནས་ཚུལ་མཁོ་སྤྲོད་བྱས་པ་ལྟར་ན། ཁ་སང་གཟའ་ཉི་མའི་ཉིན་གྱི་ཕྱི་དྲོའི་དུས་ཚོད་ ༤ ཡས་མས་སུ་མདོ་སྨད་ཀན་ལྷོ་བོད་རིགས་རང་སྐྱོང་ཁུལ་རྨ་ཆུ་རྫོང་བོད་ཡིག་སློབ་འབྲིང་གི་སློ་མ་ ༡༥ ལྷག་གི་སྣེ་ཁྲིད་འོག་རྨ་ཆུ་རྫོང་ཐོག་ཏུ་ཡོད་པའི་མི་མང་བརྒྱ་ཕྲག་མང་པོ་མཉམ་འཛོམས་ཐོག་༧རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག ང་ཚོ་ལ་རང་བཙན་དགོས། རྒྱ་མི་བོད་ནས་མཐར་སྐྲོད་བྱོས་ཞེས་འབོད་ཚིག་སྒྲོག་བཞིན་རྨ་ཆུ་རྫོང་ལ་བསྐོར་བ་བརྒྱབས་ཏེ་སྐད་འབོད་བྱས་འདུག རྗེས་སུ་དམག་མི་འབོར་ཆེན་སླེབས་ཏེ་འཛིན་བཟུང་བྱ་འཆར་བྱེད་སྐབས་མི་མང་ཡོངས་རྫོགས་རང་སར་བྲོས་མཐར་འཛིན་བཟུང་གི་གནས་ཚུལ་ཅི་ཡང་བྱུང་མེད་ནའང་། ཁ་སང་ཕྱི་དྲོ་ནས་བཟུང་དམག་མི་འབོར་ཆེན་སླེབས་འདུག་ཅེས་བརྗོད་བྱུང་ལ། ཡང་འབྲེལ་ཡོད་མི་སྣས་མུ་མཐུད་བརྗོད་དོན། ཐེངས་འདིའི་ངོ་རྒོལ་སྐད་འབོད་འདི་ནི་རྨ་ཆུ་རྫོང་སློབ་འབྲིང་གི་སློབ་མ་ཚོས་སྣེ་ཁྲིད་པ་ཞིག་ཡིན་འདུག་ལ། དེ་ཡང་གཙོ་བོ་འདི་ལོ་གསུམ་བཅུའི་དུས་དྲན་ཐེངས་ ༥༡ པའི་ཡར་སྔོན་ནས་བཟུང་རྒྱ་གཞུང་གི་འབྲེལ་ཡོད་མི་སྣས་རྨ་ཆུ་རྫོང་སློབ་འབྲིང་ལ་དམ་དྲག་བྱས་ཏེ་སློབ་མ་གཅིག་ཀྱང་ཕྱིར་མ་བཏང་སྟབས། ཁ་སང་སློབ་མ་ཁག་ཅིག་ཕྱིར་ཤོར་རྗེས་སྣེ་ཁྲིད་ཡོད་འདུག ད་ལྟའི་ཆར་རྒྱ་ནག་གིས་རྨ་ཆུ་རྫོང་ཁོངས་ཀྱི་བརྒྱུད་ལམ་ཡོངས་བཀག་འགོག་བྱས་ཏེ་དྲ་ལམ་དང་ཁ་པར་ཡོངས་བཀག་འགོག་བྱས་འདུག་ཅེས་བརྗོད་བྱུང།
འདི་ལོའི་ཕྱི་ཟླ་ ༡ པོའི་ཚེས་ ༡༡ ཉིན་རྨ་ཆུ་རྫོང་བོད་སློབ་འབྲིང་གིས་བོད་མིའི་སྐྱིད་སྡུག་མཉམ་མྱོང་ཞེས་པའི་བརྗོད་གཞིའི་ཐོག་མང་ཚོགས་རང་བཞིན་གྱི་ཚོགས་འདུ་བསྐོང་འཆར་བྱས་པར། རྒྱ་གཞུང་གིས་ཚོགས་འདུར་བཀག་འགོག་བྱས་ཡོད་པར་མ་ཟད། རྨ་ཆུ་རྫོང་སློབ་འབྲིང་དང་བོད་རིགས་སློབ་ཆུང་གཉིས་སྒོ་བརྒྱབ་དགོས་བྱུང་བ་དང་། དུས་དེ་ནས་བཟུང་རྒྱ་ནག་གིས་དམ་དྲག་དང་ལྟ་རྟོག་འོག་གནས་ཡོད་འདུག
གནས་ཚུལ་ཡོང་ཁུངས་གཞན་ཞིག་གིས་དེ་རིང་བོད་ནང་ཁ་པར་བརྒྱུད་ཤེས་པ་ལྟར་ན། རྨ་ཆུ་རྫོང་མི་རིགས་སློབ་འབྲིང་ནི་དེ་རིང་ཡང་དྲག་ཆས་ཉེན་རྟོག་པ་དང་དམག་མིས་བསྐོར་ཡོད་འདུག་ལ། རྫོང་ཐོག་ཏུའང་དམག་མི་དང་ཉེན་རྟོག་པས་དམ་དྲག་ཆེན་པོ་བྱེད་ཀྱིན་ཡོད་འདུག ཁ་སང་གི་ཡར་ལངས་དེ་ནི་ཉིན་གུང་དུས་ཚོད་ ༡༢ སྟེང་བྱུང་ཡོད་པ་དང་། སློབ་མ་ ༡༥ དེས་མགོ་ལ་མགོ་རིས་དཀར་པོ་དཀྲིས་ཤིང་། རྫོང་མི་དམངས་སྲིད་གཞུང་གི་མདུན་ནས་རྒྱ་ཡིག་དང་བོད་ཡིག་གི་ནང་དུ། མི་རིགས་འདྲ་མཉམ་དགོས། བོད་རང་བཙན་ཡིན། རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག་ཅེས་འབོད་ཚིག་བྲིས་ཡོད་པ་དང་། སྐད་འབོད་ཀྱི་སྐབས་སུ་གཙོ་བོ་བོད་རང་བཙན་ཡིན་ཅེས་བསྒྲགས་ཡོད་འདུག སྐད་འབོད་ཀྱི་དུས་ཡུན་ནི་དུས་ཚོད་གཅིག་གི་རིང་ཡིན་པ་དང་། སྐབས་དེར་མེ་མདའ་འཛིན་མཁན་དྲག་ཆས་ཉེན་རྟོག་པ་དང་དམག་མིས་ཁོང་ཚོ་བསྐོར་བསྡད་པ་མ་གཏོགས། འཛིན་བཟུང་ཉེས་རྡུང་སོགས་བཏང་མེད་ལ། དེ་ནི་ཕལ་ཆེར་གོང་རིམ་གྱི་བཀའ་མ་སླེབ་བར་དུ་ལག་འགུལ་མི་ཆོག་པའི་རྐྱེན་གྱིས་མིན་ནམ་སྙམ་ཅེས་བོད་ནང་གི་འབྲེལ་ཡོད་མི་སྣས་བཤད་ཡོད་འདུག ད་དུང་གསལ་བཤད་ཞུ་རྒྱུ་ཞིག་ལ། ཐེངས་འདིར་སློབ་མ་ ༡༥ དེ་མ་གཏོགས། མི་དམངས་མཉམ་ཞུགས་བྱས་མེད་ལ། སྐད་འབོད་མགོ་བཙུགས་མ་ཐག་ཉེ་འཁོར་གྱི་བོད་དང་རྒྱ་མིའི་ཟ་ཁང་དང་ཚོང་ཁང་རྣམས་སྒོ་བརྒྱབ་ཡོད་འདུག་ལ། སློབ་མ་ཚོས་ཚོང་ཁང་དང་ཟ་ཁང་དེ་དག་གི་སྒོ་ཁར་ཁ་བཏགས་རེ་བཏགས་འདུག་ཟེར། མཐའ་མ་དེར་རྫོང་མི་རིགས་སློབ་འབྲིང་གི་དགེ་རྒན་རྣམས་ཀྱིས་ཞུ་བ་བྱས་པ་ལྟར། སློབ་ཕྲུག་ཚོས་སྐད་འབོད་མཚམས་འཇོག་བྱས་ཡོད་ཚུལ་འདུག ཡིན་ཡང་། ད་ལྟའི་ཆར་སློབ་གྲྭ་ཡོངས་སུ་བསྐོར་ཡོད་ནའང་། སློབ་མ་ཚོར་འཛིན་བཟུང་དང་ཉེས་རྡུང་གི་གནས་ཚུལ་ཅི་བྱུང་ཤེས་ཡོད་མི་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བློ་སྟོབས་ཆེ་བའི་སློབ་ཕྲུག་ཚོ་ང་ཚོའི་ནམ་ཡང་གུས་འདུད་དང་ཡིད་སྨོན་ཞུའོ།
གཞིས་ལུས་རྒྱ་ཆེ་མི་དམངས་རྒྱལ་གྱུར་ཅིག བོད་གཞིས་བྱེས་མྱུར་དུ་ལྷན་འཛོམས་ཡོང་བར་ཤོག
ང་ཚོ་ལ་རྒྱལ་ཁབ་མེད་ན་ཇི་འདྲའི་་་་་་་་་་་་་་
དངོས་གནས་ཡ་མཚན་རེད་་་་་ད་ཡང་རྒྱ་ནག་ལ་ལས་ཀ་བྱུང་སོང་བ་རེད་་་་་འབུ་འབུ་བསལ་བསལ་བྱས་ནས་འཛིན་རྒྱུ་རེད་ཡ
འདི་ལྟ་བུའི་ཡར་ལང་དང་ངོ་རྒོལ་སོགས་གང་ཞིག་བྱུང་བ་ཡིན་ན། གནས་ཚུལ་ངོ་སྤྲོད་དང་མཉམ་དུ་འདྲ་པར་ཁ་ཤས་བཞག་རྒྱུ་ཧ་ཅིང་གལ་ཆེ་སྙམ། དེ་ནི་དེང་སང་འཛམ་གླིང་སྤྱིའི་འགྲོ་སྟངས་ཞིག་ཡིན། གནས་ཚུལ་དང་མཉམ་དུ་འདྲ་པར་མེད་ན་དེ་འདྲའི་མཐོང་ཆེན་མེད། གསར་འགོད་པ་ཚོ་འདྲ་པར་ཁ་ཤས་ཐོག་ལ་བཞག་རོགས་ཞུ།
ང་ཚོ་བོད་པའི་ལས་དབང་ལ་སྙིང་རྗེས་གཟིགས་དང་།་་་དཀོན་མཆོག་མཁྱེན།་་་་ལྷ་ཆོས་སྐྱོང་སྲུང་མ་ཡོད་དམ།
ཐུགས་རྗེ་ཆེ། གངས་ཅན་ཨ་མའི་ནུ་ཞོས་གསོས་པའི་བུ་རྒོད་ཟེར་ན་དེ་འདྲ་ཞིག་ཡིན་ལོས་དགོས། ཨ་མའི་བུ། ཨ་མའི་བུ་རྒོད་ཚོ།
རིགས་ཞེན་དང་ལ་རྒྱ་འདུག་བསམས་ནས་དགའ་ཚོར་བྱུང་། ད་ཁོང་ཚོས་མནར་གཅོད་མྱོང་གི་རེད་བསམས་ནས་སྐྱོ་བ་སྐྱེས། དེ་རིང་གི་མིག་ཆུ་འདི་ཚོར་བ་གང་འདྲ་ཞིག་ལས་བྱུང་བ་དངོས་གནས་བཤད་དཀའ་གི།
མི་རིགས་ཀྱི་་་ཞེས་བཅོས
ཕ་ཡུལ་རྨ་ཆུའི་ངོ་སོ་ཡར་ལ་བསྟོད། རྨ་ཆུ་བ་་་་་་་་ཐུགས་རྗེ་ཆེ་་་་་་་མི་མཐུན་ནས་མདུན་སྤྱོད་བྱོས་དང་ཁྱོད་ཀྱི་སེམས་ཁུངས་སུ་རིག་གྱི་ལ་རྒྱ་ཡོད་ཕྱིར་་་་་་་ཁྱེད་ཀྱིས་མགོན་སྐྱབས་ལ་རིན་བྲལ་གྱི་༧་སྐྱབས་མགོན་ཡོད།
རྒྱ་གཞུང་འདིའི་བྱེད་སྟངས་ངོ་མའི་དགོད་སྤྲོ་བོ་ཞིག་རེད
མེ་གསོད་ཆེད་དུ་སྣུམ་བླུགས་གི་འདུག བློ་མ་ཕམ་རྒྱལ་ཞེན་པ་ཚོ་་་་་ནམ་ཞིག་ལྷན་འཛོམས་ཀྱི་དུས་བཟང་ཤར་ངེས་ཡིན།།
གྲོགས་བློ་བཟང་ནས་བཤད་འདོད་པས་སྐད་ཆ་དུམ་བུ་ཞིག
བཙན་འོག་ནས་ནམ་ཡང་ཞི་བདེ་ཡོང་གི་མ་རེད། རྒྱ་གཞུང་གིས་ཅི་ཙམ་གྱིས་དྲག་གནོན་བྱས་ན་དེ་ཙམ་གྱིས་བོད་མིས་ངོ་རྒོལ་བྱེད་ཁོ་ཐག་རེད། གཞིས་ལུས་རྒྱ་ཆེ་མི་དམངས་རྒྱལ་གྱུར་ཅིག བོད་གཞིས་བྱེས་མྱུར་དུ་ལྷན་འཛོམས་ཡོང་བར་ཤོག
ཁ་སང་སུམ་ཅུ་དུས་དྲན་ཡས་མས་སུ་བོད་ཀྱི་ས་ཁུལ་ཁག་དང་། དེ་བཞིན་རྒྱ་ནག་ཁྲོན་ཏུ་སོགས་སུ་བོད་རིགས་ཡིན་ནས་བཟུང་དྲི་བ་དང་ཞིབ་གཤེར་དངོས་སུ་བྱས་འདུག
གནས་སྐབས་རིང་བྲོས་མཐར་བ་ཡག་པོ་རེད།ཡིན་ནའང་རྒྱ་སྤྲང་དེ་ཚོས་མཐར་བ་གཏང་ཨེ་ཡོང་།ལ་རྒྱ་ཆེ་བའི་སློབ་ཕྲུག་དེ་ཚོ་ལ་གུས་ཞབས་དང་བཀའ་དྲིན་ཆེའོ་ཞུ་རྒྱུ་ལས་ྱེད་ཐབས་མི་འདུག།
ཁ་བའི་འོག་གི་མེ་ལྕེ་དང་ས་ནག་འོག་གི་ཆུ་མིག་བཞིན་མར་མནན་ན་ཡར་འབུར་ཡོང་ག
དངོས་གནས་ཐབས་ལམ་ཅན་རིག་རྒོད་ཅན། འདུན་པ་ཅན། བློ་ཁོག་ཅན་རེད། ནམ་ཡང་གུས་དུད་ཡིད་སྨོན་ཤོར།